Iotebwa e karekea te Nakoanibonga ae te Merekitereka

Kaokan Bwaai, iroun Liz Lemon Swindle

Turai 26–Aokati 1

Reirei ao Berita aika Tabu 84

“Te Mwaaka n te Aro n Atua”

Ngkana ko wareka Reirei ao Berita aika Tabu 84, tera koaua aika ko namakin bwa ko na kamataatai ma ataei aika ko reireiniia? Korea te iango are e roko iroum mairoun te Tamnei ae Raoiroi.

Korea am Namakin

te aikaon ibukin te tibwatibwa

Kaungaa te Tibwatibwa

Kaoiia ataei bwa a na tibwai bwaai aika a ataia n taekan te nakoanibonga. Ko kona ni kaota tamnein temanna ae a tia ni kakabwaiaki man mwaakan te nakoanibonga, n aron Gospel Art Book, nambwa 103–10, ao titirakiniia ataei bwa e kanga te nakoanibonga ni kakabwaiaia utu.

te aikaon ibukin te anga reirei

Reirei te Reirei: Ataei aika a Uarereke

Reirei Ao Berita aika Tabu 84:19–22, 26–27

Te nakoanibonga bon mwaakan te Atua.

Ataei ake ko reireiniia ataa bukin te nakoanibonga? Inanon Reirei ao Berita aika Tabu 84, te Uea e kaota teuana bukina: e na buokiira n okira Tamara are i Karawa. (N reiakina ae mwaiti riki, tarai Atuun Reirei n te Euangkerio, “Nakoanbonga,” topics.ChurchofJesusChrist.org.)

Waaki ni Kakukurei aika a Kona ni Karaoaki

• Wareka Reirei ao Berita aika Tabu 84:20, ao titirakiniia ataei bwa a na teirake ngkana a ongo te taeka “otenanti.” Ni buokiia n ataia bwa tera te otenanti, katei tamnein otenanti tabeua n te nakoanibonga, n aron Gospel Art Book, nambwa 103–8, ao titirakiniia ataei bwa a na kabwarabwara te bwai ae riki n tamnei aikai (taraa naba Kairi nakon Koroboki Aika Tabu, “Otenanti,” scriptures.ChurchofJesusChrist.org). Kabwarabwaraa bwa Tamara are i Karawa e a tia n anganiira otenanti aikai bwa e na buokiira n oki ni maeka ma Ngaia.

• Tuangiia ataei bwa a na karana te iteraniba ibukin te waaki ni kakukurei . Ngakana a karaoia, kabwarabwarai aekan nako otenanti n te nakoanibonga aika kaotaki iaon te iteraniba ao bukin tera kam kakaitau ibukin otenanti aikai.

Reirei ao Berita aika Tabu 84:17

Ngai bon raoraon Iesu ngkana I Iria.

Ko na kanga ni buoka te ataei n ataia bwa e tangiriira riki te Tia Kamaiu nakon ana tangira raoraona?

Waaki ni Kakukurei aika a Kona ni Karaoaki

• Kaota tamnein te Tia Kamaiu ngkana ko wareka Reirei ao Berita aika Tabu 84:77. Kaoiia ataei bwa a na kotea tamnein te Tia Kamaiu n taainako ngkana a ongo te taeka “raoraom.” Kabwarabwara bwa ngkana ti kataia ni kawakin tuua, ti kaotia nakon Iesu bwa ti Tangiria. Tibwauaia bwa tera ae nanonaki iroum ni karika Iesu bwa raoraom.

• Buokiia ataei ni koroi tabeua bwaai aika a kona ni karaoi ni kaotia nakoia raoraoia bwa a tangiriia. Tera ae karaoia Iesu ni kaotia nakoira bwa Ngaia bon raoraora? Tera ae ti kona ni karaoia ni kaotia nakon te Tia Kamaiu bwa ngaira bon Raoraona? Ikotaki n anenea te anene ibukin te burabeti, n aron “Jesus Is Our Loving Friend” (Aia Boki n Anene Ataei, 58).

