Հոկտեմբերի 28-ից նոյեմբերի 3-ը

Ա և Բ Տիմոթեոս, Տիտոս, Փիլիմոն

«Օրինակ եղիր հաւատացեալներին»

Երբեմն օգտակար է սկսել ձեր սուրբ գրությունների ուսումնասիրությունը՝ մտքում ունենալով մեկ կամ երկու հարց: Հրավիրեք Հոգուն առաջնորդել ձեզ դեպի պատասխանները, երբ ուսումնասիրեք և գրի առնեք ձեր ստացած որևէ ոգեշնչում:

Գրի առեք ձեր տպավորությունները

Տիմոթեոսին, Տիտոսին և Փիլիմոնին Պողոսի գրած նամակներից մենք պատկերացում ենք կազմում Տիրոջ ծառայի սրտի մասին: Ի տարբերություն Պողոսի ամբողջական համայնքներին ուղղված մյուս նամակների, սրանք գրված են անհատների՝ Աստծո աշխատանքում Պողոսի մոտիկ ընկերներին և համախոհներին, և դրանց կարդալը նման է խոսակցություն լսելուն: Մենք տեսնում ենք Պողոսին, ով քաջալերում է Եկեղեցու ծառայության մեջ գտնվող Տիմոթեոսին և Տիտոսին՝ համայնքների երկու ղեկավարներին: Մենք տեսնում ենք նրան՝ իր ընկեր Փիլիմոնին թախանձելիս, որ ների մի ընկերակից Սրբի և վերաբերվի նրան որպես եղբայր ավետարանում: Պողոսի խոսքերը ուղղակիորեն մեզ չեն ուղղված, և նա գուցե երբևէ չի էլ սպասել, որ այդքան շատ մարդիկ մի օր կկարդան դրանք: Այնուամենայնիվ, այս նամակնեում մենք գտնում ենք խորհուրդ և քաջալերանք մեզ համար, ինչպիսին էլ որ լինի մեր անձնական կոչումը Քրիստոսի ծառայության մեջ:

Գաղափարներ սուրբ գրությունների անհատական ուսումնասիրության համար

Ա և Բ Տիմոթեոս, Տիտոս

Ովքե՞ր էին Տիմոթեոսը և Տիտոսը:

Տիմոթեոսը և Տիտոսը ծառայել էին Պողոսի հետ նրա մի քանի միսիոներական ճամփորդությունների ընթացքում: Իրենց ծառայության ընթացքում նրանք վաստակեցին Պողոսի հարգանքն ու վստահությունը: Տիմոթեոսը հետագայում կանչվեց Եկեղեցու ղեկավար Եփեսոսում, իսկ Տիտոսը կանչվեց ղեկավար Կրետեում: Այս նամակներում Պողոսը ղեկավարներին հրահանգեց և խրախուսեց իրենց պարտականությունների վերաբերյալ, որը ներառում էր՝ քարոզել ավետարանը և կանչել տղամարդկանց ծառայելու որպես եպիսկոպոսներ:

Տես նաև Bible Dictionary, “Pauline Epistles,” «Տիմոթեոս» «Տիտոս»

Եպիսկոպոսները կանչվում են ծխի անդամներին հոգևոր առաջնորդություն տալու համար:

Ա Տիմոթեոս 4.10–16

Եթե ես «օրինակ եմ հաւատացեալներին», ես կարող եմ առաջնորդել ուրիշներին դեպի Փրկիչն ու Նրա ավետարանը:

Տիմոթեոսը համեմատաբար երիտասարդ էր, բայց Պողոսը գիտեր, որ նա կարող էր Եկեղեցու մեծ առաջնորդ լինել, չնայած իր երիտասարդ տարիքին: Ի՞նչ խորհուրդ տվեց Պողոսը Տիմոթեոսին Ա Տիմոթեոս 4.10–16հատվածներում: Ինչպե՞ս կարող է այդ խորհուրդն օգնել ձեզ՝ մյուսներին առաջնորդելու դեպի Փրկիչը և Նրա ավետարանը:

