Karagdagang Resources

Lahat ng resources na ito ay matatagpuan sa Gospel Library app at sa ChurchofJesusChrist.org.

Mga Himno at Aklat ng mga Awit Pambata

Ang sagradong musika ay nag-aanyaya sa Espiritu at nagtuturo ng doktrina sa isang paraan na madali itong matandaan. Bukod pa sa mga print version ng Mga Himno at Aklat ng mga Awit Pambata, makakakita ka ng mga audio at video recording ng maraming himno at awiting pambata sa music.ChurchofJesusChrist.org at sa LDS Music app.

Mga Magasin ng Simbahan

Ang mga magasing Ang Kaibigan, New Era, Ensign, at Liahona ay may mga kuwento at aktibidad na makadaragdag sa mga alituntuning itinuturo mo mula sa Pumarito Ka, Sumunod Ka sa Akin—Para sa mga Indibiduwal at Pamilya.

Mga Kuwento sa Aklat ni Mormon

Ang Mga Kuwento sa Aklat ni Mormon ay makakatulong sa mga bata na matutuhan ang doktrina at mga kuwentong matatagpuan sa Aklat ni Mormon. Makakakita ka rin ng mga video ng mga kuwentong ito sa Gospel Library app at medialibrary.ChurchofJesusChrist.org.

Mga Manwal sa Seminary at Institute

Ang mga manwal sa seminary at institute ay nagbibigay ng mga impormasyon sa kasaysayan at komentaryo tungkol sa doktrina para sa mga alituntunin at salaysay na matatagpuan sa mga banal na kasulatan.

Media Library

Ang mga likhang-sining, video, at iba pang media ay makakatulong sa iyo at sa inyong pamilya na ilarawan sa inyong isipan ang doktrina at mga kuwentong matatagpuan sa Aklat ni Mormon. Bisitahin ang medialibrary.ChurchofJesusChrist.org para ma-browse ang koleksyon ng mga media resource ng Simbahan, kabilang na ang Book of Mormon video collection, na nagpapakita ng mga pangyayari sa Aklat ni Mormon. Makukuha rin ang Media Library bilang isang mobile app.

Mga Paksa ng Ebanghelyo

Sa topics.ChurchofJesusChrist.org matatagpuan mo ang pangunahing impormasyon tungkol sa iba’t ibang paksa ng ebanghelyo, pati na ang mga link sa makakatulong na resources, tulad ng kaugnay na mga mensahe sa pangkalahatang kumperensya, artikulo, banal na kasulatan, at video. Matatagpuan mo rin ang Gospel Topics Essays, na nagbibigay ng detalyadong mga sagot sa mga tanong tungkol sa ebanghelyo.

Tapat sa Pananampalataya

Kung kailangan mo ng karagdagang tulong para maunawaan ang mga pangunahing alituntunin ng ebanghelyo, isiping maghanap sa Tapat sa Pananampalataya. Ang resource na ito ay binubuo ng isang alpabetikong listahan ng mga paksa ng ebanghelyo na ipinaliwanag sa mga simpleng kataga.