“Nobembwa 15–21. Reirei ao Berita aika Tabu 133–134: ‘Katauraoingkami Ibukin Rokon te Tia Iein,’” Nakomai, Iriirai—Ibukiia Aomata n Tatabemaniia ao Utu: Reirei ao Berita aika Tabu 2021 (2020)
“Nobembwa 15–21. Reirei ao Berita aika Tabu 133–134,” Nakomai, Iriirai—Ibukiia Aomata n Tatabemaniia ao Utu: 2021
E na roko te Tia Iein, iroun Elizabeth Gibbons
Nobembwa 15–21
Reirei ao Berita aika Tabu 133–134
“Katauraoingkami Ibukin Rokon te Tia Iein”
E reirei Beretitenti Henry B. Eyring: “E moanaki kaokan te euangkerio ma te titiraki ae mangori n te mweenga ae mangori, ao e kona n reitinako inanon mweengara n tatabeua nako” (“A Home Where the Spirit of the Lord Dwells,” Ensign ke Liahona, Meei 2019, 25).
Korea Am Namakin
Ngke ai tibwa 19 ana namwakaina te Ekaretia, te Burabeti Iotebwa Timiti ao taan kairiiri n te Ekaretia ake tabeman a karaoi babaire aika matoatoa karaoakiia ni boboti ana kaotioti te Atua ibukiia Aika Itiaki nakon teuana te waorium ao ni boretii 10,000 kaobiina—kataboroa mwaitin kaobiin te moan ni booreti n Ana Boki Moomon. Ma te bwai ae riki, te kabane mwane ae bubura e totokoi babaire aikai, ao taan iowaawa a buakana ana tabo ni booreti te Ekaretia ngke e tabe ni karaoaki boretiakina. A kamaenakoi baana ake a tuai kanimwaki, ao e boni ngae ngke a kamanoaki baana tabeua irouia aomata Aika Itiaki ake a ninikoria, akea bwaninin kaobiin Bokin Taian Tua aika a ataaki bwa a tia ni kamanoaki.
Ae ti ataia ngkai bwa mwakoro 133 n Reirei ao Berita aika Tabu e katauaki bwa bon te abentekiti nakon Bokin Taian Tua, n aron te kabanea ni kabwarabwara ae korakora n tokin ana kaotioti te Uea are e a tia ni boretiaki. E kauringa rokon bongin te motikitaeka ao ni kaokioka te wewete are e kuneaki ni kaotioti n taai aikai: kitanakin te aonaaba ae kakamaku, n aron are e kanikinaeaki iroun Baburon; katean Tion; katauraoi ibukin te Kauaoki; ao n tataekina te rongorongo aei “nakon aaba nako, ao reeti, ao neewe, ao aomata” (te kibu 37). Ngkai te moan ni babaire ibukin Bokin Taian Tua aki korobukiia, te kaotioti aei bon te kauring ao te kakoaua bwa e aki kona n totokoaki ana mwakuri te Uea, “bwa e na kaota baina ae tabu … , ao a na bane tabotabon aonaba n noora ana kamaiu Atuaia” (te kibu 3).
Iango ibukin te Kamatebwai i bon Iroum ni Koroboki aika a Tabu
Reirei ao Berita aika Tabu 133
Koaua inanon Reirei ao Berita aika Tabu a kona ni katauraoai ni karaoi ana mwakuri te Atua.
N tabetai ao booki a toki ma te kabanea ni kabwarabwara are e a manga taekin ke ni kakimototoi botoniango n te boki. Tiekition 133 e katauaki ngkoa bwa tokin Bokin Taian Tua, ao e na bae ni kakawaki warekan te mwakoro aei ma te taratara anne. Tera iango ae kamatatai te Uea ibukin Ana mwakuri? Tera ae reireiniko kiibu aika 57–62 iaon te tabe ae tangiria te Uea bwa ko na karaoia n Ana mwakuri?
Reirei ao Berita aika Tabu 133:1–19
E tangirai te Uea bwa n na katauraoai ibukin Kauaokina.
Te mwakoro 1, ana kabwarabwara te Uea nakon Reirei ao Berita aika Tabu, ao mwakoro 133, te moan n abenteikiti nakon te boki, e moanaki ma te bubuti mairoun te Uea: “Ongora, ngkami aomata n au ekaretia” (Reirei ao Berita aika Tabu 1:1; 133:1). Tera ae nanonaki n ongora? (taraa te Kairi nakon Koroboki aika Tabu, “Ongora,” scriptures.ChurchofJesusChrist.org). Tera taian kakao ke tuua are tangiria te Uea bwa kam na ongora nako iai n Reirei ao Berita aika Tabu 133:1–19? Tera ae kaungako bwa ko na karaoia ni katauraoiko ibukin Okina? Ko na kanga ni buokiia ni katauraoia naake irarikim?
Taraa naba Mataio 25:1–13; D. Todd Christofferson, “Preparing for the Lord’s Return,” Ensign ke Riaona, Meei 2019, 81–84.
Reirei ao Berita aika Tabu 133:19–56
Te Kauaoki e na kakimwareirei ibukiia aika rairaoi.
