Tampeļ Eo-Ej Kōkajoorļo̧k Armej
Likūt juōn pija in tampeļ ilo m̧weo imōm̧ me ajri ro nejūm̧ remaron̄ loe. Katakin er kōn kōttōpar ko an m̧weo im̧ōn Irooj.
Tampeļ eo ej juōn kōkaļļe eļap in uwaan eo ad
Juōn men ekanooj aiboojoj n̄an kōj n̄an wōr iien em̧m̧an n̄an ilo̧k n̄an tampeļ eo n̄an kōjeram̧m̧an ko ad make. Innām ālkin ilo̧k n̄an juōn tampeļ n̄an kōjeram̧m̧an ko ad make, juōn iien em̧m̧an ekanooj aiboojoj n̄an kōm̧m̧ane jerbal eo n̄an ro me em̧ōj aer em̧m̧akūt imaadļo̧k. M̧ōttan in an jerbal in tampeļ ejjab jerbal kōn e make. Aaet jabdewōt iien jej kōm̧m̧an jerbal in tampeļ n̄an armej ro jet, ewōr juōn kōjeram̧m̧an me ej itok n̄an kōj. Kōn menin ej aikuj jab menin bwilōn̄ n̄an kōj bwe Irooj ej kōņaan bwe armej ro An ren armej ro reikirelel in ilo̧k n̄an tampeļ.
Ej Irooj eo Make me, ilo m̧adenļo̧k ko An n̄an kōj, eaar kōm̧m̧an bwe tampeļ eo en juōn kōkaļļe n̄an ro uwaan Kabun̄ eo. Ļōmņak kōn m̧wil ko im mantin ko rekwojarjar me Irooj eaar kwaļo̧k n̄an kōj ilo kean̄ eo Eaar leļo̧k n̄an Armej ro rekwojarjar ilo Kirtland kōn Rikanaan Joseph Smith ilo aer kar kōppopo n̄an kalōk juōn tampeļ. Kean̄ in ej pād wōt n̄an rainin:
Irooj eaar jiron̄ Armej ro rekwojarjar n̄an karōk er make; n̄an kōpooj aolep menin aikuj ko; im n̄an ejaake juōn em̧, em̧ool juōn im̧ōn jar, juōn im̧ōn jitlo̧k, juōn im̧ōn tōmak, juōn im̧ōn katak, juōn im̧ōn aiboojoj, juōn im̧ōn kōllaajrak, juōn im̧ōn Anij (lale Doctrine and Covenants 88:119). M̧wil im manit kein rej ke lukkuun kwaļo̧k k ta eo kajjojo iaad ej kōņaan im ej pukōt n̄an erom̧?
Aolep kijejeto ko ad ilo Kabun̄ eo ej tōl ļo̧k n̄an tamepļ eo ekwojarjar
Aolep kijejeto ko ad ilo kwaļo̧k kōn ko̧jpeļ eo, koweppān ļo̧k Armej ro rekwojarjar, im lo̧mo̧ren ro remej ej tōl ļo̧k n̄an tampeļ eo ekwojarjar. Menin ej kōnke kain̄i ko an tampeļ eo rej lukkuun kanooj aorōk; jej jab maron̄ bar rool n̄an im̧aan mejān Anij n̄e ejjab er.
Em̧ool, kōņaan eo an Irooj ej bwe armej ro An ren armej reikirelel in ilo̧k n̄an tampeļ. Enaaj kar kōņaan eo aō em̧wilaļ tata ilo būruō n̄an kōm̧m̧an bwe aolep ro uwaan Kabun̄ eo erreo n̄an tampeļ. Ij kōjatdikdik bwe aolep ro uwaan rōrūtto renaaj erreo n̄an—im bōk—juōn peba in mālim an tampeļ ekāāl, men̄e eļan̄n̄e kōtaan eo n̄an juōn tampeļ ejjab kōm̧m̧an bwe en m̧ōkaj ak emmakijkij kōjerbale.
Tampeļ eo ej kwojarjar n̄an Irooj; ej aikuj in kwojarjar n̄an kōj
Kōm̧m̧an bwe jān juōn eo ej ilo̧k n̄an tampeļ im juōn armej ej iakwe tampeļ. Kōm̧m̧an bwe jān ilo̧k n̄an tampeļ eo emakijkij āinwōt an iien im jabdewōt jōkjōk ko im wāween ko an juōn make kōtļo̧k. Kōm̧m̧an bwe jān ilo̧k n̄an tampeļ eo emakijkij āinwōt an iien im jabdewōt jōkjōk ko im wāween ko an juōn make kōtļo̧k. Tampeļ eo ej juōn jikin aiboojoj, ej juōn jikin m̧adenļo̧k, ej juōn jikin aenōm̧m̧an. Ej im̧ōn Irooj. Ej ekwojarjar n̄an Irooj. Ej aikuj ekwojarjar n̄an kōj.
