“Turai 26–Aokati 1. Reirei ao Berita aika Tabu 84: ‘Mwaakan te Aro n Atua,’” Nakomai, Iriirai—Ibukiia Aomata n Tatabemaniia ao Utu: Reirei ao Berita aika Tabu 2021 (2020)
“Turai 26–Aokati 1. Reirei ao Berita aika Tabu 84,” Nakomai, Iriirai—Ibukiia Aomata n Tatabemaniia ao Utu: 2021
Kaokan Bwaai, iroun Liz Lemon Swindle
Turai 26–Aokati 1
Reirei ao Berita aika Tabu 84
“Mwaakan te Aro n Atua”
Ngkai kam wareka Reirei ao Berita aika Tabu 84, iangoa te reirei n “maiuakini taeka ni kabane are a otinako mai wiin te Atua” (kibu 44). Kam na kanga n maiuakinii taeka are n te kaotioti aei?
Korei Am Namakin
Ma ngke e kaokaki te nakoanibong n 1829, Aomata aika Itiaki a tia n kakabwaiaaki n te mwaaka are tabu anne. A bwabetitoaki, a kamatoaki, ao a weteaki bwa a na beku man ana kariaia te nakoanibonga, n aron are karaoaki ngkai. Ma karekean mwaakan te nakoanibonga e kaokoro ma karekean te mataata ae bwanin iai, ao te Atua iai riki are E tangiriia Ana Aomata aika Itiaki bwa a na oota iai—riki rokon manga kaokan otenanti n te tembora. Te kaotioti n 1832 iaon te nakoanibonga, are ngkai Reirei ao Berita aika Tabu 84, e kabwabwaka aia taratara Aomata aika Itiaki bwa tera raoi te nakoanibonga. Ao e kona ni karaoa riki ae bati ibukira ni boong aikai. Irariki anne, E bati ae ti na reiakinna ibukin te mwaaka ae tabu are taua “kiingin te atatai ibukin te Atua,” are kaota iai “mwaakan te Aro n Atua,” ao are katauraoira n “noora ubun te Atua, are te Tama, ao e maiu” (kiibu 19–22).
Iango ibukin te Kamatebwai i bon Iroum ni Koroboki aika a Tabu
Reirei ao Berita aika Tabu 84:1–5, 17–28
I kona ni karekea mwaakan ma ana kakabwaia te nakoanibonga.
Ngkana ko iangoa te taeka ae nakoanibonga, tera ae roko n ami iango? Mwaitira te tai ae ko iangoa iai te nakoanibonga ao korakorana iaon maium ni kaota bong? Imwin iangoan titiraki aikai, kamatebwaia Reirei ao Berita aika Tabu 84:1–5, 17–28, ao iangoia bwa tera ae tangiria te Uea bwa ko na ataia n mwaakan Ana nakoanibonga. Ko na kanga n kabonganai kiibu aikai n kabwarabwara te nakoanibonga nakon temanna ao ni kabwarabwara bonganana?
Ko kona naba n iangoi otenanti n te nakoanibonga ake ko a tia ni karaoi. N te aro raa ae ko noora iai “mwaakan te Aro n Atua” (kibu 20) n kaoti iai? Iangoia bwa tera ae tangiria te Uea bwa ko na karaoia ni karekea riki Mwaakana inanon maium.
Taraa naba M. Russell Ballard, “Mwaane ao Aine ao Mwaakan te Nakoanibonga,” Ensign, Tebetembwa. 2014, 28–33; Atuun te Euangkerio, “Nakoanibonga,” topics.ChurchofJesusChrist.org.
Reirei ao Berita aika Tabu 84:31–42
Ngkana I butimwaea te Uea ao Ana toro, N na karekea ana bwai nako te Tama.
E reirei Unimwaane Paul B. Pieper: “E kakaongora bwa n te [Reirei ao Berita aika Tabu 84:31–42], te Uea e kabonganai weabe aika butimwaai ao karekea. E aki kabongana te weabe ae katabua. Bon inanon te tembora are a—uaia—mwaane ao aine—ni butimwaai ao ni karekei ana kakabwaia ao mwaakan te Nakoanibonga ae te Aaron ao te Merekitereka” (“Revealed Realities of Mortality,” Ensign, Tianuare. 2016, 21).
Ngkai kam kamatebwaia Reirei ao Berita aika Tabu 84:31–42, tarai taeka aika “butimwaai” ao “karekea.” Iangoia bwa tera ae nanonaki n te kabwarabwara aio. N te aro raa ae ko “butimwae[a]” te Uea ao Ana toro?
Ko kona naba n tarai berita ake ni kiibu aikai ake a irekereke ma ana tuea ao ana berita aika tabu te nakoanibonga are te Atua e “aki kona n urua” (kibu 40). Tera ae ko kunea ae kaungako bwa ko na kakaonimaki riki ni butimwaea te Tama, Ana toro, ao mwaakan Ana nakoanibonga?
Taraa Bwai ni Kairi nakon Koroboki aika Tabu, “Berita ae Tabu,” “Tuea,” scriptures.ChurchofJesusChrist.org.