Ngkae ko wareka Reirei ao Berita aika Tabu 133:19–32 iaon taekan bwai aika a na riki are e na raona Kauaokin te Tia Kamaiu, ko na bae n iangoa bwa tera ae a tuangko kabwarabwaraan bwaai aikai ibukin ana mwakuri te Tia Kamaiu ao Ana mwakuri. Tera kabonganakina n tamnei aika ko kona ni kunei inanon kabwarabwara aikai?
Ngkae ko wareka kabwarabwaraan okin te Tia Kamaiu inanon kiibu 32–56, tera ae anganiko te ingainga nakon te bong ae kakawaki anne? Tera taeka ke kibuntaeka aika a kabwarabwarai ana tangira te Uea ibukiia Ana aomata? Iangoa tauan mwiin oin am taneiai ma “ana tangira n akoi [am] Uea, ao bwaai ni kabane ake E a tia ni katoka [iaom] ni kaineti ma raoiroina” (kibu 52).
Reirei ao Berita aika Tabu 134
“Tautaeka a kateaki iroun te Atua ibukin kabwaian te aomata.”
Aia reitaki Aika Itiaki ma te tautaeka rimoa e bon kaangaanga. Ngke a kanakoaki ma te matoa Aika Itiaki mai Jackson County, Missouri, n te 1833, akea te boutoka ke te kabomwi ae a karekea man te tabo ke man te tautaeka n te aba n aki tabe ma aia bubuti ibukin te buoka. N te tai naba anne, tabeman aomata itinanikun te Ekaretia a kabwarabwara nanon reirei n taekan Tion bwa Aika Itiaki a totokoa te kariaia man te tautaeka n te aba. Reirei ao Berita aika Tabu 134 e koreaki, n iterana teuana, ni kamatata ana taratara te Ekaretia ni kaineti ma te tautaeka.
E na tera aia namakin kaain te Ekaretia ibukin tautaeka? Ngkae ko kamatebwaia te mwakoro 134, iangoia ni karaoi uoua rinan: teuana rinanna reirei aika ko reiakin ibukin te tautaeka ao tabeia kaain te aba. A kanga iango aikai n tia n ibuobuoki nakoia Aika Itiaki n taai ake rimoa? A kanga ni kabonganaki n te tabo are ko maeka iai?
Taraa naba Taekan te Onimaki 1:11–12; Gospel Topics, “Religious Freedom,” topics.ChurchofJesusChrist.org.
Iango ibukin Kamatebwai ni Koroboki aika Tabu n te Utu ao te Bootaki n Utu n te Tairiki
-
Reirei ao Berita aika Tabu 133:4–14.Kaitaraan Tion n te tamnei bon Baburon—te kaawa n taai ake rimoa are rinanon booki aika tabu e kanikinaai te buakaka ao te kabaebae n te tamnei (taraa D. Todd Christofferson, “Come to Zion,” Ensign ke Riaona, Nobembwa. 2008, 37; Kairi nakon Koroboki aika Tabu, “Bwabera, Bwaburon,” scriptures.ChurchofJesusChrist.org). Iai te bwai ae ko kainnanoia ni karaoia n te utu n, te iango n tamnei, “nako … otinako mai Baburon” (kibu 5) ao “naako … nako … Tion”? (kibu 9).
-
Reirei ao Berita aika Tabu 133:20–33.Ngkana kam botaki ni wareki kiibu aikai, a kona am utu ni koroi tamnein aia iango bwa e na kanga aron te Kauaoki. Ko kona naba ni katanga ke n anenea te anene. Te Kauaoki, n aron “When He Comes Again” (Aia Boki n Anene Ataei, 82–83), ao maroroakina te bwai ae a kona ni karaoia am utu ni katauraoia ibukin Rokona.
-
Reirei ao Berita aika Tabu 133:37–39.Ana kukurei am utu ni wareki kiibu aikai “ma te bwana ae baibati”? (kibu 38). Tera ae nanonaki n tibwaua te euangkerio ma te bwanaa ae baibati? Tera koaua aika ti kona n tibwauai?
-
Reirei ao Berita aika Tabu 134:1–2.Ni buoka am utu bwa a na ataa kakawakin te tautaeka, ko kona ni maroroakin titiraki n aron aikai: A kanga ara utu ni kakabwaiakaki ngkai iai tuua? E kanga abara ni kakabwaiakaaki ngkai iai tuua? Ko kona naba ni karaoi ke ni karana tamnein ana buraeka abam ke kamatenanoa te katebwimateuana ao te katebwimauoua n taekan te onimaki.
Ibukin iango riki tabeua ibukin reiakinaia ataei, taraa te kamataata n te wiiki aei inanon Nakomai, Iriirai—Ibukin te Moanrinan.
Anene aika katauaki: “Come, Ye Children of the Lord,” Boki n Anene, nambwa. 58.
Kanakoraoan Am Kamatebwai
Reirei reirei aika itiaki man bebete. E kabwarabwara Ana euangkerio te Uea ma taeka n aron “kamatata” ao “kabebete” (Reirei ao Berita aika Tabu 133:57). Tera ae tuangko taeka aikai iaon reiakikinan te euangkerio nakoia am utu?
Kristo n Ana Kunnikai ae Uraura, iroun Minerva Teichert