“Agosto 19–25.1 Taga Corinto 1–7: ‘Naan-anay Koma ti Panagtitimpuyogyo’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Agosto 19–25. 1 Taga Corinto 1–7,”Umaykayo, Sumurot Kaniak—Para kadagiti Indibidual ken Pamilia: 2019
Corinto, Abagatan a Grecia, Grecia, Sentro ti Forum ken Sibiko, pinta ni Balage Balogh
Agosto 19–25
1 Taga Corinto 1–7
“Naan-anay Koma ti Panagtitimpuyogyo”
Isuratmo dagiti impresionmo bayat ti panagbasam.1 Taga Corinto 1–7. Mabalin nga iraman dagitoy nga impresion dagiti parikna tapno adalen ti maysa a kapanunotan, nga ibinglay iti dadduma ti maysa a banag nga adalen, wenno agaramid iti panagbalbaliw iti biagmo.
Isuratmo Dagiti Impresionmo
Kabayatan dagiti bulan a nagnaed ni Pablo iti Corinto, “adu kadagiti taga Corinto ti nagdengngeg [kenkuana] namatida, ket nabautisaranda” (Dagiti Aramid 18:8). Isu a mabalin a makapaladingit para ken ni Pablo ti pannakaammona a kalpasan iti sumagmamano laeng a tawen, ket adda “panaglalasin” ken “panagririri” kadagiti Sasanto ti Corinto ket iti kaawanna nangrugida a tungpalen ti “sirib ti lubong” (1 Taga Corinto 1:10–11, 20). Kas sungbat, insurat ni Pablo ti surat nga aw-awagantayon iti 1 Taga Corinto. Napnuan iti nagpateg a doktrina , ken kasta met a, kasla naupay ni Pablo agsipud ta saan a nakasagana dagidi Santo a mangawat kadagiti amin a doktrina a kayatna nga ited kadakuada. “Ket siak, kakabsat, diak nabalin ti nakisao kadakayo a kas kadagiti naespirituan” inluksawna, “ta linalasag kayo pay laeng”(1 Taga Corinto 3:1–3). Bayat ti panagsaganatayo a mangbasa dagiti balikas ni Pablo, mabalin a makatulong a mangamiris ti bukodtayo a panagsagana nga umawat iti kinapudno—mairaman ti kinatallugodtayo a mangsurot iti Espiritu ken mangikagumaan iti panagkaykaysa dagiti pamiliatayo,dagiti pada a Santo, ken iti Dios.
Dagiti Kapanunotan para iti Bukod a Panagadal iti Nasantuan a Kasuratan
1 Taga Corinto 1:10–17; 3:1–11
Nagkaykaysa dagiti miembro ti Simbaan ni Cristo.
Saantayo ammo amin dagiti detalye maipapan iti kinaawan ti panagkaykaysa kadagiti Santo ti Corinto, ngem ammotayo maipapan iti kinaawan ti panagkaykaysa kadagiti bukodtayo a relasion. Mangpanunotka iti relasion iti biagmo a mabalin a pagsayaatan manipud iti ad-adda a panagkaykaysa, kalpasanna kitaen no ania ti insuro ni Pablo iti1 Taga Corinto 1:10–17; 3:1–11maipapan iti kinaawan ti panagkaykaysa dagiti Santo ti Corinto. Ania dagiti nauneg a pannakaammo ken pannakaawat ti maawatmo a pagsayaatan maipapan iti no kasano ti maaddaan iti ad-adda a pannakikaysa kadagiti dadduma?
Kiten met itiMosiah 18:21; 4 Nephi 1:15–17; Doktrina ken Katulagan 38:23–27; 105:1–5; “Unity,”Gospel Topics, topics.lds.org.
Tapno maipatungpalko ti aramid ti Dios, kasapulak ti sirib ti Dios.
Agsipud ta naimbag—kasta pay a mangpapigsa— iti panagsukisok iti sirib sadino man ti pakabirukantayo (kitaen ti2 Nephi 9:29;DkK 88:118), nangted ni Pablo kadagiti sumagmamano a napigsa a patigmaan maipapan iti narugitan a sirib ti tao, nga inawaganna a “iti sirib ti lubong.” Bayat ti panangbasam iti 1 Taga Corinto 1:17–25, utobem no ania ti kayat a sawen daytoy a ragup dagiti balikas. Ania iti panagkunam ti kayat a sawen ni Pablo ti “sirib ti Dios”? Apay a kasapulantayo ti sirib ti Dios tapno maipatungpaltayo ti aramid ti Dios?
Kadagiti panagkagumaam a mangaramid kadagiti pagrebbengam a mangipatungpal iti aramid ti Dios, napadasam kadin ti “buteng, ken … pannakatayegteg” a narikna ni Pablo idi sursuruanna dagiti Santo ti Corinto? (1 Taga Corinto 2:3). Ania ti makitam kadagiti bersikulo 1–5 a makaited kenka iti tured? Ibilang no kasano nga ipakitam nga ad-adda nga agtalekka iti “bileg ti Dios” ngem “ti sirib ti tattao.”
Kitaen met iti Doktrina ken Katulagan 1:17–28.
Kasapulak ti Espiritu Santo tapno maawatak dagiti bambanag ti Dios.
