Ad M̧are ilo Tampeļ Ekar Ļap Tokjen jān Jabdewōt Wōnāān ko Reļļap
Ejjab mae ālikin an peejnej eo aō m̧okta jakoļo̧k im eo aō kein karuo ekar bwil n̄an ioon bwidej bwe Ikar bwilōn̄ eļan̄n̄e Ij maron̄ in bōk eo ij pojak n̄an m̧areiki, Beny, n̄an tampeļ. Kōm kar ron̄ bwe n̄an etaļ n̄an ijo emaron̄ juōn mālijjon̄ in tōmak, bōtaab eļan̄n̄e kōm̧ij kōm̧mane bwe m̧are ilo tampeļ en am kōttōbar, kōm̧ij jab jeļā ewi wāween an tōmak ko am maron̄ in kar kaminene.
Beny im Nā kōmro kar ioon doon ilo āneo āneem̧ Panama ālikin jerbal in mijen ko. Kōnke kakien ko ilo Pananma, ripālelel ro rej kōņaan jino mour in pālelel ko aer ilo tampeļ rej m̧are ilo kien m̧okta jān er aer etaļ n̄an tampeļ eo epaaktata, Guatemala City Guatemala Temple eo. Emaron̄ juōn tūreep eo eļap wōņāān, bōtaab liāp ekar juōn kōjeram̧m̧an kōm kar jab kōņaan mour eļan̄n̄e ejako.
Raan eo ālikin an m̧ōj aō kajjitōk bwe en m̧areik iō, Ikar jako aō jerbal. Jab mijak, Ikar lōm̧ņak n̄an kōm̧m̧an jāān ilo aō kattōre baj in kaloojooj ko. Baj eo waō ekar jorrāān ilo bon̄en eo m̧okta. Inepata bōtaab kōņaan, Ikar tokālik lōmņak n̄an wia kake jiln̄ij ko. Jibbon̄en eo Ikar etal n̄an bōk jōōt ko jān jikin kōm̧man eo, Ikar loe bwe m̧weo ekar bwil n̄an ioon bwidrej bon̄en eo m̧oktaļo̧k. Ekar alikkar bwe kōjatdikdik ko aō rekar m̧ootļo̧k ippān pat eo barāinwōt.
Ekar jejjo wōt allōn m̧okta jān tūreep eo an tampel tokālik, n̄an wāween in, aoleppen kōttōbar ko ikar kōm̧mani n̄an kōm̧m̧an jāān rar jem̧ļo̧k ilo likjab eo ejidimkij. Ikar ilok jān alal ko rebwil im etal n̄an pukōt Beny.
“Ejjeļok jabdewōt ippa, “Ikar jiron̄ e “Bōlen kwoj jab aikuj m̧areik iō.”
“Eļan̄n̄e In kar m̧are kōn jāān, In kar m̧ōj aō m̧are kiiō,”ej ba. “Bōtaab Ij jab m̧are kōn jāān. Ij m̧are iok kōnke Ij iakwe iok.”
Ekar juōn wūn eo n̄an oktakļo̧k Kōm kar en̄ake bwe emōj am ellā jen juōn mālijjon̄ eo aorōk. Ilo am wōnm̧aanļo̧k kōn tōmak, kōjem ko rar jino pelļo̧k. Ikar lo juōn jerbal n̄an kōm̧m̧an kobban em̧, men̄e wōņaan ejabwe n̄an kabwe aikuj ko am. Innām juōn bisop jouj ekar errā n̄an jipan̄ kōm kōn wōņāān baj eo waam. Āinwōt m̧ōņōņō kōn an kar jipan̄, ekar jab juōn en̄jake eo ejim̧we. Kōm kar kōņaan wōt pedped ioon jerbal ko am make. Bōtaab loe bwe ekar lukkuun kōņaan jipan̄, kōm kar kajjitōk ippān eļan̄n̄e emaron̄ jipan̄ leļo̧k n̄an Beny juōn an jerbal ijjeļo̧kin. E ekar
Ālikin kōm̧man bwe en bwe jāān ko n̄an etal n̄an tampeļ, kōm kar m̧are ilo kien im kar āliktata ilo iaļ eo am n̄ān Guatemala ippān bar jet ro uwaan Kabun̄ eo. Bōtaab am mālijjon̄ ekar jab jem̧ļo̧k
Jikin diwōj delon̄ in iaļ ko rar kabōjrak kōn ilo delon̄ļo̧k eo an Costa Rica. Āļikin kōttar ilo iaļ in delōn̄ eo ium̧in ruo raan ko, tūraipōr eo am ekar lōmņak n̄an oktak im rool. Bōtaab Beny im N̄a, ippān ļo̧k bar ruo būratōr eo im ruo ripālele, lōmn̄ak n̄an jab ebbweer. Ālikin am lale an baj eo oktak im etal jān kōm, kōm kar etetal ļo̧k n̄an Costa Rica. Kōm kar etetal ļo̧k wōt, kiki ilo im̧ōn jokwe ko itōrerein iaļ, m̧ae iien eo kōm kar tōpar delon̄ļo̧k eo iloNicaragua. Jān ijo kōm kar maron̄ bōk juōn tākji n̄an jikin eo eļap, ijo kōm kar wiaik juōn tikōt baj n̄ān delōn̄e Hondura. Raan ko ruo—im ruo bar baj—tokālik kōm kar āliktata tōparļo̧k ilo tampeļ eo Kōm kar ettonoon im m̧ōk, im kōm kar joļo̧k eļap iien jān ke kōm kar karōke, bōtaab kōm kar m̧ōņōņo.
Raan eo juōn, ālikin aolep mālijjon̄ ko am im rum̧ij ko, āliktata kōm kar liāp n̄an indeeo āinwōt leo im lio pālele. Am lan̄lōn̄—tokjen jerbal, kōttar, im inepata eo—ekar dedeļo̧k!
Ejjab aolep ro me renaaj m̧are ilo tampeļ maron̄ jeļm̧ae mālijon̄ ko, bōtaab n̄an komro Beny (im ro rekar etal n̄an tampeļ ippamro), en̄jaake kein rekar em̧m̧an. Ekar juōn iaan en̄jaake ko reļļap ilo mour eo aō.
Eļan̄n̄e kōttōbar in amro n̄an m̧are ilo tampeļ kad dapij n̄an iakwe eo an laļ in, jej jab maron̄ tōbrak. Bōtaab kōnke jej tōmak ilo kajoor in liāpe eo an jepļaak tok eo an priesthood ilo raan kein ad, jekar jab ebbweer, jeļā bwe m̧are in ad ilo tampeļ—n̄an kiiō im indeeo—ekar tokja jabdewōt jortak ko kōm kar kōm̧m̧ani.