Kirtland Tembora, iroun Al Rounds

Aokati 30–Tebetembwa 5

Reirei ao Berita aika Tabu 94–97

“Ibukin Kamaiuakin Tion”

Tera reirei ao reirei aika tabu aika a rianako ngke ko kamatebwaia Reirei ao Berita aika Tabu 94–97? Kakoaua bwa ko korei am namakin.

Korea Am Namakin

Ngke e tuangaki Mote iroun te Uea bwa e na katea te tabaenako, E tuanga Mote bwa e na “karaoi bwaai ni kabane n ai aron te bwai ni kakairi are kaotaki nako [ina] i aon te maunga” (Ebera 8:5; taraa naba Te Otinako 25:8–9). Te tabaenako e na tei i nukan aia bwai n rereuan Iteraera (taraa Warekaia Iteraera 2:1–2). Imwiina, te Atua e tuanga Toromon ao ana aomata bwa a na katea te tembora ni kaineti ma te tamnei are E kaotia (taraa 1 Rongorongo 28:12, 19).

Ngke e kaoka bwaninin te euangkerio te Uea, E tuanga Iotebwa Timiti bwa e na katei tembora ni kaineti nakon te tamnei are e kaotaki. “E riai ni kateaki te auti, tiaki n ana kawai te aonaba, ” e taekinna te Uea. “E riai ni kateaki n te banna are I a tia ni kaotia nakoimi” (Reirei ao Berita aika Tabu 95:13–14; taraa naba 97:10). N aron te tabaenako inanon te rereua, e nanonaki te tembora bwa te mwaake ae kakawaki n te aba i Kirtland (taraa Reirei ao Berita aika Tabu 94:1).

N te bong aei ao a kuneaki ana auti te Uea ni kabuta te aonaaba. E ngae ngke aki mena i nukan ara kaawa, a kona ni kakawaki ni maiura. E ngae ngke a kakaokoro tembora nako n tarakiia, inanona ti reiakina te tamnei mai ieta ae ti tebo—te babaire mai i karawa ni uotiira rikaaki nako matan te Atua. Otenanti aika tabu, ao akea tokiia a buokiira ni karikirakea maiura ao ni kakorakoraia ara utu “tiaki n ana kawai te aonaba” ma n ana kawai te Atua are kaotia nakoira.

Taraa Aika Itiaki, 1:169–70; “A House for Our God,” Revelations in Context, 165–73.

Iango ibukin te Kamatebwai i bon Iroum ni Koroboki aika a Tabu

Reirei ao Berita aika Tabu 94; 97:15–17

E kona te Uea ni mena irarikiu ni maiu ni katoabong.

Te kaetieti inanon Reirei ao Berita aika Tabu 94 ao 97 a anganaki n te bong naba anne—Aokati 2, 1833. Mwakoro 97 e tabe n iterana ma te tembora are e baireaki ibukin Jackson County, Missouri, ngkai mwakoro 94 e tabe ma tararuakin kateitei i Kirtland, Ohio. Ko na kona n nori tabeua bwaai aika ti tebo n te bwai ae taekinna te Uea ibukin kateitei aika kakaokoro aikai (taraa Reirei ao Berita aika Tabu 94:2–12; 97:10–17). Ngkana ko iangoi raoi kaetieti aikai, iangoa te bwai ae ko kona ni karaoia n namakina mimitongin te Uea ao ni kaoti n angiin te tai, inanon kateitei n te Ekaretia ao inanon maium ni katoabong.

Reirei ao Berita aika Tabu 95

Te Uea e boaia naake E tangiriia.

Imwiin nimaua te namwakaina n nako man Tianuare 1833, ngke e a tia te Uea n tuangiia Aika Itiaki i Kirtland bwa a na katea a na auti te Atua ao ni karaoa te bootaki n taromauri (taraa Reirei ao Berita aika Tabu 88:117–19). Ngke te kaotioti are e koreaki inanon mwakoro 95 e reke n Tuun 1833, a tuai ngkanne ni mwakuri iaon te tua anne. Tera ae ko reiakinna man te kawai are e boaia Aika Itiaki te Uea n te kaotioti aei? Iai tuua ke taeka n reirei aika ko tuai ni mwakurii? Tera ae ko kaungaki bwa ko na karaoia?

Taraa naba D. Todd Christofferson, “As Many as I Love, I Rebuke and Chasten,” Ensign ke Riaona, Meei 2011, 97–100.

Reirei ao Berita aika Tabu 95:8, 11–17; 97:10–17

Inanon te tembora te Atua e kakabwaiaia Ana aomata.

