“11–17 marzo. Mateo 10–12; Markos 2; Lukas 7; 11: “Eb’ li kab’laju a’in ke’taqlaak xb’aan li Jesus” ” Kim, Taaqehin—Choq’ reheb’ li komon ut li junkab’al: Li Ak’ Chaq’rab’ 2019 (2019)
“11–17 marzo. Mateo 10–12; Markos 2; Lukas 7; 11,” Kim, Taaqehin—Choq’ reheb’ li komon ut li junkab’al: 2019
11–17 marzo
Mateo 10–12; Markos 2; Lukas 7; 11
“Eb’ li kab’laju a’in ke’taqlaak xb’aan li Jesus”
Naq nakawil Mateo 10–12; Markos 2; ut Lukas 7; 11, k’e reetaleb’ li na’leb’ tixk’ut chawu li Santil Musiq’ej. Naru taak’oxlaheb’ ut taatz’iib’aheb’.
Xtz’iib’ankil li nakak’oxla
Sa’ junpaat kijek’iman resil li sachb’a-ch’oolejil k’irtesink yoo chixb’aanunkil li Jesus. Kitaaqeek xb’aan k’iila tenamit, li ke’raj naq te’k’irtesiiq lix yajeleb’. A’b’anan naq li Kolonel kirileb’ li k’iila tenamit, ink’a’ ka’ajwi’ kiril lix tz’ejwalejil yajeleb’. Chi nujenaq rik’in uxtaan, kirileb’ “li karneer maak’a’ aj ilol reheb’ ” (Mateo 9:36). “Li q’olom naab’al,” chan, “a’ut eb’ laj k’anjel ink’a’ k’iheb’ ” (Mateo 9:37). Jo’kan naq kixb’oqeb’ kab’laju chi apostol, “kixk’eheb’ xwankil,” ut kixtaqlaheb’ re “te’xik rik’ineb’ li karneer sachenaqeb’ sa’ li tenamit Israel” (Mateo 10:1, 6). Anajwan ajwi’ neke’ajman ru naab’al chik aj k’anjel re te’k’anjelaq chiruheb’ li ralal xk’ajol li qaChoxahil Yuwa’. Toj wankeb’ kab’laju chi apostol, a’ut k’iheb’ wi’chik lix tzolom li Qaawa’ Jesukristo anajwan—eb’ li neke’ru chixch’olob’ankil chiru chixjunil li ruchich’och’ naq “lix nimajwal wankilal li choxa ak xnach’ok chaq” (Mateo 10:7).
Li na’leb’ re xtzolb’aleb’ li loq’laj hu aajunes
Li Qaawa’ naxk’e xwankileb’ lix moos re xb’aanunkil lix k’anjel.
Li na’leb’ kixk’e li Jesus sa’ Mateo 10 kiwan choq’ reheb’ lix apostol, a’ut chiqajunil nokotz’aqon sa’ lix k’anjel li Qaawa’. K’a’ru li wankilal li kixk’e li Kristo reheb’ lix apostol re xtenq’ankileb’ chixb’aanunkil lix k’anjeleb’? Chan ru naq nakatru laa’at chi tenq’aak xb’aan lix wankilal a’an sa’ li k’anjel li b’oqb’ilat chixb’aanunkil? (chi’ilmanq 2 Korintios 6:1–10; Tz. ut S. 121:34–46).
Eb’ li kab’laju chi apostol neke’xb’aanu lix k’anjel li Qaawa’ sa’ li kutan a’in.
Naq nakawil li k’anjel li kixk’e li Kristo reheb’ lix apostol, maare taak’ul aana’leb’ chirix li k’anjel taaraj li Qaawa’ naq taab’aanu laa’at. Jun li eetalil jo’ li tusb’il arin naru tatxtenq’a chixtuqub’ankil li yookat chixk’oxlankil:
|
Li k’a’ru naweek’a | |
|---|---|
|
Li Kolonel kixk’e xwankileb’ lix tzolom. | Li k’a’ru naweek’a Li Dios tixk’e we li wankilal li na’ajman re xb’aanunkil lin k’anjel. |
Li k’a’ru naweek’a |
Chi’ilmanq ajwi’ Eb’ lix Raqalil li Paab’aal 1:6; K’utul Raqal reheb’ li Loq’laj Hu, “Apostol”; “Jesús llama a los Doce Apóstoles para predicar y bendecir a la gente” (video, LDS.org).
