“Hulio 29–Agosto 4 Dagiti Aramid 22–28: ‘Maysa a Ministro ken Saksi’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Hulio 29–Agosto 4 Dagiti Aramid 22–28,” Umaykayo, Sumurot Kaniak—Para kadagiti Indibidual ken Pamilia: 2019
Hulio 29–Agosto 4
Dagiti Aramid 22–28
“Maysa a Ministro ken Saksi”
Masansan a dagiti impresion manipud iti Espiritu Santo ket naulimek ken no dadduma ket apagbiit. Ti panangisurat kadagiti impresionmo ket palubosannaka a mangpanunot kadakuada a naun-uneg. Bayat ti panangbasam ti Dagiti Aramid 22–28, isuratmo dagiti kapanunotan ken rikna a sumangbay kenka ket mangilatang iti oras a mangutob kadagitoy.
Isuratmo Dagiti Impresionmo
“No addatayo iti panangibaon ti Apo” inkari ni Presidente Thomas S. Monson a, “maikaritayo iti tulong ti Apo” (“To Learn, to Do, to Be, Ensign wenno Liahona, Nob. 2008, 62). Nupay kasta,saantayo a maikari, iti nalamuyot a kalsada ken iti awan patinggana nga agus dagiti balligi. Para iti pakakitaan iti daytoy, nasken a ditay iyad-adayo ti panagkitatayo ngem ni Pablo nga Apostol. Ti nakaibaonanna manipud iti Mangisalakan ket “ti mangipan iti naganko iti sangoanan dagiti Gentil, ken dagiti ar-ari, ken dagiti annak ti Israel” (Dagiti Aramid 9:15). Kadagiti kapitulo 22–28 ti Dagiti Aramid, makitatayo ni Pablo a mangipatpatungpal ti nakaibaonanna ken ti panangsangona iti naindaklan a tubeng—dagiti kawar, pannakabalud, pisikal a pannakaabuso, pannakadadael ti bapor, ken uray pay ti panangduklos ti uleg. Ngem makitatayo met ni Jesus a “nagtakder iti dinnana, ket kinunana kenkuana: Agtalgedka, Pablo” (Dagiti Aramid 23:11). Dagiti padas ni Pablo ket makaparegta a palagip nga inton awaten dagiti katulongan ti Apo ti awagna nga “inkayo ngarud, … ket pagbalinenyo nga ad-adalan dagiti amin a nasion,”Ipatungpalna ti karina kadakuada: “Ket adtoy, addaak kadakayo nga agnanayon agingga iti panungpalan ti lubong” (Mateo 28:19–20).
Dagiti Kapanunotan para iti Bukod a Panagadal iti Nasantuan a Kasuratan
Dagiti Aramid 22:1–21; 26:1-29;
Situtured nga ibinglay dagiti disipulo ni Jesucristo dagiti pammaneknekda.
Imbalud dagiti soldado a Romano ni Pablo idi imburayna dagiti natibker a pammaneknek a naisurat iti Dagiti Aramid 22 ken 26, Adda bileg dagiti tattao a nakasaritana a mangkeddeng ti ipapatayna. Ngem situtured a pinilina ti mangiburay iti pammaneknekna maipapan ken ni Jesucristo ken “ti nailangitan a parmata” (Dagiti Aramid 26:19) a naawatna. Ania ti makaparegta kenka maipapan kadagiti balikasna? Ibilangmo dagiti adda kenka a gundaway a mangibinglay kadagiti pammaneknekmo. Kas pagarigan, kaano ti naudin a gundaway nga imbagam iti pamiliam wenno kadagiti dadduma maipapan iti no kasano a nagun-odmo ti pammaneknekmo maipapan iti ebanghelio?
Dagiti Aramid 22:1–21; 26:9–20
Apay adda dagiti gidiat iti nagbabaetan dagiti tallo a pakaammuan ti parmata ni Pablo ken ni Jesucristo?
Naglaon ti libro ti Dagiti Aramid ti tallo a pakaammuan ti nakaskasdaaw a parmata ni Pablo iti dalan nga agpaDamasco (kitaen iti Dagiti Aramid 9:3–20; 22:1–21; 26:9–20). Tunggal maysa kadagitoy a pakaammuan ket bassit nakaidumaanna kadagiti dadduma, ket sumagmamano a mangted iti ad-adu a detalye ngem iti dadduma. Gapu ta dagiti pakaammuan ket naibaga kadagiti nadumaduma nga agdengdengngeg para iti nagduduma a panggep, nainkalintegan a pinili ni Pablo a yunay-unay iti nagduduma a paset ti padas iti tunggal agdengdengngeg.
Kapadana, ti panangisurat ni Joseph Smith iti sumagmamano a pakaammuan ti Umuna a Parmatana (kitaen ti “First Vision Accounts,” Gospel Topics, topics.lds.org). Naited dagiti sabasabali a pakaammuan kadagiti nadumaduma nga agdengdengngeg para iti nadumaduma a panggep ken mangted kadagiti nauneg a pannakaamo ken pannakaawat a saan a maawat no maysa laeng a pakaammuan ti adda.
Dagiti Aramid 23:10–11; 27:13–25, 40–44
Agtakder ti Apo iti sibay dagiti agkagumaan nga agserbi Kenkuana.
