Napateg iti Puso ti Pastor, ni Simon Dewey

Hunio 28–Hulio 4

Doktrina ken Katulagan 71–75

“Awan ti Armas a Maaramid a Maibusor Kenka a Rumang-ayto”

Insuro ni Elder Quentin L. Cook, “Masansan unay a maibuyog iti impluensia ti Espiritu Santoti bukod a panagadal iti nasantuan a kasuratan ken panagkararag iti pagtaengan” (“Deep and Lasting Conversion to Heavenly Father and the Lord Jesus Christ,”,” Ensign wenno Liahona, Nob. 2018, 10).

Isuratmo dagiti Impresionmo

Manipud pay idi ubing, naipasangon ni Joseph Smith kadagiti kritiko—uray pay dagiti kabusor—bayat ti panangpadasna nga aramiden ti trabaho ti Dios. Ngem nalabit a makapaluksaw iti udi ti 1831 idi rinugian ni Ezra Booth a dillawen ti Simbaan iti publiko, gapu ta iti daytoy a kasasaad sigud a mamatpati ti kritiko. Naimatangan ni Ezra nga inaramat ni Joseph ti bileg ti Dios a mangpaimbag iti maysa a babai. Naawis isuna a mangkuyog ken ni Joseph iti umuna a panang-survey iti daga ti Zion iti Missouri. Ngem manipud pay idi napukawna ti pammatina ken, iti gandatna a mangperdi iti Propeta, nangipablaak kadagiti serye dagiti surat iti maysa a pagiwarnak ti Ohio. Ket kasla nagbunga dagiti panagkagumaanna: “madi a rikna … ti naparnuay a maisupiat iti Simbaan” iti lugar (Doktrina ken Katulagan 71, paulo a benneg). Ania ti nasken nga aramiden dagiti mamatpati iti maysa a kasasaad a kas iti dayta? Idinto nga awan ti maysa nga umno a sungbat para iti tunggal kasasaad, kasla lang masansan no dadduma—agraman iti kastoy a kasasaad idi 1831—paset ti sungbat ti Apo ti mangsalaknib iti kinapudno ken mangatur kadagiti kinaulbod babaen iti “panangikasaba [iti] ebanghelio” (bersikulo 1). Wen, kanayon nga addanto dagiti agdillaw iti aramid ti Apo, ngem iti udina, “awan ti armas a naaramid a maibusor iti [daytoy] a rumang-ayto” (bersikulo 9).

Kitaen iti “Ezra Booth and Isaac Morley,” Revelations in Context, 134.

Dagiti Kapanunotan para iti Bukod a Panagadal iti Nasantuan a Kasuratan

Doktrina ken Katulagan 71

Tikawento ti Apo dagiti mangdillaw iti aramidna iti bukodna a panawen.

Mabalin a maseknantayo no mangngegantayo dagiti tao a mangdildillaw wenno mangum-umsi iti Simbaan wenno dagiti liderna, nangnangruna no mabutengtayo a maimpluensiaanto dagiti tao nga am-ammo ken ipatpategtayo iti dayta a panagdillaw. Idi napasamak ti isu met la ka maysa a banag iti Ohio idi1831 (kitaen ti paulo ti benneg iti Doktrina ken Katulagan 71), ti mensahe ti Apo kada Joseph Smith ken Sidney Rigdon ket agaykaysa iti pammati, saan a panagbuteng. Bayat ti panagadalmo iti Doktrina ken Katulagan 71, ania ti masarakam a mangpatibker iti pammatim iti Apo ken iti aramidna? Ania ti makaawis kenka maipapan ti panangiturong nga inted ti Apo kadagiti katulonganna iti daytoy a situasion?

Kitaen met iti Robert D. Hales, “Christian Courage: The Price of Discipleship,” Ensign wenno Liahona, Nob. 2008, 72–75; Jörg Klebingat, “Defending the Faith,” Ensign, Sept. 2017, 49–53.

Doktrina ken Katulagan 72

Dagiti bishop ti agaywan kadagiti naespirituan ken temporal nga aramid a pakaseknan iti pagarian ti Apo.

Idi naawagan nga agserbi ni Newel K. Whitney kas maikadua a bishop ti Simbaan, adda bassit paggiddiatan dagiti pagrebbenganna kadagiti pagrebbengan dagiti agdama a bishop ita. Kas pagarigan, inaywanan ni Bishop Whitney ti panangted-pateg dagiti sanikua ken pammalubos nga agnaed iti Missouri, iti daga ti Zion. Ngem bayat iti panangbasam maipapan iti takem ken dagiti pagrebbenganna iti Doktrina ken Katulagan 72, mabalin a madlawmo ti sumagmamano a koneksion iti no ania ti ar-aramiden dagiti bishop ita—uray iti kaipapanan, no saan a dagiti nalawag, dagiti pagrebbenganda. Kas pagarigan, iti ania a wagas a “mangidatag[ka] iti pakaammuan” iti bishopmo? (bersikulo 5). Iti ania a kaipapanan a ti bishopmo ti “mangsaluad iti pagidulinan ti Apo” ken mangimaton kadagiti panangted-pateg dagiti miembro ti ward? (kitaen kadagiti bersikulo 10, 12). Kasano a natulongannaka ti maysa a bishop?

