“M̧aaj 1–7. Katak im Bujen Ko 20–22: ‘Wanlōn̄tak eo an Kabun̄ eo an Kraist,’” Itok, Ļoor Eō—N̄an Kajjojo Armej im Baam̧le ko: Katak im Bujen Ko 2021 (2020)
“M̧aaj 1–7. Katak im Bujen Ko 20–22,” Itok, Ļoor Eō—N̄an Kajjojo Armej im Baam̧le ko: 2021
Mweo Im̧ōn Peter Whitmer, jān Al Rounds
M̧aaj 1–7
Katak im Bujen Ko 20–22
“Wanlōn̄tak eo an Kabun̄ eo an Kraist”
Ilo am̧ riiti Katak im Bujen Ko 20–22, m̧ōņōņō in bōk im̧we ko an Jetōb Kwojarjar eo. Ļōmņak in ļo̧o̧ki bwe kwon maron̄ bar ro̧o̧l n̄ani.
Je En̄jaake ko Rej Im̧we Eok
Jerbal in ukook eo an Rikanaan Josep Smith an Bok in Mormon eo eaar kiiō dedeļo̧k. Bōtaab jerbal eo an Jepļaaktok eo ej kab baj tōn ijjino. Eaar alikkar jān revelesōn ko im̧aanļo̧k bwe n̄an kakobaba n̄an jepļaaktok eo an katak ko im mālim eo an priesthood, Irooj eaar kōņaan kōjepļaaktok doulul eo ejetjet—Kabun̄ eo An (lale Katak im Bujen Ko 10:53; 18:5). Kōn menin ilo Eprōļ 6, 1830 eo, elōn̄ļo̧k jān 40 rūtōmak ro raar kuktok n̄an lowaan em̧ aļaļ eo im̧ōn baam̧le eo an Whitmer ilo Fayette, New York, n̄an kam̧ool doulul eo an Kabun̄ eo an Jisōs Kraist.
Jekdoon, jet armej rej ļōmņak, etke ejaak an juon Kabun̄ eaar menin aikuj? Uwaak eo maron̄ loe, jidikin, ilo revelesōn ko raar ekkejel ippān kweilo̧k eo im̧aan tata an Kabun̄ in ilo 1830 eo. En̄in, kōjeraam̧m̧an ko kar kōmeļeļeik bwe eban kar maron̄ pidodo eļan̄n̄e Kabun̄ eo em̧ool an Jisōs Kraist eban kar “karōk kobban im kajutake” ilo raan ko āliktata (Katak im Bujen Ko 20:1).
Lale bōrāinwōt Saints, 1:84–86, im “Build Up My Church,” Revelations in Context, 29–32.
Ļōmņak ko n̄an Ekkatak Jeje ko Rekwojarjar Ippam̧ Make
Kabun̄ eo an Jisōs Kraist im Armej ro Rekwojarjar ilo Raan-ko Āliktata ej pedped ioon katak ko rem̧ool.
Jekjōn 20 ej kwaļo̧k kadkad in āinwōt juon“revelesōn kōn ekkar eo an Kabun̄ im wāween tōl ie” (kōmeļeļe eo an jekjen eo). Bōtaab m̧okta jān kōmeļeļeik ilo tukadu in kakien ko an Kabun̄ in, opiij ko an priesthood eo, im wāween ko n̄an kōm̧m̧ane kain̄i ko, revelesōn in ej ijjino kōn katakin pedped m̧oktata an katak eo. Ilo am̧ riiti eoon ko 36 im̧aan tata an revelesōn in, kajjitikin eok make etke emaron̄ in kar aikuj. Komaron̄ barainwōt kōm̧m̧ane juon laajrak in m̧ool ko an gospel kwoj loi. Erkein rej jet waanjon̄ak ko ralikkar:
-
Bok in Morrmon im jerbal eo an ilo Jepļaaktok eo (eoon 8–12)
-
Lukkuun piktok in Anij (eoon17–19)
-
Pinmuur eo an Jisōs Kraist (eoon 20–27)
Etke m̧ool kein raar aorōk n̄an kōmejajaiki ke Kabun̄ in ekar ejaak?
Katak im Bujen Ko 20:37, 75–79
Kain̄i ko rekwojarjar rej juon m̧ōttan eaorōk an Kabun̄ eo kar kōjepļaaktok.
Ke Kabun̄ in eaar ejaak, Irooj eaar katakin Armej ro Rekwojarjar An kōn kain̄i ko rekwojarjar, ekokba peptaij im kwojkwoj eo. Ilo am̧ riiti naan in kōmeļeļe ko “kōn wāween peptaij” ilo eoon 37, ļōmņak kōn peptaij eo am̧ make. Ekar wōr ke ippam̧ jabdewōt kain en̄jaake ko kar kōmeļeļeik ilo eoon in? Repād ke ippam̧ kiiō? Kōjekļo̧kjeņ kōn ta eo komaron̄ kōm̧m̧an n̄an kōkajoor wōt “pen in bōro n̄an jerbal n̄an [Jisōs Kraist] n̄an jem̧ļo̧kin.”
Ilo am̧ riit kōn kwojkwoj eo ilo Katak im Bujen Ko 20:75–79, kajjieon̄ n̄an riiti jar kein rekwojarjar jān kōļmenļo̧kjeņ eo an juon eo ejkab kein kajuon an ron̄jaki. Ta ļōmņak ko kwoj būki kōn kwojkwoj eo? kōn kwe make? Ekōjkan an ļōmņak kein maron̄ jelet wāween am̧ m̧aanjabpopo n̄an bōk kwojkwoj eo wiik in?