Տես նաև Ալմա 17.11:

Բ Տիմոթեոս

«Աստված չտվեց մեզ երկչոտության ոգի, այլ զորութեան եւ սիրո եւ զգաստութեան»:

Բ Տիմոթեոսը համարվում է Պողոսի գրած վերջին նամակը և թվում է նա գիտեր, որ իր ժամանակը երկրի վրա կարճ էր (տես Բ Տիմոթեոս 4.6–8): Երբ կարդաք այս նամակը, մտածեք այն մասին, թե ինչ պետք է զգար Տիմոթեոսը՝ գիտենալով, որ շուտով մնալու էր առանց իր վստահելի դաստիարակի և ղեկավարի: Ի՞նչ ասաց Պողոսը նրան քաջալերելու համար: Ի՞նչ են ուսուցանում ձեզ Պողոսի խոսքերը ձեր սեփական փորձություններին ու երկյուղներին դիմակայելու մասին:

Բ Տիմոթեոս 3

Ավետարանով ապրելն ապահովում է անվտանգություն վերջին օրերի հոգևոր վտանգներից։

Մենք ապրում ենք «վերջին օրերում», որի մասին խոսել է Պողոսը և «չար ժամանակները» եկել են (Բ Տիմոթեոս 3.1): Երբ կարդաք Բ Տիմոթեոս 3-ը, գրի առեք վերջին օրերի վտանգները, որոնք նշված են (տես նաև Ա Տիմոթեոս 4.1–3-ը):

Կարո՞ղ եք հիշել այդ վտանգների օրինակներ ձեզ շրջապատող աշխարհում կամ ձեր սեփական կյանքում: Ինչպե՞ս են այդ վտանգները հատված 6-ում նկարագրված մարդկանց պես «[ձեր տուն] մտնում, և [ձեզ] գերի անում»: Ի՞նչ խորհուրդ եք դուք գտնում Բ Տիմոթեոս 3-ում, և այս նամակի մյուս տեղերում, որոնք ձեզ և ձեր ընտանիքին անվտանգ կպահեն այդ հոգևոր վտանգներից: (Տես օրինակ՝, Ա Տիմոթեոս 1.3–11, Բ Տիմոթեոս 2.15–16, Տիտոս 2.1–8):

Փիլիմոն

Ո՞վ էր Փիլիմոնը:

Փիլիմոնը մի քրիստոնյա էր, ով դարձի էր եկել դեպի ավետարանը Պողոսի միջոցով: Նա Ոնեսիմոս անունով մի ստրուկ ուներ, ով փախել էր ստրկությունից, հանդիպել Պողոսին և նույնպես դարձի եկել դեպի ավետարանը: Փիլիմոնին ուղղված մի նամակում Պողոսը խրախուսեց իր ընկերոջը ներել Ոնեսիմոսին և ընդունել նրան «ոչ [թե] ինչպէս ծառայ, այլ ծառայից բարձր, ինչպէս սիրելի եղբայր» (հատված 16):

Փիլիմոն

Քրիստոսի հետևորդները ներում են միմյանց:

Երբևէ եղե՞լ եք մի իրավիճակում, երբ ինչ-որ մեկը ձգտում էր ձեզանից ներում ստանալ: Մտածեք այդ իրավիճակի մասին, երբ կարդաք Փիլիմոնին ուղղված նամակը: Ի՞նչ ուսուցանեց Պողոսը Փիլիմոնին այն մասին, թե ինչու նա պետք է ներեր Ոնեսիմոսին: Արդյո՞ք այս նամակում ուղերձներ կան ձեզ համար:

Տես նաև 1 Նեփի 7.16–21, Մոսիա 26.30–31, Ավետարանական Թեմաներ, «Ներում» topics.lds.org:

Գաղափարներ սուրբ գրությունների ընտանեկան ուսումնասիրության և ընտանեկան երեկոյի համար

