“Agosto 12–18 ‘Taga Roma 7–16: Abakem ti Dakes Gapu iti Naimbag’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Agosto 12–18 Taga Roma 7–16,” Umaykayo, Sumurot Kaniak—Para kadagiti Indibidual ken Pamilia: 2019
Agosto 12–18
Taga Roma 7–16
“Abakem ti Dakes gapu iti Naimbag”
Sumagmamano laeng kadagiti pagbatayan ti ebanghelio iti Taga Roma 7–16 ti mabalin a mairaman iti daytoy a balabala, isu a dika limitaran ti bagim iti no ania ti inagapad ditoy. Ikasom ti inspirasion a maawatmo bayat ti panagadalmo.
Isuratmo Dagiti Impresionmo
Bayat ti pananglukatna iti suratna kadagiti taga Roma, kinablaawan ni Pablo dagiti miembro ti Simbaan iti Roma babaen ti panangawagna kadakuada iti “maipatpateg ti Dios” a dagiti “naawagan nga agbalin a santo.” Imbagana a ti “pammatida [ket] nasao iti intero a sibubukel a lubong” (Taga Roma 1:7–8). Nupay binubos unay ni Pablo iti suratna iti panagatur kadagiti palso a kapanunotan ken pakadillawan a tignay, kasla met la tinarigagayanna a pagtalgeden dagitoy baro a kumbert a Kristiano tapno agbalin a pudno a Santo nga ipatpateg ti Dios. Iti maysa a napakumbaba a mangipakita iti pannakipagrikna, nabigbig ni Pablo a nariknana ti kas iti “nakakaasi a tao” no dadduma (Taga Roma 7:24), ngem ti ebanghelio ni Jesucristo ket inikkan isuna ti bileg a mangparmek iti basol (kitaen iti Joseph Smith ti Patarus, Taga Roma 7:22–27[iti pangiwanwan iti nasantuan a kasuratan]). Napan isuna tapno ibinglayna ti naasi a balakad para kadatayo amin a marigatan a makarikna ti pammateg, ken kasla saan a magun-od ti kinasanto. “Saanka koma a paabak iti dakes,” kinunana—agpada a dakes iti lubong ken dakes iti bagbagitayo—“no di ket abakem ti dakes gapu iti naimbag” (Taga Roma 12:21).
Dagiti Kapanunotan para iti Bukod a Panagadal iti Nasantuan a Kasuratan
No surotek ti Espiritu, maparmekko ti basol ket agsagana para iti tawid iti Dios.
Uray pay kalpasan ti iseserrek “ti baro a biag” babaen ti ordinansa ti panagbuniag (Taga Roma 6:4), nalabit a nariknam ti sumagmamano iti akin-uneg a riri nga inladawan ni Pablo iti Taga Roma 7—ti “gubat” iti nagbaetan ti tao a linalasag ket ti nalinteg a tarigagay (Taga Roma 7:23). Ngem nagsarita met ni Pablo maipapan iti namnama iti Taga Roma 8:23–25. Ania dagiti rason para iti daytoy a namnama ti masarakam iti kapitulo 8? Mabalin a makakitaka met kadagiti bendision a sumangbay manipud iti kaadda “ti Espiritu ti Dios ket makipagnaed kadakayo” (Taga Roma 8:9). Kasano a mabirukam ti naan-anay a panangkadkadua ti Espiritu Santo iti biagmo?
Ti agnanayon a gloria nga agur-uray kadagiti napudno ket ad-adda a maep-epna dagiti pannubok iti biag.
Kalpasan laeng iti sumagmamano a tawen nga insurat ni Pablo daytoy a surat,nagsagaba dagiti Santo iti Roma iti nakaam-ames a pannakaidadanes. Ania ti masarakam iti Taga Roma 8:17–39 a mabalin a nakatulong kadagitoy a Sasanto idi dimteng ti panangirurumen? Kasano a mayaplikar kenka dagitoy a balikas a sangsanguem iti agdama?
Sapulem ti koneksion iti nagbaetan dagitoy a bersikulo ken daytoy a balakad manipud ken ni Sister Linda S. Reeves: “Diak ammo no apay nga addaantayo iti adu a pannubok, ngem iti bukodko a rikna adda naindaklan a gunggona, agnanayon ken awan patinggana, nakaragrag-o ken iti labes ti intay pannakaawat nga iti dayta nga aldaw ti pannakagungguna, mabalin a mariknatayo nga ibaga iti manangngaasi, managayat nga Ama, ‘Dagita kadi ti amin a kasapulan?’ Mamatiak a no inaldaw a malagip ken mabigbig ti kauneg dayta nga ayat nga adda iti Nailangitan nga Ama ken ti Mangisalakan para kadatayo, situtuloktayo a mangaramid iti ania man tapno agsubli iti presensiada manen, nga inalikubkob ti ayatda nga awan inggana. Anianto ti napateg … ti sinagabatayo ditoy no, iti udina, dagitoy a pannubok isu dagiti nangnangruna a bambanag a mangpaikari kadatayo para iti agnanayon a biag ken pannakaitan-ok iti pagarian ti Dios a kadua ti Ama ken ti Mangisalakantayo?” (“Worthy of Our Promised Blessings,” Ensign wenno Liahona, Nob. 2015, 11).
