“Septiembre 9–15.2 Taga Corinto1–7: ‘Makikappiakayo iti Dios ’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Septiembre 9–15. 2 Corinthians 1–7,” ,” Umaykayo, Sumurot Kaniak—Para kadagiti Indibidual ken Pamilia: 2019
Septiembre 9–15
2 Taga Corinto 1-7
“Makikappiakayo iti Dios”
Bayat ti panangadalmo iti surat ni Pablo kadagiti Taga Corinto, isuratmo dagiti sumagmamano a prinsipio ti ebanghelio a takuatem ket utobem no kasano a mayaplikarmo ida iti biagmo.
Isuratmo Dagiti Impresionmo
No dadduma, ti kayat a sawen ti maysa a lider ti Simbaan ket tay agsao iti sumagmamano a narikut a bambanag. Pudno daytoy idi aldaw ni Pablo a kas iti agdama. Nalawag nga iti naglabas a surat manipud ken ni Pablo kadagiti Santo iti Corinto ket nangiraman iti panagunget ket nakasair iti rikna. Iti surat a nagbalin a 2 Taga Corinto, pinadasna nga ilawlawag no ania ti nakaigapu iti nagubsang a balikasna: “iti adu a rigat ken leddaang ti puso nga insuratko kadakayo iti adu a lulua; saan a tapno inkay agladingit, no di ket maammuanyo nga adda nabusbuslon nga ayatko kadakayo”(2 Taga Corinto 2:4). No maipakat kenka ti sumagmamano a pannakaatur manipud iti maysa a lider, makatulong daytoy a mangammo a daytoy ket naparegta babaen iti ayat a kas ti ayat ni Cristo Ket kas kadagitoy a kaso a saan a mabalin, no umannugottayo a mangkita kadagiti dadduma babaen ti kita ti ayat a narikna ni Pablo, nalaklaka ti umiso a panagresponde kadagiti ania man a nagbasolan. Ti imbalakad ni Elder Jeffrey R. Holland, “Naasika koma maipanggep iti pagkapsutan ti tao—karaman ti bukodmo a bagi a kas kadagitoy makipagserbi kenka iti Simbaan nga idauluan dagiti boluntario a mortal a babbai ken lallaki Malaksid iti kaso ti kakaisuna a naan-anay a bugbugtong nga Anakna,dagiti saan a naan-anay a tattao laeng ti adda a nakipagobra iti Dios” (“Lord, I Believe,” Ensign wenno Liahona, Mayo 2013, 94).
Dagiti Kapanunotan para iti Bukod a Panagadal iti Nasantuan a Kasuratan
2 Taga Corinto 1:3–7; 4:6–10, 17–18; 7:4–7
Makapagbalin a bendision dagiti pannubokko.
Ti Naited a riribuk a naipasango ken ni Pablo iti panagministrona, saan a makabigla no nagsurat iti adu maipapan kadagiti gandat ken bendision ti panagtutuok. Panunotem maipapan kadagiti wagas a dagiti pannubokmo ket agbalin a bendision bayat ti panangbasam iti 2 Taga Corinto 1:3–7; 4:6–10, 17–18; ken 7:4–7. Kas pagarigan, mabalin nga utobem no kasano a ti Dios ket “mangliwliwa[kadakayo] iti isu amin a pagladladingitan[yo]” ken no kabaelam, kas supapak, “liwliwaen dagiti adda iti uray ania a pagladingitan” (2 Taga Corinto 1:4). Wenno mabalinmo nga ipokus ti silaw ni Jesucristo nga “isu a naglawag kadagiti puspusotayo,” uray no “mailetankami” ken “agduaduakami” (2 Taga Corinto 4:6–10).
Kitaen met iti Mosiah 24:13–17; Gospel Topics, “Adversity,” topics.lds.org.
Maawatko dagiti bendision ket mabendisionak dagiti dadduma no mamakawanak.
Ditayo ammo unay maipapan iti tao nga intudo ni Pablo iti 2 Taga Corinto 2:5–11—laeng iti panaglabsingna, (kitaen dagiti bersikulo 5–6) ket tinarigagayan ni Pablo dagiti Santo a pakawanenda isuna (kitaen kadagiti bersikulo 7–8). Apay ngata a no dadduma ket dida “patalgedan iti ayat[tayo] para iti” maysa a tao a nangpasakit kadatayo? (bersikulo 8). Kasano a ti panangipaidam iti pammakawan ket makadangran kadagiti dadduma ken ti bagbagitayo? (kitaen dagiti bersikulo 7, 10–11). Ania ti kayat na a sawen kenka a ti panangipaidam ti pammakawan manipud iti dadduma ket mangted ken ni “Satanas … iti gundaway kadatayo”? (bersikulo 11).
