Etke Tampeļ kein?
Tampeļ ko an Kabūn eo an Jisōs Kraist im Armej ro Rekwojarjar ilo Ran ko Āliktata rej imwoko ekwojarjar ijo kajitōk ko n̄an mour eo tok ālik rej uwaak.
Tampeļ ko rej jikin ko kajitōk ko kōn mour in rej bōk uwaak ko an n̄an indeeo
Ewōr ke kar emman ak kōra ro im, ilo juōn ien eo rej etale mour ko aer, enanin kar kōlmenļo̧kjen kōn lōkapokpok rekabūromōjmōj an mour in?
Eļan̄n̄e lein ak liin en kar jab kajitōk, “Ij itok jen ia? Etke ij bed ijin? N̄aij bed ia? Ta kadkadū n̄an Rikōmanman eo aō? Mij enaj ke bōk n̄a jen jeram̧m̧an ko aō ilo mour in? Ekōjkan baam̧le eo ao? Enaj ke bar wōr bar juōn mour ālkin in, im, eļan̄n̄e ebar wōr, jenaaj ke jelā kajen dron ilo ijen?”
Uwaak in kajitōk kein rejjab waļo̧k ilo jelāļo̧kjen eo an lal in. Rej waļo̧k wōt ilo naan ko an Anij ear kwaļo̧ki. Tampeļ ko an Kabūn eo an Jisōs Kraist im Armej ro Rekwojarjar ilo Ran ko Āliktata rej m̧ōko rekwojarjar ijo kein im ko ikūjen mour eo indeo rej uwaak. Kajjojo iaer rej kōjeram̧m̧an einwōt m̧weo im̧ōn Irooj, juōn jikin ekwojarjar im aeneman ejenoļo̧k jen lal in. M̧ool eo ej katakin ie im bujen ko rej kōm̧m̧an ie rej bōk tok jelāļo̧kjen eo an men ko an mour eo tok ālik im ej rōjan̄ ro rej bōk kūnaer ie bwe ren mour ilo aer melele kōn ad ejaak einwōt ajri ro nejin Anij im ej elloetak kōn kain jekjek eo jenaaj bed ie ilo mour eo tok ālik.
Tampeļ ko rej make wōt kōn wūn ko aer im jerbal ko aer jen aolepen jikin kabūn ko jet
Mōkein, reoktak jen taujin im̧ōn Jar ko jej kabūn jar ie rej bed jake aolepen lal in, rej make wōt kōn wūn ko aer im jerbal ko jen aolepen im̧ōn jar ko jet. Ejjab kōn jaij ko an mōkein ak aiboojoj in jekjekier eo ej kōm̧m̧an men in aer aurōk. Ej jerbal ko rej kōm̧m̧ani ilowaan imwōkein.
Ilo aer kar kōjenoļo̧k mwōkein n̄an jerbal in bujen ko raurōk, ilo an jenoļo̧k jen jikin ko emakijkij kabūn jar ie, ejjab juōn men eo ekāāl. Kar eindein iminene ko an Ri Israel ro etto, ilo an kar armej ro kabūn jar ilo m̧ōn jar ko. Kar jikin eo eaar ekwojarjar kar m̧okta ekar, kein kajuōn, em nuknuk eo ilo ane jemaden ilo ekwojarjar eo an elukkin ekwojarjar, im tampeļ ko rar bōk jikin, ijo bujen ko raurōk rar ko̧m̧m̧an ie im ijo armej ro wōt mour ekkar n̄an kakien ko an remaron̄ in bōk kūnaer ilo bujen kein.
Ejjeļo̧k jen rainin. M̧okta jen an kōjram̧m̧an juōn tampeļ, Kabūn eo an Jisōs Kraist im Armej ro Rekwojarjar ilo Ran ko Āliktata rej karuwaineneik jabdewōt armej n̄an aer delo̧n e mwin im lale jekjek in mwōkein. Ak ien eo ej mōj an kōjram̧m̧an ej erom mweo im̧ōn Anij, ejenolok kōn juōn jekjek eo ekwojarjar me ro wōt uwaan kabūn eo ejimwe mour ko aer remaron̄ in delon e. Ejjab juōn jekjek eo ekalijōk ļo̧k jen. Ej juōn jekjek eo ekwojarjar.