Reirei ao Berita aika Tabu 84:43–58
I nako nakon Kristo ngkai I taui Ana taeka ao n ongo iroun Tamneina.
Te teimatoa ni wawareki koroboki aika tabu ao aia taeka burabeti e raka riki nakon kabwaraan baem n tabem n te maiu n tamnei. Tera koaua aika kam kunei n Reirei ao Berita aika Tabu 84:43–58 aika a kona n buoka ootami bwa bukin tera kam kainnanoa te teimatoa n kamatebwaia ana taeka te Atua? Taraa te kaokoro imarenan te ota ao te roo ni kiibu aikai; e kanga am “botumwaaka ni kakauongo raoi nakon taekan te maiu ae akea tokina” n uota te oota, koaua, ao “Tamnein Iesu Kristo” nakon maium? (kiibu 43, 45).
Taraa naba 2 Nibwaai 32:3; “Ana Boki Moomon—Kiingin Aan Ara Ekaretia,” Aia Reirei Burabeti n te Ekaretia: Ezra Taft Benson (2014), 125–35.
Kamatebwaian koroboki aika tabu e buokai n namakina korakoran te Tamnei.
Reirei ao Berita aika Tabu 84:62–91
E na raonai te Uea ngkana I karaoa Ana mwakuri.
Ngkai kam warekii kiibu aikai, kam kona n katebenakoi kawai ake e taekin te Uea bwa E na boutokaiia iai Ana Abotoro ma mitinare. A kanga berita aikai n irekereke ma te mwakuri are E a tia n tuangkami bwa kam na karaoi? Te katooto, n te aro raa are berita ake n te te kibu 88 a kakoroaki nanoia inanon maium?
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Reirei ao Berita aika Tabu 84:6–18.Imwiin warekan rongorongon Mote ngke e karekea ana kariaia te nakoanibonga, teuare iai irouna te nakoanibonga n am utu ke te tari n ibuobuoki e kona n tibwaua ana namakin ngke e katabuaki nakon ana aobiti te nakoanibonga anne. Ngkana e kona, e kona n tibwaua man marorooakina rainin ana kariaia. Bukin tera e kakaawaki bwa ti na kakaea ana kariaia te nakoanibonga n te Ekaretia are ngkai rikaaki nakon te kariaia are iroun Iesu Kristo? Ni bubuti rainin am kariaia, kanakoa am imeeri nakon lineofauthority@ChurchofJesusChrist.org.
-
Reirei ao Berita aika Tabu 84:20–21.N ningai te tai are am utu e namakina “mwaakan te aro n Atua” ni kaoti rinanon te otenanti n aron te bwabetito ke te toa? Tao kam kona n marorooakinna bwa a kanga otenanti aikai ni uota mwaakan te Atua nakon maiura. Kam kona n kaota tamnein te tembora ao n marorooakinna bwa a kanga otenanti n te tembora n anganiira riki te mwaaka n riki n aron te Tia Kamaiu. Tao kam na kan anenea te korana te kuna iaon te nakoanibonga, n aron “The Priesthood Is Restored” (Aia Boki n Anene Ataei, 89), ao maroorooakinna bwa tera ae reirei te kuna aio iaon te nakoanibonga.
-
Reirei ao Berita aika Tabu 84:43–44.Kam kona n kuukana te amwarake ke te taonanimwi ao nikorei aran bwain te kuuka man taeka ao mwakoro n taeka ake n te te kibu 44. Bukin tera e kakaawaki bwa ti kabwakai ni kabane bwain nako te kuuka? Bukin tera e kakaawaki maiuakinan ni kabane ana taeka te Atua?
-
Reirei ao Berita aika Tabu 84:98–102.Tera rongorongon Iesu ae ti reiakinna man te “anene ae boou” (te kibu 98) n kiibu aikai? Tera ae ti kona n karaoia n ara tai n buoka karokoi aroaro ake a kabwarabwaraaki n te kuna aio?
-
Reirei ao Berita aika Tabu 84:106–10.A kanga ara utu n “uaia n karikirakeaki” man aia bwaintangira ao aia mwakuri “membwa nako”? (kibu 110).
Ibukin iango aika a mwaiti riki ibukiia ataei, taraa te kabwarabwara n te wiiki aei n Nakomai, Iriirai—Ibukin te Moanrinan.
Te anene ae tamaroa: “The Priesthood Is Restored,” Aia Boki n Anene Ataei, 89; taraa naba “Iango ibukin Katamaroan Am Kamatebwai n Koroboki aika Tabu n te Utu”
Kanakoraoan Ara Anga Reirei
Karaoan ao rimwiian kakao ni karaoan te mwakuri. Ngkana ko kaoiia am utu bwa a na mwakuriia baike a reiakin, ko kaotia nakoia bwa te euangkerio bon te bwai ae riai ni maiuakinaki, ao n aki tii marorooakinaki. Tera ae ko kona n kaoiia bwa a na mwakurii man ami kamatebwai n Reirei ao Berita aika Tabu 84?
Rome Italy Tembora