“EyeNkanga 8-14. IMfundiso neMinqophiso 129-132: ‘Xa Sizuza Nayiphina Intsikelelo Evela kuThixo, Kungokuthobela ,’” Uze, Undilandele—Yabantu Ngabanye kunye Neentsapho: IMfundiso neMinqophiso 2021 (2020)
“EyeNkanga 8-14. IMfundiso neMinqophiso 129-132,” Uze, Undilandele—Yabantu Ngabanye kunye Neentsapho: 2021
Joseph Smith in Nauvoo, 1840, by Theodore Gorka
EyeNkanga 8-14
IMfundiso neMinqophiso 129-132
“Xa Sizuza Nayiphina Intsikelelo Evela kuThixo, Kungokuthobela”
Amacandelo 129–132 afundisa imigaqo emininzi exabisekileyo, imbalwa kuphela ephawuliweyo kwesi sishwankathelo. Zeziphi ezinye iinyani ozifumanayo?
Bhala Iimvakalelo Zakho
UBrigham Young wakhe wathi ngoJoseph Smith: “Wayekwazi ukunciphisa izinto zezulu kuqonde wonke ubani ngokunesiphelo” (kwi Teachings of Presidents of the Church: Joseph Smith, 499–500). Oku kubonakala kunyanisekile ngakumbi ngeemfundiso zoMprofeti eNauvoo ngowama–1840, ezinye zazo zibhalwe kwi Mfundiso neMinqophiso 129-32. UMsindisi ingaba unjani? “Ungumntu njengathi.” Linjani Izulu? “Kwaye ekwanjalo intlalontle ekhoyo phakathi kwethu apha, iya kubakho phakathi kwethu apho” (IMfundiso neMinqophiso 130:1-2), kwaye obona budlelwane bethu buxabisekileyo bosapho kweli ihlabathi, ukuba butywinwe ngegunya elichanekileyo, “kuya kuba kokokusebenza ngokuzeleyo” kwihlabathi elizayo (IMfundiso neMinqophiso 130:19). Iinyaniso ezifana nezi zingenza izulu livakale lingekho kude—linozuko, kwaye lifikeleleka.
Kodwa ke, ngamanye amaxesha uThixo unako ukusicela senze izinto ezingonwabisiyo ezibonakale ngathi azifikeleleki. Kwabo baNgcwele abaninzi bamandulo, umtshato wesithembu yayingomnye umthetho owawunjalo. Umthetho wokutshata abafazi abongezelelekileyo yayisisilingo sokholo esibuhlungu kuJoseph Smith, kwinkosikazi yakhe uEmma, nakuye wonke umntu owayewufumene. Ukudlula kwesi silingo, babedinga ngaphaya kwemvakalelo nje ngevangeli ebuyisiweyo; babedinga ukholo kuThixo olunzulu kuneminqweno okanye kunamacala abo. Umthetho awusamanga njalo namhlanje, kodwa umzekelo othembekileyo wabo babewuphila usenjalo. Kwaye loo mzekelo uyasiphembelela xa sicelwa ukuba senze awethu “amadini [si]thobela” (IMfundiso neMinqophiso 132:50).
Iingcebiso Zokuzifundela Izibhalo Wedwa
UJoseph Smith watyhila iinyaniso ngobuThixo kunye “[ne]hlabathi elizayo.”
Usenokuqaphela ukuba amacandelo 130–31 afundeka ngokwahlukileyo kunamanye amacandelo akwiMfundiso neMinqophiso. Oku kunjalo kuba amacandelo 130–31 asekelwe kushicilelo lukaWilliam Clayton, omnye woonobhala bakaJoseph Smith, olugcinwe kwizinto awakhe weva uMprofeti ezifundisa. Njengesiphumo, la macandelo afana kakhulu njengengqokelela yeenyaniso kunesityhilelo esipheleleyo, esixeliweyo. Kanangoko, kukho imixholo efanayo phakhathi kwezi nyani zininzi. Umzekelo, ungafunda amacandelo 130–31 nemibuzo efana nale engqondweni: Yintoni endiyifundayo ngoThixo? Yintoni endiyifundayo ngobomi emveni kokufa? Ingaba olu lwazi lubuchaphazela njani ubomi bam?
IMfundiso neMinqophiso 131:1–4; 132:7, 13–25
UBawo oseZulwini wenza kubenokwenzeka ukuba iintsapho zibe kunye unaphakade.
Enye yeenyani ezithuthuzelayo ezibuyiswe ngoMprofeti uJoseph Smith kukuba umtshato kunye nobudlelwane bosapho bungaba ngobanaphakade. NgoJoseph Smith, iNkosi yabuyisa imimiselo kunye negunya elidingekayo ukwenza obu budlelwane bube ngobanaphakade (bona IMfundiso neMinqophiso 132;7:18–19). Cinga ngobudlelwano bosapho onabo okanye onqwenela ukubanabo kwikamva lakho njengoko ufunda IMfundiso neMinqophiso 131:1–4; 132:7, 13–15. Ingaba le miqolo iyichaphazela njani indlela ocinga ngabo obu budlelwane?
