Kirtland Tampeļ

Kirtland Tampeļ, jān Al Rounds

O̧kwōj 30–Jeptōm̧ba 5

Katak im Bujen Ko 94–97

“Kōn lo̧mo̧o̧r eo an Zaion”

Ta pedped ko im katak eo me ejiktok n̄an eok ilo am̧ katak jān Katak im Bujen Ko 94–97? Kemeemej im rekoote im̧we ko am̧.

Rekoote Im̧we ko am̧

Ke Irooj ekar kakien Moses n̄an kaļōk juon im̧ōn kōppād, Ekar ba n̄an Moses n̄an “kōm̧anm̧an men otemjej āinwōt jon̄ak eo em̧ōj kwaļo̧k e n̄an eok ilo toļ eo” (Hibru 8:5; bar lale Exodus 25:8–9). Im̧ōn kōppād eo ekar erom̧ juon jikin kāām eo eļap an riIsrael ilo āne jam̧den (lale Bōnbōn 2:1–2). Tokālik, Anij ekar kakien Solomon im armej ro an n̄an kaļōk juon tampeļ ekkar n̄an juon jon̄ak E ekar kwaļo̧k (lale 1 Kronikel 28:12, 19).

Ilo an Irooj kar kōjepļaaktok tarlep in gospel eo, E ekar kakien Josep Smith n̄an kaļōk tampeļ ko ekkar n̄an juon jon̄ak kar kwaļo̧ke. “M̧weo en ekkal, jab ilo̧kan jekjek eo an laļ,” Irooj ekar ba. “En ekkal ilo̧kan jekjek eo me Inaaj kwaļo̧k” (Katak im Bujen Ko 95:13–14; bar lale 97:10). Āinwōt im̧ōn kōppād eo ilo āne jam̧den, tampeļ eo ekar aikuj erom̧ juon jikin ealikkar ilo Kirtland (lale Katak im Bujen Ko 94:1).

Rainin m̧ōko im̧ōn Irooj elōn̄ ilo peļaakin laļ in. Jekdo̧o̧n n̄e rejjab pād ilo ioļap in jikin ko reļļap, remaron̄ pād ioļap ilo mour ko ad. Men̄e kajjojo tampeļ eoktak ilo paaktokin, ilowaan tampeļ kein jej ekkatak ejja jon̄ak wōt eo ekwojarjar—juon karōk jān lan̄ n̄an bar kōjepļaak kōj n̄an im̧aan mejān Anij. Kain̄i ko rekwojarjar im n̄an indeeo rej jipan̄ kōj kalōk mour ko ad im kōkajoorļo̧k baam̧le ko ad “jab ilo̧kan jekjek eo an laļ” ak ālkin jon̄ak eo Anij ej kwaļo̧k n̄an kōj.

Lale Saints, 1:169–70; “A House for Our God,” Revelations in Context, 165–73.

pija ej bōk jikin ekkatak ippam̧ make

Ļōmņak ko n̄an Ekkatak Jeje Ko Rekwojarjar Ippam̧ Make

Katak im Bujen Ko 94; 97:15–17

Irooj emaron̄ pād ippa ilo mour eo aō aolep raan.

Kōmeļeļe ko ilo Katak im Bujen Ko 94 im 97 kar letok ilo ejja raan eo wōt—O̧kwōj 2, 1833. Jekjōn 97 ej kōnono jidik kōn juon tampeļ kar karōke n̄an Jackson County, Missouri, ilo an jekjōn 94 kōnono kōn juon opiij an m̧ōnjar in ilo Kirtland, Ohio. Kwomaron̄ kile jet iaan men ko rej āinwōt ļo̧k juon ilo ta eo Irooj ej ba kōn oktak kein an opiij ko an m̧ōn jar in (lale Katak im Bujen Ko 94:2–12; 97:10–17). Ilo am̧ kejōkļo̧kjeņ kōn kōmeļeļe, ļōmņak kōn ta eo kwomaron̄ kōm̧m̧ane n̄an en̄jake emakijkij in aibojooj eo an Irooj, jim̧or ilowaan m̧ōn jar ko an Kabun̄ in im ilo mour eo am̧ aolep raan.

Katak im Bujen Ko 95

Irooj ej kauweiki ro Ej iakwe.

Tarrin ļalem allōn̄ ko rem̧ootļo̧k jān Jānwōde 1833, ke Irooj ekar kakien Armej ro Rekwojarjar ilo Kirtland n̄an kaļōk juon im̧ōn Anij im kōm̧m̧an juon jar (lale Katak im Bujen Ko 88:117–19). Ke revelesōn eo kar rekoote ilo jekjōn 95 jekjōn 95 kar bōk ilo Juun 1833, me rejjan̄in kar kōm̧m̧ane ekkar n̄an kien eo. Ta eo kwoj ekkatak jān wāween an Irooj kauwe ro Rikwojarjar ilo revelesōn in? Elōn̄ ke kien ko an naan in kapilōk me kwojjan̄in kar mour kake? Ta eo kwoj en̄jake ekar im̧we eok n̄an kōm̧m̧ane?

Bar lale D. Todd Christofferson, “As Many as I Love, I Rebuke and Chasten,” Ensign ak Liahona, May 2011, 97–100.

Katak im Bujen Ko 95:8, 11–17; 97:10–17

Ilo tampeļ eo Anij ej kōjeraam̧m̧an armej ro An.

