“Agosto 26–Septiembre 1. 1 Taga Corinto 8–13 ‘Dakayo ti Bagi ni Cristo’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Agosto 26–Septiembre 1. 1 Taga Corinto 8–13,”Umaykayo, Sumurot Kaniak—Para kadagiti Indibidual ken Pamilia: 2019
Agosto 26–Septiembre 1
1 Taga Corinto 8–13
“Dakayo ti Bagi ni Cristo”
Bayat ti sikakararag a panangbasam iti 1 Taga Corinto 8–13, mabalin nga agsao ti Espiritu Santo kenka kadagiti naalumamay a wagas (kitaen iti 1 Ar-Ari 19:11–12). Ti panangisurat kadagitoy nga impresion ket tulongannakanto nga ibabawim dagiti rikna ken pampanunot a napadasamon kabayatan ti panagadalmo.
Isuratmo Dagiti Impresionmo
Iti panawen ni Pablo, nabaknang a sentro ti paglakuan ti Corinto nga addaan kadagiti residente manipud iti intero nga Imperio ti Roma. Ti kinaadu kadagiti agduduma a kultura ken relihion iti siudad, narigatan dagiti miembro ti Simbaan iti Corinto a mangasikaso iti panagkaykaysa, kasta met a kinalikaguman ni Pablo a makatulong kadakuada a mangsapul iti panagkaykaysa iti pammatida ken ni Cristo. Nagbalin daytoy a panagkaykaysa a napalpalalo pay ngem iti nakappia a panagkakadua iti biag; saan nga indawat ni Pablo nga anusanda dagiti pagggidiatan ti maysa ken maysa. Ketdi, insurona a no kumappengka iti Simbaan ni Jesucristo, “nabuniaganka iti maymaysa a bagi,” ket kasapulan ti tunggal paset ti bagi (1 Taga Corinto 12:13). No mapukaw ti maysa a miembro, kasla mapukawan iti gurong, ket agkapsut ti bagi kas resulta. No agsagaba ti maysa a miembro, nasken a mariknatayo amin daytoy ket aramidentayo ti pasettayo a mangpagin-awa daytoy. Iti daytoy a kita ti panagkaykaysa, ti paggigidiatan ket saan laeng a nabigbig ngem naipateg, gapu ta no awan dagiti miembro nga addaan kadagiti nadumaduma a sagut ken kabaelan, agbalin a limitado ti bagi. Isu a no mariknam a kaskala adda a kanayon iti pagtaengan iti Simbaan wenno nakitam ti bagim a masmasdaawan no pudno a maibilangka, ti mensahe ni Pablo kenka ket ti panagkaykaysa ket saan a panagpapada. Kasapulam dagiti padam a Santo, ken dagiti padam a Santo ket kasapulandaka.
Dagiti Kapanunotan para iti Bukod a Panagadal iti Nasantuan a Kasuratan
Mangted ti Dios iti maysa a wagas tapno maliklikan ti sulisog.
Dagiti naespirituan a padas, nga uray dagitoy namilagruan, ket saan a ditay mairaman manipud kadagiti sulisog a dagitoy ket “gagangay iti tao” (1 Taga Corinto 10:13). Tapno agbalin a maysa a rason insurat ni Pablo maipapan iti no kasano a narigatan dagiti Israelita iti sulisog idi aldaw ni Moises, nupay nagsaksida kadagiti nabileg a milagro (kitaen iti Exodo 13:21; 14:13–31). Bayat ti panangbasam iti 1 Taga Corinto 10:1–13, ania dagiti ballaag kadagiti padas dagiti Israelita ti mayaplikar kenka. Ania a kita ti “panaglibas” manipud iti sulisog ti impaay ti Nailangitan nga Ama kenka? (Kitaen met Alma 13:27–30; 3 Nephi 18:18–19).
1 Taga Corinto 10:16–17; 11:16–30
Pagkaykaysaennatayo ti sakramento kas pasurot ni Cristo.
Nupay ti ordinansa ti sakramento ket iramanna ti bukod a panagkumit iti nagbaetan ti maysa nga indibidual ken ti Apo, daytoy ket maysa met a padas nga ibinglayantayo kadagiti dadduma—dumani kanayon a sangsangkamaysatayo a makiranud iti sakramento, a kas maysa a bagi dagiti Santo. Basaem ti no ania ti insuro ni Pablo maipapan iti sakramento, ket panunotem maipapan iti no kasano a makatulong daytoy sagrado nga ordinansa kadagiti “adu” ti agbalin a “maymaysa” ken ni Cristo (1 Taga Corinto 10:17). Kasano a makagun-odka iti pigsa manipud iti pannakiranud iti sakramento kaduam dagiti dadduma pay a mamati? Kasano daytoy a makaimpluensia ti wagas ti panagsaganam para iti sakramento ken no kasano ti panagkagumaam nga agtungpal kadagiti katulagam iti panagbuniag?
Apay nga insurat ni Pablo maipapan kadagiti boniti ken estilo ti pukis?
