“Tebetembwa 20–26. Reirei ao Berita aika Tabu 106–108: ‘Bwa E na Kaukaki Karawa,’” Nakomai, Iriirai—Ibukiia Aomata n Tatabemaniia ao Utu: Reirei ao Berita aika Tabu 2021 (2020)
“Tebetembwa 20–26. Reirei ao Berita aika Tabu 106–108,” Nakomai, Iriirai—Ibukiia Aomata n Tatabemaniia ao Utu: 2021
Tebetembwa 20–26
Reirei ao Berita aika Tabu 106–108
“Bwa E na Kaukaki Karawa”
E reirei Beretitenti Ulisses Soares, “Ti kainnanoia ni maiu iroun [te Tia Kamaiu], wareka ao kamatebwaian raoi booki aika tabu, kimwareirei iai, reiakinan Ana reirei, ao ni kekeiaki ni maiuakina Aron maiuna” (“How Can I Understand?” Ensign ke Riaona, Meei 2019, 7). Ngkae ko kabanea am tai n Reirei ao Berita aika Tabu 106–8, taui mwiin kawai aika ko kona ni maiuakin koaua aika ko kunei.
Korea Am Namakin
Te moan n iango, Reirei ao Berita aika Tabu 107 e taraa n ae ti bairean aobiti n te nakoanibonga nakon tein te kairiiri ibukin ana Ekaretia te Uea. Ni koauana, n te tai are e boretiaki iai te kaotioti aei, mwaitiia kaain te Ekaretia e a mwaiti riki nakon aia konabwai taan kairiiri tabeman n te ekaretia aika a kaman reke. Ngaia ae korean ana mwakuri ao tabeia kaain te Moan Beretitentii, te Kooram n te Tengaun ma Uoman, te Itingaun, bitiobi, ao beretitentii n te kooram e bon kainnanoaki ao n rangin n ibuobuoki. Ma iai riki ae mwaiti nakon te kaetieti mai ieta inanon mwakoro 107 nakon ae ti aron bairean aobiti n te nakoanibonga ao kooram. E reireiniira ikai te Uea taekan aron bairean te nakoanibonga are e “moan kateaki n ana bong Atam” (kibu 41). Te kantaninga iai bon man te moan bwa aonga natin te Atua—n raonaki ma ngkoe—ni karekei otenanti ni kamaiu n te euangkerio ao ni kimwareirei “n ana kakabwaia n tamnei te Ekaretia—ni karekean te tibwanga ni karekean bwain abanuean karawa aika raba, [ao] ni kauka karawa nakoia” (kiibu 18–19).
Taraa “Restoring the Ancient Order,” Revelations in Context, 208–12.
Iango ibukin te Kamatebwai i bon Iroum ni Koroboki aika Tabu
Reirei ao Berita aika Tabu 106; 108
Te Uea e reireiniia, e kaungaia, ao ni boutokaia nake E weteia ni beku.
Inanon Reirei ao Berita aika Tabu 106 ao 108, te Uea e anga reirei ao berita nakoia membwa ake a weteaki bwa a na beku inanon te Ekaretia. Tera kibuntaeka inanon kaotioti aikai ae e anga te kaunganano ao atatai aika nano ibukin am beku n abanuean te Atua? Aikai uoua kibu n taeka aikai ko na iangoi:
-
Ko kanga n tia ni karekea “te akoaki ao namakinan koauana” bwa ko aonga ni kona n “tei”? (Reirei ao Berita aika Tabu 106:8).
-
Ko na kanga ni kona n “tarataraiko raoi ma ngkai ni kawakinan am berita,” ke am berita aika tabu? (Reirei ao Berita aika Tabu 108:3).
Tera kibuntaeka riki tabeua man mwakoro 106 ao 108 are e uaana nakoim?
Taraa naba Russell M. Nelson, “Ministering with the Power and Authority of God,” Ensign ke Riaona, Meei 2018, 68–75; “Warren Cowdery,” Revelations in Context, 219–23; “‘Wrought Upon’ to Seek a Revelation,” Revelations in Context, 224–28.
Reirei ao Berita aika Tabu 107
Te Uea e kaira Ana Ekaretia rinanon te kariaia n te nakoanibonga.
Ngkae ko a tia ni kamatebwaia Kaokan te euangkerio, tao ko kunea bwa e aki kabwarabwara n tainako te Uea te reirei ni kabane n teuana te kaotioti. Irarikin anne, E kaoti bwaai “teutana imwiin teutana” (Reirei ao Berita aika Tabu 98:12) ngkana e kainnanoia. E ngae ngke e a tia te Uea n anga kaetieti mai mwaina iaon te nakoanibonga ni moan 1829 (taraa, te katooto, mwakoro 20 ao 84), E anga riki kaetieti nakoia Aika Itiaki n 1835 ibukin aobiti aika onoti n te nakoanibonga aika kainnanoaki n tautaekana ao ni kairiia Ana nanai aika rikirake.
Ngkae ko wareki taekan taian aobiti n te nakoanibonga aikai, iangoia bwa ko na kanga ni kamatoaia naake a beku n taian nakoa aikai man “nanom, am onimaki ao am tataro[ni kabane]” (Reirei ao Berita aika Tabu 107:22).
