“Turai 12–18. Reirei ao Berita aika Tabu 77–80: ‘N na Kairiiriko inanon Kawaim,’” Nakomai, Iriirai—Ibukin te Moanrinan: Reirei ao Berita aika Tabu 2021 (2020)
“Turai 12–18. Reirei ao Berita aika Tabu 77–80,” Nakomai, Iriirai—Ibukin te Moanrinan: 2021
Okiran Mweengau, iroun Yongsung Kim
Turai 12–18
Reirei ao Berita aika Tabu 77–80
“N na Kairiiriko inanon Kawaim”
Ngkai ko kamatebwaia Reirei ao Berita aika Tabu 77–80, taratarai kibuntaeka ke kibu ake a kona ni buokiia ataei ni mataata riki n reirein te euangkerio. Tai maaku n tibwai kiibu ake ko kunei, riki ngkana tiaki kanoan te waaki ni kakukurei inano.
Korei Am Namakin
Kaungaa te Tibwatibwa
Tuangiia ataei bwa a na taekin bwaai tabeua ake a karabwarabwa ibukina. Tera ae a karaoia ma aia utu ni kaota aia kakaitau nakon Tamara are i Karawa ibukin Ana kakabwaia?
Reirei te Reirei: Ataei aika a Uarereke
Reirei ao Berita aika Tabu 77:2
Te Atua e karikii manin nako te aonaaba.
Reiakina bwaai ake e kariki te Atua e kona ni buokiia ataei n namakina Ana tangira ibukiia.
Waaki ni Kakukurei aika a Kona ni Karaoaki
-
Kaotia nakoia ataei tamneia maan, n raonaki ma maan ake a kawakawa ao mannikiba. Ngkai ko wareka te taeka ae “maan,” “maan aika a kawakawa,” ao “manin aan nang;” man Reirei ao Berita aika Tabu 77:2, kaoiia ataei bwa a na kotei tamnei ake a irekereke ma ngaia. Kakoaua bwa te Atua e kariki bwaai aikai ni kabane ibukina bwa E tangiriira ao e tangiria bwa tina kukurei (taraa naba Reirei ao Berita aika Tabu 59:16–20).
-
Aneneia ma ataei kunan ana karikibwai te Atua, n aron “My Heavenly Father Loves Me” (Aia Boki n Anene ataei, 228–29). Titirakiniia ataei n aron bwaai ake a anenei ni buokiia n namakina ana tangira te Atua.
Tamneite bwebwe iaon te ueeTe Atua e karika te aonaaba ao bwaai ni kabane iaona.
Reirei ao Berita aika Tabu 78:6
I kona n tibwai bwaai ake irou ma tabeman.
Tamara are i Karawa e tangiriira bwa tina tibwai ara kakabwaia imarenara bwa ti aonga ni kona “boraoi ni bwain te aonaba ” ao ni “ bwain karawa” (kibu 6).
Waaki ni Kakukurei aika a Kona ni Karaoaki
-
N reirei tera are e nanonaki n what it means to be “boraoi ni bwain te aonaaba ” (te kibu 6), anganiia ataei tamneia aomata aika a kainnano (n aroia aomata aika a baki, ikoaki, ke a mariri). Ngkanne anganiia ataei tabeman bwaai aika a na buokiia iai (n aron amwarake, kabaebae, ke burangketi). Kaoiia ataei aikai bwa a na tibwa te bwai ae iai irouia ake a na buokiia iai aomata inanon te tamnei. Anganiia ngkanne ataei ake tabeman aia tai n tibwatibwa. Buokiia ataei bwa a na ota bwa Tamara are i Karawa e tangiriia ni kabane Natina bwa a na karekea te bwai are a kainnanoia, ao ni karaoan aei e tuangiira n taainako bwa tina tibwai ake iai iroura ma tabeman.
-
Warekia nakoia ataei tiententi iaan tamnei aika uoua n “Mwakoro 28: Te Burabeti Iotebwa Timiti e Manga Nako Riki nako Missouri” (Karaki man Reirei ao Berita aika Tabu, 108). Tuangiia ataei bwa angkoa a buoka temanna ni katea te auti, tibwai amwarake, ke n ibuobuoki n te aro teuana. Tera aron ara namakin ngkana ti ibuobuoki ao ni buokanibwai? Buokiia ataei n iangoi bwaai ake e tibwai Iesu Kristo ma ngaira.
Reirei ao Berita aika Tabu 78:18
Iesu Kristo e na kairiirai.
Ngkana ti tauraoi n angan te Uea bwa e na “kairi [iri] ra,” ti kona n “aki maaku,” riki ngkana iai bwaai aika ti “aki kona ni karaoi … ngkai” (te kibu 18).
Waaki ni Kakukurei aika a Kona ni Karaoaki
-
Kaoiia ataei bwa a na tibwatibwa n taai ake a riki iai bwa taan kairiiri, n aron te tei i moan te rain ke ni kaira te anene. Tera ae e karaoia te tia kairiiri? Kaota tamnein te Tia Kamaiu ngkai ko wareki kiibu aikai man Reirei ao Berita aika Tabu 78:18: “Kukurei, bwa N na kaiririko i nanon kawaim.” Kabongana te iteraniba ni waaki ni kakukurei n te wiiki aei ni buokiia ataei n iangoi kawai ake a kona iai n iriira te Tia Kamaiu.
-
Kaoiia ataei bwa a na iriira Iesu, ao ni kairiia inanon te ruu ngkai ko taua Tamneina. Ngkai ko karaoia, anenea te kuna n ikotaki ibukin iriiran Iesu Kristo, n aron “I’m Trying to Be like Jesus” ke “Choose the Right Way” (Aia Boki n Anene Ataei, 78–79, 160). Anganiia ataei bwa a na ikaruoruo n taua te tamnei ao ni kairiiria ataei ake tabeman.