No kinasapulam ti ad-adda a panagadal maipapan iti maysa a banag a kas iti automotive mechanics wenno medieval architecture, kasano ti panangaramidmo iti daytoy? Babaen ti 1 Taga Corinto 2:9–16, kasano a ti panagadal iti “dagiti bambanag ti Dios” ket maigiddiat iti panangadal kadagiti “bambanag ti tao”? Apay a masapul nga adda ti Espiritu Santo kadatayo tapno maawatan dagiti bambanag ti Dios? Kalpasan a basaem dagitoy a bersikulo, aniat mariknam a rumbeng nga aramidem tapno ad-adda a maawatam dagiti bambanag a naespirituan Kasano a makatulong dagiti balikas ni Pablo iti maysa a marigrigatan iti pammaneknekna?
Nasagraduan ti bagik.
Kaadduan kadagiti tattao iti Corinto ket nariknada a ti pannakikamalala ket maikanatad ken dagiti bagida ket naisangrat para iti pagragsakan. Iti sabali a pannao, ti Corinto ket saan a naigiddiat manipud iti lubong kadagitoy nga aldaw. Ania ti insuro ni Pablo iti1 Taga Corinto 6:13–20 a mabalin a mangtulong kenka nga ilawlawag kadagiti dadduma no apay a kayatmo ti agbiag a nadalus?
Nalabit a makaay-ayo met a makita no kasano a ni Sister Wendy W. Nelson, kas ken Pablo,pinaturedna dagiti Santo nga agtalinaed a nadalus iti mensahena a “Love and Marriage” (Sangalubongan a Debosional para kadagiti Young Adults, Ene. 8, 2017, broadcasts.lds.org). Kasano a dagiti kinapudno maipapan iti ayat ken kinasinged kas inladawan ni Sister Nelson ket maigiddiat manipud kadagiti mensahe ti lubong?
Kitaen met iti Taga Roma1:24–27; “Chastity,” Gospel Topics, topics.lds.org.
Insuro kadi ni Pablo a nasaysayaat ti saan a nagkallaysa ngem iti nagkallaysa?
Sumagmamano a bersikulo iti 1 Taga Corinto 7 ket kasla mangisingasing nga idinto ta maaw-awat ti kallaysa, ti agtalinaed nga awan asawana ken awan a pulos ti seksual a relasionna ket isut pilien. Uray no kasta ti, Patarus ni Joseph Smith, 1 Taga Corinto 7:29–33 (kitaen ti Pangiwanwan iti Nasantuan a Kasuratan) tulongannatayo a maawatan a ni Pablo ket itudtudona dagitoy naawagan a kas full-time missionaries, a makitkitana nga ad-adda a nasayaat a makapagserbida iti Dios no agtalinaed nga awan assawada kabayatan ti panagmisionda. Insuro ti Apo babaen kadagiti katulonganna, karaman ni Pablo, a ti kallaysa ket paset ti agnanayon a planona ket kasapulan para iti pannakaitan-ok (kitaen iti1 Taga Corinto 11:11; DkK 131:1–4).
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Bayat ti panangbasa dagiti miembro ti pamilia dagitoy a bersikulo, awisem ida a mangkita iti nauneg a pannakaammo ken pannakaawat a makatulong kadakuada nga agbalin nga ad-adda a nakaykaysa.
Mabalinmo a basaen dagitoy a bersikulo bayat ti pampannanganmo iti merienda a gatas ken karne, ken mabalinmo nga idasig ti wagas dagiti maladaga a dumakkel nga agbalin a nataengan iti wagas a dumakkel a naespirituan
Indasig ni Pablo ti panagkagumaanna kas missionario iti panagmula iti bukbukel. Ania ti isingasing ti panangidasig maipapan iti no kasano ti wagas ti panangibingbinglaytayo iti ebanghelio kadagiti dadduma?
Iti panangidasig kadagiti bagitayo kadagiti templo, a kas inaramid ni Pablo, ket mabalin a nasayaat a wagas a mangisuro iti kinasagrado dagiti bagitayo. Mabalinmo nga ipakita dagiti ladawan dagiti templo, kas kadagitoy naikadua itoy a balabala. Apay a nasagrado dagiti templo? Kasano a maipada dagiti bagitayo kadagiti templo? Ania ti mabalin nga aramidentayo a mangtrato kadagiti bagitayo a kas kadagiti templo? (Kitaen met iti “Kinadalus iti Seks,” Para iti Pigsa dagiti Agtutubo, 35–37.) No mabalin, aggigiddankayo a mapan iti templo wenno sumarungkarkayo kadagiti ig-igid ti templo; daytoy ti mangpabaknang iti panaglilinnawagyo maipapan iti kinasagrado ti templo ken dagiti bagitayo.
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Bukod a Panagadal
An-anusam ti bagim. Insuro ni Pablo a ti gatas ket umun-una ngem ti karne no agad-adaltayo iti ebanghelio (kitaen ti 1 Taga Corinto 3:1–2). No masarakam dagiti sumagmamano a doktrina a narigat a maawatan ita, agan-anuska. Agtalekka nga umayto dagiti sungbat bayat ti kaadda ti pammatim ken ti napasnek a panagadalmo.
Indasig ni Pablo dagiti bagitayo iti kinasagrado ti templo. Agpakannawan manipud ngato a kanigid: Templo ti Tijuana Mexico, Templo ti Taipei Taiwan, Templo ti Tegucigalpa Honduras,Templo ti Houston Texas