Aokati 16–22

Reirei Ao Berita aika Tabu 89–92

“Te tua ae Iriana te Berita”

Ngkai ko kamatebwai koaua inanon Reirei Ao Berita aika Tabu 89–92, iangoi kawai aika a boou ao kareke iango ake a ko kona ni buokiia iai ataei bwa a na ota iai.

Korei Am Namakin

Kaungaa te Tibwatibwa

Kaoia ataei bwa a na korea tamnein ke ni maroroakin bwaai aika raraoi ake a karaoi n te wiiki aei n tararuai rabwataia ao tamneia.

Reirei te Reirei: Ataei aika a Uarereke

Reirei ao Berita aika Tabu 89

N na bon kakabwaiaki ngkai I ongeaba nakon Tuan te Mauri.

Reireiniia ataei bwa rabwatara bon bwaintangira mairoun Tamara are i Karawa ao E tangiriira bwa tina tararuai raoi ni kawakini.

Rabwatara bon bwaintangira mairoun te Atua.

Waaki ni Kakukurei aika a Kona ni Karaoaki

• Ni buokiia ataei n ota n ana tua te Atua inanon Reirei Ao Berita aika Tabu 89:10–17, koreia ke kaoti tamnein bwaai aika raoiroi ake ti kona ni kang ke bwaai aika raoiroi ni kawakin rabwatara bwa a na marurung (taraa naba te iteraniba ni waaki ni kakukurei). Buokiia naba ataei bwa a na ataia bwa te kamanging, te baeke, te ii, te kobee, ao kamanging riki tabeua a urui rawatara ao te Uea e kauringiira bwa tina aki kabonganai. Kaoiia ataei bwa a na rinea te bwai are a na karaoi n te wiiki aei ni kawakin rabwataia bwa e na marurung.

• Kaoiia ataei bwa a na ikaruoruo ni korotamnei iaon te burakibooti are e tei ibukin te bwai are e reiakinaki n Tuan te Mauri. Anganiia nikiraia ataei bwa a na keetina te bwai are a korea tamneina. Maroroakina ana tua te Uea ni te mwakoro 89 are e irekereke ma te korotamnei.

• Kabonganai katooto aikai, ke tabeua riki ake n am iango, ni kaotia bwa ti kanga ni kakabwaiaki man te ongotaeka nakon Taeka ni Wanawana (taraa Reirei Ao Berita aika Tabu 89:18–21). Karaoa te mwakuri n ikotaki, n aron te nakonako ke te biri n te tabo, ao imwiina a bakaea te “kua” ke “mamaara” (kibu 20). Kakoaua n ana berita te Uea.

• Kaota tamnein te tembora, ao tuangiia ataei bwa a na kabwarabwara te bwai are a nooria. Kabongana te kuna ae taekan marurungin te rabwata, n aron “The Lord Gave Me a Temple” (Aia Boki n Anene Ataei 153), n reireiniia ateai bwa rabwatara kaanga ai aron te tembora ibukin tamneira ao te Atua e tangiriira bwa tina kawakin rabwatara bwa a na marurung. Buokiia ataei bwa a na iangoi kawai ake a ti kona iai ni kawakin rabwatara, ao anganiia ataei bwa ana kaotioti iaona.

Reirei Ao Berita aika Tabu 90:5

Te Atua e anganiira burabeti bwa ana kairiira ao ni kataniira.

Buokiia ataei bwa a na ota bwa a kanga ana burabeti te Uea ni buokiira ni karekea kamanoara man buakan te maiu.

Waaki ni Kakukurei aika a Kona ni Karaoaki

• Kaotia nakoia ataei tamneia burabeti ake rimoa, ao tuangiia bwa a kanga burabeti aikai ni kauringiia aomata n aia bong. (Ibukin iango, taraa “Follow the Prophet,” Aia Boki n Anene Ataei, 110–11.)

• Bukin tera ti riai ni kakauongo nakoia ana burabeti te Atua? Kaota tamnein te burabeti ae ngkai, ao tibwai bwaai tabeua ake e a tia n reirei iaona ke kauringiira iaona ae ai tibwa ngkai. Kaoiia ataei bwa a na iangoi kawai aika ti kona iai n ira te burabeti. Tibwa am koaua iaon koaua ake a taekinaki n Reirei Ao Berita aika Tabu 90:5. (Taraia bwa “oracles” nanona kaotioti ke burabeti ake a karekei.)

Reirei te Reirei: Ataei aika a Ikawai Riki

Reirei Ao Berita aika Tabu 89

Tuan te Mauri e buokai bwa N na marurung n rabwata ao n tamnei.

Unimwaane Gary E. Stevenson e reireiniia te roronrikirake bwa a na baire imwain taina te bwai are a na karaoia ngkana a kaririaki n te manging ke turaki. Imwiina e reirei, “Kam na kunea bwa te kariiri e mamaara ni kona n tautaekaniko. Kam a tia ni babaire bwa tera aromi nako iai ao tera ae kam na karaoia. Ko aki riai ni baireia ni katoa tai” (“Your Priesthood Playbook,” Ensign ke Riaona, Meei 2019, 48). Kaungaia ataiei ake ko reireiniia bwa a na baireia ngkai—ibukin nikiran maiuia—bwa a na maiuakina Tuan te Mauri.

