I Noora Natin te Aomata n Tei i Angatain te Atua, iroun Walter Rane

Aokati 23–29

Reirei ao Berita aika Tabu 93

“Kam na Karekea Bwaninina”

Reirei ao Berita aika Tabu 93 e reirei bwa “te koaua bon te atatai ni bwaai n aroia ngkai, ao n aroia ngkoa, ao n aroia n taai aika a na roko” (kibu 24). Ngkae ko reiakina te mwakoro aei, ukoukora te koaua ao korea te bwai ae ko reiakinna. Tera ae ko tauraoi ni karaoia bwa ko aonga ni karekea te koaua? (taraa kiibu 27–28).

Korea Am Namakin

“Ngkana ko tamwarakea te kaintamwarake,” Iotebwa Timiti e reirei, “ko riai ni moanna mai inano, ao waerake n te mwaneka teuana imwiin teuana, ni karokoa ko roko ieta; ao ti tebo ma ana reirei te euangkerio—ko riai ni moanna ma are temoan, ao ni waaki nako ni karokoa ae ko reiakin reirein te kamaiuaki ni kabane” (Aia Reirei Beretitenti n te Ekaretia: Iotebwa Timiti [2007], 268).

N tabetai te kawai ni karekean te karietataaki e kabotauaki ma tamwarakean te kaintamwarake. E ngae ngkai e taraa n ae ti na aki kona ni karekea te karietataaki, te kantaninga ibukin maiura bon karaoan te waaki nakon karekeana. Bwa tera tiara ae ti noria iroura, Tamara are i Karawa ao Natina a noori bwaai aika mimitong iroura, te bwai ae aekan te atua. N aron Iesu Kristo “iai Ngai mai moana ma te Tama,” ngaia ae “kam bon mena naba mai moana” (Reirei ao Berita aika Tabu 93:21, 23). N aron are E “reitinako man te akoi nakon te akoi, ni karokoa e karekea bwanininna,” ngaia naba “kam na karekea te akoi ibukin te akoi” (kiibu 13, 20). Te euangkerio ae kaokaki e reireiniira taekan koauan te aro n Atua, ao ngaia ae e reireiniira naba arora ao tera ae ti kona n riki nako iai. N aki tabe ma ana mwakuri teuare “e buakaka” (kibu 39)—ao n aki tabe ma te bwai ae ko namakinna bwa akea iroum—ngkoe bon natin raoi te Atua ma te konabwai ao “n te tai ae riai kam na karekea bwanininna” (kibu 19).

Iango ibukin te Kamatebwai i bon Iroum ni Koroboki aika a Tabu

Reirei ao Berita aika Tabu 93

Ti taromauria te Atua te Tama ao Natina Iesu Kristo.

N taetae iaon te kaototi inanon Reirei ao Berita aika Tabu 93, e kabwarabwara te Uea, “I anganingkami taeka aikai bwa kam aonga n oota ao n ataa aron te taromauri, ao n ataia bwa antai ae kam taromauriia, bwa kam aonga n nakon te Tama n arau, ao n te tai ae riai kam na karekea bwanininna” (kibu 19). Ngkana ko reiakina taekan te kaotioti, mwaken koaua ake ko kunei n taekan Aomata ake ti taromaurii: Te Atua te Tama ao Natina Iesu Kristo. Tera ae ko reiakinna ibukin “ko na kanga n taromauri” Ibukiia? bwa ko na kanga n “nako nakon te Tama”?

E reirei te Burabeti Iotebwa Timiti, “Ngkana aomata aki kona n ataa anuan te Atua, a bon aki kona ni kinaia ibon irouia” (Teachings: Joseph Smith, 40). Ngkana ko reirei taekan te Tia Kamaiu man kamatebwaian Reirei ao Berita aika Tabu 93, taraa te bwai ae ko reiaknna naba ibukim. Te katooto, tera ae ko reiakinna Ibukina man kiibu 3, 12, 21, and 26? Tera koaua aika ti tebo ma are iroum aika ko kunei inanon kiibu 20, 23, and 28–29? (Taraa naba 1 Ioane 3:2; 3 Nephi 27:27; Dean M. Davies, “The Blessings of Worship,” Ensign ke Riaona, Nobembwa. 2016, 93–95.)

Reirei ao Berita aika Tabu 93:1–39

Mimitongin te Atua bon te oota ao te koaua.

Ko na kunea bwa te mimitong, te ota, ao te koaua a taekinaki n tainako inanon te kaotioti aei. Ngkae ko kamatebwai kiibu 21–39 riki, koroi ni karinani koaua ake ko reiakin n taekan te mimitong, te ota, ao te koaua. A kanga koaua aikai ni kaungako bwa ko na ukoukora riki te ota ao te koaua? A kanga koaua aikai n rota aron maium iai ni katoabong?

