Far West, jān Al Rounds

Oktoba 11–17

Katak im Bujen Ko 115–120

“Katok eo An enaaj Ekwojarjarļo̧k n̄an Eō jān Ļapļo̧k eo An”

Irooj ekōņaan kōnono n̄an eok. Ilo am̧ ekkatak jeje ko rekwojarjar, jar im kajjitōk Ippān n̄an jipan̄ eok lo enaan ko An n̄an eok.

Je En̄jake ko Rej Im̧we Eok

Ekar wōr unin kije kōn Armej ro Rekwojarjar’ jikin ain doon eo ekāāl tata, Turōk Tata, Missouri, ilo Juļae 1838. Jikin in ekar m̧ōkaj an eddōkļo̧k, jikin eo eobrak kōn ikkan ilo kalimjōke, im ekar epaake tuean̄ turin Adam-ondi-Ahman, juon jikin eo eļap an aorōk ilo mour in jetōb (lale Katak im Bujen Ko 107:53–56; 116). Jekdo̧o̧n, jon̄an ņe ekar lukkuun pen n̄an Armej ro Rekwojarjar n̄an jab ļōmņake ta eo rekar luuji. Kar kadiwōjļo̧k er jān Independence, jikin eo kar kōjeņoļo̧ke bwe en Zaion, im ilo aer kalimjōke remaron̄ jab bar jepļaak n̄an ijo jikier Independence. N̄an kakkobaba, Armej ro Rekwojarjar rekar ko jān Kirtland, Ohio, etal jān tampeļ eo eaorōk ippāer ālkin wōt ruo iiō. Im ilo iien in ekar jab rinana ro wōt me rejjab Kabun̄ in rekar kōm̧m̧an jorrāān—elōn̄ membōr rekar bar jum̧ae ņae Josep Smith, ekoba Rikam̧ool ro Jilu an Bok in Mormon im emen uwaan Jon̄oulruo ro. Jet remaron̄ kar ļomņak, aelōn̄ in kiin̄ eo an Anij ej ke lukkuun kajoorļo̧k, ak ej ke m̧ōjņoļo̧k?

Jekdo̧o̧n ritiljek ro rekar jab kōtļo̧k an kalabōrbōr im pere kabweer er. Ijjelo̧kin, rekar jino kaļōk juon jikin ekwojarjar ekāāl, ilo iien in kar kaļōke ilo Turōk Tata. Rekar kōm̧m̧ane aer karōk kōn juon tampeļ kāāl. Emen Rijilōk ro rekāāl kar kūr er, ekoba ruo—John Taylor im Wilford Woodruff—eo kar tokālik erom̧ Būreejtōn ro an Kabun̄ in (lale Katak im Bujen Ko 118:6). Armej ro Rekwojarjar rekar ekkatak bwe kōm̧m̧ane jerbal eo an Anij ejjab meļeļein kwojjāmin wōtļo̧k; ej meļeļein kwoj “bar jerkak.” Im men̄e kwonaaj aikuj kaarmejje jet men ko, kaarmejje kein renaaj kwojarjar n̄an Anij, barāinwōt “naaj ekwojarjarļo̧k … jān ļapļo̧k eo [am̧]” (Katak im Bujen Ko 117:13).

Lale Saints, 1:296–99; “Far West and Adam-ondi-Ahman,” Revelations in Context, 235–41.

Ļōmņak ko n̄an Ekkatak Jeje Ko Rekwojarjar Ippam̧ Make

Katak im Bujen Ko 115:4–6

Et eo etan Kabun̄ kar kālet in Irooj.

Būreejtōn Russell M. Nelson ekar ba bwe etan Kabun̄ in ej “kōn juon un eļap an aorōk” (“Jim̧we in Etan Kabun̄ in,” Ensign ak Liaona, Nob. 2018, 87). Ļōmņak kōn etke etan Kabun̄ in eaorōk ilo am̧ riiti Katak im Bujen Ko 115:4–6. Ta jerbal eo an etan Kabun̄ in ilo jerbal im mijen eo an??

Barāinwōt lale 3 Nipai 27:1–11.

Katak im Bujen Ko 115:5–6

Zaion im stake ko an rej letok “juon likōpejn̄ak jān lan̄ eo.”

Jekdo̧o̧n men ko reppen Armej ro Rekwojarjar rekar jelm̧aeiki ilo 1838, Irooj ekar lōn̄ wōt an kōtmene ko reļļap kōn er. Kappukot naan ko ilo Katak im Bujen Ko 115:5–6 me rej kwaļo̧k aorōkin jerbal eo an Irooj me ekōņaan bwe Kabun̄ in An im ro uwaan ren kakūrm̧oole ilo laļ in. N̄an waanjon̄ak, ta eo kwoj en̄jake kwoj aikuj kōm̧m̧ane n̄an “jerkak im erromaakļo̧k”? (eoon 5). Ta kōto in lan̄ ko an jetōb me kwoj loi ipeļaakim, im wāween ad lo “likōpejn̄ak” ilo ad kuk ippān doon? (eoon 6).

Barāinwōt lale 3 Nipai 18:24.

Katak im Bujen Ko 117

Kaarmejjet ko aō rekwojarjar n̄an Irooj.

Em̧akūt jān Kirtland emaron̄ lukkuun pen n̄an armej ro āinwōt Newel K. Whitney, eo ekar ejaake juon mour em̧m̧an n̄an baam̧le eo an ijeņ. Ta eo kwoj loe ilo Katak im Bujen Ko 117:1–11 me emaron̄ kar jipan̄ er kōm̧m̧ani kaarmejjet in? Ewi wāween an eoon kein ukot kōļmenļo̧kjeņ kōn ta eo elukkuun aorōk?

