Josep Smith ej kwaļo̧k naan

Oktoba 4–10

Katak im Bujen Ko 111–114

“Inaaj Karōk Aolep Men Otemjeļo̧k n̄an Em̧m̧an eo Ami”

Sister Cheryl A. Esplin, kar rikakpilōklōk ilo Būreejtōnji eo Eutiej an Būraimere, kar kwaļo̧k bwe jej aikuj “[jipan̄] ajri ro nejid bōk katak eo ilo būruweer ilo juon wāween me … ej waļo̧k ilo m̧wiļier kab paoktokier ilo mour ko aer” (“Katakin Ajri ro Nejid bwe ren Meļeļe,” Ensign ak Liaona, Māe 2012, 10).

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

N̄an rōjan̄ ajri ro n̄an kwaļo̧k, bōktok jet men me ej iookļo̧k jet men ilo katak eo ļo̧k. Kōtļo̧k bwe ren kōnono kōn ta eo kajjojo men ko rej kakeememej er kaki.

pija in katakin

Katakin Katak eo: Ajri ro Reddikļo̧k

Katak im Bujen Ko 111:2, 10–11

Men ko an Anij remaron̄ in eaorōk n̄an n̄a.

N̄e ajri ro rej ļōmņak kōn naan eo men aorōk, remaron̄ pijaik men ko me roktak jān men aorōk ko ilo Katak im Bujen Ko 111:2, 10. Elmen am maron̄ jipan̄ er jeļā n̄an kaorōk men ko an Irooj?

Makūtkūt ko Maron̄ Kōm̧m̧ani

• Karuwaineneik er n̄an jin̄aik ta eo ej itok n̄an ļōmņak ko aer n̄e rej ron̄ naan in men aorōk. Keidi men ko an laļin loi āinwōt men aorōk ippān men aorōk ko an Irooj (lale Katak im Bujen Ko 111:2, 10–11), āinwōt armej ro An, māletlet im jim̧we, im kōm̧m̧ani kālet ko rejim̧we.

• Jipan̄ ajri ro kadedeļo̧k peij in m̧akūtkūt eo an wiik in. Ta eo jaar ekkatak kōn Jisōs jān men ko aorōk ko An? Ewi wāween ad maron̄ erom̧ eļapļo̧k āinwōt E?

Katak im Bujen Ko 112:10

Irooj enaaj tōl eō ilo pein im uwaaki jar ko aō.

Katak im Bujen Ko 112:10 maron̄ jipan̄ ajri ro kwoj katakin kalōk tōmak me Jisōs enaaj tōl im kōjparok er ilo mour ko aer.

Makūtkūt ko Maron̄ Kōm̧m̧ani

• Jipan̄ ajri ro ļōmņake jekjek ko n̄e eaorōk n̄an dāpij pein juon uwaan baam̧le eo, n̄e ej itōn etal ilo iaļ eo ak leļo̧k kaenōm̧m̧an. Remaron̄ m̧ōņōņō in kōm̧m̧ane jet iaan waanjon̄ok ko rej kwaļo̧ki. Riiti Katak im Bujen Ko 112:10. Etke jej kōņaan bwe Irooj en “tōl [kōj] ilo pein”?

• Pinej mejen juōn iaan ajri ro, im kajjitōk ippān bwe en etetal ilo ruum̧ eo ippān an juon ajri tōl e ilo pein. Kwaļo̧k juōn en̄jake ke kwaar en̄jake an Irooj tōl eok ilo pein.

  Jisōs ej ippān ajri eo im jinen.

  Jutak im Etetal, jān Simon Dewey

Katak im Bujen Ko 112:11

Jisōs ekōņaan bwe jen iakwe aolep.

Jipan̄ ajri ro jeļā bwe Rilo̧mo̧o̧r ekōņaan bwe jen iakwe aolep, bar ro rejjab jouj n̄an kōj.

Makūtkūt ko Maron̄ Kōm̧m̧ani

• Ilo am̧ kwaļo̧k “Jebta 41: Trouble in Kirtland” (Bwebwenato ko ilo Katak im Bujen Ko, 158–60), kajjitōk ippān ajri ro n̄an ejake juon jekjek in menono kōn peier n̄e rej ron̄ juon ej kōm̧m̧ane men eo ejim̧we. Jipan̄ ajri ro meļeļe bwe Irooj ekōņaan bwe jen iakwe aolep, men̄e ro ebōd aer kālet.

• Jin̄aik juon mej ebūrom̧ōj ioon bo̧o̧t eo, im kajjitōk ippān ajri ro elmen ad kwaļo̧k iakwe n̄an ro jet ro rejjab m̧ōņōņō (lale Katak im Bujen Ko 112:11). Ilo an ajri ro kwaļo̧k ļōmņak ko, bar jin̄aik mej eo ebūrom̧ōj bwe en erom̧ juon mej eo elm̧ōņōņō. Kwaļo̧k naan in kam̧ool eo am kōn kajoor eo ej itok jen iakwe doon. Al ippān doon kōn juon al kōn kautiej, eo āinwōt “Reverence Is LoveChildren’s Songbook, 61).

pija ej bōk jikin katakin

Katakin Katak Ko: Ajri ro Rerūttoļo̧k

Katak im Bujen Ko 112:10

Imaron̄ in ettā im pukot tōl an Anij.

Jemedwōj Ilan̄ ekōņaan bwe jen ettā bwe En maron̄ tōl kōj. Jipan̄ ajri ro meļeļe elmen aer maron̄ kwaļo̧k ettā im̧aan Anij n̄an kōm̧m̧ani men ko āinwōt jar n̄an E im bōk An kapilōk.

Makūtkūt ko Maron̄ Kōm̧m̧ani

• Kajjitōk ippān ajri ro eļan̄n̄e rejeļā ta meļeļein ettā. (Remaron̄ riiti “Humility” ilo True to the Faith [peij ko 86–87] eļan̄n̄e aikuji). Jipan̄ er ļōmņake naan ko ak eoon ko reiokļo̧k n̄an “ettā,” im karuwaineneik er n̄an riiti Katak im Bujen Ko 112:10; ukōt juon iaan naan kein ak eoon ko n̄an “ettā” ilo eoon in. Etke Jemedwōj Ilan̄ ekōņaan bwe jen ettā? N̄an katak eļapļo̧k, ajri remaron̄ riit elōn̄ jeje ko rekwojarjar ej elaajrak kōn “Humble, Humility” ilo Tōl n̄an Jeje ko Rekwojarjar (scriptures.ChurchofJesusChrist.org).

• Je naan ko jān Katak im Bujen Ko 112:10 ioon bo̧o̧t eo, im kajjitōk bwe ajri ro ren eļaaj riiti. Karuwaineneik juon ajri n̄an kōkkaļļeik kōjeraam̧m̧an ko n̄an ro rej ettā ilo eoon in. Rōjan̄ ajri ro n̄an kwaļo̧k iien ko rej ettā n̄an pukot jipan̄ an Irooj im kar tōl jen E, āinwōt an uwaak jar ko aer.

Katak im Bujen Ko 112:11

Jisōs ekōņaan bwe jen iakwe aolep.

Jisōs Kraist ekar waanjon̄ok eo em̧m̧an n̄an iakwe aolep, men̄e ro rej jab em̧m̧an n̄an E. Josep Smith eaar bar dipļo̧ki en̄taan ko jen kar ro m̧ōttan. Jipan̄ ajri ro jeļā bwe jemaron̄ iakwe ro jet āinwōt kar Rilo̧mo̧o̧r im Josep Smith.

Makūtkūt ko Maron̄ Kōm̧m̧ani

• Karuwaineneik ajri ro n̄an bōk koņaer riit jān “Jebta 41: Trouble in Kirtland” (Bwebwenato ko ilo Katak im Bujen Ko, 158–60). Wōn eo ilo bwebwenato in ej kōm̧m̧an jorrāān ilo Kirtland? Wōn eo ej kajjieon̄ kōm̧m̧an em̧m̧anļo̧k? Karuwaineneik ajri ro n̄an riiti Katak im Bujen Ko 112:11 im kōnono kake etke eaorōk n̄an iakwe aolep.

• Etke eaorōk n̄an iakwe armej ro ro reoktak jen kōj? Etke Jemedwōj Ilan̄ eaar letok n̄an kōj oktak? Elmen ad maron̄ “kōtļo̧k [ad] iakwe n̄an aolep,” men̄e ro reoktak jen kōj? Al juon al ippān doon kōn iakwe doon, āinwōt “I’ll Walk with You” (Children’s Songbook, 140–41).

• Jipan̄ ajri ro ļōmņaki waanjon̄ok ko kōn an Rilo̧mo̧o̧r kar iakwe ro raar jab em̧m̧an n̄an E (n̄an waanjon̄ok, lale Luk 23:34).

Katak im Bujen Ko 112:12–15, 26

Ro rej lukkuun oktak rejeļā kajjien Jisōs Kraist.

Erom̧ oktak n̄an Jisōs Kraist ej juon jerbal eto kitien, im ebōk iien “n̄an [kile im jeļā [Etan]” (Katak im Bujen Ko 112:26 Jipan̄ ajri ro lukkuun meļeļe ta meļeļein lukkuun jeļā kajjien Rilo̧mo̧o̧r.

Makūtkūt ko Maron̄ Kōm̧m̧ani

• Kwaļo̧k n̄an ajri ro bwe ilo 1837, jet iaan Rijilōk ro raar jum̧aik Rikanaan Josep Smith. Etke eaorōk n̄an ļoor rikanaan eo? (lale eoon 15). Jipan̄ ajri ro kōm̧m̧ane juon laajrak in men ko Irooj eaar jiron̄ Thomas B. Marsh, Būreejtōn eo an Doulul eo an Jon̄oulruo Rijilōk ro, n̄an kōm̧m̧ane (lale Katak im Bujen Ko 112:12–15). Kōjerbal laajrak in kōnono kake elmen ad maron̄ oktak n̄an Jisōs Kraist.

• Kajjitōk ippān ajri ro ta meļeļein n̄an kile im jeļā kajjien Jisōs Kraist ak jab lukkun jeļā E (lale Katak im Bujen Ko 112:26). Ta eo eoon 14 katakin kōj bwe jen kōm̧m̧ane n̄an jeļā E? Jipan̄ ajri ro meļeļe ta meļeļein n̄an “bōk [ad] dōbwāāl” (Ukook eo an Josep Smith, Matu 16:25–26 [ilo kobban Baibōļ]) ak n̄an “naajdik sip ko [An].”

pija ej bōk jikin ekkatak

Kōketak Ekkatak ilo M̧weo

Karuwaineneik ajri ro n̄an kōmeļeļeiki ta eo raar ekkatak ilo kūlaaj. Jipan̄ er kōm̧m̧ane jidik kakeememej ak jin̄aik juon pija me enaaj kakeememej er kōn ta eo raar ekkatak bwe ren maron̄ kwaļo̧k n̄an baam̧le ko aer.

Kōkōm̧anm̧anļo̧k Ad Katakin

Ajri ro rōkōņaan jeļā juon men im rej ekkatak ilo elōn̄ wāween ko. Ajri ro rej m̧ōņōņō ilo aer ekkatak jān en̄jake ko reokkotaktak. Kōjerbal makūtkūt ko me rej jipan̄ er itok limoer, kōjerbal aolep en̄jake ko, im kajjieon̄ kōjerbal men ko rekāāl. (Lale Katakin ilo Wāween eo an Rilo̧mo̧o̧r, 25–26.)

peij in m̧akūtkūt: Imaron̄ kaorōk men ko an Irooj