Imminene in Uwaak Kajjitōk ko

Ta ko armej rej kōm̧m̧an ilo tampeļ?

Ilo tampeļ jej ekkatak, jej kōm̧m̧an bujen ko, im jej jeram̧m̧an kōn kalim̧m̧ur kein. Jej bōk kain̄i kein me ej kōtļo̧k kōj n̄an mour im̧aan mejen Anij.

Juōn kain̄i jej bōk ilo tampeļ ej menin letok kwojarjar. Naan eo menin letok in ekwojarjar meļeļe in “menin letok” ak “menin leļo̧k” Ilo ejja jōkjōkin kain̄i in, jekar ekkatak kōn wūn leplep eo kōn mour, mijen im Pinmuur eo an Jisōs Kraist, im Karōk eo an Jemedwōj Ilan̄ n̄an ajri ro Nejin. Jej kōlapļo̧k juōn reim̧aanļo̧k eo kōn ta eo enaaj āinwōt n̄an mour im̧aan Mejan ilo ad en̄jaake aenōm̧m̧an im en̄jaake mejatoto ilo tampeļ.

Kain̄i in tampeļ eo juōn ej kain̄i in liāp, ilo an kajjojo em̧m̧aan im kōrā ro me rej liāp n̄an doon im ajri ro rej liāpe n̄an jineer im jemeer n̄an indeeo. Meļeļein bwe eļan̄n̄e eļap ad tōmake bujen ko ad, kadkad ko an baamļe ko ad renaaj wōnm̧aanļo̧k n̄an indeeo.

Ilo kakobaba in n̄an bōk kain̄i kein n̄an kōj make, jemaron̄ bōki n̄an rūtto ro ad ro remej. Ilo wāween in, armej ro remej rejjab maron̄ bōk kain̄i ko raorōk āinwōt peptaij im kapen, im bōk menin letok kwojarjar, im wōr iien em̧m̧an n̄an liāp n̄an bōk kain̄i kein.

Ta ko āinwōt ilowaan tampeļ?

Ej juōn aenōm̧m̧an ilo tampeļ in, jikin eo ekwojarjar, kōjeram̧m̧an e n̄an bōk aen̄wān̄wā ko ilo laļ in. Peļaak ko aolep ilo tampeļ raiboojoj im em̧m̧an n̄an kōjparok juōn jetōbin kautiej. Kōnke ej Im̧ōn Irooj, im kōnke ekwojarjar jerbal eo ej waļo̧k ijen, ilo tampeļ jemaron̄ en̄jake eļap Jetōb im jej en̄jake ad epaakļo̧k n̄an Irooj. Ijeņ jemaron̄ bōk ad make m̧ōdenļo̧k im jetōb kōkajoorļo̧k n̄an jipan̄ kōj eļļā jān mālijjon̄ ko ad. Ej mōttan eo aorōk an wūn in jej kōketak n̄an pād ilo tampeļ aolep iien.

Ewi wāween Ao ekōnak nuknuk n̄e Ij etaļ n̄an tampeļ?

Kanōk nuknuk in Jar ilo am etal n̄an tampeļ. Kōjekdoon nuknuk ko rekaddu im nana, āinwōt am maron̄ pād ilo kweilo̧k in kwojkwoj eo. Kwōj kwaļo̧k nebar im kautiejj n̄an Irooj im Mweo Imo̧n im karuwainene Jetob n̄an lukkuun erreo im an pād.

Ilo tampeļ ewōr jet ruumm in nuknuk ko rejenoknok ijo kwoj jenij nuknuk in Jabōt im kanōke nuknuk in mooj eo. Jerbal in janij nuknuk in ilo juōn kakemejmej bwe kwoj likūt laļ eo am m̧okta ilik im delōn̄ juōn jikin kwojarjar. Nuknuk mooj ej kōkaļļe in erreo, im meļeļe in bwe aolep rej juōn wōt nuknuk ilo kōm̧m̧anin tampeļ jeļā errā im juōn wōt.

Ņāāt eo Inaaj bōk menin letok kwojarjar eo aō?

Einļo̧k wōt n̄e kwonaaj bōk am menin letok kwojarjar jidik iien tokālik m̧okta jān am bōk jerbal in mijen aolep iien ak m̧okta jān am m̧are ilo tampel. Uwaan ro remakeļo̧k iaer ilo iiō in jodikdik ko aer ro rejjan̄in bōk kūr in mijen aer im rejjan̄in m̧are ilo tampeļ rej mālim n̄an bōk aer menin letok kwojarjar.

Ro uwaan rekāāl rej kōttar emaron̄ juōn iio ālikin peptaij eo aer im kapen eo m̧okta jen bōk menin letok kwojarjar eo aer.

Bōk menin letok kwojarjar eo am make ej men eo aorōk tata. Kōnono kake ippān bisop eo am Jar im kōlmenļo̧kjeņ n̄an jeļā eļan̄n̄e kwoj bojak.