Imwiin are a boaaki ibukin aki katean ana auti te Uea i Kirtland, taan kairiiri n te Ekaretia a rinea te tabo n onarokan te wiita are ana kateia iai. Hyrum Smith, tarin te Burabeti, e waekoa ni biri ni karekea te bwai ni koro uteute ao ni moanna ni kaitiaka te tawaana. “Ti a katauraoi ni katea te auti ibukin te Uea,” e taku, “ao e unga nanou n riki bwa te moan aomata ni mwakuri iaona” (inanon Aia Reirei Beretitenti n te Ekaretia: Iotebwa Timiti [2007], 271, 273). Iangoa nanon Hyrum ae korakora ngkana ko wareka Reirei ao Berita aika Tabu 95:8, 11–17; 97:10–17. Tera ae ko kunea are e kaunga te aeka n nano anne iroum ni karekei ana kakabwaia te tembora?

Hyrum Smith ni Kaitiaka te Aba, iroun Joseph Brickey

Reirei ao Berita aika Tabu 97:18–28

Tion are “a itiaki nanoia.”

Te Burabeti Iotebwa Timiti e reirei, “Ti riai ni karekea iangoan katean Tion bwa ara kouru ae moan te kakawaki” (Ana Reirei: Iotebwa Timiti, 186). Nakoia Aika Itiaki n te 1830, Tion bon te tabo, bon “ana kaawa Atuara” (Reirei ao Berita aika Tabu 97:19). Ma n te kaotioti are e koreaki n te mwakoro 97, te Uea e karababa te taratara anne. Tion e kabwarabwara naba te botanaomata ake—“a itiaki nanoia” (kibu 21). Ngkae ko wareki kiibu 18–28, iangoa taekan te kabwarabwara aei ngkana ko wareka te taeka “Tion.” Tera ae nanonaki iroum n te nano ae itiaki? E kanga te tembora n ibuobuoki ni kakoroa nanon “kamaiuan Tion”? (kibu 12).

Taraa naba Mote 7:18; Gospel Topics, “Zion,” topics.ChurchofJesusChrist.org.

Iango ibukin Kamatebwai ni Koroboki aika Tabu n te Utu ao te Bootaki n Utu n te Tairiki

Reirei ao Berita aika Tabu 95:8.E kanga karaoakin ao kawakinan berita aika tabu n te tembora n uota te “mwaaka mai ieta” nakon maiura? Tao a kona kaain te utu n tibwauaia bwa tera aia namakin ibukin te tembora ke n tibwauai aia atatai ngke a tia n namakina te kakabwaiaaki ma “te mwaaka mai ieta” rinanon te nebonebo inanon te tembora.

Ni buokiia naake a katauraoi n rin n te tembora, kam kona n rinanoi witeo, tamnei, ao kaetieti aika a kona ni kuneaki n temples.ChurchofJesusChrist.org. Ni buokia ataei n reiakina taekan te tembora, ko kona ni kabongana “Your Path to the Temple” (inanon Ana Tembora Ana Ekaretia Iesu Kristo ibukiia Aika Itiaki ni Boong Aika Kaitira [te beeba ni kaongora ae onoti te Ensign ke Riaona, Okitobwa 2010], 72–75).

Reirei ao Berita aika Tabu 95:1–11.Tera ae ti reiakinna iaon taekan te boaaki man kiibu aikai? Tera taekan te Uea ae ti reiakinna? A kanga atatai aika nano aikai n rota te kawai ae ti karekea iai te boaaki ke boaaia tabeman?

Reirei ao Berita aika Tabu 97:8.Ni kaineti ma te kibu aei, ti na kanga ni “butimwaeaki iroun” te Uea? E kanga anne ni kaokoro ma te butimwaeaki iroun te aonaaba? Tera ae nanonaki ni “karinei [ara] berita aika tabu man te anga karea”? Ti kanga n tia ni karaoa aei?

Reirei ao Berita aika Tabu 97:10–21.E reirei te Burabeti Iotebwa Timiti, “Te tabo raa ae a ikotaki iai Aika Itiaki bon Tion, are e na kona iai te mwane [ke te aine] ni katea te tabo ibukin te kamanomano ibukin natin te uanne [ke neienne]” (Teachings: Joseph Smith, 186). Ti na kanga ni katea Tion ni mweengara? Tera taian reirei aika ti kunei inanon Reirei ao Berita aika Tabu 97:10–21? N te utu, rinea te reirei ae kam na kabanea ami iango iaona n te wiiki aei.

Ibukin iango riki tabeua ibukin reiakinaia ataei, taraa te kamataata n te wiiki aei inanon Nakomai, Iriirai—Ibukin te Moanrinan.

Anene aika katauaki: “I Love to See the Temple,” Aia Boki n Anene Ataei, 95.

Kanakoraoan Am Kamatebwai

Korei Am Namakin. Taui mwiin taneiai aika ko a tia ni karekei ma taian reirei ao reirei aika ko reiakin. A kona taneiai aikai n riki bwa mwakoron rongorongom aika ana kakabwaiaia iai rooro aika ana roko.

Katean te Kirtland Tembora, iroun Walter Rane