miting iti sakramento

Agosto 26–September 1

1 Taga Corinto 8–13

“Dakayo ti Bagi ni Cristo”

Bayat ti panagbasam iti 1 Taga Corinto 8–13, denggem dagiti parikna manipud iti Espiritu maipapan no kasano ti mangisuro kadagiti pagbatayan kadagitoy a kapitulo. Laglagipem nga uray ania kadagiti aktibidad iti kapanunotan ti mabalin nga ibagay para kadagiti in-inauna ken in-inaudi nga ubbing.

Isuratmo Dagiti Impresionmo

icon iti panagbibinninglay

Yawis ti Panagbibinninglay

Awisem dagiti ubbing a mangibinglay iti maysa a banag nga inaramidda kabayatan ti miting ti sakramento ita a panunotenda maipapan ken Jesus.

icon iti panangisuro

Isuro ti Doktrina

Dagiti In-inaudi nga Ubbing

1 Taga Corinto 10:13

Tulongannakto ti Nailangitan nga Ama nga agaramid kadagiti nalinteg a pili.

Saan a kanayon a nalaka a pumili iti umno, ngem tulonganatayo ti Nailangitan nga Ama nga agaramid kadagiti nalinteg a pili.

Dagiti Mabalin nga Aktibidad

• Ibasa ti 1 Taga Corinto 10:13 kadagiti ubbing, nga awisem ida nga umadayo kenka no mangngeganda ti balikas a “nasulisog” wenno “pannulisog.”

• Mangaramid kadagiti babassit a karatula iti pagpasardeng [stop sign] para kadagiti ubbing. Mangisalaysay kadagiti ti ababa nga estoria maipanggep kadagiti tao a dandani agaramid iti biddut a pili. Bayat ti panagdengngeg dagiti ubbing, awisem ida a mangingato kadagiti karatulada no agaramid ti tao iti estoria iti biddut a pili. Ania koma ti umno a pili? Paneknekam a tulonganto ida ti Nailangitan nga Ama nga agpili iti umno.

• Ipakitam ti ladawan ni Jesus, ket makipagkantaka kadagiti ubbing iti maipapan ken ni Jesucristo. Kasano a makatulong kadatayo ti pananglaglagip ken ni Jesus nga agaramid kadagiti nasayaat a pili? Mangipakita kadagiti ladawan dagiti dadduma pay a banag a makatulong kadatayo nga agaramid kadagiti nasayaat a pili, a kas kadagiti nagannak wenno nasantuan a kasuratan. Saludsodem kadagiti ubbing no ania ti makatulong kadakuada nga agaramid kadagiti nasayaat a pili.

1 Taga Corinto 12:4, 7–11

Binendisionannak ti Nailangitan nga Ama kadagiti naespirituan a sagut.

Nangted ti Nailangitan nga Amaiti amin nga annakna kadagiti naespirituan a sagut. Ania dagiti naespirituan a sagut a makitam kadagiti ubbing a sursuruam?

Dagiti Mabalin nga Aktibidad

• Aggigiddaan a basaen ti 1 Taga Corinto 12:7–11, ket lasinen dagiti naespirituan a sagut a ninaganan ni Pablo. Tulongam dagiti ubbing nga agpanunot kadagiti tignay a mabalin a yasmang kadagitoy a sagut ti Espiritu, ket usaren dagitoy a tignay a makatulong kadagiti ubbing a manglagip kadagiti sagut.

• Kiddawen kadagiti ubbing a mangidrowing iti ladawan ti maysa a paggugusoda a sagut a naawatda. Ilawlawag nga ikkanatayo ti Nailangitan nga Ama kadagiti naespirituan a sagut a mangpapigsa iti pammatitayo ken tulongannatayo a mangbendision kadagiti dadduma.

• Mangtedka iti surat iti tunggal ubbing,a mangiladawan ti maysa a naespirituan a sagut a nakitam kenkuana (wenno mabalin nga awisem dagiti nagannak a mangisurat kadagitoy a surat). Bungonem dagiti surat a kasla sagsagut. Paluktam kadagiti ubbing dagiti sagutda, ken tulongam ida a mangbasa maipapan kadagiti naespirituan a sagutda.

dagiti kahon ti sagut

Nangted ti Nailangitan nga Amaiti amin nga annakna kadagiti naespirituan a sagut.

