Septiembre 23–29

Taga Galacia

“Magna iti Espiritu”

Bayat ti panangbasam iti Taga Galacia, ania dagiti impresion nga adda kenka maipapan iti no ania ti kasapulan a masursuro dagiti ubbing iti klasem?

Isuratmo Dagiti Impresionmo

Yawis ti Panagbibinninglay

Mangted kadagiti ubbing iti sumagmamano a minuto a mangidrowing iti maysa a banag a nasursuroda manipud iti kallabes unay a panaglilinnawag iti ebanghelio iti pagtaengan wenno iti simbaan. Kolektaem dagiti drowing, ken papugtuam kadagiti ubbing no ania ti ibagi iti tunggal drowing.

Isuro ti Doktrina

Dagiti In-inaudi nga Ubbing

Taga Galacia 5:22–23

Tullongannak ti Espiritu Santo a mangrikna iti ayat, rag-o, ken talna.

Mabigbig dagiti babassit nga ubbing ti bunga ti Espiritu. Daytoyto ti mangisagana kadakuada a mangsapul ti impluensia ti Espiritu Santo iti biagda.

Dagiti Mabalin nga Aktibidad

• I-display wenno ipakita dagiti sumagmamano a kita ti bunga, ken kiddawem kadagiti ubbing nga iladawanda no kasano ti raman ti tunggal a bunga. Ilawlawag a kas kadagiti bunga a nadumaduma ti ramanda, mariknatayo ti Espiritu Santo iti nadumaduma a wagas, a kas iti ayat ken talna. Kiddawem kadakuada a mangiladawan no kasano ti rikna ti Espiritu Santo kadakuada.

  

  Mabalin a mapadasan dagiti ubbing iti amin nga edad ti bunga ti Espiritu.

• Basaen ti Taga Galacia 5:22–23 a kadua dagiti ubbing, ken ilawlawag dagiti balikas a mabalin a saanda nga ammo. Awisen ti tunggal ubing a pumili iti bunga ti Espiritu a saan a nadakamat kadagitoy a bersikulo ket saritaen maipapan iti maysa a panawen idi napadasanna dayta a bunga ti Espiritu. Awisem dagiti ubbing a mangidrowing kadagiti simple a ladawan dagiti padasda.

Taga Galacia 6:2

Kayat ni Jesuscristo a tulongak dagiti agkasapulan.

Ti pammilin iti Taga Galacia 6:2 ket maipada iti isursuro ni Alma iti Mosiah 18:8 kadagiti tao nga asidegen a mabuniagan. Alaem daytoy a gundaway a mangtulong kadagiti ubbing nga agsagana para iti katulagan ti panagbuniag.

Dagiti Mabalin nga Aktibidad

• Ipakitam ti ladawan ti maysa nga ubing a mabunbuniagan (kas iti Libro ti Arte ti Ebanghelio, num. 104). Saludsodem kadagiti ubbing no ania ti ar-aramidden ti ubing. Ilawlawag a no mabuniagantayo, agaramidtayo kadagiti katulagan, wenno kari. Basaen ti Taga Galacia 6:2 wenno Mosiah 18:8 a makatulong kadagiti ubbing a mangammo iti maysa kadagiti banag nga ikaritayo nga aramiden: makipagbaklay kadagiti dagensen ti tunggal maysa. Awisem dagiti ubbing a mangidrowing kadagiti wagas a pakatulonganda kadagiti dadduma a mangibakbaklay kadagiti dagensen.

• Ibasam kadagiti ubbing daytoy a ragup dagiti balikas manipud iti Taga Galacia 6:2: “Agtitinulongkayo iti pakadagsenan ti maysa ken maysa.” Tapno mailadawan no ania ti kaipapanan daytoy, mangted iti maysa kadagiti ubbing iti maysa a banag a nadagsen a bagkaten. Kalpasanna agkiddaw iti maysa nga agboluntario a mangtulong iti ubbing a mangbagkat iti daytoy a banag. Ilawlawag kadagiti ubbing nga adu dagiti banag a marikna a kasla dadagsen, kas iti panagsakit wenno panagliday wenno panagladingit. Ania ti mabalin nga aramidentayo a makatulong iti maysa a tao iti daytoy a kita ti dagensen?

