Te tahi atu mau rāve’a tauturu

E nehenehe te rahira’a o teie mau rāve’a tauturu e ’itehia i roto i te fa’anahora’a roro uira nō te Vaira’a Buka ’Evanelia i ni’a ChurchofJesusChrist.org.

Te mau hīmene ’e te buka Chants pour les enfants

E tītau manihini te pehe mo’a i te Vārua ma te ha’api’i i te ha’api’ira’a tumu nā roto i te hō’ē rāve’a e ’ore roa te reira e mo’ehia. Ta’a ’ē noa atu i te nene’ira’a o Te mau hīmene ’e o te buka Chants pour les enfants, e nehenehe e noa’a mai te haruharura’a fa’aro’o ’e te video o te mau hīmene e rave rahi i ni’a i te music.ChurchofJesusChrist.org ’e i roto i te fa’anahora’a Sacred Music.

Te mau ve’a a te ’Ēkālesia

E ’itehia i roto i te Liahona te mau ’ā’amu ’e te mau ’ohipa ri’i e nehenehe e turu i te mau parau tumu i roto i Te Parau Ha’api’ira’a ’e te mau Parau Fafau tā ’outou e ha’api’i i te ta’ata.

Te mau video ’e te mau hōho’a

E nehenehe te mau hōho’a, te mau video ’e te tahi atu mau rāve’a ha’apararera’a e tauturu ia ’outou ’e tō ’outou ’utuāfare ’ia hi’o i te ha’api’ira’a tumu ’e te mau ’ā’amu e ’itehia i roto i te mau pāpa’ira’a mo’a. ’A hi’o i te Gospel Media Library [Vaira’a rāve’a ha’apararera’a nō te ’evanelia] i ni’a ia ChurchofJesusChrist.org nō te hi’o i te ha’aputura’a a te ’Ēkālesia nō te mau mātēria rāve’a ha’apararera’a. Tē vai ato’a ra i roto i te fa’anahora’a Gospel Media, ’e e ’ite-ato’a-hia te mau hōho’a e rave rahi i roto i te Buka hōho’a nō te ’evanelia.

Ha’api’ira’a mai tā te Fa’aora

E nehenehe teie rāve’a tauturu e tauturu ia ’oe ’ia ha’api’i mai ’e ’ia fa’a’ohipa i te mau parau tumu o te ha’api’ira’a mai tā te Mesia.