“Pebrero 4–10. Mateo 4; Lucas 4–5: ‘Adda Kaniak ti Espiritu ti Apo’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Pebrero 4–10. Mateo 4; Lucas 4–5: Umaykayo, Sumurot Kaniak—Para kadagiti Indibidual ken Pamilia: 2019
Agballigi ni Cristo ken ni Satanas, ni Robert T. Barrett
Pebrero 4–10
Mateo 4; Lucas 4–5
“Adda Kaniak ti Espiritu ti Apo”
Rugiam babaen ti panangbasa iti Mateo 4 ken Lucas 4–5, ket ikasom dagiti ania man a nalawag a pannakaammo ken pannakaawat a naawatmo. Makatulong kenka dagiti kapanunotan iti panagadal iti daytoy a balabala a mangilasin kadagiti napapateg a pagbatayan kadagitoy a kapitulo.
Suratmo Dagiti Impresionmo
Manipud iti Kinaagtutubona, ammo ni Jesus nga addaan Isuna iti maysa a naidumduma, a sagrado a mision. Ngem bayat ti panagsagana ni Jesus nga irugi ti panagministrona ditoy daga, ginandat ti kabusor a mangimula iti panagduadua iti panunot ti Mangisalakan. “No sika ti Anak ti Dios,” kinuna ni Satanas (Lucas 4:3, nainayon ti nagiray a balikas). Ngem nakiuman ti Mangisalakan iti Amana iti Langit. Ammona dagiti nasantuan a kasuratan, ken ammona no asino Isuna. Para Kenkuana, ti diaya ni Satanas—“Amin dagitoy a pannakabalin itedkonto kenka” (Lucas 4:6)—ket maysa nga awan kaes-eskanna, ta ti tungpal biag a panagsagana ti Mangisalakan ti nangpalugod Kenkuana nga umawat iti “pannakabalin ti Espiritu” (Lucas 4:14). Isu nga iti baet ti pannakasulisog, pannakasubok, ken pannakasupring, di kaano man nagduadua ni Jesucristo Iti naituding nga aramidna: “Nasken nga ikasabak ti pagarian ti Dios ... ta daytoy ti panggep a nakaibaonak” (Lucas 4:43).
Dagiti Kapanunotan para iti Bukod a Panagadal iti Nasantuan a Kasuratan
Ti pannakiumanko iti Dios ti mangisagana Kaniak nga agserbi Kenkuana.
Tapno agsagana para iti misionna, napan ni Jesus iti let-ang “tapno makapagnaed iti Dios” (Patarus ni Joseph Smith, Mateo 4:1 [iti Mateo 4:1, footnote b]). Mangpanunotka iti no ania ti aramidem tapno mariknam ti mayasideg iti Dios. Kasano daytoy a maisagana kenka para iti aramid a kayatna nga aramidem?
Intuding ni Cristo ti pagwadan para kaniak babaen ti panagkedked iti sulisog.
No dadduma ket makonsiensia ti tao no masulisogda nga agbasol. Ngem nasulisog uray pay ti Mangisalakan, a nagbiag a “saan a nagbasol” (Hebreo 4:15). Makaliwliwa a maammuan a gapu ta naipasango ken naparmek ni Cristo dagiti pannulisog, Ammona a dagiti pannulisog a pakaipasanguantayo ket makatulong kadatayo a mangparmek kadagitoy (kitaen iti Hebreo 2:18; Alma 7:11–12).
Iti panangbasam ti Mateo 4:1–11 ken Lucas 4:1–13, ania ti masursurom a makatulong kenka no maipasangoka kadagiti sulisog? Mabalin a maurnosmo dagiti kapanunotam iti lamisaan a kastoy:
|
Jesucristo |
Siak |
|---|---|
Jesucristo Ania ti pinangsulisog ni Satanas ken ni Cristo? Usaren ti Pannakabalinna a mangpennek iti bisinna. | Siak Ania ti pannulisog a kayat ni Satanas nga aramidek? |
Jesucristo Apay a nakasagana ni Cristo a mangkedked iti pannulisog? Nagayuno; Napan nakipagnaed iti Dios; Ammona dagiti nasantuan a kasuratan. | Siak Kasano a makapagsaganaak a mangkedked iti sulisog? |
Jesucristo | Siak |
Ania dagiti nayon a nalawag a pannakaammo ken pannakaawat ti magun-odyo manipud iti Patarus ni Joseph Smith iti Mateo 4? (kitaen dagiti footnote iti Mateo 4).
Kitaen met iti 1 Taga-Corinto 10:13; Alma 13:28; Moises 1:10–22; “Temptation,” Gospel Topics, topics.lds.org.
Ni Jesucristo ti naipadto a Mesias
No maidawat kenka a mangiladawan iti no ania ti nakaibaonan ni Jesucristo nga aramiden ditoy daga, ania koma ti isaom? Iti Lucas 4:18–19,inladawan ti Mangisalakan dagiti aspeto ti bukodna a mision babaen iti panangadawna iti maysa a padto ni Isaias maipapan iti Mesias (kitaen iti Isaias 61:1–2). Ania ti masursuroyo maipanggep ti Missionna bayat ti panangbasam kadagitoy a bersikulo?
Impaneknek ni Jesucristo nga Isu ti Mesias.
