Iaļ eo Am̧ n̄an Tampeļ
N̄an Ajri ro:
Kwōjelā ke ewi tampeļ eo epaak tata ñan kwe? Jiñaik juōn pija in tampeļ, im kattotoik ijo konaaj loe aolep raan.
Tampeļ eo ej m̧weo im̧ōn Irooj. Ej juōn jikin eo jej ekkatak kōn Jemedwōj Ilañ, kōm̧m̧an bujen ko (ak kalim̧m̧ur ko) ippān E, im bōk kōjeraam̧m̧an ko reļļap. Ilo tampeļ eo, jej kōm̧m̧an jerbal ko reaurōk ņan kōj make im ñan ro uwaan baam̧le rem̧ōj aer remej. Jerbal eo me ej kōm̧m̧an ilo tampeļ eo ekoba peptaij kōn ro remej, bōk menin letok kwojarjar ko, im liāp ko. Men kein rekar ņa etaer kaiñi in tampeļ ko.
Ta ko rej waļo̧k iloan tampeļ eo?
Peptaij ko ñan Rimej ro
Ne kwōj ruwalitōk iiō rettan, komaroñ kar peptaij im kappen juōn iaan ro uwaan Kabuñ Eo an Jisōs Kraist im Armej Ro Rekwojarjar ilo Raan-kein Āliktata Elōñ ro jibūm̧ im jim̧aam̧ em̧ōj aer mej ilo aer jab kar peptaij im kappen. Ilo ānbwinier remej, jetōb ko aer rej mour wōt ilo laļ eo an jetōb, ijo remaroñ katak kōn ko̧o̧jpeļ eo an Jisōs Kraist.
Ñe kwōj 12 iiō dettan, komaroñ etal ņan tampeļ eo im jipañ armej rein ilo am peptaij im kappen ilo etaer. Remaroñ kiiō kālet ñe rej ak jab kōņņaan bōk peptaij im kapen. Kwonaaj kōkōņņak aolepān mouj ñe kwōj itōn peptaij ñan rimej ro, āinwōt am̧ kōm̧m̧ān ke kwaar peptaij ņan kwe make.
Kajjitōk ippān ro jinem im jem̧ōm̧ ñan jipañ eok kōm̧m̧ane juōn laajrak in uwaan baam̧le ro remej ilo aer jab kar peptaij ilo Kabuñ Eo an Jisōs Kraist im Armej Ro Rekwojarjar ilo Ran ko Āliktata. Pukōte ñe elōñ eo em̧ōj an etal ñan tampeļ ñan ilen peptaij ñan er.
Menin Letok Kwojarjar Eo
Juōn iaan kōjeraam̧m̧an ko reļļap ilo tampeļ eo ej bōk menin letok kwojarjar eo. Bōk Menin Letok kwojarjar eo ej meļeļein “menin letok.” Ñe kwōj bōk menin letok kwojarjar eo am̧, konaaj ekkatak eļapļo̧k kōn karōk in lomo̧o̧r eo im … im kōm̧m̧an bujen ko. Bujen ko rej kalim̧m̧ur ko jej kōm̧m̧ani ippān Jemedwōj Ilan̄. Ilo am̧ kōjparoki… . Ilo am̧ dāpij bujen kaņ, kwōj m̧aanjepopo ñan mour ippān Jemedwōj Ilan̄ im Jisōs Kraist juon raan.
Iloan tampeļ eo ej juōn aiboojoj, ruum̧ in aenōm̧m̧an rej ņa etan celestial ruum̧ eo. Ilo celestial ruum̧ eo jej eñjaake epaak ñan Jemedwōj Ilañ im Jisōs Kraist, im jej eñjaake jiddikin ta eo enaaj āinwōt ñe mour ippāer ilo aelōñ in celestial.
Liāp ko ñan Iien im Indeeo
Ñe juōn em̧m̧aan im kōrā rej m̧are ilo tampeļ eo, rej bukkelōlō ippān juōn lokatok im rej liāp ñan iien im indeeo im indeeo. Menin ej meļeļe in bwe er im ajri ro nejier remaroñ in koba ippān doon āinwōt juōn baam̧le indeeo. Karōk ñan m̧are ilo tampeļ eo jet raan. Eñiin ej kōjeraam̧m̧an eo eļaptata ilo tampeļ eo.
Peba in Mālim an Tampeļ
Tampeļ eo ej juōn jikkin ekkwojarjar. Bisop im branch būreejtōn ro rej lukuun lale bwe ro rej deļo̧ņ ilo tampeļ eo ren pojak im ekkar. M̧okta am̧ etal ñan tampeļ eo, enaaj wōr juōn iien am̧ ekkōnono eaurōk ippān bisop ak branch būreejtōn eo am̧. E naaj kajjitōk ñe ewōr am̧ juōn naan in kam̧ool kōn Kabuñ in, dāpij kien ko, rejetake ritōl ro an Kabuñ, pokake Naan in Meletlet, kōļlā juōn m̧ōttan joñoul, im kwōj m̧ool ilo aolep men kwōj kōm̧m̧an im ba. E naaj jipañ eok jeļā ta ñan kōm̧m̧an ñan m̧anjepopo ñan deļo̧ñ ilo tampeļ eo.
M̧aanjepopo Kiiō ñan Deļo̧ñ Ilo Tampeļ eo
Jemedwōj Ilañ ej lelo̧k elōñ kōjeraam̧m̧an ko ñan ro rej mour jim̧we im pād ilo tampeļ eo. Ej aurōk ñan m̧aanjepopo ñan deļo̧ñ ilo tampeļ eo ilo iien kwōj dik.
Jemedwōj Ilañ ej iakwe eok im ej kōņņaan kwe ñan bōk kōjeraam̧m̧an ko ilo tampeļ eo. E naaj kōjeraam̧m̧an kwe kōn kōm̧mani kaiñi in tampeļ ko ñan kwe make im ro jet. Meñe komaroñ jab deļo̧ñ ilo tampeļ kiiō, ñe ewōr juōn tampeļ epaak, komaroñ loļok meļļan tampeļ ko im eñjaake jetōb eo me ej pād ijōņ. Komaroñ bar dāpij juōn pija in tampeļ eo ilo m̧weo im̧ōm̧ ñan kakememej eok kōn ewi aurōk in tampeļ eo. Mour jim̧we innām konaaj ekkar ñan deļo̧ñ ilo m̧eo im̧ōn Irooj.
Lale kilaaj eo ilo pija in. Jet ruum̧ in liāp ko ewōr kūlaaj ko āinwōt juōn in. Kōnke liāp ko ilo tampeļ eo, baam̧le ko ad, āinļok wōt nemāme eo ilo kilaaj in, emaroñ wōnm̧aanļo̧k ñan indeeo.
Lale celestial ruum̧ eo ilo pija in im ilo pija eo ilo peij 64 Ewi wāwein am̧ eñjaake ñe kwōj lo juōn celestial ruum̧.
Boston Massachusetts Temple. Kar aje ilo Okto. 1, 2000.
Ruum̧ in liāp, Aba Nigeria Tempeļ.
Ruum̧ in liāp, Nuku’alofa Tonga Tempeļ.