“Vakayagataki ni Lako Mai, Mo Muri Au—Me Baleti Ira na Tamata Yadua kei na Matavuvale,” Lako Mai, Mo Muri Au—Me Baleti Ira na Tamata Yadua kei na Matavuvale: Vola i Momani 2020 (2020)
“Vakayagataki ni Lako Mai, Mo Muri Au—Me Baleti Ira na Tamata Yadua kei na Matavuvale,” Lako Mai, Mo Muri Au—Me Baleti Ira na Tamata Yadua kei na Matavuvale: 2020
Vakayagataki ni Lako Mai, Mo Muri Au—Me Baleti Ira na Tamata Yadua kei na Matavuvale
E Baleti Cei Na iVurevure Oqo?
Na ivurevure oqo e baleta na tamata yadua kei na matavuvale ena Lotu. E sa caka mai me vukei iko nomu vulica na kosipeli—ke o vulica duadua se iratou na nomu matavuvale. Kevaka o sega ni se vulica wasoma na kosipeli ena gauna sa oti, na ivurevure oqo ena vukei iko mo tekivutaka. Kevaka e sa dua tiko na nomu ivakarau vinaka ni vulica na kosipeli, na ivurevure oqo ena rawa ni vukei iko me vakaibalebale vakalevu cake na veika o sotava.
Meu na Vakayagataka Vakacava na iVola Oqo?
Vakayagataka na ivola ena sala cava ga o nanuma ni veivuke vei iko. O na kunea ni veivuke vakalevu me idusidusi se ivukevuke ni vuli yadua se vakavuvale. E rawa talega ni o vakayagataka me baleta na lotu vakavuvale. Na idusidusi oqo e vakavotuya mai na ivakavuvuli bibi e kune ena Vola i Momani, vakatura na vakasama eso ni itaviqaravi ni tamata yadua kei na vuvale, ka vakarautaka na vanua me volai kina na nomu vakasama eso.
O iko kei na nomu vuvale dou sa na vulica wasoma tiko beka na kosipeli. Me kena ivakaraitaki, e rairai ko sa wilika tiko na ivolanikalou ka sega ni iVola i Momani me baleta e dua na kalasi ni semineri kei na inisitute. Lako Mai, Mo Muri Au e sega ni nakiti me sosomitaka se veisisivi kei na veika vinaka o sa cakava rawa tiko. E tiko beka na sala mo vuli mai na iVola i Momani vakawasoma ka rawata talega na lalawa ni vulici ni dua tale na ivolanikalou. Me ivakaraitaki, o na vinakata beka mo wilika tikoga na ivolanikalou ena gauna ni nomu vuli vakataki iko ka qai wilika na iVola i Momani kei na nomu vuvale (se veisau). Muria na veidusimaki ni Yalotabu mo kila kina na iwalewale ni nomu vulica na vosa ni Kalou.
E Veisemati Vakacava na iVurevure Oqo kina Veika e Yaco e Valenilotu?
Na idusidusi ni ivola oqo e tuvai ena ituvatuva ni wiliwili ena veimacawa. Lako Mai, Mo Muri Au—Baleta na Lalai kei na Lako Mai, Mo Muri Au—Baleta na Matawilivola ni Sigatabu vakamuria na ituvatuva vata ga. Me tokoni na nomu sasaga ni vulica ka bulataka na kosipeli e vale, ena solia vei iko o nomu qasenivuli e valenilotu na gauna mo wasea na veika o sotava, vakanananu, kei na taro me baleta na ivolanikalou o sa vulica tiko e vale.
Baleta ni vakavulici ga vakarua ena dua na vula na Matawilivola ni Sigatabu, sa rawa ni digitaka na qasenivuli ni Matawilivola ni Sigatabu me ladi lesoni se ra cokota vata na lesoni me veisotari tiko kena ituvatuva vakamacawa. Ena vaka talega oqo ena macawa e sega ni yaco na soqoni ni lotu me baleta na koniferedi ni teki se eso tale beka. Ena veimacawa oqo o sa sureti mo tomana tikoga nomu vulica na iVola i Momani e vale.
E Gadreva Beka Meu Vakamuria na iTuvatuva?
Ena vukei iko na ituvatuva oqo mo wilika vakaoti na iVola i Momani ni sa cava na yabaki. Me kena ikuri, ni o vakamuria na ituvatuva vata kei eso tale ena nomu tabanalevu sa rawa ni vakavuna me vakaibalebale cake kina na veika ni sotava ena lotu. Ia mo kua ni dregati iko ki na ituvatuva, e dua walega na idusidusi me vukei iko. Na ka e bibi ni o vulica na kosipeli ena nomu vuvale vakakina me vakataki iko.