Reirei te Reirei: Ataei aika a Ikawai Riki
I kona ni karekei kaekaan au titiraki iaon koroboki aika a tabu.
Reiakinaia ataei aron Iotebwa Timiti ni karekei kaekaan ana titiraki e kona ni buokiia n ataia bwa Tamara are i Karawa e na kaekaiia ngkana a ukoukoura Ana kairi. Iangoia n tibwai taneiai ngke ko a tia ni karekei kaeka mai irouna.
Waaki ni Kakukurei aika a Kona ni Karaoaki
-
Warekia nakoia ataei taeka iaan moan tamnei aika teniua n “Mwakoro 27: Te Burabeti e Reitanako Ana Mwakuri E Ngae Ngke E Bwainikiriinaki” (Karaki man Reirei ao Berita aika Tabu, 104). Titirakiniia ataei ngkana ngaiia, n aron Iotebwa, a tia n namakinna ae aki ota n te bwai teuana inanon koroboki aika a tabu. Anganiia bwa a na tibwaua te bwai are a rinanona. Tera ae e karaoia Iotebwa ni kakaai kaekaaia? Tuangiia ataei te tai are e buokiko iai Tamara arei Karawa n ota n te bwai teuana n koroboki aika a tabu.
-
Ataei ake ko reireiniia a kona ni kukurei ni wareki tabeua kiibu man bokin te Kaotioti are iai iai ana titiraki Iotebwa Timiti. Ngkanna a kona n taraa Reirei ao Berita aika Tabu 77 ibukin te bwai are e tangiria te Uea bwa e na ataia. Rinei tabeua kiibu ake ko namakinna bwa a nano.
Reirei ao Berita aika Tabu 78:3–7
I kona ni buoka “karakaan ana mwakuri” Iesu Kristo.
Inanon mwakoro 78, te Uea e anga kaetieti aika onoti nakoia taan kairiiri n te Ekaretia ake e na buokiia ni “karikirakea te waaki” iroun te Uea (kibu 4). Buokiia ataei n iangoia bwa tera tibwangaia ae a kona ni karaoia ni karikirakean ana waaki te Uea.
Waaki ni Kakukurei aika a Kona ni Karaoaki
-
Butiia ataei bwa a na wareka Reirei ao Berita aika Tabu 78:4. Tera te “mwakuri” ti “boutokaia” (butimwaia ke n rineia ni boutokaia) ngkai ti bwabetitoaki? Kaungaiia bwa a na taraia inanon koroboki aika a tabu kaekaana ae e kona n reke n: Motiea 18:8–10; Reirei ao Berita aika Tabu 20:37; Mote 1:39.
-
Kabwarabwara nakoia ataei bwa Newel K. Whitney iai ana titoa ao te Uea e tuangnga ngaia ao mwane tabeman bwa a na kabongana teutana man ana mwane ni buoka kabwakaan boon ana mwakuri te Uea (taraa Reirei ao Berita aika Tabu 63:42–43). Kaoiia bwa a na wareka Reirei ao Berita aika Tabu 78:3–7 ao tarataraia bwa tera bukina mwaane aikai a tuangaki bwa a na karaoi. Tera aron ara namakin ngkana ti tuangaki bwa tina tibwa ae aron are e karaoia Newel? Buokiia n iangoi kawai ake a kona n anga aomata nakon ana mwakuri te Uea ni boong aikai, n aron kabwakaan kabwianibwai ao mwane n aki mamatam, karaoan te wewete, ao a mwaiti riki.
Reirei ao Berita aika Tabu 78:19
I riai ni butimwaai “bwaai ni kabane ma te kakaitau.”
Te Uea n taainako e kakabwaiaira n ae bati riki ngkana ti kakaitau ibukin are e a tia n anganiira. Kona kanga ni buokiia ataei ake ko reireiniia bwa a na kakaitau ibukin aia kakabwaia?
Waaki ni Kakukurei aika a Kona ni Karaoaki
-
Tuangiia ataei bwa a na wareka Reirei ao Berita aika Tabu 78:19 ao kakaea bwa tera ana berita te Uea nakoia ake a kakakaitau. Buokiia ataei n ataia bwa tera “tebubua te tai mwaitina,” nanona, tao man kaotakin bwaai aika a uarereke ao imwiina 100 te tai mwaitin te bwai anne.
-
Anenea te kuna ni kakaitau, n aron “I Am Glad for Many Things” (Aia Boki n Anene Ataei, 151), ke mataku n te witeo “Iangoia ni Karabwa” (ChurchofJesusChrist.org). Anganiia ataei aia tai ni karaoi rinanin bwaai ake a kakaitau ibukina. Kaungaia bwa a na karini bwaai aika a mwaiti ae a kona n te tai are ko anganiia.
Kaungaa te Kamatebwai n te Mweenga
Iangoia n reitaki ma aia karo ataei ake ko reireiniia ao ni kaotinakoi titiraki ake a kona n titirakiniia natiia ibukin te bwai are a reiakinna n aia kiraati.
Kanakoraoan Ara Anga reirei
Kaota am koaua bwa iai kakabwaia aika a taekinaki n te berita. Ngkai ko kaoiia ataei bwa a na maiuakina reirein te euangkerio, tibwauai berita ake e karaoi te Atua nakoia naake a maiuakina te reirei anne. Teuana te katooto n te berita are ko kona n tibwaia e kuneaki n Reirei ao Berita aika Tabu 78:19. (Taraa naba Teaching in the Savior’s Way, 35.)