Jerbal in tampeļ ejelet kajjojo ian ro uwaan baam̧le eo an Anij n̄an indeo
Jerbal eo ej wōnm̧aan ļo̧k ilo imwōkein rej kalikkar jekjek in kalim̧m̧ur ko an Anij im rejelet armej, wōn eo nejin Anij im kōmanman eo an. Men eo eļap tata, jerbal in tampeļ ejelōt baam̧le, ilo ad kajjojo einwōt ro uwaan baam̧le eo an Anij n̄an indeo im ilo ad kajjojo einwōt ro uwaan baam̧le ko ilo lal in. Ejelet ekwojarjar im jekjek in bujen m̧are eo n̄an indeo im ikōtaan armej ro dron ilo juōn baam̧le.
Ealikkar bwe kajjojo em̧m̧an im kōrā ro rej lotak tok n̄an lal in rej nejin Anij, ilo jekjek in nōmāme In. Ilo an mālij im tujim̧we im pidodo in katak kein ewōr an jipan ioon ro rej bōk men kein, einwōt an katak ko kallikkar ilo kajin ko jimor raibojoj im kabūlōnlōn, ro rej bōk kūnaer rejeļā bwe ilo an aolep emman im kōrā nejin Jemedwōj Ilan̄, kajjojo iaer rej uwaan juōn baam̧le eo ekwojarjar; kōn men in, aolep armej rej jemjen jeimjati.
Ke scirbe eo eaar kajitōk, “Ewi wōt kein eo im̧aan tata?” Rilo̧mo̧r eo eaar uwaak, “Kwoj aikuij iakwe Irooj Anij kōn aolepen būrwōm, im kōn aolepen am, im kōn aolepen jelāļo̧kjen eo am, im kōn aolepen am kajoor; enin ej kakien eo m̧oktata.
“Im kein karuo ej einwōt in, etan ej, Kwoj aikuij iakwe ritūrūm einwōt am iakwe eok make” (Mark 12:28, 30–31).
Katak kein einwōt an waļo̧k ilo tampeļ ko raan kein rej letok juōn kōmelele eo ekajoor kōn tu bidodo in men in ekkar n̄an eddo ko ad n̄an Rikōmanman eo im n̄an ro ritūrūd. Men in kain̄i kein rekwojarjar rej kōdebakbak ļo̧k katak in eļap an aurōk kōn baam̧le eo an Anij. Rej katakin bwe jitōb eo ilowad kajjojo ej n̄an indeo, ilo keidi ippān anbwinnūd, eo im ej wabanban. Rejjab letok wōt jelāļo̧kjen kōn m̧ool ko reļap ako rej bar einwōt rōjan ro rej bōk kūnaer bwe ren iakwe Anij im kōperan e bwe en kwaļo̧k ilo aer jouij eo eļap n̄an ro jet nejin Jemed.
Ilo ad tōmak katak in bwe kajjojo armej rej nejin Anij ej jiban kōj bwe jen loe unleplep in mour in. Ilo wawen in, mōl eo eaar waļo̧k ej katakin ilo m̧weo im̧ōn Irooj. Mour in ilo lal in ej mōttan wōt ial in ad n̄an mour eo indeo. Jekar mour einwōt ajri ilo jetōb m̧okta jen ad ilo n̄an mour in. Jeje ko rekwojarjar rej kwaļo̧k kakūrm̧ool eo kōn men in. Kam̧ool jen naan ko an Irooj n̄an Jeremaiah: “M̧okta jen aō kar likūt eok ilowaan lojen jinōm iar jelā kajiem; im m̧okta jen am kar diwōj tok jen lojen jinōm iar kōjram̧m̧an eok, im iar kapit eok n̄an juōn rikanaan n̄an lal ko” (Jeremiah 1:5).