Kaarmejje eo kar kajjitōk jān Oliver Granger ekar oktak: Irooj ekar jitōn̄ e n̄an pād wōt ilo Kirtland im loloorjake jāān ko an Kabun̄ in. Ekar juon jerbal eddo, im ke ekar jerbal ilo etan Kabun̄ in kōn m̧ool, āliktata ekar jab maron̄ koorļo̧k jāān ko an. Ļōmņak kōn wāween an naan ko an Irooj ilo eoon ko 12–15 maron̄ iookļo̧k men ko Irooj ekar kajjitōkin eok.

Barāinwōt lale Matu 6:25–33; Boyd K. Packer, “The Least of These,” Ensign ak Liaona, Nob. 2004, 86–88; “Far West and Adam-ondi-Ahman,” Revelations in Context, 239–40.

Newel K. Whitney kar kakien n̄an em̧akūt n̄an Adam-ondi-Ahman, kar pija ijin.

Katak im Bujen Ko 119–20

Kōn kōļļā juon m̧ōttan jon̄oul, ij jipan̄ kalōk im “kokwojarjar āneen Zaion.”

Kōmeļeļe ko ilo jekjōn ko 119 im 120 eiten āinwōt wāween jerbal in jāān ilo jerbal eo an Irooj ilo tōre kein ad. Rainin, Armej ro Rekwojarjar rej leļo̧k “juon-m̧ōttan-jon̄oul jān aolep ļapļo̧k eo aer [kiiō jemeļeļe āinwōt aolepān kōļļā eo] ilo juon iiō” (Katak im Bujen Ko 119:4), im jāān kein kar kajemo̧o̧ji jān ko̧o̧njeļ eo me epād ie Būreejtōnji eo Kein Kajuon, Doulul eo an Jon̄oulruo, im Bisop eo Eutiej ej Tōl. Ļōmņak in lali kajjitōk kein ilo am̧ ekkatak jekjōn kein:

• Ewi wāween ilo ad kōjparok kien juōn m̧ōttan jon̄oul “kokwojarjar āneen Zaion”? Ekōjkan an kien in maron̄ jipan̄ kōm̧m̧an bwe jikin eo ijo kwoj jokwe ie en juon “juon āneen Zaion n̄an kom̧”? (Katak im Bujen Ko 119:6).

• Ta eo eaorōk n̄an kwe kōn naan in “jān ainikiō make n̄an er” ilo Katak im Bujen Ko 120?

Barāinwōt lale Malakai 3:8–12; David A. Bednar, “The Windows of Heaven,” Ensign ak Liaona, Nob. 2013, 17–20; “The Tithing of My People,” Revelations in Context, 250–55.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Katak im Bujen Ko 115:4–6.Enaaj ke jerbal n̄an baam̧le eo am̧ n̄an riiti eoon kein ilo am̧ alooje an aļ tak? Emaron̄ jipan̄ eok kōnono kake ta meļeļein n̄an “jerak im erromaakļo̧k” (eoon 5). Ak kwomaron̄ bar kōnono kōn āinwōt ta ilo ad kappukot jikin ko̧ne ilo iien kōto. Ewi wāween an en̄jake in maron̄ āinwōt kappukot “likōpejn̄ak” ilo Kabun̄ in? (eoon 6). Innem kwomaron̄ kōnono kōn wāween an baam̧le eo am̧ maron̄ jipan̄ ro jet lan̄lōn̄ kōn likōpejn̄ak eo me Kabun̄ in ej leļo̧k.

Katak im Bujen Ko 117:1–11.Baam̧le eo am̧ emaron̄ keidi juon “pilin̄” n̄an juon men eo “eddoļo̧k” (eoon 8), āinwōt juon pijja in aibōj. Menin emaron̄ tōl n̄an juon kōmeļeļe eo kōn men ko edik aer aorōk ilo mour ko ad me ej bōbrae kōj jān ad bōk kōjeraam̧m̧an ko reļļap an Anij.

Katak im Bujen Ko 119.Kwomaron̄ al juon al āinwōt “I want to Give the Lord My TenthChildren’s Songbook,150). Ta eo al eo im jekjōn 119 ej katakin kōn etke jej kōļļā juon m̧ōttan jon̄oul? Ajri jidik ro remaron̄ bar jeram̧m̧an kōn juon katak: kwomaron̄ leļo̧k n̄an er m̧weik jidik ko, jipan̄ er kilen kōm̧m̧an juon m̧ōttan jon̄oul, im ba n̄an er etke jej kōļļā juon m̧ōttan jon̄oul. (Barāinwōt lale True to the Faith, 180–82.)

N̄an ļōmņak ko reļļapļo̧k n̄an katakin ajri ro, lale laajrak eo an wiik in ilo Itok, Ļoor Eō—N̄an Būraimere.

Al eo kar elmakote: “I Want to Give the Lord My Tenth,” Children’s Songbook, 150.

Kōkōm̧anm̧anļo̧k Ad Katakin

Rōjan̄ ikkijeen un̄n̄are peid make. “N̄e [ro uwaan baam̧le eo] ewōr aer kajjitōk, jet iien em̧m̧an n̄e kwoj katakin er wāween kappukot uwaak ko n̄an er make, ijelo̧kin uwaaki kajjitōk ko iien eo em̧ōkajtata” (Teaching in the Savior’s Way 28).

Leļo̧k ad 10 būjāān n̄an Irooj āinwōt juon m̧ōttan jon̄oul ej jipan̄ kōļapļo̧k jerbal in lo̧mo̧o̧r eo An.