“ແຫລ່ງຊ່ວຍເຫລືອເພີ່ມເຕີມ,” ຈົ່ງຕາມເຮົາມາ—ສຳລັບບຸກຄົນ ແລະ ຄອບຄົວ: ຄຳສອນ ແລະ ພັນທະສັນຍາ 2021 (2020)
“ແຫລ່ງຊ່ວຍເຫລືອເພີ່ມເຕີມ,” ຈົ່ງຕາມເຮົາມາ—ສຳລັບບຸກຄົນ ແລະ ຄອບຄົວ: 2021
ແຫລ່ງຊ່ວຍເຫລືອເພີ່ມເຕີມ
ແຫລ່ງຊ່ວຍເຫລືອສ່ວນຫລາຍເຫລົ່ານີ້ ມີຢູ່ໃນແອພ ຫ້ອງສະໝຸດພຣະກິດຕິຄຸນ ແລະ ມີຢູ່ທີ່ ChurchofJesusChrist.org.
ເພງສວດ ແລະ ເພງຂອງເດັກນ້ອຍ
ເພງທີ່ສັກສິດຈະເຊື້ອເຊີນພຣະວິນຍານໃຫ້ມາສະຖິດຢູ່ນຳ ແລະ ຈະສິດສອນຄຳສອນ ໃນວິທີທາງທີ່ໜ້າຊົງຈຳ. ນອກເໜືອໄປຈາກ ເພງສວດ ແລະ ເພງຂອງເດັກນ້ອຍ, ຊະນິດທີ່ເປັນປຶ້ມແລ້ວ, ເພງສວດ ແລະ ເພງຂອງເດັກນ້ອຍຫລາຍໆເພງ ຊະນິດທີ່ເປັນແຟມສຽງ ແລະ ວິດີໂອ ກໍຍັງມີໃຫ້ທ່ານໃຊ້ນຳອີກ ຢູ່ທີ່ music.ChurchofJesusChrist.org ແລະ ຢູ່ໃນແອພ Sacred Music.
ປຶ້ມບົດຮຽນຂອງຫ້ອງຮຽນສາດສະໜາ ແລະ ສະຖາບັນ
ປຶ້ມບົດຮຽນຂອງຫ້ອງຮຽນສາດສະໜາ ແລະ ສະຖາບັນ ຈະໃຫ້ປະຫວັດເບື້ອງຫລັງ ແລະ ຄຳບັນຍາຍເລື່ອງຄຳສອນ ສຳລັບຫລັກທຳ ແລະ ເລື່ອງລາວທີ່ພົບເຫັນຢູ່ໃນພຣະຄຳພີ.
ວາລະສານຂອງສາດສະໜາຈັກ
ວາລະສານ Friend, New Era, Ensign, ແລະ Liahona ບັນຈຸເລື່ອງລາວ ແລະ ກິດຈະກຳທີ່ສາມາດເສີມຫລັກທຳ ທີ່ທ່ານສິດສອນຈາກຄຳສອນ ແລະ ພັນທະສັນຍາ.
Gospel Topics
ໃນ Gospel Topics ທ່ານສາມາດພົບເຫັນຂໍ້ມູນຂັ້ນພື້ນຖານກ່ຽວກັບຫົວຂໍ້ພຣະກິດຕິຄຸນຢ່າງຫລາກຫລາຍ, ພ້ອມທັງລິ້ງທີ່ພາໄປຫາແຫລ່ງທີ່ເປັນປະໂຫຍດ, ດັ່ງເຊັ່ນຂ່າວສານຂອງກອງປະຊຸມໃຫຍ່ທີ່ກ່ຽວຂ້ອງ, ບົດຄວາມ, ຂໍ້ພຣະຄຳພີ, ແລະ ວິດີໂອ. ກໍຍັງມີ Gospel Topics Essays, ນຳອີກ ຊຶ່ງໃຫ້ຄຳຕອບທີ່ເລິກຊຶ້ງກ່ຽວກັບຄຳສອນ ແລະ ຄຳຖາມເລື່ອງປະຫວັດສາດ.
ເລື່ອງຄຳສອນ ແລະ ພັນທະສັນຍາ
ເລື່ອງຄຳສອນ ແລະ ພັນທະສັນຍາ ໃຊ້ຮູບພາບ ແລະ ພາສາແບບລຽບງ່າຍ ເພື່ອຊ່ວຍເດັກນ້ອຍໃຫ້ຮຽນຮູ້ຈາກຄຳສອນ ແລະ ພັນທະສັນຍາ. ກໍຍັງມີວິດີໂອ ກ່ຽວກັບເລື່ອງເຫລົ່ານີ້ຢູ່ໃນແອພ ຫ້ອງສະໝຸດພຣະກິດຕິຄຸນນຳອີກ ແລະ ມີຢູ່ທີ່ Gospel Media Library ທີ່ ChurchofJesusChrist.org.