Nupay naguray iti adu a siglo dagiti Judio tapno matungpal dagiti padto ni Isaias, adu ti di nakaawat a ni Jesus ti Mesias idi impakdaarna, “Ita nga aldaw naidanon kadagiti lapayagyo daytoy a natungpal ti nasantuan a kasuratan” (Lucas 4:21). Bayat ti panangbasam iti Lucas 4:20–30(kitaen met iti Marcos 6:1–6), padasem ti mangipapan ti bagim iti kasta met la a kasasaad a kas kadagiti tao ti Nazaret. Adda kadi ania man a banag a makalapped kenka iti naan-anay a panangawat ken ni Cristo a kas personal a Mangisalakanmo?
Kitaen met iti Mosiah 3:5–12;“Jesus Declares He Is the Messiah” (video, (video, LDS.org).
No agtalekak iti Apo, matulongannak a mangragpat iti nadiosan a potensialko.
Insuro ni Presidente Ezra Taft Benson, “Matakuatanto dagiti lallaki ken babbai a mangiturong kadagiti biagda iti Dios nga ad-adu ti maaramidna iti biagda ngem iti kabaelanda” (Teachings of Presidents of the Church: Ezra Taft Benson [2014], 42). Daytoy ti napasamak ken ni Pedro ken dagiti padana a dumadaklis. Tinulongan ni Jesus ida a mangamiris nga ad-adu ti maaramidda ngem iti agkalap iti ikan—makapagbalinda a “dumakdaklis kadagiti tao” (Mateo 4:19; kitaen met iti Lucas 5:10). Tapno matulonganna ida a mangkita iti daytoy, inusar ni Jesus dagiti padasna a pamiliar kadakuada.
Kaano a nariknam nga aw-awagannaka ti Mangisalakan a sumurot Kenkuana? Kasano a maipakitam iti Apo a natallugodka a “[ mangpanaw ] iti amin” (Lucas 5:11) tapno sumurot Kenkuana? Utobem dagitoy a saludsod bayat ti panangbasam iti Mateo 4:18–22ken Lucas 5:1–11.
Kitaen met iti “Come, Follow Me,” Hymns, no. 116.
Dagiti Kapanunotan para iti Sangapamiliaan a Panagadal iti Nasantuan a Kasuratan
Bayat ti panagbasam kadagiti nasantuan a kasuratan a kaduam ti pamiliam, makatulong ti Espiritu kenka a mangammo no ania dagiti pagbatayan a yunay-unay ken ilawlawag tapno maipaay dagiti kasapulan ti pamiliam. Dagitoy ti sumagmamano a singasing:
Nagay-ayuno ni Jesus sakbay a sinulisog ti kabusor. Ania dagiti nalawag a pannakaammo ken pannakaawat a magun-odtayo manipud iti daytoy a pakaammuan maipanggep iti bileg ti panagayuno? Ti impormasion iti “Fasting and Fast Offerings,” Gospel Topics, topics.lds.org ket mabalin a makatulong kenka a mangidaulo iti panaglilinnawag iti pamilia maipapan iti panagayuno. Mabalinmo nga awisen dagiti miembro ti pamilia tapno mangibinglay kadagiti adda a padasda maipapan iti panagayuno. Nalabit a nainkararagan a makaaramid ti pamiliam kadagiti plano nga agayuno a sangsangkamaysa para iti nalawag a panggep.
Idi sinulisog ni Satanas ni Cristo tapno pagbalinenna ti bato a tinapay, kinaritna ti nadiosan a kinasiasino ni Cristo babaen ti panagkunana, “No sika ti Anak ti Dios” (Mateo 4:3, nainayon ti nagiray a balikas). Apay ngata a padasen ni Satanas a pagduaduaennatayo kadagiti nadiosan a kinasiasinotayo? Kasano ti panangpadasna nga aramiden daytoy? (Kitaen met iti Moises 1:10–23.)
Kalpasan ti pisikal ken naespirituan a pannakasubok ni Jesus, naiturong dagiti panunotna kadagiti kasapulan ni Juan Bautista, nga adda iti pagbaludan: “Ket ita nammuan ni Jesus a naibalud ni Juan, ket nangibaon kadagiti anghel, ket, imutektekan, dimtengda ken nagserbida kenkuana [Juan]” (Patarus ni Joseph Smith, Mateo 4:11 [iti Mateo 4:11, footnote a). Kasano a mabendisionantayo bayat ti panangsurottayo iti pagwadan ni Cristo amangpampanunot kadagiti dadduma sakbay ti bagbagitayo? Kasano a masurottayo ti pagwadanna?
Adda kadi maysa nga am-ammotayo a maladladingitan wenno agkasapulan iti “pannakawayawaya”? (Lucas 4:18 ). Kasano a matulongantayo dagiti dadduma nga umawat iti panangpaimbag ti Mangisalakan ken pannakawayawaya? Mabalinmo pay nga ilawlawag no kasano a ti panangannong kadagiti ordinansa ti templo ket makatulong iti “pannakawayawaya dagiti balud” (Lucas 4:18).
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
Agbiag a mayannurot iti Ebanghelio ni Jesucristo. “Nalabit a ti kapatgan a banag a mabalinmo nga aramiden [kas maysa a naganak wenno mannursuro] ket … agbiagka a mayannurot iti ebanghelio iti amin a pusom. … Daytoy ti kangrunaan a wagas tapno maikari iti panangkadkadua ti Espiritu Santo. Saanmo a kasapulan ti agbalin a perpekto, sipapasnek laeng nga ikarigatam—ken agkiddaw iti pannakapakawan babaen ti Pannubbot ti Mangisalakan no nagbiddutka” (Panangisuro iti Wagas ti Mangisalakan, 13).
Ti awag, ni Jorge Cocco