Kōtaan ko ikōtaan baam̧le e aorōk emaron̄ in wōnm̧aan ļo̧k ilo lal eo tok ālik
Ilo ad itok n̄an lal in einwōt juōn ajri nejin ro jinen im jemen ilo mour in im einwōt juōn uwaan baam̧le ko. Jinen im jemem ro rej jerbal ippān Anij ilo aer kōm̧m̧ani kalim̧m̧ur ka An ikūjen Ro nejin. Baam̧le eo, kōn men in, ej juōn karōk eo eļap an aurōk, eo eļap tata ilo mour in im ilo mour eo tok ālik.
Aolepen jerbal ko rej kōm̧m̧an ilowaan tampeļ eo ej ikūjen wōt baam̧le. Tu bidodo in jelā melelein men in ej ilo ad kūle mōl eo bwe jekar ro nejin Anij m̧okta jen ad kar lotak tok n̄an lal in, im ilo einwōt ad maron̄ in wōnm̧aan ļo̧k im mour ilo ālkin mij, im kōtaan ko ad n̄an dron ilo mour in rōttūno im rej kabūn būrwōd, eo im e aiboojoj im lap melelein ilo wōt an waļo̧k ilo baam̧le, emaron̄ wōnm̧aan ļo̧k wōt ilo mour eo ej itok.
Eļan̄n̄e juōn emman im juōn kōra rej m̧are ilo m̧weo im̧ōn Anij, rejjab koba wōt ilo mour in ak ej barāinwōt n̄an indeo. Rej jab bed ilo wōt ilo bujen ippān doon iumin maron̄ eo an kakien eo an jikin eo ej kakobaik er n̄an mij ak rej barāinwōt kōm̧m̧an jen priesthood eo indeo an Anij, men eo ej liāp ilan ej me eo im eaar liāp ion lal in. Ro rej m̧are ewōr aer kōjatdikdik kōn madenļo̧k eo ikujen ikōtaan jemjera eo aer n̄an dron im eo n̄an ajiri ro nejier eban jemļo̧k elkin mij ako enaj wōnm̧aan ļo̧k wōt n̄an indeo, ijo wōt ke rej aikuij mour erreo n̄an aer bōk kōjram̧m̧an in.
Ewōr ke juōn emman eo eļap an iakwe kōrā eo palen, ak juōn kōrā eo eļap an iakwe leo palen, eo im eaar jab jar im kajitōk eļan̄n̄e jemjera eo aer ejamin wōnmanļo̧k wōt elkin mij? Ewōr ke ajiri en jinen ak jemen rar kalibūni ro im rar jab wōr kōjatdikdik ipeir ke eo ejitōn bōro ipeir enaj bar jeblaak tok n̄an er ilo lal eo tok ālik? Ewōr en ke ej tōmak ilo mour n̄an indeo emaron̄ ke pere Anij ilan̄ ilo an leļo̧k n̄an man im kōrā ro Nejin men eo e aurōk tata ilo jekjek in mour, iakwe eo ebed ilo tu jekjekin ikōtaan jemjerā ko ilo baam̧le? Jaab, un eo ikōtaan jemjerā eo ilo baam̧le enaj wōnm̧aan ļo̧k elkin mij. Būrwōn armej rej aikuij uwaak in, im Anij in lan̄ emōj an kwaļo̧k e ial eo ijo im m̧ool eo ej bed ie. Men in kain̄i ko rekwojarjar an tampeļ an Irooj ej letok uwaak eo.
Kōjeram̧m̧an ko an tampeļ rej itok n̄an aolep
Ijo wōt ke men in eban jokkūn wōt juōn n̄an aolep eļan̄n̄e kōjeram̧m̧an ko an bujen ko rar etal wōt n̄an ro im rej uwaan Kabun̄ eo an Jisōs Kraist im Armej ro Rekwojarjar ilo Ran ko Āliktata. Ilo lukkin m̧ool eo ijo jemaron̄ kōm̧m̧ane ilo ad itok n̄an tampeļ im bōk mōttan kōjeram̧m̧an eo ebelļo̧k n̄an aolepen ro rej bōk ko̧jpeļ im peptaij ilo Kabūn in. Kōn men in, Kabūn eo ej iuun m̧aan ļo̧k pūrokūram in missionary eo eļap ilo aolepen lal in im enaj kalap ļo̧k pūrokūram in eļap n̄an m̧aan in an ererak, kōnke ej erro eo an in, ilo iumin madenļo̧k, n̄an katakin ko̧jpeļ eo n̄an aolepen lal, kajin, lo, im armej.