Reirei ao Berita aika Tabu 84:88

Tamara are i Karawa e buokiia Ana mitinare.

Te iango n riki ni mitinare n te bong teuana, e kona ni kakukurei ma e kakamaaku naba ibukiia tabeman ataei. Reirei ao Berita aika Tabu 84:88 e kona n reireiniia aron ana ibuobuoki Tamara are i Karawa nakoia naake E kanakoia bwa a na tataekina Ana euangkerio.

Waaki ni Kakukurei aika a Kona ni Karaoaki

• Buokiia ataei bwa a na iangoia mitinare aika a kinaia. Tuangiia bwa e a tia Tamara are i Karawa ni karaoa te berita ae onoti nakoia mitinare. Wareka Reirei ao Berita aika Tabu 84:88, ao buokiia ataei n iangoi mwakuri aika a nako ma berita n te kibu aei. Taekina te tai ngke ko beku ibukin te Uea ao n namakinna bwa E mena irarikim, n aron are e kabwarabwaraaki n te te kibu 88.

• Tibwaua karakinan te ataeinimwaane ae aua ana ririki n ana rongorongo Unimwaane Takashi Wada “Feasting upon the Words of Christ” (Ensign ke Riaona, Meei 2019, 38–40). Buokia ataei n tatabemaniia n iangoa te bwai ae a kona n taekinna n tibwaua aia koaua ma temanna—n aron tibwauakin taekan te onimaki. Tuangiia ataei n tatabemaniia bwa aongkoa a tibwaua te euangkerio ma raoraoia. Kakoaua bwa Tamara are i Karawa e buokira n ata te bwai ae ti na taekinna ngkana ti taetae ma aomata iaon taekan te euangkerio.

te aikaon ibukin te anga reirei

Reirei te Reirei: Ataei aika a Ikawai Riki

Reirei ao Berita aika Tabu 84:4–5, 18–28, 30

A buokai otenanti n te nakoanibonga ni katauraoai ni manga maeka ma Tamara are I Karawa.

Ngkana a ikawai riki, ataei aika ko reireiniia a na kona n iri otenanti n te nakoanibonga, n raonaki ma bwabetito ao kamatoa ibukiia maate inanon te tembora. Ko na kanga ni buokiia bwa a na atai bukin ao mwaakan otenanti n te nakoanibonga?

Waaki ni Kakukurei aika a Kona ni Karaoaki

• Korea Nakoanibonga ae te Aaaron ao Nakoanibonga ae te Merekitereka iaon te burakibooti. Bootaki ni wareka Reirei ao Berita aika Tabu 84:18, 26–28, 30, ao buokiia ataei ni koroi koaua aika a reiakin iaon taekan te Nakoanibonga ae te Aaron man kiibu aikai. Ngkanne bootaki ni wareka Reirei ao Berita aika Tabu 84:18–25, ao koroi koaua iaon te Nakoanibonga ae te Merekitereka.

• Kaoiia ataei bwa a na koroi otenanti n te nakoanibonga aika a tia n iri ke ni kakoaua iai, n aron te bwabetito, kamatoa, kakabwaia n te nakoanibonga, ke te toa. Tuangiia bwa a na tibwauai aia taneiai ma otenanti aikai. Wareka Reirei ao Berita aika Tabu 84:20 ni bootaki (buokiia ni kaotaia ma taeka aika aki taneiai ma ngaia). Bukin tera te Uea e kaoiira bwa ti na ibuobuoki n taian otenanti? E kanga te nakoanibonga ni buokiira n okira Tamara are i Karawa?

  ataei a kana te toa

  A buokira otenanti ni kauringiira n ara berita nakon te Atua.