Kōm̧m̧an bwe jān kwaļo̧ke ippān ajri ro nejiid en̄jake ko ilo jetōb jaar en̄jake ilo tampeļ eo. Im kōm̧m̧an bwe jān ļapļo̧k ad m̧ool ad katakin er im ļapļo̧k ad aenōm̧m̧an ilo men ko jemaron̄ jejjet ad ba kōn kōttōpar ko an im̧weo im̧ōn Irooj. Likūt juōn pija in juōn tampeļ ilo m̧weo imōm̧i me ajri ro nejimi remaron̄ lo e. Katakin er kōn kōttōpar ko an m̧weo im̧ōn Irooj. Kōm̧m̧an bwe ren ļōmņak in ilo̧k n̄an ijo ilo iiō ko im̧aan tata im dāpij wōt erreo eo an kōjeram̧m̧an jab eo.
Ej kam̧ōņōņō n̄an Irooj n̄e jej ilo̧k n̄an tampeļ eo ilo erreo
Ej kam̧ōņōņō n̄an Irooj n̄an an jodikdik ro adn̄an ilo̧k ilo erreo n̄an tamepļ eo im kōm̧m̧ani peptaij ko ilo etan ro jet me eaar ejjeļo̧k aer iien em̧m̧an n̄an peptaij ilo mour in. Ej kam̧ōņōņō n̄an Irooj n̄e jej erreo n̄an ilo̧k n̄an tampeļ eo n̄an kōm̧m̧ani bujen ko ad make. Ippān im n̄an liāp āinwōt ripālele ro im āinwōt baam̧le ko. Im ej kam̧ōņōņō n̄an Irooj n̄e jej erreo n̄an ilo̧k n̄an tampeļ eo n̄an kōm̧m̧ani ejja kain̄i in lo̧mo̧ren kein wōt n̄an ro me em̧ōj aer kar mej, ro im elōn̄ wōt iaer rej kijoror kōn dedeļo̧k eo an kain̄i kein ilo etaer.
N̄an ad bōk tampeļ eo ilo m̧ool ej juōn kōkaļļe n̄an kōj, jej aikuj kōņaan bwe en wōr. Jej aikuj mour erreo n̄an deļo̧n̄e tampeļ eo. Jej aikuj kōjparok kien ko an ad Irooj. Eļan̄n̄e jemaron̄ kōllaajrake mour eo ad ālkin M̧aajta eo, im bōk katak eo An im waanjon̄ak eo āinwōt kōllaajrak eo eutiej tata n̄an ad make, jejjamin lo bwe epen n̄an erreo an tampeļ, n̄an jab nee teļeļ im ettā ilo aolep bun̄tōn an mour, bwe jenaaj kallim̧m̧ur n̄an juōn wōt, jon̄ak in m̧wil ekwojarjar im tōmak. Jekdo̧o̧n ilo m̧weo ak ilo jikin kaikujkuj eo, jekdo̧o̧n ilo jikuuļ ak ākin an jikuul dedeļo̧k jān kōj, jekdo̧o̧n ilo ad m̧akūtkūt ilo ad make iaad ak ippān doon ippān elōn̄ armej ro jet, iaļ eo ad enaaj alikkar im jon̄ak ko ad renaaj emejaja.
Maron̄ eo n̄an tiljek n̄an pedped ko an juōn, n̄an mour kōn jim̧we im tōmak ekkar n̄an tōmak eo an juōn—men eo aorōk tata in. Bwe ajeļo̧k eo n̄an pedped eo em̧ool—ilo mour ko ad, ilo m̧ōko im̧ōd im baam̧le ko, im ilo aolep jikin ko me jej ioon doon ie im kareel armej ro jet—bwe ajeļo̧k ej ta eo Anij ej lukkuun aikuji jān kōj. Ej aikuji kallim̧m̧ur—aolepen ad, eo ej dāpij m̧wilaļ in, kallim̧m̧ur eo elem̧ōņōņō indeeo n̄an pedped ko jej jeļā bwe rej m̧ool ilo kien ko an Anij eaar litok. Eļan̄n̄e jenaaj m̧ool wōt im tiljek n̄an pedped ko an Irooj, innām jenaaj aolep iien erreo an tampeļ, im Irooj im tampeļ ko An rekwojarjar renaaj kōkaļļe ko reļļap an rikaļoor eo ad Ippān.
Kirtland Tampeļ. Kar Aje Maaj 27, 1836.
Logan Utah Tampeļ. Kar Aje Māe 17, 1884. Kar Aje Māe 17, 1884.