Taga Galacia 6:7–9

Dagiti aramidtayo, agpada a naimbag ken dakes, ket adda pagbanaganda.

Napateg a maawatan dagiti ubbing p nga adda pagbanagan dagiti pilitayo. Mabalinmo nga usaren ti Taga Galacia 6:7–9 a mangiladawan iti daytoy a kinapudno.

Dagiti Mabalin nga Aktibidad

• I-display ti maysa a bukel ken maysa a nateng. Ibasam ti Taga Galacia 6:7–9 kadagiti ubbing. Kiddawen kadagiti ubbing nga agpammarangda a mangimula iti bukel no mangngeganda ti balikas nga “agmula.” Kiddawem kadakuada nga agpammarang nga agpidut iti nateng manipud iti maysa a mula no mangngeganda ti balikas nga “agapit.”

• Mangipakita iti sumagmamano a kita ti nateng kadagiti ubbing, ken tulongam ida a mangsapul kadagiti bukel iti tunggal maysa. Ipanmo dagiti bukel iti maysa a pagikkan, ken pagsisinublatem dagiti ubbing a mangpili iti maysa ketibagada no ania a nateng ti agtubonto no imulada daytoy. Tulongam ida a mangkita a kas met laengkadagiti bukel nga imulatayo ti mangikeddeng iti nateng a magun-odtayo, ti pili nga aramidentayo ti mangikeddeng kadagiti pagbanaganan ken bendision a nga awatentayo iti kamaudianan.

• Agaramid iti maysa a linia iti suelo nga usaren ti tape. Ikabil ti naragsak a rupa ken naliday a rupa iti agsumbangir nga ungto iti linia. Mangawis iti maysa nga ubing nga agtakder iti tengnga iti linia, ken paibagamiti dadduma pay nga ubbing dagiti pili a mangiturong iti kinaragsak wenno kinaliday (mabalin a kasapulam ti mangted iti sumagmamano a pagarigan). Iti tunggal napili, kiddawem iti ubing iti tengnga nga agaddang a mapan iti naragsak a bangir wenno naliday a bangir. Uliten kadagiti aktibidad iti sumagmamano a daras, ken pagsisinnublatem dagiti dadduma pay nga ubbing nga agtakderda iti rabaw ti tape.

Isuro ti Doktrina

Dagiti In-inauna nga Ubbing

Taga-Galacia 5:1

Wayawayaannatayo ni Jesucristo.

Sumagmamano kadagiti tao ti mangipagarup a ti ebanghelio ni Jesucristo ti mangpalimitar wenno mangbedngan iti wayawayatada. Utobem no kasano a matulongamto dagiti ubbing a mangkita a daytoy a talaga ti mangyeg iti wayawaya manipud iti basol ken ipapatay.

Dagiti Mabalin nga Aktibidad

• Awisem dagiti ubbing a mangbasa iti Taga Galacia 5:1. Ania dagiti wagas a pangwayawayaan ni Jesucristo kadatayo tapno makapagsublitayo iti Nailangitan nga Ama? Ipakitam dagiti ladawan ti panagsagaba ni Jesus iti Getsemani ken ti Panagungarna a makatulong kadagiti ubbing a makaawat no kasano a winawayaannatayo ni Jesus manipud iti basol ken ipapatay (kitaen iti Libro ti Arte ti Ebanghelio, num. 56, 59).

• Aggigiddan a mangkanta ken mangrebyu kadagiti balikas iti kanta maipapan iti Mangisalakan, a kas “Ammok Nabiag Ti Mannubbotko” (Pagbatayan ti Ebanghelio, 31110 864). Kiddawen kadagiti ubbing a mangsarak kadagiti balikas iti daytoy a kanta a mangiladawan kadagiti wagas a mabalin a pangwayawayaannatayo ni Jesucristo manipud iti naespirituan a pannakaadipen.

Taga Galacia 5:22–23

No “magna[ak] iti Espiritu,” mananamko ti “bunga ti Espiritu.”

Kasano a matulongamto dagiti ubbing a mangilasin no mariknada ti Espiritu Santo?

Dagiti Mabalin nga Aktibidad

• Mangted iti tunggal ubing iti piraso ti papel a nagsukog a sinan-prutas wenno bunga, ket kiddawen kadagiti ubbing a mangsapul iti maysa a “bunga ti Espiritu” a nailista iti Taga Galacia 5:22–23. Awisem ida nga agsurat iti maysa kadagiti bunga iti maysa a bangir ti papelda ken maysa a balikas a kayatna a sawen ti kasupadi iti sabali pay a bangir. (Tulongam ida a mangipaawat kadagiti balikas a saanda pay nga ammo.) Awisem ida a mangibinglay kadagiti bungada iti klase.

• Awisem dagiti ubbing a basaen ti maipapan iti bunga ti espiritu iti Taga Galacia 5:22–23 ken isurat wenno idrowing ti maysa a ladawan iti panawen idi a ti Espiritu Santo ket tinulongan ida a marikna ti maysa kadagiti bunga. Kiddawem kadakuada nga ibinglayda ti estoriada wenno ladawanda iti sabali pay a tao iti klase. Apay a ti bunga iti nasayaat a wagas tapno maawatantayo no kasano nga impluensiaannatayo ti Espiritu?

Taga Galacia 6:7–9

Dagiti aramidtayo, agpada a naimbag ken dakes, ket adda pagbanaganda.

Tulongam dagiti ubbing a mangipaawat a dagiti pagbanagan ti ugalitayo no dadduma ket umay a dagus ken iti sabali a gundaway mabalin a dumteng “iti naituding a panawen” (bersikulo 9).

Dagiti Mabalin nga Aktibidad

• Aggigiddan a basaen ti Taga Galacia 6:7–9. Awisem dagiti ubbing nag adrowing kadagiti simple a ladawan a pagmulaan ti maysa a tao iti bukel ti maysa a bunga ken pagapitanna iti sabali a bunga. Apay koma nga imposible daytoy? Kasano a ti panagaramid kadagiti biddut a pili ken panangpasar kadagiti nasayaat a pagbanagan ket kasta met nga imposible?

• Kas maysa a klase, agaramid iti maze a kapada ti maysa nga adda iti panid ti aktibidad itoy a lawas. Awisem dagiti ubbing nga agpanunot kadagiti sabali pay a balikas malaksid kadagidiay adda iti maze a mangibagi iti nasayaat a rikna manipud iti Espiritu Santo wenno dakes a pili a mabalin a mangpapanaw Kenkuana. Paglilinnawagan dagiti pagbanagan dagiti pili a napanunotda.

• Awisem dagiti ubbing nga ilistada dagiti sumagmamano kadagiti bendision a namnamaenda nga awaten manipud iti Nailangitan nga Ama. Tulongam ida a mangpanunot kadagiti “bukel” a nasken nga imulada tapno “maapit” dagitoy a bendision.

Yallukoy ti Panagsursuro iti Pagtaengan

Awisem dagiti ubbing nga agsiputda kadagiti nasayaat a pagbanagan, wenno “bunga,” a sumangbay gapu kadagiti nasayaat a pangngeddeng nga aramidenda itoy a lawas. Ibagam kadakuada nga inton sumaruno a lawas mabalinda ti mangibinglay kadagiti padasda.

Panangpadur-as iti Panangisurotayo

Ibagaymo dagiti aktibidad para iti edaddagiti ubbing a sursuruam. Mangted kadagiti ubbing iti gundaway a makiramanda, ngem laglagipem a ti kabaelanda a mangaramid kadagitoy ket agdudumanto a maibatay iti edad ken panagnakemda. Kasapulan dagiti in-inaudi nga ubbing ti ad-adu pay a pannarabay ken panangiturong. Bayat ti panagnakemda, ad-adu ti mai-contibute dagiti ubbing ken mabalin a nasaysayaat pay ti panangibinglayda kadagiti kapanunotanda. (Kitaen iti Panangisuro iti Wagas ti Mangisalakan, 25–26.)