1 Taga Corinto 13:1–8

Mabalinko nga ayaten dagiti dadduma.

Isuro dagiti nasantuan a kasuratan a ti panangngaasi ti “nadalus nga ayat ni Cristo” (Moroni 7:47). Kasano a matulongam dagiti ubbing a mangpadur-as ken mangyebkas iti ayat a kas ken ni Cristo?

Dagiti Mabalin nga Aktibidad

• Basaem ti 1 Taga Corinto 13:8 ken Moroni 7:47, ket tulongam dagiti ubbing nga uliten ti ragup dagiti balikas a “Ti asi ti nadalus nga ayat ni Cristo.” Ipakita dagiti ladawan ni Jesus a managayatayat ken naasi, ket kiddawen kadagiti ubbing no kasano nga impakitana ti panagayat kadagiti dadduma (kitaen iti Libro ti Arte ti Ebangheliopara kadagiti kapanunotan).

• Pumilika iti maysa nga ubing nga agtakder iti sango ti siled. Saludsodem iti ubing no kasano ti panagserbina iti sabali a tao iti klase. Ilawlawag a daytoy ti maysa a wagas a pakaipakitaantayo iti asi kadagiti dadduma. Awisem dagiti dadduma pay nga ubbing nga agsisinnublatda a mangipakita iti asi.

• Makipagkanta kadagiti ubbing iti maipapan iti panangayat kadagiti dadduma. Ipakitam dagiti ladawan dagiti nadumaduma a tao (kas iti maysa a naganak, manursuro, wenno gayyem), ket kiddawem kadagiti ubbing a mangibinglay no kasano a makapagserbida iti dayta a tao. Awisem dagiti ubbinga mangpanunot iti maysa a tao a mabalin a pagserbianda ken mangisurat iti surat wenno mangidrowing iti ladawan nga ited iti dayta a tao.

icon iti panangisuro

Isuro ti Doktrina

Dagiti In-inauna nga Ubbing

1 Taga Corinto 10:13

Tulongannakto ti Nailangitan nga Ama a mangliklik iti sulisog.

Dagiti kari iti daytoy a bersikulo ket makaited kadagiti ubbing iti panagtalek a makatulongto kadakuada iti Nailangitan nga Ama no masulisogda.

Dagiti Mabalin nga Aktibidad

• Awisem dagiti ubbing a mangbasa iti 1 Taga-Corinto 10:13 iti sagpaparis ken manggupgop iti bersikulo iti bukodda a balikas. Kiddawen kadagiti ubbing a mangibinglay iti padas a nangtulongan kadakuada ti Nailangitan nga Ama a mangliklik wenno mangsupring iti sulisog. Ania ti maaramidtayo tapno agpannuraytayo iti Nailangitan nga Ama no masulisogtayo?

• Mangisurat iti babassit a papel kadagiti sulisog a mabalin a pakaipasanguan dagiti ubbing iti agdama. Awisem ti tunggal maysa kadagiti ubbing a pumili ti maysa a papel ket ibinglayna no ania ti inted kadatayo ti Nailangitan nga Ama a makatulong kadatayo a mangliklik wenno magsupring kadagitoy a pannulisog. Para iti sumagmamano a kapanunotan, aggigiddan a basaenyo ti Alma 13:28–29.

1 Taga Corinto 11:23–29

Kabayatan ti sakramento, mabalinko a panunoten no kasano ti panangsurotko iti Mangisalakan.

Addaan ti sakramento itinayon a kinapateg para kadagiti ubbing a nabuniagannen. Tulongam ida a mangkita iti daytoy a sagrado nga ordinansa kas maysa a gundaway tapno “sukimatenen” wenno amirisen ti bagbagida ken mangpabaro iti panagkumitda iti Mangisalakan (1 Taga Corinto 11:28).