-
Te Moan Beretitentii ao te Beretitenti n te Ekaretia (kiibu 9, 21–22, 65–66, 91–92)
-
Abotoro ake Tengaun ma Uoman (kiibu 23–24, 33–35, 38, 58)
-
Te Itingaun (kiibu 25–26, 34, 93–97)
-
Bitiobi (kiibu 13–17, 68–76, 87–88)
Reirei ao Berita aika Tabu 107:1–20
Otenanti n te Nakoanibonga a katauraoi kakabwaia n te tamnei ao n te tembora nakoia natin Tamara are i Karawa ni kabane.
E reirei Beretitenti Neil L. Andersen: “Te nakoanibonga bon mwaakan ao ana kariaia te Atua ae anganaki ibukin kamaiuakiia ao kakabwaiakiia aomata ni kabane—mwane, aine, ao ataei. … Ngkai ti a tau, otenanti n te nakoanibonga a kakorakorai maiura iaon te aba ao ni katauraoira ibukin berita aika kakawaki n te aonaaba imwaira” (“Power in the Priesthood,” Ensign ke Riaona, Nobembwa. 2013, 92). Ngkae ko wareka Reirei ao Berita aika Tabu 107:1–20 (taraa riki kiibu 18–20) ao nikiran ana rongorongo Unimwaane Andersen, iangoia ni koroi am namakin ake ko karekei bwa e kanga te Atua ni kanakoraoa maium iaon te aba ao ni katauraoiko ibukin te maiu are akea tokina. Tera ae ko karaoia ni karekea ae bati—ao ni buokiia tabeman ni karekei—kakabwaia aikanne?
Taraa naba Reirei ao Berita aika Tabu 84:19–27: Dallin H. Oaks, “The Keys and Authority of the Priesthood,” Ensign ke Riaona, Meei 2020, 69–72.
Reirei ao Berita aika Tabu 107:41–57
Te nakoanibonga e kakabwaiaia utu.
E tangiriia kanoana Atam bwa a na kakabwaiakaki n te nakoanibonga. Tera berita ake e karekei? (taraa kiibu 42, 55). Ngkae ko wareka taekan te bwai ae karaoia Atam, taraa oin nanom ibukin am utu bwa a na kukurei n ana kakabwaia te nakoanibonga. Tera ae kaungako bwa ko na karaoia ni buokiia am utu bwa a na karekei kakabwaia aikai?
Atam e kakabwaiaia kanoana, iroun Clark Kelley Price
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Reirei ao Berita aika Tabu 106:6.Tera ae a kona ni karaoia am utu ni karekea te “kimwareirei i karawa”?
-
Reirei ao Berita aika Tabu 107:22.Tera ae ti karaoia ni kateimatoaia ara taan kairiiri “n … te aki nanokokoraki, teonimaki ao te tataro”?
-
Reirei ao Berita aika Tabu 107:27–31, 85.Reirei ake a kaira ana kauntira te Ekaretia a kona naba ni buokiira ni bootaki ni marooro n ara utu. Tera reirei inanon kiibu aikai aika ti kona ni kabonganai n ara kauntira n ara utu? (Taraa M. Russell Ballard, “Family Councils,” Ensign ke Riaona, Meei 2016, 63–65.)
-
Reirei ao Berita aika Tabu 107:99–100.Anganiia membwa n te utu kaetieti aika koreaki ibukin ana mwakuri te tia tararua n te mweenga, ao kaoa te uanne ke neienne n rinea aron karaoan te mwakuri: korakora, n te kawai n taningaroti, ke n aki wareka te kaetieti. Kariaia nikiraia utu bwa ana matakuakina teuanne ke neienne ni karaoa te mwakuri ao ketinna bwa tera te kawai ae e rineia kaain te utu. Imwiina ao karekea aia tai kaain te utu ake imwiina. Bukin tera e kainnanoira te Uea bwa ti na reiakin tabera ao ni karaoi ma nanora ni kabane? (Taraa Becky Craven, “Careful versus Casual,” Ensign ke Riaona, Meei 2019, 9–11.)
-
Reirei ao Berita aika Tabu 108:7.Ti na kanga ni kakorakoraira n ara kakaraki? n ara tataro? n ara kaumaki, ke n ara mwakuri ni kabane? Ko kona n rinea teuana mai ibuakon aikai ni mwakuri iaona n te utu.
Ibukin iango riki tabeua ibukin reiakinaia ataei, taraa te kamataata n te wiiki aei inanon Nakomai, Iriirai—Ibukin te Moanrinan.
Anene aika katauaki: “We Listen to a Prophet’s Voice,” Boki n Anene, nambwa. 22.
Kanakoraoan Am Kamatebwai
Korei am namakin. Ngkana namakin n tamnei ke atatai aika nano a roko nakoim, koroi mwiia. Ngkana ko karaoia, ko kaotia nakon te Uea bwa ko kabongana Ana kaetieti. (Taraa Reirei n Ana Kawai te Tia Kamaiu, 12, 30.)
Merekitereka e Kakabwaia Aberam, iroun Walter Rane