Turilik Tata

Turilik Tata, jān Al Rounds

Oktoba 11–17

Katak im Bujen Ko 115–120

Katak im Bujen Ko “Katok eo An Naaj Ekwōjarjarļo̧k n̄an Eō jān ļapļo̧k eo An”

Kōtļo̧k bwe Jetōb en tōl eok n̄an pedped in katak ko me ajri ro reaikuji. Kwomaron̄ lo ļōmņak ko rejipan̄ļo̧k ilo m̧akūtkūt ko n̄an ajri ro reddikļo̧k ak ajri ro rōrūttoļo̧k.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Ilo iien eo, enaaj em̧m̧anļo̧k n̄an kōnono m̧oktaļo̧k n̄an ro jinen im jemen juon iaan ajri ro im ba ke ajri eo en pojak tok n̄an kwaļo̧k men eo eaar ekkatak ilo kapijuknen. Ajri in emaron̄ m̧ōņōņō in tōl ilo kūlaaj eo juon m̧akūtkūt eaar kōm̧m̧ane ippān baam̧le eo.

pija in katakin

Katakin Katak eo: Ajri ro Reddikļo̧k

Katak im Bujen Ko 115:4–5

Ij uwaan Kabun̄ eo an Jisōs Kraist im Armej ro Rekwojarjar ilo Raan-ko Āliktata.

Elmen am maron̄ jipan̄ ajri ro kile kōjeraam̧m̧an ko n̄an m̧ōttan Kabun̄ eo an Jisōs Kraist?

Makūtkūt ko Maron̄ Kōm̧m̧ani

• Kajjitōk ippān ajri ro eļan̄n̄e jabdewōt iaer emaron̄ ba likieo in etan Kabun̄ in. Kwaļo̧k kōkaļļe (logo) eo an Kabun̄ in (ilo juon māākjiin an Kabun̄ in ak mijinede tāāk), je etan ioon bo̧o̧t eo, ak riiti jān Katak im Bujen Ko 115:4. Kajjitōk ippān ajri ro n̄an ba etan ippam ilo am jipan̄ļo̧k kajjjojo naan. Kwaļo̧k naan ko raorōk ilo etan, im jipan̄ ajri ro meļeļe etke naan kein raorōk (lale “Jebta 43: Jesus Christ Names His Church,” Bwebwenato ko ilo Katak im Bujen Ko, 164).

• Al ippān doon “The Church of Jesus Christ” (Children’Bok in al, 77, im kwaļo̧k n̄an ajri ro elmen am en̄jake n̄an erom̧ juon membōr in Kabun̄ eo an Jisōs Kraist. Kōtļo̧k bwe ren kwaļo̧k aer en̄jake kōn Kabun̄ in.

• Karuwaineneik ajri ro n̄an jutak n̄e kwoj riiti naan eo “jutak” ilo Katak im Bujen Ko 115:5. Karuwaineneik er n̄an erļo̧ke addiin peier āinwōt romaak in aļ ilo am̧ riiti “romak m̧aanļo̧k.” Al ippān doon juon al kōn kōmeram ro jet, āinwōt “I Am like a Star” (Children’s Songbook, 163). Kakeememej ajri ro ke ad meram ej itok jān Jisōs Kraist, im jipan̄ er keememej wāween ko remaron̄ “romak m̧aanļo̧k.”

Katak im Bujen Ko 117:6

Jisōs Kraist eaar kōm̧anm̧an laļ in im men otemjelo̧k ilowaan.

N̄an rōjan̄ William Marks and Newel K. Whitney n̄an kaarmejete jikin ko aer im ilo̧k n̄an Missouri, Irooj eaar kakeememej er ke Eaar kōm̧anm̧an men otemjeļo̧k ioon laļin. Elmen an ajri ro kar jeraam̧m̧an n̄an jeļā m̧ool in?

Makūtkūt ko Maron̄ Kōm̧m̧ani

• Bōktok ak jin̄aik pija in kōm̧anm̧an eo ilo Katak im Bujen Ko 117:6 me Irooj eaar ba Eaar kōm̧anm̧ani (ak karuwaineneik ajri ro n̄an jin̄aik pija ko aer make). Karuwaineneik ajri ro n̄an kotak ak jitōn̄ļo̧k pija ko ilo am riiti eoon eo. Ba n̄an ajri ro etke eaorōk n̄an kwe bwe kwon jeļā bwe Jisōs Kraist eaar kōm̧anm̧an men kein.