Ebar einwōt alikkar bwe elōn million ro rar bed im mour ilo lal in im rejjab maron̄ kar ron kōn gospel in. Renaj ke jab maron̄ bōk kōjram̧m̧an kein ilo rej itok ilo tampeļ ko an Irooj?
Kōn ro remour rej jutak ilo etan ro remij, ejja kain̄i kein wōt rej bar etal n̄an ro im emōj aer ilo̧k jen mour in. Ilo lal eo an jitōb ejja armej rein wōt renaj kalet n̄an er make eļan̄n̄e rej bōk ak jaab kain̄i kein rej kōm̧m̧an ilo lal in ilo etaer, ekoba baptaij, m̧are, im liab ippān dron ilo bujen ko ikōtaan juōn baam̧le. Ejjeļo̧k men in kapanpan ilo jerbal in an Anij, ako kōjram̧m̧an ko rej n̄an aolep.
Jerbal ilo tampeļ ej jerbal in iakwe jen ro remour ilo etan ro im remij
Jerbal in ekaitoktok limo̧ ekūtūbūji juōn jerbal in iakwe eo ejeuwaan ippān armej eo emour ilo etan eo emij. Men in emen in aikuij n̄an juōn eddo eo ekūlep ikūjen ad jerbale menmenbwij ko an baam̧le ko ad n̄an būkot im lale wōn ro rar mour ļo̧k im̧aan. N̄an jiban kōm̧m̧ane jerbal in etale in, Kabūn ej lolorjake būrookraam̧ in menmenbwij eo an baam̧le im kajjeon̄ in kōm̧m̧ane aolepen menmenbwij ko ipeļaakin lal in. Archive ko rej pelļo̧k n̄an jabdewōt armej im emōj an elōn ro kōjerbale im rej jab uwaan Kabūn in ilo aer kajion pukōt ro jibwier im jimaer. Pūrokūraam in emōj an bōk nebar jen ro rej lolorjake jerbal in menmenbwij jen ipeļaakin lal in im emōj an elōn lal ko kajjojo kōjerbale n̄an kōjbarok record ko aer make. Ako unleplep eo n̄an kōjerbale ej n̄an an ro uwaan Kabūn eo kōjerbali ilo aer aikuji n̄an pukōt ro jibwier im jemaer n̄an aer leļo̧k ejja kōjeram̧m̧an kein n̄an er einwōt aer mour kaki. Rej kajitōk ipeir make, “Eļan̄n̄e ij iakwe kōrā eo ippa im ajiri ro nejū ilo aō kōnan bwe ren bed ippa n̄an indeo, etke innem ejjab barāinwōt ro jimmaō im jibū ro remej im bar ro jet nukū rejjab maron̄ bōk ejja bar kōjram̧m̧an kein?”
Tampeļ eo ej letok n̄an kōj maron̄ bwe jen katak kōn m̧ool in melele in men ko ilo mour in
Im kōn men in m̧wōkein rekwojarjar rej pija in makitkit ko rellap, lūr im aeneman im jokne rej wōn m̧aan ļo̧k ie. Rej kakemejmej kōj madenļo̧k eo John Rikanij eo ear jeiki kajitok in im uwaake: “Ta kein in im rej ekkanōk nuknuk mouj? im naat eo rar itok? …
“Errein rej ro rej itok jen bok laplap, im emōj aer kwal nuknuk ko aer, im kōm̧m̧an bwe ren mouj kōn bōtōktōk in Lam eo.
