« ធនធានបន្ថែមទាំងឡាយ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ គោលលទ្ធិ និង សេចក្តីសញ្ញា ឆ្នាំ ២០២១ ( ឆ្នាំ ២០២០ )
« ធនធានបន្ថែមទាំងឡាយ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២១
ធនធានបន្ថែមទាំងឡាយ
ធនធានទាំងនេះភាគច្រើនអាចរកបាននៅក្នុងកម្មវិធីបណ្ណាល័យដំណឹងល្អ និងនៅលើគេហទំព័រ ChurchofJesusChrist.org ។
ទំនុកតម្កើង និង សៀវភៅចម្រៀងកុមារ
តន្ត្រីពិសិដ្ឋអញ្ជើញព្រះវិញ្ញាណ ហើយបង្រៀនគោលលទ្ធិតាមរបៀបមួយដែលគួរឲ្យចងចាំ ។ បន្ថែមទៅលើកំណែបោះពុម្ពនៃ ទំនុកតម្កើង និង សៀវភៅចម្រៀងកុមារ អ្នកអាចរកបាននូវចម្រៀង និងវីដេអូនៃទំនុកតម្កើង និងចម្រៀងរបស់កុមារនៅលើគេហទំព័រ music.ChurchofJesusChrist.orgនិងនៅក្នុងកម្មវិធី Sacred Music ។
សៀវភៅសិក្សាថ្នាក់សិក្ខាសាលា និងថ្នាក់វិទ្យាស្ថាន
សៀវភៅសិក្សាថ្នាក់សិក្ខាសាលា និងវិទ្យាស្ថានផ្ដល់ផ្ទៃរឿងជាប្រវត្តិសាស្ត្រ និងការអត្ថាធិប្បាយខាងគោលលទ្ធិសម្រាប់គោលការណ៍ និងដំណើររឿងទាំងឡាយដែលមាននៅក្នុងព្រះគម្ពីរ ។
ទស្សនាវដ្តីសាសនាចក្រ
ទស្សនាវដ្តី Friend, New Era, Ensign និងលីអាហូណា ផ្ដល់នូវដំណើររឿង និងសកម្មភាពដែលអាចបំពេញបង្គ្រប់គោលការណ៍នានាដែលអ្នកកំពុងបង្រៀនមកពី គម្ពីរគោលលទ្ធិ និង សេចក្តីសញ្ញា ។
ប្រធានបទដំណឹងល្អ
នៅគេហទំព័រ topics.lds.org អ្នកអាចស្វែងរកព័ត៌មានមូលដ្ឋានអំពីប្រធានបទដំណឹងល្អជាច្រើនប្រភេទ ជាមួយនឹងតំណនានាទៅកាន់ធនធានដែលមានអត្ថប្រយោជន៍ដូចជា សារលិខិតសន្និសីទទូទៅ អត្ថបទ បទគម្ពីរ និងវីដេអូនានាដែលទាក់ទងគ្នា ។ អ្នកក៏អាចស្វែងរកឃើញ និក្ខេបបទស្ដីពីប្រធានបទដំណឹងល្អ ផងដែរ ដែលផ្ដល់ជាចម្លើយដ៏ជ្រាលជ្រៅចំពោះសំណួរខាងគោលលទ្ធិ និងប្រវត្តិសាស្ដ្រទាំងឡាយ ។
ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ដំណើររឿងព្រះគម្ពីរគោលលទ្ធិ និងសេចក្ដីសញ្ញា ប្រើរូបភាព និងភាសាសាមញ្ញដើម្បីជួយកូនរបស់អ្នកឲ្យរៀនមកពីគម្ពីរគោលលទ្ធិ និង សេចក្តីសញ្ញា ។ អ្នកក៏អាចរកបានវីដេអូនៃរឿងទាំងនេះនៅក្នុងកម្មវិធីបណ្ណាល័យដំណឹងល្អ និង Gospel Media Library នៅលើគេហទំព័រ ChurchofJesusChrist.org ផងដែរ ។