Dagiti Mabalin nga Aktibidad

• Kiddawem iti maysa nga ubing a mangbasa iti 1 Taga Corinto 11:28. Ania ti kayat a sawen ti “sukimatenen” wenno amirisen ti bagbagitayo sakbay ti yaawatt iti sakramento? Kiddawen kadagiti ubbing a panunotenda dagiti dadduma pay a tao a mangsukimat wenno mangamiris kadagiti bambanag, kas kadagiti doktor, detektib wenno sientista (kas pagarigan, amirisen dagiti doktor dagiti sugat ti bagitayo wenno sakit a kasapulan nga maimbagan). Ania ti isuro kadatayo ti aramidda maipapan no kasano nga amirisentayo dagiti bagbagitayo no makiranudtayo iti sakramento?

• Kiddawen kadagiti ubbing nga agaramid kadagiti listaan ti bambanag a mabalinda a panunoten no makiranudda iti sakramento. Awisem ida a mangusar kadagiti listaan a kas panglaglagip a mangamiris iti bagbagida bayat ti sakramento.

1 Taga Corinto 12:4, 7–12, 31; 13:1–8

Addaannak kadagiti naespirituan a sagut.

Insuro ni Pablo a dagiti sagut ti espiritu ket “maited iti tunggal tao” (1 Taga Corinto 12:7). Makatulong daytoy a pagbatayan kadagiti ubbing a mangpadur-as iti ti panangipategda iti bagi, nangnangruna no usarenda dagiti sagutda a mangbendision kadagiti dadduma.

Dagiti Mabalin nga Aktibidad

• Kiddawen kadagiti ubbing nga isuratda iti pisarra dagiti naespirituan a sagut a masarakanda iti 1 Taga Corinto 12:7–11; 13:2. Awisen ida a mangbirok iti ania man anayon a sagsagut a nadakamat iti Moroni 10:8–18 ken Doktrina ken Katulagan 46: 13–26. Ibinglay kadakuada dagiti sumagmamano a nayon a naespirituan a sagut a dinakamat ni Elder Marvin J. Ashton: “Ti sagut ti panagkiddaw; ti sagut ti panagdengngeg; … ti sagut ti panangliklik iti panagsusupanget; … ti sagut ti panagkalikagum a manggun-od iti dayta nalinteg; ti sagut ti saan a panaghusga; ti sagut ti panangsapul iti Dios para iti pannarabay; … ti sagut ti panangaywankadagiti dadduma; … ti sagut ti panangiruknoy iti kararag; ti sagut ti panangiburay iti napigsa a pammaneknek” (“There Are Many Gifts,” Ensign, Nob. 1987, 20). Awisem dagiti ubbing a mangisarita iti maipapan kadagiti naespirituan a sagut a makitada iti tunggal maysa.

• Sakbay ti klase, agdamagka kadagiti nagannak maipapan kadagiti sagut a makitada kadagiti annakda, wenno agpanunotka mismo maipapan kadagiti sagutda. Isaritam kadagiti ubbing ti maipapan kadagitoy a sagut, ket kiddawem kadakuada a pugtuanda no asino nga ubing ti addaan dayta a sagut. Awisem dagiti ubbing a mangisurat iti maysa a wagas a pakausarandanto iti sagutda a mangbendision iti maysa a tao daytoy a lawas.

• Ibinglaymo dagiti agduduma a kasasaad a mabalin a pakausaran dagiti tao iti naespirituan a sagut manipud iti 1 Taga Corinto 12:7–10. Awisem dagiti ubbing a mangilasin kadagiti naespirituan a sagut a mausar iti tunggal kasasaad.

icon iti panagsursuro

Yallukoy ti Panagsursuro iti Pagtaengan

Awisem dagiti ubbing a mangibinglay kadagiti naespirituan a sagutda kadagiti pamiliada ket saludsodem kadagiti miembro ti pamiliada no ania dagiti sagutda.

Panangpadur-as iti Panangisurotayo

Mangted kadagiti awis a mangdayaw iti kinawaya a panagpili. Bayat ti panangawismo kadagiti ubbing nga agaramid iti no ania ti nasursuroda, mangpanunot kadagiti wagas a mangdayaw iti nawaya a panagpilida. Imbes a panangted kadagiti masinunuo nga awis, ibilang ti panangawis kadakuada a mangpanunot kadagiti bukodda a wagas a mangyaplikar iti no ania ti nasursuroda.

Panid ti aktibidad: mabalinko nga ayaten dagiti dadduma