Երբ ընթերցում եք սուրբ գրություններն ընտանիքով, Հոգին կարող է օգնել ձեզ իմանալ, թե որ սկզբունքները շեշտել ու քննարկել, որպեսզի դրանք համապատասխանեն ձեր ընտանիքի կարիքներին: Ահա մի քանի առաջարկներ․

Ա Տիմոթեոս 2.9–10

Չնայած կանանց ուղղված Պողոսի համեստ հագնվելու խորհուրդի տեսակետները չեն վերաբերում մեր ժամանակին, մենք բոլորս կարող ենք սովորել նրա խորհրդից՝ «[մեր] անձերը զարդարելու … բարի գործերով»: Ձեր ընտանիքը կարող է բավականություն ստանալ՝ միասին կազմակերպելով նորաձևության ցուցադրում. ընտանիքի անդամները կցուցադրեն հագուստներ կամ զարդարանքներ, որոնք պիտակավորված են տարբեր տեսակի բարի գործերով: Ինչպիսի՞ բարի գործեր կարող է կատարել ձեր ընտանիքն այս շաբաթ:

Ա Տիմոթեոս 4.12

Որպեսզի օգնեք ձեր ընտանիքի անդամներին ցանկանալ «օրինակ լինել հաւատացեալներին», հրավիրեք նրանց նկարել, թե ինչպես են մարդիկ լավ օրինակներ եղել իրենց համար: Ինչպե՞ս են այդ մարդիկ ոգեշնչել մեզ հետևել Հիսուս Քրիստոսին: Նախագահ Թոմաս Ս. Մոնսոնի ուղերձը «Օրինակ և լույս եղեք աշխարհի համար» (Ensign կամ Լիահոնա, նոյեմբեր 2015, 86–88) կարող է տալ որոշ գաղափարներ:

Ա Տիմոթեոս 6․7–12

Ինչո՞ւ եք կարծում, որ «արծաթասիրութիւնը» համարվում է «ամեն չարիքների արմատը»։ Ի՞նչ վտանգ կա մեր մեղքերը շարունակելու և չապաշխարելու մեջ: Ինչպե՞ս կարող ենք բավարարվել այն օրհնություններով, որոնք ունենք:

Բ Տիմոթեոս 3.14–17

Համաձայն այդ հատվածների, ինչպիսի՞ օրհնություններ են ստանում նրանք, ովքեր գիտեն և ուսումնասիրում են սուրբ գրությունները: Գուցե ընտանիքի անդամները կարողանան կիսվել սուրբ գրություններով, որոնք նրանք առանձնապես «օգտակար են» համարում:

Փիլիմոն 1.17–21

Ի՞նչ էր կամենում Պողոսն անել Ոնեսիմոսի համար: Սա ինչո՞վ է նման այն բանին, որ Փրկիչը կամավոր արեց մեզ համար: (Տես նաև Ա Տիմոթեոս 2.5–6, ՎՈւ 45.3–5)։ Ինչպե՞ս կարող ենք հետևել Պողոսի և Փրկիչի օրինակին:

Երեխաներին ուսուցանելու լրացուցիչ գաղափարների համար տես այս շաբաթվա համառոտ շարադրանքը, Եկ հետևիր ինձ․ Երեխաների Միության համար:

Բարելավել մեր ուսուցումը

Ուսուցանեք հստակ և պարզ վարդապետություն: Ավետարանը գեղեցիկ է իր պարզությամբ (տես ՎՈւ 133.57): Ձեր ընտանիքին դասերով զվարճացնելու փոխարեն, որոնք մեծ նախապատարաստում են պահանջում, ձգտեք ուսուցանել հստակ և պարզ վարդապետություն (տես Ա Տիմոթեոս 1.3–7):

Աստծո խոսքն ուսումնասիրելով, մենք անվտանգ ենք մնում վերջին օրերի հոգևոր վտանգներից: