Kirtland Tampeļ

Kirtland Tampeļ, jān Jon McNaughton

Jeptōm̧ba 27–Oktoba 3

Katak im Bujen Ko 109–110

“Bwe ej Im̧ōm Mwiin, juon Jikin Ekwōjarjar eo Am̧”

N̄an bōk jetōbin en̄jake ekkatak Katak im Bujen Ko 109–10 ippān ajri ro ilo kūlaaj eo am̧, m̧okta kappukot n̄an bōk jetōbin en̄jake ko n̄an katak kein ippam̧ make.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k pija ko me remaron̄ jipan̄ ajri ro keememej im kwaļo̧k jet men raar ekkatak kōn pedped in katak ko ak iien ko ilo Katak im Bujen Ko 109–10. N̄an waanjon̄ok, kwomaron̄ in kwaļo̧k pija jān laajrak eo an wiik in ilo Itok, Ļoor Eō—N̄an Kajjojo Armej im Baam̧le ko.

pija in katakin

Katakin Katak eo: Ajri ro Reddikļo̧k

Katak im Bujen Ko 109:12–13; 110:1–7

Tampeļ eo ej m̧weeo im̧ōn Irooj.

Kōļmenļo̧kjeņ elmen am naaj jipan̄ ajri ro en̄jake kautiej n̄an m̧weeo im̧ōn Irooj im reim̧aanļo̧k n̄an raan eo renaaj deļo̧n̄e “jikin ekwōjarjar eo [An]”Katak im Bujen Ko 109:13).

Makūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k ta eo rej iakwe kapijuknen eo aer. Kwaļo̧k pija in Kirtland Tampeļ, im kōjerbal Katak im Bujen Ko 109:12–13; 110:1–7 im jiron̄ er ke raan eo tampeļ eo ekar aje im erom̧ im̧ōn Irooj (bar lale “Jebta 39: An Kirtland Tampeļ Kar Aje,” Bwebwenato ko ilo Katak im Bujen Ko, 154). Kwaļo̧k bwe tampeļ ej m̧weeo im̧ōn Irooj, riiti jar in aje in me Josep Smith eaar letok “Bwe ej Im̧ōm m̧wiin, juon jikin ekwōjarjar eo Am̧” (Katak im Bujen Ko 109:13). Kajjitōk ippān ajri ro n̄an kwaļo̧k ta eo em̧m̧an ippāer kōn tampeļ.

• Leļo̧k n̄an kajjojo ajri juon pija in juon tampeļ, ak karuwaineneik er n̄an pijaik juon. Al ippān ajri ro juon al kōn tampeļ āinwōt “I Love to See the Temple” (Children’s Songbook, 95). Karuwaineneik ajri ro n̄an kotak pija ko aer kajjojo iien rej al kōn “tampeļ.” Kalikkar n̄an er naan ko jet ilo al eo me ej katakin kōj jet men raorōk kōn tampeļ. Jiron̄ ajri ro elmen am̧ en̄jake kōn tampeļ im elmen am̧ jeļā ke ej m̧weeo im̧ōn Irooj.

Katak im Bujen Ko 110

Kii ko an priesthood rej menin aikuj n̄an kadedeikļo̧k jerbal an Anij ilo Kabun̄ in rainin.

Kirtland Tampeļ eaorōk ilo bwebwenatoin Kabun̄ in. Jisōs Kraist eaar waļo̧k ijeņ, ippān rikanaan ro etto. Rikanaan rein raar leļo̧k kii ko an priesthood n̄an Josep Smith me emenin aikuj raan kein āliktata n̄an kōm̧m̧ane jerbal eo an Anij.

Makūtkūt ko Maron̄ Kōm̧m̧ani

• Kōjerbal peij in m̧akūtkūt eo an rainin ak “Jebta 40: Visōn ko ilo Kirtland Tampeļ” (Bwebwenato ko ilo Katak im Bujen Ko, 155–57) n̄an jiron̄ ajri ro kōn ribōktok ennaan ro jān lan̄ ro raar loļo̧k tampeļ eo. Kwaļo̧k eoon ko jān Katak im Bujen Ko 110 me rejipan̄ eok im ajri ro n̄an meļeļe kwojarjar eo an iien kein.