Naq wankin chi k’anjelak chiru li Qaawa’, a’an tinixtenq’a chixnawb’al k’a’ru tinye.
Li Qaawa’ kiril chi rub’elaj naq eb’ lix tzolom te’rahob’tesiiq ut te’tz’ile’q rix chirix lix paab’aaleb’—a’an ajwi’ li naru neke’xk’ul lix tzolom sa’ li kutan a’in. A’ut kixye reheb’ lix tzolom naq te’xnaw rik’in li Musiq’ej k’a’ru te’xye. Ma wan k’a’ru xak’ul sa’ laa yu’am li xtz’aqlok wi’ ru li yeechi’ihom a’in, jo’ maare naq xaye lix nawom aach’ool, naq xak’e jun li osob’tesink, malaj naq xat-aatinak rik’in anihaq? Maare taawotz li k’a’ru xak’ul rik’in jun aakomon, malaj taatz’iib’a sa’ jun li hu.
Chi’ilmanq ajwi’ Lukas 12:11–12; Tzol’leb’ ut Sumwank 84:85).
K’a’ru xyaalalil naq li Jesus kixye, “Ink’a’ xinchalk chixk’eeb’al li tuqtuukilal, a’an b’an li ch’iich’ ”?
Li Elder D. Todd Christofferson kixye, “Nink’oxla naq wankeb’ sa’ eeyanq li xextz’eqtaanaak ut xexhob’e’ xb’aan lee na’ eeyuwa’, malaj xb’aaneb’ lee ras eeriitz’in rik’in naq xek’ul lix evangelio li Jesukristo ut xex’ok sa’ lix sumwank. Chi jo’kan, rik’in naq mas wi’chik xera li Kristo, x’ajman ru naq xexwan chi jachjo eeru rik’ineb’ li raab’ileb’ aab’aan, ut x’el xya’al eeru xb’aan a’an. A’b’anan lee rahom ink’a’ k’osb’il ru, ut xaqxo nekexkana rub’el li krus a’in, ut nekek’ut naq ink’a’ nekexxutaanak chirix li Ralal li Dios” (“Cómo encontrar tu vida,” Liahona, marzo 2016, 20).
Wi wan qach’ool chi jache’k qu rik’ineb’ li raab’ileb’ qab’aan re xtaaqenkil li Kristo, yeechi’inb’il naq “li tixsach lix yu’am sa’ ink’ab’a’, a’an tixtaw” (Mateo 10:39).
Li Jesukristo ka’ajwi’ tinixkanab’ chi hilank naq ninkanab’ wib’ chiru a’an ut lix tojb’al rix li maak kixb’aanu.
Chiqajunil wan li iiq naqiiqa—wan xb’aan li qamaak ut li k’a’ru ink’a’ us xqab’aanu, wan xb’aan li k’a’ru xb’aanu jalan, ut wan li yal wan sa’ xk’ab’a’ li wanko sa’ li yu’am a’in sa’ ruchich’och’. Maak’a’ naxye b’ar nachal li qach’a’ajkilal, li Jesus naxtz’aama chiqu naq toochalq rik’in a’an re naq taaruuq chiqatenq’ankil chiriiqankil li qiiq, re taakotzq (chi’ilmanq ajwi’ Mosiah 24). Li Elder David A. Bednar kixye, “Naq noko’ok sa’eb’ li loq’laj sumwank ut naqapaab’eb’, wanko sa’ li iiqleb’ sa’ komonil rik’in li Qaawa’ Jesukristo” (“Moko ch’a’aj ta chiruheb’ xk’amb’al li riiqeb’,” Jolomil Ch’utub’aj-ib’ re abril 2014). Chi wank a’in sa’ aach’ool, k’oxlaheb’ li patz’om a’in re xtawb’al ru li raatin li Kolonel sa’eb’ li raqal a’in: “Chan ru naq eb’ lin sumwank nikine’xk’e choq’ wech aj iiqanel rik’in li Kolonel?” “K’a’ru tento tinb’aanu re tinchalq rik’in li Kristo?” malaj “Chan ru naq li riiqleb’ li Kolonel moko ra ta, ut li iiq li naxk’e chiqiiqa moko aal ta?”