Kitaen met iti Doktrina Ken Katulagan 64:9–11
Babaen ti Pannubbot ni Jesucristo, pakawanennak ti Dios.
Kas man iti asinoman, ammo ni Pablo no ania ti agbalin a “baro a parsua.” Napan isuna manipud iti maysa a mangidaddadanes kadagiti Kristiano iti awan butengna a salaknib ni Cristo. Ammona iti bagbagina no kasano a ni Jesus nga “awan ammona a basol,” ket maikkatna ti basoltayo tapno makaited kadatayo ti ”kinalinteg,” isublinatayo ti panagkaykaysa iti Dios. Bayat a basaem dagitoy a bersikulo, panunotem ti maipapan ti kayat a sawen ti naikappia iti sabali a tao. Kasano a makatulong kadatayo a maawatan no ania ti kayat a sawen ti naikappia iti sabali a tao ? Utobem no ania koma ti mangisina kenka manipud iti Dios. Ania ti kasapulam nga aramidem tapno ad-adda a kumpleto ti pannakikapiam Kenkuana?
Kitaen met ti 2 Nephi 10:23–25.
Mangiturong iti panagbabawi ti nadiosan a panagladingit.
Gagangay a saantayo panunoten a ti ladingit a kas nasayaat a banag, ngem imbaga ni Pablo a ti “nadiosan a ladingit” ket maysa a kasapulan a paset ti panagbabawi. Ania ti masursurom maipanggep iti nadiosan a ladingit manipud kadagiti sumaganad? 2 Taga Corinto 7:8–11; Alma 36:16–21; Mormon 2:11–15; ken Gospel Topics, “Repentance,” topics.lds.org. Kaano a nariknam ti nadiosan a ladingit, ket ania ti epekto daytoy iti biagmo?
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Nagdamag kadin dagiti miembro ti pamiliam iti maysa a tao a mangisurat iti surat ti rekomendasion para kadakuada, a kas iti aplikasion ti trabaho wenno pagadalan? Kiddawem kadakuada nga agsarita maipapan iti daytoy a padas ken no ania ti kinuna ti surat maipapan kadakuada. Insuro ni Pablo a maipada ti biag dagiti Santo iti letra ti rekomendasion para iti ebanghelio manipud mismo ken ni Cristo, “insurat saan iti tinta, ngem ti espiritu ti sibibiag a Dios.” Bayat ti panangbasam iti 2 Taga Corinto 3:1–3 sangsangkamaysa, paglilinnawagan no kasano a ti pagwadantayo a kas dagiti surat ti rekomendasion para iti ebanghelio a mabalin a “naammuan ken basaen dagiti amin a tao.” Nalabit a mabalin nga agsurat ti tunggal miembro ti pamilia ti maysa a surat wenno “karta” a mangilawlawagda no kasano a ti sabali a miembro ti pamilia ti nagbalin a nasayaat a pagwadan kas maysa a disipulo ni Jesucristo. Mabalinda a basaen dagiti suratda iti pamilia ken ited iti miembro ti pamilia a nangisuratanda. Apay napateg a maawatan a dagiti biagtayo ket “[sur]surat ni Cristo”?
Ania ti kayat a sawen ti “magna iti pammati, saan nga iti panagkita”? Ania dagiti ar-aramidentayo tapno ipakita a mamatitayo kadagiti banag a saantayo a makita?
Makapanunot kadi ti pamiliam—wenno agbiruk—kadagiti pagwadan iti naipasigud a talugading dagiti bambanag nga agdalan kadagiti nakaskasdaaw a panagbalbaliw langa ket agbalin a baro a parsua? (kitaen ti ladawan a karagpin dagitoy a balabala). Ania ti isuro dagitoy a pagwadan maipapan iti no kasanotayo a mabalbaliwan ti ebanghelio ni Cristo?
Batay kadagitoy a bersikulo,ania ti kayat a sawen ti agbalin a “minministro ti Dios”?
Kasano a surotentayo ti pammagbaga ni Pablo a, “Pumanawkayo iti nagtengngaanda[dagiti saan a nalinteg], ket suminakayo” bayat nga agbalin met a maysa a nasasayaat a pagwadan kadagiti adda iti aglawlawtayo?
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
Ibinglay dagiti adalen a banag [object lesson]. Sumagmamano kadagiti konsepto ti ebanghelio, kas iti Pannubbot, ket mabalin a narigat a maawatan. Ibilang ti panangusar kadagiti ladawan, wenno bambanag a makatulong iti pamiliam a makaawat kadagiti pagbatayan a natakuatam kadagiti nasantuan a kasuratan.
No nakumberttayo iti ebanghelio ni Cristo, ti panagbalbaliwtayo ket nauneg unay nga inladawan daytoy ni Pablo a kas iti panagbalin a “baro a parsua” (2 Taga Corinto 5:17).