• Kwaļo̧k n̄an ajri ro jet ki, im kōnono kōn ta jerbal ko an ki ko. Kōtļo̧k bwe ajri ro rej bōk kūņaer jibwe ki ko im kajieon̄ in kōpeļļo̧k juon kōjem. Ilo aer kōm̧m̧ane, kōmeļeļeik bwe Josep Smith ekar bōk kii ko ilo Kirtland Tampeļ. Kii kein rej kōpeļļo̧k kajoor im kōjeram̧m̧an ko bwe jen maron̄ kōm̧m̧ane jerbal eo an Anij ilo Kabun̄ in An, āinwōt kwaļo̧k gospel eo im kōm̧m̧ane jerbal in tampeļ.

• N̄an jipan̄ ajri ro meļeļe kii ko me Elija eaar liļo̧k n̄an Josep Smith, al ippān doon juon al kōn Elija ak menmenbwij an baam̧le, āinwōt “Truth from Elijah” (Children’s Songbook, 90–91). Ta en̄jake ko emōj am̧ kar bōki me eaar jipan̄ ukōt būruwōm̧ n̄an rūtto ro am̧. Kajjitōk ippān ajri ro n̄an kwaļo̧k ta eo rejeļā kōn rūtto ro aer ak rūtto ro jet.

pija ej bōk jikin katakin

Katakin Katak Ko: Ajri ro Rerūttoļo̧k

Katak im Bujen Ko 109; 110:1–10

Tampeļ eo ej m̧weeo im̧ōn Irooj.

Elmen am̧ naaj kwaļo̧k n̄an ajri ro iakwe eo am̧ n̄an m̧weeo im̧ōn Irooj? Ļōmņak elmen am̧ naaj im̧we er n̄an bōk idajon̄jon̄ eo an Elder Quentin L. Cook “n̄an kōj kajjojo, jekdo̧o̧n ia eo jej pād ie” (“Lo Eok Make ilo Tampeļ,” Ensign ak Liaona, Māe 2016, 98).

Makūtkūt ko Maron̄ Kōm̧m̧ani

• Kālet eoon ko jān jekjōn 109 ak 110 me kwomaron̄ en̄jake emenin aikuj n̄an kōjeraam̧m̧an ko an tampeļ (jet kakkobaba ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le ko). Laajraki kōjeraam̧m̧an ko ioon bo̧o̧t eo, im karuwaineneik ajri ro n̄an pukoti eoon ko kwaar kāleti n̄an lo kōjeraam̧m̧an ko. Ewi wāween ad maron̄ kōmeļeļe n̄an ro jet etke tampeļ eaorōk n̄an kōj?

• Kajjitōk ippān ajri ro bwe ren ikōn̄ im riiti Katak im Bujen Ko 110:1–10, im karuwaineneik er n̄an kwaļo̧k jet men raar ekkatak kōn Jisōs Kraist ak tampeļ ko jān eoon kein. Karuwaineneik ajri ro n̄an pijaik juon pija in er im Rilo̧mo̧o̧r ilo tampeļ eo.

• Kajjitōk ippān ajri ro n̄an antoone n̄e eo m̧ōttaer ej kajjieon̄ pukot m̧weo m̧weer. Elmen ad maron̄ jipan̄ eo m̧ōttad jeļā ewi m̧weo im̧ōd? Elmen ad jeļā ke tampel ej m̧weo im̧ōn Irooj? Riiti Katak im Bujen Ko 109:12–13 ippān ajri ro, im jiron̄ er elmen am̧ jeļā bwe tampeļ eo ej m̧weo im̧ōn Irooj. Kwaļo̧k pijain tampeļ ko, im kōtļo̧k an ajri ro kwaļo̧k en̄jake ko aer kōn m̧weo im̧ōn Irooj.

• Al ippān ajri ro “Jetōb an Anij” (Al, nō. 2), im jiron̄ er ke kar al kake ilo aje eo an Kirtland Tampeļ—im ilo aje ko an tampeļ raan kein. Etke ej juon al em̧m̧an n̄an aje eo an Kirtland Tampeļ?

  Lowaan Kirtland Tampeļ

  Kajjojo jem̧ļo̧kin Kirtland Tampeļ ewōr lokatok ko n̄an ritōl ro an priesthood.