“Kōn men in rej ke bed im̧aan tūron eo an Anij, im jerbal n̄an e raan im bon ilo tempōl eo an” (Revelation 7:13–15).
Ro rej itok n̄an m̧ōko rekwojarjar rej nuknuk mouj ilo aer bōk koņaer ie. Rej itok kōn kappe eo an ecclesiastical ritōl ro aer, ilo an wōr aer mālim kōn an erreo mour ko aer. Kōtmene eo bwe rej itok kōn lōmnak ko rōrreo, ānbwin k rōrreo, im erreo nuknuk ko aer n̄an delon e tampeļ eo an Anij. Ilo aer delon rej aikuij in likūt lal in tūlikier im lōmnak kōn men ko rekwojarjar.
Ilo jekjek in, einwōt ilo ad maron̄ ba, ej bōk tok juōn kōjeram̧m̧an ippān tok, bwe won ilo tōre kein reppen rejjab maron̄ karuwaineneik juōn ien n̄an joļo̧k men ko an lal in im delon ilo m̧weo im̧ōn Irooj, n̄an an kōlmenļo̧kjen ilo aeneman kōn men ko n̄an indeo an Anij? Jikin kein rekwojarjar rej letok ien, eo ejeļo̧k bar juōn jikin, n̄an katak kōn im kōlmenļo̧kjen kōn mol in melele in men ko an mour—ikūjen kōtaan eo ad ippān Rikōm̧anm̧an eo im ial eo ad nan indeo jen mour eo m̧okta n̄an mour in im m̧aan ļo̧k n̄an eo tok ālik ijo im jenaaj jelā im iaio ippān dron, ekoba ro eļap ad iakwe er im ro nūkūr imanūr im ro rar maron̄ in bōk men ko bwinid ilo ānbwin, enjake, im jetōb.
Ilo tampeļ ko jej bōk bujen eo an Anij ikūjen kōjeram̧m̧an ko n̄an indeo
Lukkin m̧ool tampeļ ko eļap aer oktak jen em ko jet. Rej im̧ōn bōk ekkatak. Rej jikin bujen ko im kalim̧m̧ur ko. Ilo lokatok ko jej būkwelōlō iman Anij, ad Rikōmanman, im rej leļo̧k kalim̧m̧ur in kōjram̧m̧an ko An n̄an indeo. Ilo kwojarjar in karōk eo aer jej kōnono Ippān im kememej Nejin Emman, ad Rilo̧mo̧r im Ripinmuur, Irooj Jisōs Kraist, eo eaar kōm̧m̧ane ijo kūnan n̄an kōj kajjojo ilo an en̄taan eļap ilo etad. Ijin jej karmejete kōj make im jerbal n̄an ro reban jerbal n̄an er make. Ijin, iumin kajoor in priesthood eo emol an Anij, jej liāp ippān doon ilo kōtaan jemjerā eo an armej ekwojarjar tata—einwōt m̧aan im kōrā, einwōt ajiri im ro jiner im jemer, einwōt baam̧le ium̧in juōn būjōn eo ien eban kakūre im mij eban kōbōjrak e.
Imwō kein rekwojarjar rar ekkāl ilo iiō ko remarok Armej ro Rekwojarjar ilo Ran ko Āliktata rar etal jen kin n̄an jikin im kar kakūre er. Rar ekkāl im kōjbaroki ilo ien jerata im mweie. Rej itok jen juōn tōmak eo eļap an elōn uwaan eo ekar lap ļo̧k ewōr aer naan in kam̧ool kōn Anij eo emour, kōn Irooj eo eaar jerkakbeje, kōn rikanaan ro im madenļo̧k, im kōn aneman im kōjatdikdik ilo kōjram̧m̧an ko n̄an indeo ilo rebed ilo m̧weo wōt im̧ōn Irooj.
Jikin peptaij, Papeete Tahiti Tampeļ.
Stockholm Sweden Tampeļ. Kar aje ilo Julae 2, 1985.
Manti Utah Tempōl. Kar Aje Māe 21, 1888. Kar bar Aje Juun 14, 1985.