Men ko Rej Ekkejel ļo̧k n̄an M̧win
Jikin peptaij eo ilo tampeļ eo ej pād ioon jon̄oul ruo kau (lale 2 Kronikel 4:2–4), rej bōk jikin bwij ko jon̄oul ruo an Israel. Ilo ad ļoor waan jon̄ak eo an Rilo̧mo̧r eo kōn jerbal ko remman, jemaron̄ kōm̧m̧ani peptaij ko an ro jibwid im jim̧m̧aar rar mij ilo aer jab kar bōk kain̄i kein.
Ilo ruum̧ in kain̄i ko juōn kōmelele ej itōk kōn karōk eo an Anij n̄an ro Nejin. Armej ro Rekwojarjar ilo Raan Kein Āliktata rej katak kōn mour ko aer ilo mour eo m̧okta im mour in, kōn kōm̧anm̧an eo an lal in im Wōtļo̧k eo an armej, eddo eo an Jisōs Kraist āinwōt Ripinmuur an aolep nejin Anij, im kōjram̧m̧an ko rej bōki ilo mour eo tok ālike.
Ruum̧ eo an aiboojoj in al ej jutak kōn uteij eo an im aenōm̧m̧an eo an ijo aolep renaj bōke ilo aer mour ekkar n̄an ko̧jpeļ eo an Jisōs Kraist. Rum in ej bōk jikin m̧ōņōņō, jokkūn wōt juo̧n eo ilowa, im aenōm̧m̧an eo epād n̄an baam̧le ko n̄an indeo im̧aan Jemedwōj Ilan̄ im Nejin, Jisōs Kraist.
Ilo ruum̧ in liāp eo, kōrā eo im em̧m̧aan eo rej m̧are jaab wōt n̄an mour in ak n̄an indeeo.
Kulaaj eo eban ejjo, Nauvoo Illinois Temple (tu almin).
Jikin peptaij, Draper Utah Tampeļ.
Jikin peptaij, Gila Valley Arizona Tampeļ.
Ruum̧ in kain̄i, Manhattan New York Tampeļ.
Ruum̧ in kain̄i, Newport Beach California Tampeļ.
Ruum̧ eo an aiboojoj in al, San Antonio Texas Tampeļ.
Jikin uwe eo eļap, Oquirrh Mountain Utah Tampeļ.
Tapōl alal in lowan m̧weo, Mexico City Mexico Tampeļ.
Ruum̧ in liāp, Vancouver British Columbia Tampeļ.