• Al ippān ajri ro juon al eo kōn mennin kōm̧anm̧an ko an Anij, eo āinwōt “My Heavenly Father Loves Me” (Children’s Songbook, 228–29). Kōtļo̧k bwe ajri ro ren kōnono kōn jet iaan men ko Anij eaar kōm̧anm̧ani me ejipan̄ er en̄jake iakwe eo An.

Katak im Bujen Ko 119–20

Juon m̧ōttan jon̄oul ejipan̄ Kabun̄ in kōm̧m̧ane jerbal eo an Anij.

Elōn̄ ajri ro kwoj katakin bōlen reddik n̄an bōk jāān im kōļļā, ak em̧m̧an n̄an er n̄an meļeļe elmen an juon m̧ōttan jon̄oul jerbal n̄an jerbal eo an Kabun̄ in ilo aolepen peļaakin laļin.

Makūtkūt ko Maron̄ Kōm̧m̧ani

• Kōmeļeļeik elmen ad kōļļā juon m̧ōttan jon̄oul im ta an jerbal (lale “Jebta 44: Juon Mōttan Jon̄oul,” Bwebwenato ko ilo Katak im Bujen Ko, 165–66, ak pija ilo ChurchofJesusChrist.org). Jin̄n̄aik 10 dōkā jāān ioon bo̧o̧t eo, im kajjitōk ippān ajri ro n̄an jipan̄ er bwine. Ļōmņake jete leļo̧k n̄an Irooj n̄an juon m̧ōttan jon̄oul.

• Al ippen doon kōn al in juōn m̧ōttan jon̄oul, einwōt “I Want to Give the Lord My Tenth” (Children’s Songbook, 150), im ba n̄an ajri ro etke kwōj kōļļā juōn mōttan jon̄oul. Eļan̄n̄e ekkar, kwaļo̧k juon am make bwebwenato.

pija ej bōk jikin katakin

Katakin Katak Ko: Ajri ro Rerūttoļo̧k

Katak im Bujen Ko 115:4–6

Waanjon̄ok eo aō emaron̄ jipan̄ ro jet itok n̄an Kraist im lo aenōm̧m̧an.

Ajri ro kwoj katakin rejā kajjien armej ro rej ioon lim̧aajņoņo ko an mour im reaikuj “jipan̄” (eoon 6) letok jen Kabun̄ in. Ļōmņake wāween ko kwonaaj im̧we ajri ro n̄an “jerkak im erromaakļo̧k” (eoon 5) im kwaļo̧k aer meram n̄an armej rein.

Makūtkūt ko Maron̄ Kōm̧m̧ani

• Leto-letak juon ten̄ki, juon pija in aļ, ak jet me ej pinej jenkwan meram in gospel eo an Rilo̧mo̧o̧r. N̄e ej aer iien n̄an kotak meram eo, karuwaineneik ajri ro n̄an riiti Katak im Bujen Ko 115:4–5 im ba etan men eo remaron̄ kōm̧m̧ane n̄an “erromaakļo̧k” āinwōt juon meram n̄an ro jet (lale 3 Nipai 18:24).

• Karuwaineneik ajri ro n̄an jin̄aik juon pija kōmeļeļeik Katak im Bujen Ko 115:6. N̄an waanjon̄ok, remaron̄ jin̄aik juon jauruur, an armej ro bōk jipan̄ ilo Kabun̄ in. Ta jet men ko jauruur ej bōk jikin? Elmen an Kabun̄ in leļo̧k jipan̄ jān men kein?

Katak im Bujen Ko 17

Wūjļepļo̧k ko aō n̄an Irooj rekwojarjar.

Ilo jekjōn 117, Irooj eaar kapilōk William Marks im Newel K. Whitney n̄an wūjļepļo̧ke jeraam̧m̧an ko aer ilo Kirtland n̄an kōjeraam̧m̧an ko ilo Missouri. Eaar bar nōbar Oliver Granger n̄an wūjļepļo̧k eo eaar kōm̧m̧ane. Ta eo kwoj en̄jake ajri ro remaron̄ ekkatak jān waanjon̄ok ko aer?