Kwojkwoj eo ej juon kain̄i ekwojarjar.
Jerbal in jipan̄ an priesthood eo ekōjeraam̧m̧an ro uwaan Kabun̄ in im baam̧le ko aer.
Eļan̄n̄e jabdewōt ekar kajjitōk ippam̧ n̄an kwaļo̧k eddo ko an juon rikabwijer priesthood eo, ta eo kwonaaj kar ba? Riiti Katak im Bujen ko 20:38–60, eo ej kōllaajrak eddo ko an opiij ko roktak an priesthood eo. Ewōr ke jabdewōt ilo eoon kein rej ukōt wāween am̧ ļōmņak kōn eddo ko an priesthood eo im ekōjkan an Rilo̧mo̧o̧r eo kōm̧m̧ane jerbal eo An? Ekōjkan am̧ kar jeraam̧m̧an jān jerbal eo kar kōmeļeļeik ilo eoon kein?
N̄an ekkatak kōn ekōjkan an kōrā ro kōjerbal mālim in priesthood eo ilo jerbal eo an Kabun̄ in, lale Dallin H. Oaks, “The Keys and Authority of the Priesthood,” Ensign ak Liaona, Māe 2014, 49–52.
Kabun̄ eo an Jisōs Kraist ej tōl jān juon rikanaan emour.
Ta eo kwoj ekkatak jān Katak im Bujen Ko 21:4–9 kōn naan ko an rikanaan ro an Irooj? Ļōmņak kōn kallim̧ur ko kar kōmļeļeik ilo eoon 6 n̄an ro me rej bōk naan eo an Irooj kōn rikanaan eo An. Ta meļeļe in kallim̧ur kein n̄an eok?
Ekōjkan am̧ maron̄ bōk naan eo an rikanaan eo emour “āinwōt n̄e jān lo̧n̄iin [Anij] make”? (eoon 5). Ta ko̧o̧njeļ eo rikanaan eo rainin ekar letok me emaron̄ tōlļo̧k n̄an kōjeraam̧m̧an ko kar kallim̧ur kaki eoon 6?
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota
-
Katak im Bujen ko 20.Ta eo jenaaj kar ba eļan̄n̄e juon ekar kajjitōk etke jej aikuji Kabun̄ in? Ta uwaak ko jej loi ilo Katak im Bujen ko 20? Lale barainwōt D. Todd Christofferson, “Why the Church,” Ensign ak Liaona, Nob. 2015, 108–11.
-
Katak im Bujen ko 20:69.Ta meļeļe in n̄an “[etetal] ilo weeppān im̧aan Irooj”? Emaron̄ in kaitoktok limo n̄an ro uwaan baam̧ļe eo n̄an jin̄a ak je ioon juon m̧ōttan peba jet men ko me remaron̄ jipan̄ er etetal ilo weeppān ak men ko me remaron̄ kōm̧ad er jān kōm̧m̧ane āindein. Innām remaron̄ ejaake juon iaļ kōjerbal peba ko im kajjieon̄ etetal ioon iaļ eo, etetal wōt ioon pija ko me renaaj bōkļo̧k er n̄an Kraist.
-
Katak im Bujen ko 20:37, 71–74.Eļan̄n̄e juon ilo baam̧ļe eo am̧ ejjan̄in de kar peptaij, eoon kein remaron̄ tōlļo̧k n̄an juon ekōnono kōn ekōjkan n̄an m̧aanjabpopo n̄an peptaij (lale eoon 37) im ekōjkan an peptaij ko kōm̧m̧an (lale eoon 71–74). Ro uwaan baam̧ļe eo remaron̄ kwaļo̧k pija ko ak emeemļo̧kjeņ ko jān raan in peptaij eo aer.
-
Katak im Bujen ko 20:75–79.Ekōjkan an baam̧le eo am̧ maron̄ kōjerbal eoon kein n̄an m̧aanjabpopo n̄an, en̄jaake ko reuteij ippān kwojkwoj eo?? Eoon kein remaron̄ elmakoti men ko kwomaron̄ kōjekļo̧kjeņ kaki ilo iien kwojkwoj eo, im ro uwaan baam̧le eo remaron̄ kappukōt ak jin̄aik pija ko kōn men kein. N̄e ejetjet, komaron̄ bōktok pija kein n̄an kweilo̧k in kwojkwoj eo am̧ tok juon āinwōt juon kakeememej kōn ta eo n̄an ļōmņak kake ilo iien kwojkwoj eo.
-
Katak im Bujen Ko 21:4–7.Ļōmņak in kūr ro uwaan baam̧le eo n̄an kappukōt naan ko im eoon ko ilo eoon ko 4–5 me ej katakin kōj kōn ļoor rikanaan eo an Irooj. Ta meļeļe in n̄an bōk naan ko an rikanaan eo ilo kijenmej? ilo tōmak? N̄aat eo jaar bōk kōjeraam̧m̧an ko kar kallim̧ur kaki ilo eoon 6?
Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Al eo kar elmakote: “The Church of Jesus Christ,” Children’s Songbook, 77.
Kōkōm̧anm̧anļo̧k Ad Katakin
Ļoor mour eo an Rilo̧mo̧o̧r eo. “Kajoor eo an Rilo̧mo̧o̧r eo n̄an katakin im ļōn̄aj ro jet eaar itok jān wāween An kar mour im kar kain armej rōt E. An ļapļo̧k am̧ niknik kajjieon̄ n̄an mour āinwōt Jisōs Kraist, enaaj ļapļo̧k am̧ maron̄ katakin āinwōt E” (Teaching in the Savior’s Way”, 13).
Olivery Cowdery ej Kapit Josep Smith, jān Walter Rane