Katak im Bujen Ko 110:11–16

Kii ko an priesthood rej menin aikuj n̄an kadedeikļo̧k jerbal an Anij ilo Kabun̄ in rainin.

Elder Gary E. Stevenson ekar ba, “Aolep ro nejin Jemedwōj Ilan̄ [raar] lokjak jān kain̄i in lo̧mo̧o̧r kein ilo gospel eo an Jisōs Kraist—m̧ae iien mennin letok kein rekwojarjar kar bar litoki jen [Moses, Eliaj, im Elija]” (“Ewi Ki Ko im Mālim eo an Priesthood?” Ensign ak Kweilo̧k eo Eļap, Māe 2016, 30).

Makūtkūt ko Maron̄ Kōm̧m̧ani

• Karuwaieneik ajri ro n̄an lale Katak im Bujen Ko 110:11–16 n̄an lo etan jilu rikanaan ro etto ro raar waļo̧k ilo Kirtland Tampeļ. Innām jipan̄ er lo uwaak ko ilo eoon kein me ej kōmeļeļeik ta kajjojo rikanaan rekar “wūjļepļo̧k,” ak leļo̧k, n̄an Josep Smith im Oliver Cowdery. Kwomaron̄ lo eļapļo̧k kōmeļeļein jipan̄ ilo “Jebta 40: Visōn ko ilo Kirtland Tampeļ” (Bwebwenato ko ilo Katak im Bujen Ko, 156–57).

• Kwaļo̧k meļeļein priesthood kii ko jān Būreejtōn Russell M. Nelson: “Ilo bōjo̧ eo am emaron̄ wōr ki in m̧weeo im̧ōm̧ ak wa. Priesthood kii ko, ilo turājet eo juon, rej erreeo im karbab. Rej ‘kōpeļļo̧k’ mālim eo an priesthood eo ” (“Personal Priesthood Responsibility,” Ensign ak Liaona, No̧b 2003, 45–46). N̄an kōmeļeļeik aorōk eo an kii ko an priesthood, kōnono ippān ajri ro kōn jorrāān ko n̄e jerwane juon kii in em̧ ak kii in wa. Elmen an menin iookļo̧k būrabļōm in n̄e ejako ki ko an priesthood eo? Jipan̄ ajri ro meļeļe wōn ro rej kabwijer priesthood kii ko rainin im elmen an kii kein jerbal n̄an kōpeļļo̧k kōjeraam̧m̧an ko n̄an aolep ro nejin Anij (lale “Priesthood Keys,” True to the Faith, 126–27).

• N̄an lukkuun kōmeļeļeik kii ko me rekar jepļaaktok ilo Kirtland Tampeļ, kwaļo̧k pija eo “By the Hand of Elijah the Prophet” (ChurchofJesusChrist.org). Kōnono ta jemaron̄ kōm̧m̧ane n̄an bōk koņaad ilo jerbal in me kii ko Elija kar kapidodoiki. Ak kwaļo̧k pija eo “Gatherers in the Kingdom” (ChurchofJesusChrist.org) im kōnono kōn wāween ad maron̄ jipan̄ aiin ro nejin Jemedwōj Ilan̄ ļo̧k n̄an E.

pija ej bōk jikin ekkatak

Kōketak Ekkatak ilo M̧weo

Karuwaineneik ajri ro n̄an kōjerbal peij in m̧akūtkūt eo an wiik in ak juon pija raar jin̄n̄aiki ilo kūlaaj n̄an katakin baam̧le eo aer men eo raar ekkatak rainin kōn tampeļ ko ak kii ko an priesthood.

Kōkōm̧anm̧anļo̧k Ad Katakin

Ejaake juon iakwe, mejatoto in kautiej. “Am̧ waanjon̄ok ekajoor n̄an im̧we paoktok ko an [ajri] ro. … Ippān ļo̧k naan ko am̧ im kōm̧m̧an ko am̧, kwaļo̧k ke kwōj iakwe gospel eo im bwe kwoj kea kōn eddōkļo̧k ko aer ilo jetōb” (Katakin ilo Wāween eo an Rilo̧mo̧o̧r, 15).

peij in m̧akūtkūt: kii ko an priesthood rekar jepļaaktok ilo Kirtland Tampeļ