“Turai 12–18. Reirei ao Berita aika Tabu 77–80: ‘N na Kaiririko i Nanon Kawaim,’” Nakomai, Iriirai—Ibukiia Aomata n Tatabemaniia ao Utu: Reirei ao Berita aika Tabu 2021 (2020)
“Turai 12–18. Reirei ao Berita aika Tabu 77–80,” Nakomai, Iriirai—Ibukiia Aomata n Tatabemaniia ao Utu: 2021
Nakon Mweengau, iroun Yongsung Kim
Turai 12–18
Reirei ao Berita aika Tabu 77–80
“N na Kaiririko i Nanon Kawaim”
Te Uea e tuanga Iotebwa Timiti bwa E na “taekini taeka n wanawana nakon [taningana] ” (Reirei ao Berita aika Tabu 78:2). Tera taeka n rabakau aika ko karekei ngkai ko kamatebwaia Reirei ao Berita aika Tabu 77–80?
Korei Am Namakin
E kee iaan uoua te ririki imwin are kaokaki ana Ekaretia Iesu Kristo, e rikirake nakon 2,000 kaaina ao e tawe n butanako. Ni Maati 1832 e kaitibo Iotebwa Timiti ma taan kairiiri n te Ekaretia ake tabeman ni “maroroakina ana waaki te Ekaretia”: kainnanoan boreetian kaotioti, kaboan te aba ni bootaki, ao tabeakinaia aika a kainnano (taraa Reirei ao Berita aika Tabu 78, atuun te mwakoro). N tobwai kainnano aikai, te Uea e weteiia tabeman taan kairiiri n te Ekaretia bwa a na katea te kurubu ae inanoi, te kurubu are e na reita aia waaki n “karikirakea ana waaki” te Uea (te kibu 4) n taabo aikai. Ma inanon naba waaki ni kairiiri, te Uea e katuruturua ana taratara iaon baika akea tokiia. N tokina, oin bukin te tabo n booreeti ke te auti ni kaikobwai—n aron bwaai nako n abanuean te Atua—e na katauraoiia Natina n karekea “te tabo n te aonaaba ae te tiretio” ao “te kaubwai are akea tokina” (kibu 7, 18). Ao ngkana kakabwaia akanne e kaangaanga te oota iai ngkai, i buakon tabetaben te maiu ni kaota bong, E karaui nanora, “Kukurei, bwa N na kaiririko i nanon kawaim” (kibu 18).
Iango ibukin te Kamatebwai i bon Iroum ni Koroboki aika a Tabu
Te Atua e kaoti Ana bwai aika a raba nakoia naake a ukoukora ataakia.
Tebwi ma uoua te ririki imwin te Moan Kaotioti, te kaokao are n Iakobo 1:5 n “butiia te Atua” e reitinako n kaira Iotebwa Timiti n te tai are akea iai ana wanawana. Ngke ngaia ma Sidney Rigdon iai aia titiraki ibukin te boki ae Te Kaotioti ngke a mwakuri iaon rairan te Baibara ae kairaki, E teimatoa Iotebwa n ukora te wanawana mairoun te Atua. Ngkai ko wareka Reirei ao Berita aika Tabu 77, iangoa korean am noonori inanon mwakoro ake a irekereke n te boki ae Te Kaotioti.
N reita aei, iangoia bwa ko na kanga n ira ana katooto te Burabeti ae Iotebwa ngkana ko kamatebwai ni koroboki aika tabu. Ko kona n butiia Tamara are i Karawa, “Tera ae I riai n oota iai?”
Rairan te Baibara, iroun Liz Lemon Swindle
Tera te Botaki n Mwakuri ae Inanoi?
Te Botaki ni Mwakuri ae Inanoi e kateaki bwa e na tararuai baike e boreetii te Ekaretia ao waaki n bitineti i Ohio ao Missouri. Kaaina bon Iotebwa Timiti, Newel K. Whitney, ao tabeman taan kairiiri n te Ekaretia ake a booti aia bwai n tobwai kainnanon te Ekaretia ae rikirake. Te kananokawaki, te Botaki n Mwakuri ae Inanoi e taarau ao e kamaunaaki n 1834 ngke e a kaangaanga tararuaana.
Taraa naba “Newel K. Whitney and the United Firm,” Revelations in Context, 142–47; “United Firm,” Church History Topics, ChurchofJesusChrist.org/study/church-history.
Reirei ao Berita aika Tabu 78:1–7
I kona n “karikirarakea ana waaki” te Ekaretia.