Ngamanye amaxesha, nangona kunjalo, umgaqo weentsapho zanaphakade awuthuthuzeli ncam—ungazisa inkxalabo, nokudana, xa imeko yosapho lwethu okwangoku ingayilingani imfaneleko yeselestiyali. Ngexesha uMongameli uHenry B. Eyring wayexhalabile ngemeko enjalo kolwakhe usapho, waye wafumana le ngcebiso ilumkileyo kwilungu leQumrhu labaPostile abaliShumi Elinambini: “Wena phila ngokufanele ubukumnkani beselestiyali , kwaye ulungiselelo losapho luya kubamnandi kuwe kunokuba ucinga” (ku “A Home Where the Spirit of the Lord Dwells,” Ensign okanye Liyahona, May 2019, 25). Ingaba ukulandela le ngcebiso kungakusikelela njani kwimeko yangoku yosapho lwakho?
Ubudlelwane beentsapho bungenziwa bube bobunaphakade ngemimiselo yasetempileni.
IMfundiso neMinqophiso 132:1–2, 29–40
Umtshato wesithembu wamkelekile kuThixo kuphela xa Yena ewuyalele.
Nabanina okhe wayifunda iTestamente eNdala wakhe wazibuza ngoAbraham, uIsake, uYakobi, uMoses, kunye nabanye abatshata abafazi abaninzi. Ingaba la madoda alungileyo ayekrexeza kusini na? Okanye ingaba uThixo wazamkela izenzo zawo? Khangela iimpendulo kwi IMfundiso neMinqophiso 132:1–2, 29–40.
Umtshato phakathi kwendoda enye nomfazi omnye ngumgaqo kaThixo (bona isihloko secandelo kwi ISibhengezo EsiseMthethweni 1; bona futhi Yakobi 2: 27, 30). Nangona kunjalo, kubekhona amaxesha kwimbali apho uThixo eyalele abantwana bakhe balandele umtshato wesithembu.
Iminyaka yamandulo yeBandla elibuyisiweyo lalilelinye laloo maxesha omahluko. Emveni kokufumana lo myalelo, uJoseph Smith kunye nabanye abaNgcwele beMihla yokuGqibela baye balandela umtshato wesithembu. Ukuba ufuna ukufunda ngomtshato wesithembu phakathi kwabaNgcwele beMihla yokuGqibela bamandulo, bona “Amazwi weMbuyiselo” esiphelweni sesi sishwankathelo.
Iingcebiso Zofundo Lwezibhalo Zosapho kunye Nomhlangano Wangorhatya Wosapho
-
IMfundiso neMinqophiso 130:2, 18–19; 132:13, 19.Ingayisebenzisa kanjani le miqolo ukuuncenda usapho lwakho luxabise izinto ezihlala unaphakade? Mhlawumbi ungapakisha ityesi okanye ubhaka onezinto ezimele izinto, ngokwe Mfundiso neMinqophiso 130:12, 18–19;132: 19, esinokuzithatha nathi ukungena kubomi obuzayo, ezifana nemifanekiso yosapho okanye izibhalo. Yintoni IMfundiso neMinqophiso 132:13 esifundisayo malunga nezinto zehlabathi? Oku kungakhokelela kwingxoxo yokuqwalasela kwizinto ezinentsingiselo yanaphakade.
-
IMfundiso neMinqophiso 130:20–21.Ningacula iculo elimalunga nombulelo kwaye nenze uluhlu lweentsikelelo usapho lwakho oluzifumeneyo ngokuthobela imiyalelo kaThixo. Zeziphi iintsikelelo esinqwenela ukuzifumana? Singazifumana njani ezo ntsikelelo?
-
IMfundiso neMinqophiso 131:1–4; 132:15–19. Ingaba iNkosi iziva njani ngomtshato? Ingaba thina—nokuba sitshatile okanye sisodwa—sizilungiselela njani ukuba nomtshato wanaphakade?
Ngeengcebiso ezithe vetshe malunga nokufundisa abantwana, bona isishwankathelo saleveki kwi- Come, Follow Me—For Primary.
Ukuphucula Ukuzifundela Izibhalo Wedwa
Khangela iinyani zevangeli. Ngamanye amaxesha iinyani zibekwe ngqo; ngamanye amaxesha ziqukwa ngomzekelo okanye ngebali. Njengoko ufunda, zibuze, “Yeyiphi inyaniso yanaphakade efundiswayo kule miqolo”?
Igumbi lotywino eTempileni yaseParis France