Ālkin kar kauweiki kōn an jab kalōk im̧ōn Irooj ilo Kirtland, ritōl ro an Kabun̄ in rekar kālet juon jikin ilo juon meļaaj in wheat ijo ren kar kalōke ie. Hyrum Smith, ļeo jein Rikanaan eo, ekar kajju ettōr n̄an bōk juon sickle im jino karreoiki meļaaj eo. ““Jej kōppopo n̄an kalōk juon em̧ n̄an Irooj,” ekar ba, “im inaaj kālet bwe en jinointata ilo jerbal in” (ilo Teachings of Presidents of the Church: Joseph Smith [2007], 271, 273). Kejōkļo̧kjeņ kōn kijorjor eo an Hyrum ilo am̧ riiti Katak im Bujen Ko 95:8, 11–17; 97:10–17. Ta eo kwoj loe me ej im̧we juon ejja kain kōļmenļo̧kjeņ in ilo kwe n̄an bōk kōjeraam̧m̧an ko an tampeļ?

Josep Smith ej jibwe sickle eo

Hyrum Smith Karreoiki Meļan eo, jān Joseph Brickey

Katak im Bujen Ko 97:18–28

Zaion ej “ro erreo burueer.”

Rikanaan Josep Smith ekar katakin,“Jej aikuj kalōk Zaion āinwōt jibadbad eo ad eļap” (Teachings: Joseph Smith, 186). N̄an Rikwojarjar ro ilo 1830 ko, Zaion ekar juon jikin, lukkun “jikin kweilo̧k eo an ad Anij” (Katak im Bujen Ko 97:19). Ak ilo revelesōn eo kar rekoote ilo jekjōn 97, Irooj ekar kadepakpake ļo̧k loļo̧kjeņ in. Zaion ekar barāinwōt kōmeļeļe juon armej —“ro erreo burueer” (eoon 21). Ilo am̧ riiti eoon ko 18–28, ļōmņak kōn meļeļe in n̄e kwoj riit juon naan “Zaion.” Ta meļeļein n̄an eok n̄an erreo ilo bōro? Ewi wāween an tampeļ jipan̄ eok kadedeikļo̧k “lo̧mo̧o̧r eo an Zaion”? (eoon 12).

Bar lale Moses 7:18; Gospel Topics, “Zion,” topics.ChurchofJesusChrist.org.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Katak im Bujen Ko 95:8.Ewi wāween ilo am̧ kōm̧m̧an im kōjparok Bujen Ko an tampeļ boktok “kajoor jān ijo eutiej” ilo mour ko aer? Bolen ro uwaan baam̧le eo remaron̄ kwaļo̧k wāween aer en̄jake kōn tampeļ ak kwaļo̧k en̄jake ko aer ke rekar en̄jake jeraam̧m̧an kōn “kajoor jān ijo eutiej” kōn kabun̄-jar ilo tampeļ.

N̄an jipan̄ ro rej kōppopo n̄an deļon̄e tampeļ, kwomaron̄ etale bitio ko, pija ko, im kōmeļeļe ko ilo temples.ChurchofJesusChrist.org. N̄an jipan̄ ajri ro ekkatak kōn tampeļ, kwomaron̄ kōjerbal “Your Path to the Temple” (ilo Temples of The Church of Jesus Christ of Latter-day Saints [special issue of the Ensign ak Liahona, Oct. 2010], 72–75).

Katak im Bujen Ko 95:1–11.Ta eo jej ekkatak kōn kauwe jān eoon kein? Ta eo jej ekkatak kōn Irooj? Ewi wāween an ļōmņak kein jelet wāween ad bōk kauwe ak kauweiki ro jet?

Katak im Bujen Ko 97:8.Ekkar n̄an eoon in, ewi wāween ad maron̄ “kam̧ōņōņōik” Irooj? Elmen an menin oktak jān an laļ in m̧ōņōņō kōn kōj? Ta meļeļein n̄an “kōjparok bujen ko aer jān katok”? Ekōjkan Am̧ Kar Kōjerbal Menin?

Katak im Bujen Ko 97:10–21.Rikanaan Josep Smith ekar katakin, “Jabdewōt jikin ijo Armej ro Rekwojarjar rej aiin doon ie ej Zaion, eo me aolep em̧m̧aan im [kōrā] reerreo renaaj kaļōke n̄an juon jikin ko̧ne n̄an ajri ro nejier”(Teachings: Joseph Smith, 186). Ekōjkan ad kalōk Zaion ilo m̧ōko im̧ōd? Ta pedped ko jej loi ilo Katak im Bujen Ko 97:10–21? Āinwōt juon baam̧le, kālet juon pedped in katak n̄an mije wōt wiik in.

N̄an ļōmņak ko rellōn̄ļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar ļōmņake: “I Love to See the Temple,” Children’s Songbook, 95.

Kōkm̧anm̧anļo̧k Am̧ Ekkatak Ippam Make

Je En̄jake ko Rej Im̧we Eok. Rekoote en̄jake ko kwaar en̄jaki kōn pedped ko im katak ko kwaar ekkatak kaki. En̄jake kein remaron̄ erom̧ m̧ōttan bwebwenato eo an juon make me enaaj kōjeraam̧m̧an epepen eo tokālik.

Ekkal eo an Kirtland Tampeļ

Ekkal eo an Kirtland Tampeļ, jān Walter Rane