Te Uea e tuanga Iotebwa Timiti ao taan kairiiri n te Ekaretia ake tabeman bwa tararuaan te auti ni kaikobwai ao te tabo ni boreeti e na ibuobuoki n “karikirakea te waaki, are a tia n anga nanoia nako iai” (Reirei ao Berita aika Tabu 78:4). E na tera ae ko na taekinna n ana “waaki” te Ekaretia? Iangoa aei ngkai ko wareka Reirei ao Berita aika Tabu 78:1–7. Tao iangoan kiibu aikai a kona n roota arom n kakoroa nanon nakoam n te Ekaretia ke ni beku ibukiia am utu. E na kanga am ibuobuoki n “karikirakea ana waaki” te Uea? E kanga ni katauraoiko nakon “am tabo n te aonaba ae te tiretio”? (te kibu 7).
Reirei ao Berita aika Tabu 78:17–22
E na kairiirai te Uea ni kawaiu.
Ko a tia n namakinna ae titebo ngkoe ma te ataei ae uarereke, tao ibukin te bwai ae ko “tuai oota iai” ke n “aki kona n uotii”? (Reirei ao Berita aika Tabu 78:17–18). Kakaea te reirei ni kiibu aikai are e kona ni buokiko ni “kukurei” (te kibu 18) n taai akanne. Ngkoe iroum bukin tera n tabetai te Uea e araniia Ana taan iriiria bwa “ataei aika uarereke”? (te kibu 17). Ko kona naba n iangoia bwa e kanga te Uea ni “[kaiririko] ni kawaim” (kibu 18).
Reirei ao Berita aika Tabu 79–80
Te wewete ni beku ibukin te Atua e kakaawaki riki nakon te tabo are I mwakuri iai.
Ni kaeineti ma Reirei ao Berita aika Tabu 80, E reirei Unimwaane David A. Bednar, “Tao teuana te reirei ae E reireiniira te Tia Kamaiu n te kaotioti aio bwa te wewete ni beku n te tabo teuana e kainnanoaki ao e kakaawaki ma e moanibwai riki te wewete nakon te mwakuri” (“Called to the Work,” Ensign ke Riaona, Meei 2017, 68). Iangoa Nakoam n te Ekaretia ngkai ke ake mai imwaina. Tera baika a riki ake a buokiko n reiakinna bwa a koaua ana taeka Unimwaane Bednar? Tera riki taian reirei aika ko kona n kunei n Reirei ao Berita aika Tabu 79–80 ae kona ni buoka temanna are e tibwa karekea nakoana ae boou?
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Reirei ao Berita aika Tabu 77:2.Imwin warekan te kibu aio, a kona kaain te utu n korei tamnein “manin aon te aba aika katamanti, … maan aika kawakawa, … [ke] maan aika kibakiba iaon te aba” aika maten nanoia ake a karikaki iroun te Atua. Tera ae ti reiakinna man ana karikibwai te Atua man te kibu aei? (taraa naba Reirei ao Berita aika Tabu 59:16–20). Kam kona naba n anenea te kuna ae irekereke ma ana karikibwai te Atua, n aron “My Heavenly Father Loves Me” (Aia Boki n Anene Ataei, 228–29), ao kaota te korobanna are e raona te kabwarawbara aio.
-
Reirei ao Berita aika Tabu 77:14.Te kibu aio e kabwarabwara bwa Ioane e kana te boki are e tei ibukin ana mition n ikota Iteraera. Tera ae kaotia te kabotau n te amwarake iaon arora n taraa tabera n ikoikotiia Iteraera ke n karaoan bwaai ake tabeua are e tangiria te Uea bwa ti na karaoi? Aikai tabeua kiibu tabeua are e kabonganaaki iai te amwarake n reirei te koaua ae tabu: Ioane 6:48–51; 2 Nibwaai 32:3; Moronaai 4. Tao ko kona n kuukana te amwarake are a tatangiria n bootaki n amwarake n tain te marooro aio.
-
Reirei ao Berita aika Tabu 78:17–19.A kona kaain te utu n korei tamnein taian kakabwaia mairoun te Atua are a kakaitau iai. Tera ae ti karaoia n kaota ara kakaitau ibukin kakabwaia akanne? Ko kona naba n marooroakinna bwa e kanga am utu n ira te reirei are ti na butimwaai “bwaai nako ma te karabwarabwa” (kibu 19). Tera ae e berita te Uea nakoia naaka a karaoa aei?
-
Reirei ao Berita aika Tabu 79:1.Kaota am koaua n “te mwaaka” are ko a tia n karekea ngke ko katabuaki ke n katabuaki nakon te Ekaretia. Tera bwai n tituaraoi aika onoti ao te kariiri are e kakabwaiako ma ngaai te uea ngke ko beku?
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te anene ae tamaroa: “Wareki am Bwai,” Anene n Taromauri, nambwa. 241.
Kanakoraoan Ara Anga Reirei
Korea te tamnei. N ami utu, kam kona n wareki tabeua kiibu ao imwina anga te tai nakoia kaain te utu bwa a na korea tamnein te bwai ae irekereke ma are a warekia. Katei tamnei akanne n am auti n kauringa am utu n reirei ake kam a tia n reiakinii.
Ana onaroka te Atua, iroun Sam Lawlor