Kitaen met iti Gospel Topics, “Bishop,” topics.ChurchofJesusChrist.org.

Inmatonan ni Newel K. Whitney ti pagidulinan ti bishop.

Doktrina ken Katulagan 73

Maaddaannak kadagiti gundaway a mangibinglay iti ebanghelio.

Kalpasan a nagsubli da Joseph Smith ken Sidney Rigdon manipud iti nabiit a mision a panangasabada tapno matarimaan ti sumagmamano a dinadael ni Ezra Booth (kitaen iti Doktrina ken Katulagan 71), imbaga ti Apo kadakuada nga agsublida iti aramid a panagipatarus iti Biblia (kitaen iti Bible Dictionary, “Patarus ni Joseph Smith”). Ngem kayatna met ida nga agtultuloy a mangasaba iti ebanghelio. Bayat ti panangbasam iti Doktrina ken Katulagan 73, ibilangmo no kasano a makapagtultuloyka kadagiti panangikasabam iti ebanghelio, “no mabalin” (bersikulo 4)—wenno napaypayso—a paset ti biagmo dagiti dadduma pay a pagrebbengam.

Doktrina ken Katulagan 75:1–12

Bendisionan ti Apo dagiti napudno a mangipakdaar ti ebangheliona.

Ti panangresponde iti bilin nga “inkayo iti amin a lubong” a mangikasaba iti ebanghelio (Doktrina ken Katulagan 68:8), adu dagiti napudno nga elder ti nagkalikagum a manggun-od iti nayon nga impormasion maipapan no kasano a kinayat ti Apo a maipatungpalda daytoy a bilin. Ania dagiti balikas ken ragup dagiti balikas a masarakanyo iti Doktrina ken Katulagan 75:1–12 a mangtulong kenka a makaawat no kasano a maikasabam ti ebanghelio a sisasamay? Ania dagiti bendision nga ikari ti Apo kadagiti napudno a misionario? Ibilang no kasano mayaplikar kenka dagitoy a pangiturong ken bendision bayat ti panangibinglaymo iti ebanghelio.

Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening

Doktrina ken Katulagan 71.Ania ti naidawat nga aramiden da Joseph Smith ken Sidney Rigdon idi dildillawen dagiti dadduma ti Simbaan ken dagiti liderna? Kasano nga “isagana[tayo] ti dalan” para kadagiti tao nga umawat iti paltiing ti Dios? (Doktrina ken Katulagan 71:4).

Doktrina ken Katulagan 72:2.Kasano a binendisionan dagiti bishop ti pamiliatayo? Ania ti indawat ti bishoptayo nga aramidentayo ken kasano a makanunongantayo isuna? Nalabit a mabalin nga aramiden ti pamiliam iti maysa a kard nga agyamyaman iti bishopyo iti panagserbina.

Doktrina ken Katulagan 73:3–4.Pagimbagan kadi ti pamiliam manipud iti panagsursuro maipapan iti Patarus ni Joseph Smith iti Biblia? (kitaen iti Bible Dictionary, “Patarus ni Joseph Smith”). Mabalinmo ti agsukisok iti sumagmamano a binatog a nabaliwan iti Patarus ti Joseph Smith ket paglilinnawagan dagiti napapateg a kinapudno nga impalgak ti Apo babaen ti Propeta. Para iti sumagmamano a pagarigan, kitaen iti Patarus ni Joseph Smith Genesis 14:25–40 ken Genesis 50:24–38 iti Bible appendix; nadumaduma a footnote iti Mateo 4:1–11; ken Lucas 2:46, footnote c.

Doktrina ken Katulagan 74:7.Ania iti isuro kadatayo daytoy a bersikulo maipapan ken ni Jesucristo ken dagiti babassit nga ubbing?

Doktrina ken Katulagan75:3–5, 13, 16.Mabalinmo a tulongan ti pamiliam a mangipaawat no kasano ti kayat ti Apo a panangserbitayo Kenkuana babaen iti panangisaritam maipapan ti paggiddiatan ti panagbalin a “sadut” ken “[panag]trabaho iti kabaelan[tayo].” Nalabit a mabalinmo ti pumili iti sumagmamano nga aramiden iti balay ket awisem dagiti miembro ti pamilia a mangipakita iti sisasadut a panangaramid kadagitoy a trabaho ket kalpasanna iti amin a pigsada. Kasano a makapagpagserbitayo iti Apo iti amin a pigsatayo? Segun iti Doktrina ken Katulagan 75:3–5, 13, 16, ania ti ikarina kadagiti napudno a katulonganna?

Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.

Naisingasing a kanta: “Let Us All Press On,” Hymns, no. 243.

Panangpadur-as iti Bukod a Panagadal

Sapulem dagiti makaparegta a balikas ken ragup dagiti balikas. Bayat ti panagbasam, mabalin a mangisangbay ti Espiritu iti imatangmo dagiti masinunuo a balikas wenno ragup dagiti balikas. Ibilangmo ti panangisurat kadagiti balikas wenno ragup dagiti balikas manipud iti Doktrina ken Katulagan 71–75 a mangparegta kenka.

Panangiladawan ti agtutubo a lalaki a kadua ti maysa a lider ti priesthood ni D. Keith Larson