Kas iti nalawag nga ipakita ti panagministro ni Pablo, dagiti rigrigat ti panagbiagtayo ket saan a tanda ti di panangawat ti Dios ti trabaho nga ar-aramidentayo. Ti kinapudnona, no dadduma kabayatan dagiti rigrigattayo ti intay pannakarikna ti naan-anay a tulongna Mabalin a makaay-ayo nga irebyu ti nabasam itay nabiit maipapan iti panagministro ni Pablo ket ilistam ti sumagmamano kadagiti banag nga inibturanna (kitaen, kas pagarigan, Dagiti Aramid 14:19–20; 16:19–27; 21:31–34; 23:10–11; 27:13–25, 40–44). Kasano nga adda iti sibayna ti Apo , ken no ania ti isuro daytoy kenka maipapan kadagiti bukodmo a panagkagumaan iti serbisio ti Apo?
Dagiti Aramid 24–27;26:1–3, 24–29; 27
Mapilik ti mangawat wenno pagkedkedan dagiti balikas dagiti katulongan ti Dios.
Iti unos ti panagministrona, imburay ni Pablo ti natibker a pammaneknekna ken ni Jesucristo ken ti ebangheliona. Adu a tao ngem saan amin ti immawat iti pammaneknekna . Bayat ti panangbasam iti Dagiti Aramid 24:24–27 ken iti Dagiti Aramid 26:1–3, 24–29, isurat dagiti balikas ken ragup dagiti balikas a mangipakita no kasano ti reaksion dagiti sumaganad nga agtuturay a Romano iti Juda kadagiti pannursuro ni Pablo:
Ni Felix
Festo
Ari Agrippa
Bayat ti panaglaylayagna nga agturong iti Roma tapno usigen ni Cesar, impadto ni Pablo a “rigrigat ken adu a pagdaksan” ti mayegto iti barko ken dagiti pasaherona (Dagiti Aramid 27:10). Basaen ti kapitulo 27 tapno maammuan no kasano ti reaksion dagiti padana a pasahero ni Pablo kadagiti ballaagna . Adda kadi masarakam nga ania man a leksion para iti bagim iti padasda?
Napadasam kadin ti dagitoy a reaksion dagidi a tattao no nangngeganyo dagiti pannursuro dagiti dadaulo ti Simbaan? Ania dagiti sumagmamano a mabalin a gubbuayen ti reaksion a kas itoy a wagwagas? Ania ti masursurom manipud kadagitoy a pakaammuan maipanggep iti panagtulnog iti pammagbaga ti Apo babaen kadagiti agserserbi kenkuana?
Kitaen met iti 2 Nephi 33:1–2; Joseph Smith—Pakasaritaan 1:24–25; D. Todd Christofferson, “Ti Timek a Pammallaag,” Ensign wenno Liahona, Mayo 2017, 108–11.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Sakbay ti kumbersionna, adda atiddug a pakasaritaan dagiti nagbasolan ni Pablo iti Dios. Ngem gapu ta natallugod isuna nga agbabawi, kinabaelanna nga insao, “Ditoy, ipatpatungpalko ti bagik, tapno kanayon nga addaannak iti konsiensia a dinadael ti basol iti Dios, ken kadagiti tao” (kitaen met iti DkK 135:4). Kasanotayo nga ikkaten ti pannakakonsensia kadagiti basoltayo iti Dios ken dagiti dadduma?
Ania ti awag ti Apo nga aramiden ni Pablo kadagitoy a bersikulo? Ania dagiti gundaway nga adda kadatayo tapno maaramidtayo dagiti kastoy met laeng a bambanag?
Adda kadi maysa iti pamiliam a mayat kadagiti uleg? Mabalin a kayatmo a saludsoden dayta a tao wenno sabali pay a miembro ti pamilia a mangisalaysay iti estoria a masarakan iti Dagiti Aramid 28:1–9. Mabalin a magustuan dagiti annakyo nga idrowing ti ladawan dagitoy nga estoria wenno itignay ida. Ania dagiti leksion a masursurotayo manipud kadagitoy a pakaammuan? Mabalin a ti maysa isu ti tungpalen ti Apo dagiti karina kadagiti katulonganna. Kas pagarigan, mabalin nga idilig dagiti kari a naaramid iti Marcos 16:18 iti pannakaipatungpalda kadagiti padas ni Pablo. Mabalin met a masarakam iti mensahe iti kallabes a sapasap a komperensia ti kari a naaramid babaen ti maysa kadagiti katulongan ti Apo—nalabit a maysa a napnuan kaipapanan iti pamiliayo—ket iparang daytoy iti pagtaenganyo. Kasano a maipakitatayo ti pammatitayo a daytoy a kari ket maipatungpalto?
Sinalakniban ti Dios ni Pablo idi kinagat ti nagita nga uleg.
Kas iti Simbaan iti aldaw ni Pablo (maawagan iti “sekta” iti bersikulo 22), ti Simbaan ita nga agdama ti masansan a “masupsuppiat.” Idi nagsarita dagiti tao a maisuppiat iti Mangisalakan ken ti Simbaanna, kasano a simmungbat ni Pablo? Ania dagiti masursurotayo manipud iti padas ni Pablo?
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
Ipokusmo dagiti prinsipio a mangbendisionto iti pamiliam Bayat ti panangadalmo kadagiti nasantuan a kasuratan, saludsodem ti bagim, “Ania ti masarakak ditoy nga agbalinto a napateg unay iti pamiliak?” (Kitaen iti Panangisuro iti Wagas ti Mangisalakan, 17.)
Natured iti Pammaneknek ken ni Jesucristo, ni Daniel A. Lewis. Ni Pablo iti sango ni Ari Agrippa.