Ti karekea te ota ao te koaua ngkana ti kawakin ana tua te Atua.

Reirei ao Berita aika Tabu 93:40–50

“Bairea raoi oin am auti.”

Tao n te kibu 40, Reirei ao Berita aika Tabu 93 e tara ni mwaing man reirein mimitongin te Atua ao ara konabwai mai ieta nakon te kaetieti ibukin tararuakiia ataei ao barongakin ara auti. A kanga ana reirei te Uea iaon te ota, te koaua, ao te mimitong inanon kiibu 1–39 ni buokiko ni kaotako ao n ira te reirei inanon kiibu 40–50?

Taraa naba David A. Bednar, “More Diligent and Concerned at Home,” Ensign ke Riaona, Nobembwa. 2009, 17–20.

Iango ibukin Kamatebwai ni Koroboki aika Tabu n te Utu ao te Bootaki n Utu n te Tairiki

Reirei ao Berita aika Tabu 93:2.E kanga n tia n riki Iesu Kristo bwa te “ota ni koaua” inanon maiura? Ti kanga n tia n noora Otana irouia aomata tabeman irarikira?

Reirei ao Berita aika Tabu 93:3–29.Ni buoka am utu ni maroroakina te bwai ae a reiakinna inanon mwakoro 93 n taekan te Tia Kamaiu ao bon ngaiia, kam kona n takakaro n te takakaro ae te ikatoatoa. Te katooto, ko kona ni katauraoa teuana te tiete ni kaati ma kiibu man mwakoro 93 ae reirei koaua ibukin te Tia Kamaiu (taraa kiibu 3, 12, 21, 26) ao te tiete riki teuana ae reirei te bwai ae ti tebo bon ibukira (tarai kiibu 20, 23, 28–29). A kona kaain te utu n anai kaati man taian tiete aikanne, wareki kiibu, ao ni kataia ni ukoukori koaua ake a irekereke. A kanga koaua aikai ni kakorakora aron ara namakin ibukin te Tia Kamaiu ao bon ibukira?

Reirei ao Berita aika Tabu 93:12–13, 20.Tera ae nanonaki bwa ko na karekea “te akoi ibukin te akoi”ma e reitinako “man te akoi nakon te akoi”? (kiibu 12–13). Tera ae taekinaki ni kiibu aikai n aron te kawai are ti na rikirake ao n reirei mai iai? E kanga atakin aei n rota arora n tabeakiniia tabeman—ao bon ngaira?

Reirei ao Berita aika Tabu 93:24.Wareka kabwarabwarakin te koaua ae kuneaki n te kibu aei, ao kaoia kaain te utu bwa a na tibwaua te bwai teuana man mwakoro 93 are a taku n aia iango bwa te koaua ae akea boona. Tera riki kabwarabwarakin te koaua ae ti kunea inanon Ioane 14:6; Iakobwa 4:13; ke te boki n anene n taekan te koaua, n aron “Oh Say, What Is Truth?” (Boki n Anene, nambwa. 272).

Reirei ao Berita aika Tabu 93:40.Tao ngkana ko wareka te kibu aei, a kona am utu n anenea te anene iaon te reirei n te mweenga, n aron “Teach Me to Walk in the Light” (Aia Boki n Anene Ataei, 177). Ataei aika uarereke a na bae ni kukurei ni katei kaiia ae na nako ma te taeka. Tera ae ko kaungaki bwa ko na karaoia ni kaoa riki “te ota ao te koaua” nakon mweengam?

Reirei ao Berita aika Tabu 93:41–50.Bootaki n marooro n te utu bwa tera te bwai “aika aki eti n am auti.” Ti kona ni karaoia ni “baronga raoi [ara] auti”? (kiibu 43–44).

Ibukin iango riki tabeua ibukin reiakinaia ataei, taraa te kamataata n te wiiki aei inanon Nakomai, Iriirai—Ibukin te Moanrinan.

Anene aika katauaki: “I Am a Child of God,” Aia Boki n Anene Ataei, 2–3.

Kanakoraoan ara Kamatebwai

Warekia n ae mwaiti nakon ae ti teuana. Ko kona n rineia ni wareka Reirei ao Berita aika Tabu 93 iaon teuana te tai n te wiiki. N tainako ngkana ko wareware, ko na kunea bwa koaua aika kaokoro a kakawaki riki nakoim ke ni kaungako n te kawai ae boou. Te wareware n taai aika mwaiti a na karekei naba taai ibukim ni kakorakorai iangoaia.

Te Oota ao te Koaua, iroun Simon Dewey