សៀវភៅផាត់ពណ៌ដំណើររឿងបទគម្ពីរ ៖ ព្រះគម្ពីរគោលលទ្ធិ និង សេចក្តីសញ្ញា
ធនធាននេះរួមមានទំព័រសកម្មភាពនានាដែលបានរៀបចំឡើង ដើម្បីពង្រីកដល់ការរៀនសូត្ររបស់កុមារអំពីគម្ពីរគោលលទ្ធិ និង សេចក្តីសញ្ញា ។
វីដេអូ និងសិល្បៈ
រូបគំនូរ វីដេអូ និងប្រព័ន្ធផ្សព្វផ្សាយផ្សេងទៀតអាចជួយអ្នក និងគ្រួសារអ្នកឲ្យមើលឃើញគោលលទ្ធិ និងដំណើររឿងដែលទាក់ទងទៅនឹងព្រះគម្ពីរ ។ សូមចូលទស្សនា Gospel Media Library នៅគេហទំព័រ ChurchofJesusChrist.org ដើម្បីរុករកកម្រងធនធានប្រព័ន្ធផ្សព្វផ្សាយរបស់សាសនាចក្រ ។ ធនធានទាំងនេះក៏មាននៅក្នុងកម្មវិធី Gospel Media ផងដែរ ហើយរូបភាពជាច្រើនក៏មាននៅក្នុង សៀវភៅរូបភាពដំណឹងល្អផងដែរ ។
Revelations in Context
Revelations in Context: The Stories behind the Sections of the Doctrine and Covenants គឺជាកម្រងសំណេរអំពីប្រវត្តិសាស្រ្តជុំវិញវិរវណៈ ដែលមានក្នុងគម្ពីរគោលលទ្ធិ និងសេចក្តីសញ្ញា ។ អត្ថបទដែលបានផ្តល់ឲ្យនៅក្នុងធនធាននេះអាចជួយអ្នកឲ្យយល់កាន់តែច្បាស់ពីអត្ថន័យនៃបន្ទូលរបស់ព្រះអម្ចាស់នៅក្នុងគម្ពីរគោលលទ្ធិ និង សេចក្តីសញ្ញាទៅកាន់ពួកបរិសុទ្ធថ្ងៃចុងក្រោយជំនាន់មុន ។
ពួកបរិសុទ្ធ
ពួកបរិសុទ្ធ គឺជាដំណើររឿងប្រវត្តិសាសនាចក្រដែលមានច្រើនវ៉ុល ។ វ៉ុលទី ១ បទដ្ឋានសេចក្ដីពិត និង វ៉ុលទី ២ No Unhallowed Hand បានសរសេរអំពីប្រវត្តិសាសនាចក្រក្នុងអំឡុងពេលដូចគ្នានឹងគម្ពីរគោលលទ្ធិ និង សេចក្តីសញ្ញាដែរ ។ ប្រវត្តិសាស្រ្តទាំងនេះអាចផ្តល់ការយល់ដឹងដល់អ្នកនៅក្នុងបរិបទជុំវិញវិវរណៈ ដែលអ្នកសិក្សានៅក្នុងគោលលទ្ធិ និង សេចក្តីសញ្ញា ។
ប្រធានបទប្រវត្តិសាសនាចក្រ
អត្ថបទជាច្រើនអំពីប្រជាជន វត្ថុបុរាណ ភូមិសាស្រ្ត និងព្រឹត្តិការណ៍នានា នៃប្រវត្តិសាសនាចក្រ អាចរកបាននៅក្នុង គេហទំព័រ ChurchofJesusChrist.org/study/history/topics ។
ការបង្រៀនតាមរបៀបរបស់ព្រះអង្គសង្គ្រោះ
ធនធាននេះអាចជួយអ្នកឲ្យរៀនសូត្រ ហើយអនុវត្តតាមគោលការណ៍ទាំងឡាយនៃការបង្រៀនដូចជាព្រះគ្រីស្ទ ។