Intudo ni Pablo dagiti kaugalian ti kultura ti panagkawes ken panangurnos ti bagi tapno isuro maipapan kadagiti relasion ti nagbaetan ti lallaki, babbai, ken ti Apo. Idinto a ditayo sumurot kadagitoy nga ugali ita nga agdama, masursurotayo pay laeng manipud iti palawag ni Pablo iti 1 Taga Corinto 11:11 a dagiti lallaki ken babbai ket agpadpada a masapul ida ti Apo iti plano, ti kallaysa ken iti Simbaan. Kas insuro ni Elder David A. Bednar, “Naisangrat ti lalaki ken babai nga agsursuro, mangpapigsa, bendisionan, ken kumpletuen ti tunggal maysa ” bayat ti panagdur-asda a sangkamaysa nga agturong iti pannakaitan-ok. (“We Believe in Being Chaste,” Ensign wenno Liahona, Mayo, 2013 42; kitaen met iti Marcos 10:6–9).
Maited dagiti naespirituan a sagut tapno mairanud ti amin nga annak ti Nailangitan nga Ama.
Ti listaan dagiti naespirituan a sagut iti 1 Taga Corinto12–13 ket saan a makabannog. Ngem nasayaat a lugar a mangirugi bayat nga inka lasinen ken utoben dagiti naespirituan a sagut nga inted kenka ti Nailangitan nga Ama. Ti artikulo a “Spiritual Gifts” iti Gospel Topics (topics.lds.org) ket mabalin a makatulong kenka tapno maawatam a nasaysayaat dagitoy a sagut. Mabalinmo nga inayon iti listaan ni Pablo dagiti sagut a makitam iti dadduma, iti bagim, wenno iti tattao kadagiti nasantuan a kasuratan. No addaanka iti patriarchal blessing, mabalin a madakamat ditoy ti sumagmamano kadagiti naespirituan a sagutmo. Kasano a dagitoy a sagut ket makatulong kadatayo a mangipasdek ti pagarian ti Dios? Ibilangmo no anianto ti aramidem a mangsapul a “sipapasnek kadagiti kasayaatan a sagut” (1 Taga Corinto 12:31).
Kitaen met ti Moroni 10:8–21, 30; Doktrina ken Katulagan 46:8–26; Pagannurotan iti Pammati 1:7.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Makatulongto kenka dagitoy sumaganad a singasing:
Agsipud ta indilig ni Pablo ti panagbiag iti ebanghelio iti lumba ti tinnarayan, adda koma lumba ti pamilia a mangiladawan daytoy a punto. Mangtedka iti gunggona a korona iti tunggal maysa a makaileppas iti lumba, ket paglilinnawagan no kasano a dagiti napasnek nga agtulnog ken ni Jesucristo iti daytoy a biag ket mangabak iti “di agrupsa” a gunggona (1 Taga Corinto 9:25; kitaen met iti 2 Timoteo 4:7–8). Ania ti mabalin nga aramiden ti kampeon a tumataray tapno agsagana para iti maysa a lumba? Kasta met, ania ti mabalin nga aramidentayo tapno makasublitayo iti Nailangitan nga Ama?
Indilig ni Pablo ti ebanghelio iti panagtaray iti maysa a lumba.
Ibilangmo ti mangted ti pedaso ti papel iti tunggal maysa nga addaan iti nagan ti miembro ti sabali a pamilia iti tuktok. Kiddawem iti tunggal maysa a mangilista kadagiti naespirituan a sagut a madlawda iti dayta a tao. Kalpasanna mabalinmon nga ipasa dagiti papel iti sirkulo agingga a ti tunggal maysa ket naaddaan iti gundaway nga isurat maipapan kadagiti sagut ti tunggal miembro.ti pamilia.
Apay a napateg ti Espiritu Santo tapno magun-od ti pammaneknek ken ni Jesucristo? Ania ti mabalin nga aramidentayo a mangawis ti Espiritu Santo a mangpabileg kadagiti pammaneknektayo Kenkuana?
Ti analohia ni Pablo iti bagi ket mabalin nga iti nakallalagip a wagas a paglilinnawagan ti panagkaykaysa ti pamilia. Kas pagarigan, mabalin a padasen dagiti miembro ti pamilia ti agdrowing iti bagi a naaramid laeng iti mata wenno lapayag (kitaen iti bersikulo 17). Ania ti isingasing dagitoy a bersikulo maipapan iti no kasano a tratuentayo ti tunggal sabali kas dagiti miembro ti pamilia?
Ti kaipapanan ti ayat ken ni Pablo ket makaaramid iti maysa a makaparegta a pagsasao para iti pamiliam. Mabalinmo ti mangdutok iti tunggal miembro ti pamilia nga adalenna ti ragup dagiti balikas iti dagiti bersikulo 4–8 ken isurona dagiti nabati iti pamilia no ania ti kayat a sawen ti agus-usar kadagiti kaipapanan, pagarigan, ken bukod a padpadas. Kasano a pagwadan dagitoy a kababalin ti Mangisalakan? Mabalinyo pay ti aggigiddan a mangaramid iti poster para iti tunggal maysa kadagitoy a ragup dagiti balikas ket i-display dagitoy iti balayyo. Agbalinka a managpartuat!
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
Mangi-display iti nasantuan a kasuratan Mangi-display iti maysa a bersikulo a makitam a napnuan iti kaipapanan, iti lugar a masansan a makita dagiti miembro ti pamilia. Awisem dagiti dadduma pay a miembro ti pamilia nga agsisinnublat a mangpili iti maysa a nasantuan a kasuratan nga i-display.
“Ti tinapay a pisientayo, saan aya nga isu ti pannakairaman iti bagi ni Cristo? Agsipud ta adda maymaysa a tinapay, idinto nga adutayo, maymaysatayo a bagi”(1 Taga Corinto 10:16–17).