Waaki ni Kakukurei aika a Kona ni Karaoaki

• Tibwaia ataei inanon uoua te kurubu, ao tuanga te kurubu teuana bwa a na wareka Reirei Ao Berita aika Tabu 89:1–4 ao te kurubu are teuana bwa a na wareki kibu 18–21. Tuangiia bwa a na iangoi titiraki n aron aikai: Bukin tera te Uea e anganiira Tuan te Mauri? E kanga maiuakinan Tuan te Mauri ni kakabwaiaki n rabwata ao n tamnei?

• Karaoia taeka aika a na kanoaki ni kabonganai kibun taeka man Reirei Ao Berita aika Tabu 89, n aron “ a karaoak ibukin kamanenaana iroun te aomata ao maan” ke “Ao a na aki mamaara” (te kibu 14, 20). Tuangiia ataei bwa a na mwakuri ni kakauoman ni kakaei kaeka n te mwakoro 89. Ataei a kona ni karinanii taeka inanon kataraoke aikai: bwaai aika a raraoi ibukin rabwatara, bwaai aika a buakaka ibukin rabwatara, ao kakabwaia.

• Kaoa temanna te ataei bwa e na wareka Reirei Ao Berita aika Tabu 89:4 ao temanna bwa e na wareka ana taeka Unimwaane Stevenson are i eta. Bukin tera ti riai ni baireia ngkai bwa tina ongotaeka nakon Tuan te Mauri nakona tataningaan te tai n rairanano? Buokiia ataei bwa a na karaoia n te kaotioti bwa a na kanga ni kaeka ngkana temanna, ae bon te rao, e anganiia te bwai ae e kaitara ma Tuan te Mauri. E kanga te ongotaeka n reirei Taeka ni Wanawana ni kataniiran?

Reirei Ao Berita aika Tabu 90:2, 5, 14–16

Te Moan Beretitentii e taui “kingiin abanuea.”

Ana kaetieti te Uea iaon te Moan Beretitentii n 1833 (Joseph Smith, Sidney Rigdon, ao Frederick G. Williams) e kona ni buokiia ataei ni kakorakora aia koaua ibukin te Moan Beretitentii.

Waaki ni Kakukurei aika a Kona ni Karaoaki

• Kaoia ataei bwa a na kakaea Reirei Ao Berita aika Tabu 90:14–16 ao ni korei tabeua bwaai ake e tua te Uea nakon te Moan Beretitentii bwa a na karaoi. Kaota te tamnei nakoia ataei n te Moan Beretitentii, ao tibwatibwa tabeua iaoia. (Ko kona ni wareka rongorongoia iaan “Burabeti aika Maiu ao Mataniwi n te Ekaretia” n ChurchofJesusChrist.org.) Tibwa am koaua iaon weteakiia mai karawa ao kakabwaia ake ko karekei man iriirakin aia reirei.

• Rinanona ma ataei te bwai are a tia n reirei iai kain te Moan Beretitentii. Imwiin ikotaki wareka Reirei ao Berita aika Tabu 90:5. Katerea bwa “kaotioti” bon kaotioti ke te burabeti are e kakarekei. Tera ae e nanonaki ni “karekei kaotioti … bwa bwaai ni kaota”? Tina kanga ni konani kaotia bwa burabeti ao bwaai ake a reirei iai nakoira a kakaawaki nakoira?

Reirei ao Berita aika Tabu 91

Te Tamnei e kona ni buokai n ata ae koaua.

Ngkai ko wareware tera ae tuanga Iotebwa Timiti te Uea ibukin te Abokiribwa, iangaoia bwa e kanga te reirei aei ni kona ni buokiia ataei n ata te koaua man te kairua ake a na kaitibo ma ngaia inanon maiuia.

Waaki ni Kakukurei aika a Kona ni Karaoaki

• Ikotaki wareka te atuun te mwakoro ibukin Reirei ao Berita aika Tabu 91 ni buokiia ataei n ota bwa tera te Apocrypha (taraa naba Guide to the Scriptures, “Apocrypha,” scriptures.ChurchofJesusChrist.org). Buokiia ataei n iangoi taabo tabeua, n aron taabo ni kareke rongorongo, ake ti kona ni kunei iai “bwaai aika a mwaiti … aika a koaua” ao ““bwaai aika a mwaiti … aika aki koaua” (kibu 1–2). Ngkanne kaoiia ataei bwa a na kakai te mwakoro 91 n reiakinna bwa tera ae taku te Uea ae ti kona ni karaoia n ata te koaua man te kaairua.

• Ikotaki wareka Reirei ao Berita aika Tabu 91:4–6, ao tuangiia ataei bwa tera ae a reireia kiibu aikai ibukin te Tamnei ae Raoiroi. Kaoiia ataei bwa a na tibwa aia taneiai ngke “te Tamnei [kaota te] koaua” nakoia. Tibwa naba am taneiai. Kawai raa riki ae e kona te Tamnei ni buokiira?

Kiaungaa te Kamatebwai n te Mweenga

Kaoiia ataei bwa a na tibwaia ma aia utu te bwai are a reiakinna n te bong aei iaon tararuan rabwataia ao tamneia ke aia kouau ni kawakinan reirei Taeka ni Wanawana.

Kanakoraoan Ara Anga reirei

Ukoukora oin am kaotioti. Kaotinano aikai bon tiaki kaetieti ake ko riai n irii ngkai ko angareirei. Ma, ae nanonaki bwa bwaai ni kareke iango ake a kona ni kaungako ngkai ko iangoi kainnanoia ataei ake ko reireiniia. (Taraa Teaching in the Savior’s Way, 7.)