Ikeddengmo no anianto ti aramidem nga “inaldaw a manglagip ken mangbigbig” ti ayat ti Dios para kenka.
Ania ti kayat a sawen ni Pablo iti “dinutukan idi ,” “pinili,” ken “naammuan a sigud”?
Inusar ni Pablo dagitoy a termino a mangisuro a sumagmamano kadagiti annak ti Dios ti nadutokan idin, wenno, napili a naipasakbay, nga umawat kadagiti naisangsangayan a bendision ken pagrebbengan tapno mangbendision iti amin a pagilian iti lubong (kitaen ti Pangiwanwan iti Nasantuan a Kasuratan, “Panagpili”). Maibatay daytoy iti immunan a pannakaammo ti Dios kadagiti annakna nga umannugot a mangsurot ken ni Jesucristo ken agbalinda a kas Kenkuana (kitaen met iti Taga Efeso 1:3–4; 1 Pedro 1:2). Nupay kasta,inyunay-unay ni Pablo iti Taga Roma 9–11 nga uray kasano ti yumaytayo iti balay ti Israel— wenno agbalin a maysa a miembro ti Simbaan—nasken nga awatenamin ti tunggal tao ti pannakaisalakan babaen iti pammati ken ni Jesucristo ken panagtungpal kadagiti bilinna.
Para iti ad-adu pay nga impormasion, kitaen iti Alma 13:1–5; “Foreordination”Gospel Topics (topics.lds.org).
Awisennak ni Pablo nga agbalin a pudno a Santo ken pasurot ni Jesucristo.
Naglaon ti naudi a lima a kapitulo ti Taga Roma ti dinosdosena a nalawag a pangiturong maipapan iti no kasano nga agbiagto dagiti Santo. Mabalin a saanmo a kabaelan a yaplikar iti maminpinsan amin dagitoy a balakad, ngem dumngegka iti espiritu, ket makatulong kenka a mangsapul iti maysa wenno dua a mabalinmo nga irugi nga obraen ita nga agdama. Ibinglaymo dagiti kalikagummo iti Nailangitan nga Amam iti kararag, ket dumawatka iti tulongna.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Tapno matulongam ti pamiliam a makaawat iti ad-adu pay maipapan iti “bumusbusor iti linteg” nga inladawan ni Pablo iti daytoy a bersikulo, ibilangmo ti panangibinglay ti estoria maipapan kadagiti lobo iti artikulo ni Elder Shayne M. Bowen a “Agency and Accountability”(New Era, Sept. 2012, 8–9).
Makatulong ti mensahe ni Elder Wilford W. Andersen “The Music of the Gospel” (Ensign wenno Liahona,Mayo 2015, 54–56) ket makatulong a mangiladawan no ania ti isuro ni Pablo maipapan kadagiti paglintegan, aramid, ken pammati. Mabalin a magustuan ti pamiliam a paglilinnawagan ti bitlana ken panangpadas nga agsala nga adda ken awanan iti musika. Kasano a ti panagsala nga awanan iti musika ket kasla panangtungpal iti ebanghelio nga awanan iti pammati?
Insuro ni Elder Wilford W. Andersen, “Ti musika ti ebanghelio ti [maysa] a narag-o a naespirituan a rikna.”
Kasano a ti panagadal iti balikas ti Dios ket nangisangbay kadatayo dagiti bendision a nailadawan kadagitoy a bersikulo? Nalabit a mabalin nga ibinglay dagiti miembro ti pamilia ti sumagmamano kadagiti paboritoda a nasantuan a kasuratan (kitaen met iti 2 Nephi 25:26).
Ania ti kayat na a sawen ti mamagbalin ti bagbagitayo a kas “daton a sibibiag, nasantoan, ken makaay-ayo iti Dios”? (Taga Roma 12:1).
Nalabit a maisagut ti pamiliam manipud iti panagadal iti balakad ni Pablo maipapan iti panangkedngan ken makisussusik maipapan kadagiti bukod a pili dagiti dadduma. Nalabit mabalinyo a paglilinnawagan dagiti maitutop a wagas nga agresponde no dagiti pili dagiti dadduma ket maigiddiat manipud iti pilim. Kasano nga ad-adda a sipapanunottayo no kasano nga apektaran dagiti pilitayo dagiti dadduma? Dagiti video a “Judging Others? Stop It!” ken “Looking through Windows”(LDS.org) ket makaipaay iti nayon a nauneg a pannakaammo ken pannakaawat iti daytoy a topiko.
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
Palugodam dagiti ubbing a mangyebkas iti kinamanagpartuatda. “No awisem dagiti ubbing a mangpartuat iti maysa a banag a mainaig iti pagbatayan ti ebanghelio, tulongam ida nga ad-adda a maawatanda ti prinsipio. … Palubosam ida nga agipasdek, agdrowing, agkolor, agsurat, ken agpartuat” (kitaen ti Panangisuro iti Wagas ti Mangisalakan, 25).
Agtalinaedkayo Kaniak, ni Del Parson