ປຶ້ມລະບາຍສີເລື່ອງພຣະຄຳພີ: ຄຳສອນ ແລະ ພັນທະສັນຍາ
ແຫລ່ງນີ້ບັນຈຸໜ້າກິດຈະກຳທີ່ເຮັດຂຶ້ນມາເພື່ອສົ່ງເສີມການຮຽນຮູ້ຂອງເດັກນ້ອຍຈາກຄຳສອນ ແລະ ພັນທະສັນຍາ.
ວິດີໂອ ແລະ ສິລະປະ
ງານສິລະປະ, ວິດີໂອ, ແລະ ສື່ອື່ນໆ ກໍສາມາດຊ່ວຍຄອບຄົວຂອງທ່ານ ໃຫ້ວາດພາບເຫັນຄຳສອນ ແລະ ເລື່ອງລາວທີ່ກ່ຽວຂ້ອງກັບພຣະຄຳພີ. ໃຫ້ເປີດເບິ່ງ Gospel Media Library ທີ່ ChurchofJesusChrist.org ເພື່ອເລືອກເບິ່ງກຸ່ມແຫລ່ງສື່ຂອງສາດສະໜາຈັກ. ແຫລ່ງເຫລົ່ານີ້ກໍມີໃຫ້ບໍລິການຢູ່ໃນແອພ Gospel Media, ແລະ ຮູບພາບຫລາຍໆໃບກໍມີຢູ່ໃນ ປຶ້ມຮູບພາບພຣະກິດຕິຄຸນ ນຳອີກ.
Revelations in Context
Revelations in Context: The Stories behind the Sections of the Doctrine and Covenants ເປັນບົດຄວາມທີ່ຖືກຮວບຮວມ ກ່ຽວກັບປະຫວັດສາດທີ່ເກີດຂຶ້ນຢູ່ອ້ອມຮອບການເປີດເຜີຍ ຊຶ່ງບັນຈຸຢູ່ໃນຄຳສອນ ແລະ ພັນທະສັນຍາ. ເນື້ອຫາທີ່ມີຢູ່ໃນແຫລ່ງນີ້ສາມາດຊ່ວຍທ່ານໃຫ້ເຂົ້າໃຈຫລາຍກວ່າເກົ່າກ່ຽວກັບສິ່ງທີ່ພຣະຄຳຂອງພຣະຜູ້ເປັນເຈົ້າ ຢູ່ໃນຄຳສອນ ແລະ ພັນທະສັນຍາ ອາດມີຄວາມໝາຍຕໍ່ໄພ່ພົນຍຸກສຸດທ້າຍລຸ້ນທຳອິດແນວໃດ.
Saints
Saints ເປັນໜັງສືຫລາຍເຫລັ້ມທີ່ເລົ່າເລື່ອງປະຫວັດສາດຂອງສາດສະໜາຈັກ. ເຫລັ້ມທີ 1, The Standard of Truth, ແລະ ເຫລັ້ມທີ 2, No Unhallowed Hand, ບັນຈຸປະຫວັດສາດຂອງສາດສະໜາຈັກ ໃນໄລຍະດຽວກັນກັບຄຳສອນ ແລະ ພັນທະສັນຍາ. ປະຫວັດສາດເຫລົ່ານີ້ສາມາດໃຫ້ຄວາມຮູ້ແກ່ທ່ານ ກ່ຽວກັບເນື້ອຫາທີ່ຢູ່ອ້ອມຮອບການເປີດເຜີຍທີ່ທ່ານສຶກສາຢູ່ໃນຄຳສອນ ແລະ ພັນທະສັນຍາ.
ຫົວຂໍ້ປະຫວັດສາດຂອງສາດສະໜາຈັກ
ບົດຄວາມຫລາຍບົດກ່ຽວກັບຜູ້ຄົນ, ສິ່ງປະດິດ, ພູມີສາດ, ແລະ ເຫດການຂອງສາດສະໜາຈັກ ມີຢູ່ທີ່ ChurchofJesusChrist.org/study/history/topics.
Teaching in the Savior’s Way
ແຫລ່ງນີ້ສາມາດຊ່ວຍທ່ານຮຽນຮູ້ ແລະ ນຳໃຊ້ຫລັກທຳຂອງການສິດສອນເໝືອນດັ່ງພຣະຄຣິດ.