Mbongwana Ezali Ntina na Biso

Ntina nyonso ya koyekola mpe koteya nsango malamu ezali ya kokomisa misisa ya mbongwana na biso na Yesu Klisto makasi mpe kosalisa biso kokoma mingi lokola Ye. Mpo na ntina oyo, ntango tozali koyekola nsango malamu, tozali kaka te koluka nsango ya sika; kasi tosengeli kolinga kokoma “ekelamo ya sika” (2 Bakolinti 5:17). Yango elingi koloba kotalela Tata ya Lola mpe Yesu Klisto mpo na kosalisa biso tobongola mitema na biso, bomoni na biso, misala na biso, mpe ndenge na biso mpenza.

kasi lolenge ya koyekola nsango malamu oyo ekolendisa bondimi na biso mpe ekomema biso na mbongwana ya kokamwisa esalemaka mbala moko mpenza te. Ekendeka mosika koleka boyebi yakelasi na kati ya motema mpe ndako ya moto ye moko. Esengaka kosala makasi ntango nyonso, ya mokolo na mokolo mpo na kososola mpe kosalela nsango malamu. Kasi Tata na Lola azali te kozela ete tosala yango biso moko—Akotinda Molimo Mosantu mpo kosalisa biso tokoma bato babongwani.

Molimo Mosantu akambaka biso na bosolo mpe apesaka litatoli ya bosolo wana (tala Yoane 16:13). Ye apelisaka mayele na biso, alendisaka bososoli na biso, mpe atutaka mitema na biso na emoniseli ya Nzambe, liziba ya bosolo nyonso. Molimo Mosantu apetolaka mitema na biso. Ye afulaka kati na biso mposa ya kotambola na bosolo, mpe Ye Amimisaka epai na biso banzela ya kosala yango. Ya solo, “Molimo Mosantu … akoteya [biso] makambo manso” (Yoane 14:26).

Mpo na bantina oyo, na bokasi na biso mpo na kosalela, koyekola, mpe koteya nsango malamu, tosengeli yambo ya nyonso koluka kozala moninga ya to kotambola elongo na Molimo. Ntina oyo esengeli kokonza maponi na biso mpe kokamba makanisi mpe misala na biso. Tosengeli koluka nyonso oyo ebengisaka nguya ya Molimo mpe koboya nyonso oyo ebenganaka nguya yango mosika—mpo toyebi ete soki tokoki kozala bato balongobani liboso ya Molimo Mosantu, tokoki mpe lisusu kolongobana mpo na kozala liboso ya Tata ya Lola mpe ya Mwana na Ye, Yesu Klisto.