Makūtkūt ko Maron̄ Kōm̧m̧ani

• Karuwaineneik ajri ro n̄an katen wōt n̄e wōnōr eo ebun̄bun̄ ilo Kirtland, āinwōt Newel K. Whitney. Elmen aer en̄jake eļan̄n̄e Irooj eaar kajjitōkin er n̄an likūt m̧ōn wia eo aer im em̧akūt n̄an bar juon jikin. Riit n̄an ajri ro Katak im Bujen Ko 117:1–11, im kajjitōk ippān ajri ro n̄an kabōjrak eok n̄e rej ron̄ jet men me ejipan̄ er bōk tōmak n̄an kōm̧m̧an wūjļepļo̧k ko n̄an pokake Irooj. Ta wūjļepļo̧k eo rainin n̄an ad pokake Irooj?

• Ilo tukaduin ba n̄an ajri unin an ro Rekwojarjar kar em̧akūt jen Kirtland, ak juon iaan ajri ro n̄an kōm̧m̧ane (lale “Jebta 41: Trouble in Kirtland,” Bwebwenato ko ilo Katak im Bujen Ko, 158–60). Kōmeļeļeik bwe Irooj eaar kajjitōkin Oliver Granger n̄an pād wōt ilo Kirtland im kōļļāiki m̧uri ko an Kabun̄ in. Etke epen jerbal in? Ta eo Irooj ekar ba ilo Katak im Bujen Ko 117:13 me ejipan̄ Oliver—ak jabdewōt iaad—kōm̧m̧an wūjļepļo̧k ko n̄an pokake Irooj?

Katak im Bujen Ko 119–20

Juon m̧ōttan jon̄oul ejipan̄ Kabun̄ in kōm̧m̧ane jerbal eo an Anij.

Ļōmņake elmen am naaj jipan̄ ajri ro meļeļe kōm̧m̧ane juon m̧ōttan jon̄oul—men̄e edik rej kōļļāiki—leļo̧k ko n̄an kalōk aelōn̄ in kiin̄ eo an Irooj (lale True to the Faith, 180–82).

Makūtkūt ko Maron̄ Kōm̧m̧ani

• Karuwaineneik ajri ro n̄an katen wōt n̄e juon eo m̧ōttaer ej lo im̧ōn Jar eo im ba, “Elmen an Kabun̄ eo am kōļļā n̄an kalōk mween?” Elmen ad kōmeļeļeik juon m̧ōttan joun̄oul n̄an in m̧ōttad? Ba n̄an ajri ro n̄an lale Katak im Bujen Ko 119:4; 120:1 ilo aer ļōmņake kajjitōk in.

• Jipan̄ ajri ro ļōmņake men ko me Kabun̄ in ej maron̄ kōm̧m̧ane kōn wōt juon m̧ōttan jon̄oul. Elmen an men kein kōjeraam̧m̧an mour ko ad? Kwaļo̧k en̄jake ko am̧ kōn kien joun m̧ōttan jon̄oul im elmen an kar kōjeraam̧m̧an eok.

  ļaddik ej kōļļā juon m̧ōttan jon̄oul

  Ilo kōļļā juon m̧ōttan jon̄oul, jemaron̄ kwaļo̧ ad iakwe n̄an Anij im jipan̄ jerbal eo An.

pija ej bōk jikin ekkatak

Kōketak Ekkatak ilo M̧weo

Karuwaineneik ajri ro n̄an kole ta eo raar en̄jake ilo būruweer ak ļōmņak ko me rej itok n̄an ļōmņak ko aer ilo Būraimere. Rōjan̄ er n̄an kwaļo̧k en̄jake ko im ļōmņak ko aer ippān baam̧le ko aer.

Kōkōm̧anm̧anļo̧k Ad Katakin

Rie ro jinen im jemān. Pukot wāween ko n̄an kwaļo̧k n̄an ro jineer im jemeer ta eo ajri ro nejier rej ekkatak ilo Būraimere, im kajjitōk ippāer elmen am maron̄ jipan̄ ro jineer im jemeer ilo kijejeto ko aer (lale Katakin ilo Wāween eo an Rilo̧mo̧o̧r, 25).

peij in m̧akūtkūt: juon m̧ōttan jon̄oul ejipan̄ Kabun̄ in kōm̧m̧ane jerbal eo an Anij