• Karaoa te kamwaninga man tamnein te tembora. Wareware ma ataei Reirei ao Berita aika Tabu 84:5, ao titirakiniia bwa a na kakauongo ibukin te bwai ae tuangiia Aika Itiaki te Uea bwa a na kateia. Anganiia ataei mwakoron te kamwaninga, ao tuangiia bwa a na tibwaua te bwai ae a kona ni karaoia ni katauraoia n rin n te tembora.

Reirei ao Berita aika Tabu 84:64–72, 81–88

Te Uea e kamanoia ao e anganiia mitinare te kariaiakaki.

Iai inanon kiibu aikai berita aika e karaoi te Uea nakoia naake E weteia bwa a na tataekina te euangkerio. A kona naba berita aikai ni kaungaiia ataei ngkana a tibwaua ana euangkerio Iesu Kristo ma tabeman.

Waaki ni Kakukurei aika a Kona ni Karaoaki

• Katoatoaia ataei ni kakauoman, ao anganiia toaia n tatabeua tabeua kiibu bwa a na wareki man Reirei ao Berita aika Tabu 84:64–72, 81–88. Kaoiia bwa a na ukoukori berita ake e anga te Uea nakoia naake a tibwaua te euangkerio. Tuangiia bwa a na tibwauai bwaai aika a tia n reiakin ma kaain te kiraati. Buokiia ataei bwa a na iangoia aomata aika a kinaia, ke aomata inanon booki aika tabu, aika a karekei ana ibuobuoki te Uea ngke a tataekina te euangkerio (n aron Tamuera te Reimanaite [taraa Ereman 13:2–4; 16:6–7] ke Amon [taraa Aramwa 17:32–38]). Tibwaua am taneiai ngke ko namakina ana boutoka te Uea ngke ko beku Ibukina.

• Uoti mwangko ke aekan kaonteina aikai nakon te kiraati. Koroi iaon mwakoro ni beeba kawai aika a kona iai ataei n riki bwa mitinare ngkai, ao katikui mwakoro ni beeba aikai inanon te mwangko. Boboti mwangko ni kani irouiia, kauki mataia, iaon tano. Kaoiia ataei bwa ana ikaruoruo ni karea nanon teuana te mwangko n te bwai ae uarereke ao karaoia n te kaotioti te bwai are iaon te beeba n te mwangko anne. E na kanga Tamara are i Karawa ni buokiira ngkana ti tibwaua te euangkerio ma tabeman e ngae ngke e na matoatoa ke ti namakina te nako n nano?

• Buokiia ataei bwa a na ataia ae ngaira ni kabane bon membwa n Ana Ekaretia Iesu Kristo Ibukiia Aika Itiaki ni Boong Aika Kaitira ibukin mwakuri ni mitinare—a kona mitinare n reirei te euangkerio nakoira, ke ara bakatibu. Tuangiia ataei taekana bwa a kanga aia ibuobuoki mitinare nakoim ke am bakatibu ni karekea te euangkerio. Kariaia ataei bwa a na tibwauai aeka n taneiai aikanne. Kaungaia bwa a na tuangiia aia karo bwa a kanga moan kain te Ekaretia n aia utu n reirei taekan te euangkerio.

te aikaon ibukin te kamatebwai

Kaungaa te Kamatebwai n te Mweenga

Kaoiia ataei bwa a na karaoa te bwai teuana n te wiiki aei n tibwaua te euangkerio ma temanna ni mweengaia ke ma raoraoia. Kaungaiia membwa bwa a na bubuti ibukin ana ibuobuoki Tamara are i Karawa ao n taraa te bwai ae E karaoia ibukiia.

Kanakoraoan Ara Anga reirei

Kairekerekei ara namakin ake ti kabonganai. “Angiia ataei (ao ikawai) a nakoraoi riki aia kamatebwai ngkana a irekereke ma namakin aika mwaiti. Kakaei kawai ni buokiia ataei ni kabonganai aia namakin n aron aia taratara, kakauongo, ao namakin n aia tai ni reirei” (Teaching in the Savior’s Way, 25).

Iesu bon raoraou