K’a’ru chik li patz’om nachal sa’ laa k’a’uxl naq nakawil ru li aatin a’in? Tz’iib’aheb’ li patz’om a’an, ut sik’ xsumenkileb’ naq yookat chirilb’aleb’ li loq’laj hu ut li raatineb’ li profeet sa’ li xamaan a’in. Maare taataw xsumenkil aapatz’om rik’in li raatin li Elder David A. Bednar, li yeeb’il resil arin.
Naq nakuye’ inmaak, naniman inrahom choq’ re li Kolonel.
Ma nakak’oxla aawib’ naq nakawileb’ li raqal a’in chirix lix k’ulunik li Kolonel rik’in laj Simon aj Fariseo? Ma wan naq chanchanat laj Simon? Chan ru naq tatruuq chixb’aanunkil li kixb’aanu li ixq naq kixk’ut lix tuulanil ut lix rahom choq’ re li Jesukristo? Jo’q’e xak’ul laa’at li chaab’ilal ut li uxtaan li kixk’ut li Kolonel chiru li ixq? K’a’ru nakatzol rik’ineb’ li raqal a’in chirix chan ru naq li kuyuk maak naxkawob’resi li qarahom choq’ re li Kolonel?
Li na’leb’ re xtzolb’aleb’ li loq’laj hu sa’ junkab’al, ut choq’ re li Q’ojyin re Junkab’al
Naq nakawileb’ xsa’ li loq’laj hu rik’in laa junkab’al, li Musiq’ej naru nakatxtenq’a chixnawb’al k’a’ru li na’leb’ taak’e xwankil ut tex’aatinaq wi’ re taak’anjelaq choq’ re laa junkab’al. Aʼin junjunq li naʼlebʼ naru taabʼaanu:
Naq naqak’oxla li aatin li xyeeman sa’ li jolomil ch’utub’aj-ib’ xnume’, chan ru wanko jo’ junkab’al sa’ xk’ulb’al ut xtaaqenkil li na’leb’ k’eeb’il xb’aaneb’ li apostol re roso’jikeb’ li kutan? Chan ru naq nokonach’ok rik’in li Jesukristo sa’ xpaab’ankil li raatineb’?
Re xtenq’ankileb’ laa junkab’al chixtawb’al ru lix yehom li Jesus sa’eb’ li raqal a’in, naru taakanab’eb’ chixkelonkil jun li aalil iiq, xb’een wa xjuneseb’, ut chirix a’an chi tenq’anb’il. K’a’ruheb’ li iiq li wankeb’ chiqix? K’a’ru xyaalal xk’ulb’al li riiqleb’ li Kristo sa’ qab’een? Li jalam-uuch li wan rochb’een li aatin a’in tatxtenq’a chixk’utb’al k’a’ru li iiqleb’.
Chan ru naru “taaqab’aanu li us” sa’ li hilob’aal kutan? (Mateo 12:12). Chan ru naq li Kolonel naru chiqak’irtesinkil sa’ li hilob’aal kutan?
Re xtawb’al xkomon chik li na’leb’ chirix xtzolb’aleb’ li kok’al, chi’ilmanq li tusleb’ aatin re li xamaan a’in sa’ Kim, Taaqehin—Choq’ re li Tzoleb’aal reheb’ li Kok’al.
Xchaab’ilob’resinkil li tzolok aajunes
Ab’i li Musiq’ej. Naq nakattzolok, k’e reetal li k’a’ru nakak’oxla ut nakaweek’a (chi’ilmanq Tz. ut S. 8:2–3), us ta maare jalan wi’ rik’in li yookat chirilb’al. Naru naq li na’leb’ nakak’ul chi jo’kan a’an ajwi’ li taaraj li Dios naq taanaw ut taab’aanu.
Li Kolonel kixye, “Chek’ul lin iiqleb’ sa’ eeb’een (Mateo 11:29).
Kirtland ut li xb’een santil ochoch, xb’aan laj Dan Burr