Ta imaron̄ ba n̄an ro jet kōn en̄jake eo aō ilo kar tampeļ?

Komaron̄ kōnono kōn jōkjōkin ruum eo jinoin ilo tampeļ, im emālim am kwaļo̧k en̄jake ko am ilo tampeļ. Ijo wōt ke, bujen im kain̄i ko an tampeļ, ekoba naan ko kōjerbale, rej barāinwōt kwojarjar n̄an kōnono ilo kōmeļeļeik inabōjin tampeļ. N̄an bōbrae kōnono ko kōn men ko rekwojarjar inabōj in tampeļ, jej kōjparok er jān kajjirere, ak jab kautiej. Jab maron̄ kōnono eļan̄n̄e kwoj kōnono kōn am en̄jake ko ilo tampeļ.

Etke kōkaļļe ko rej kōjerbali ilo tampeļ?

Ilo kar jerbal eo An ilaļ in, aolep iien Rilo̧mo̧r ej kwaļo̧k kōn būrabōļ ko n̄an kwaļok m̧ool ko n̄an indeeo. E ekar tōl bwe jān ekkatak ilo wāween eo einļo̧k wōt tampeļ eo. Ewōr kōkaļļe ilo bujen im kain̄i ko an tampeļ, wāween aer waļo̧k, ilo ānbwin im nuknuk ko kōņaki. Eļan̄n̄e konaaj lōmnak kōn melelein kōkale kein ilo kōjparok an Jetob Kwojarjar, remaron̄ jiban iok kile mooļ eo, jeļā kōn Jemedwōj Ilan̄ im Jisōs Kraist, im eddōk kōn jetob.

Ewōr ro uwaan baamļe eo aō rejjab maron̄ deļōn̄e tampeļ. Ta Imaron̄ kōm̧m̧ane n̄an jipan̄ er en̄jaake ekoba m̧are eo aō ilo tampeļ?

Menin emaron̄ juōn wūn tōl eo epidodo. Kōnke tampeļ eo ej m̧weo im̧ōn Irooj, kar aje n̄an E, jabdewōt ro rej deļo̧n̄e aikuj kabwijer juon peba in mālim an tampeļ ekāāl, eo ej kam̧ool bwe er rej mour kōn jon̄ak ko em̧ōj An kar karōki. Kōnke tampeļ ej im̧on Irooj, kar aje n̄an E, ro rej deļōn̄e raikuj kabwijer juōn peba in mālim an tampeļ, n̄an kam̧ool bwe rej mour kōn jon̄ak ko E ekar kōm̧m̧ani. Ripālele ro ippān ro uwaan baamļe re rejab maron̄ deļōn̄e tampeļ eo remaron̄ kūr tok bisop ak bar ro uwaan Kabun̄ eo n̄an ped ippāer ilo ruum in kōttar eo.

Ruo ripālele ro remaron̄ barāinwōt pepe ippān bisop n̄an kōm̧m̧ane juōn kweiļo̧k eo ejidimkūj n̄an ro nukier im ro mōttaer ejjeļo̧k ippāer juōn mālim. Kweiļo̧k in boktok juōn iien em̧m̧an n̄an er en̄jake kakobaba im n̄an ekkatak kōn m̧are indeeo. Men̄e ejjeļo̧k makūtkūt ej kōm̧m̧an im ejjeļo̧k kallim̧ur ej bōk jikin, riin̄ ko remaron̄ janiji ilo kweiļok rōt in.

Ta eo ij aikuj in kōm̧m̧an n̄an pojak n̄an bōk kain̄i ko ilo tampeļ?

Komaron̄ pojak ilo am pād ilo tampeļ aolep iien n̄an bōk kuņaam ilo peptaij ko n̄an rimej, ilo an bōk kuņaam ilo juōn in kōppopo an tampeļ ejaak jān bisop eo am, im jān am ekkatak jeje ko rekwojarjar im laajrak ko ilo bok in.

Komaron̄ bar pojak ilo am mour kōn jon̄ak ko an Irooj n̄an erreo ilo tampeļ. Kaajiriri naan in kam̧ool ko am kōn Anij Jemed im kōn Jisōs Kraist im kōjeplaaktok ko̧jpeļ eo An. Pokake Naan in Mālōtlōt im kien erreo. Rejetake Ri Tōl ro am ilo Kabun̄, kōllā juōn mōttan joņoul, im ped ilo kweilo̧k ko ilo an Kabun̄ eo am. Lukkuun m̧ooļ ilo am pepe ippān ro jet, im kam̧ool bwe mour eo an baamļe eo am ej errā ilo katak ko an Kabun̄ in. Dāpij wōt bujen in peptaij ko ami bwe kon maron̄ pojak n̄an bōk bujen eo eutiejļo̧k ilo tampeļ.

Celestial ruum, Mount Timpanogos Utah Tampeļ.

Jordan River Utah Tampeļ Kar aje ilo Nobomba 16, 1981.

Nauvoo Illinois Tampeļ Kar aje ilo Juun 27, 2002.