pamilia a kumitkita iti tablet computer

Dagiti Nainayon a Resources

Masarakan amin dagitoy a resources iti Gospel Library app ken iti LDS.org.

Dagiti Magasin ti Simbaan

Ti Friend, New Era, Ensign, ken Liahona a magasin ket mangipaay kadagiti estoria ken aktibidad a mangsuplemento kadagiti pagbatayan nga isursurom manipud iti Umaykayo, Sumurot Kaniak—Para kadagiti Indibidual ken Pamilia.

Hymns ken ti Children’s Songbook

Ti sagrado a musika ket mangyawis iti Espiritu ken mangisuro iti doktrina iti nakallalagip a wagas. Mainayon iti naiprenta a bersion ti Hymns ken ti Children’s Songbook, masarakam dagiti audio ken video recording ti adu a himno ken kanta dagiti ubbing iti music.lds.org ken iti LDS Music app.

Dagiti Estoria iti Baro a Tulag

Dagiti Estoria iti Baro a Tulag (2005) ket makatulong kadagiti ubbing nga agsursuro iti doktrina ken dagiti estoria a masarakan iti Baro a Tulag. Masarakam pay dagiti video kadagitoy nga estoria iti Gospel Library app ken iti medialibrary.lds.org.

Dagiti Manual iti Seminary ken Institute

Dagiti manual iti seminary ken institute ket mangipaay iti historical background ken nadoktrinaan a komentario kadagiti prinsipio ken pakaammuan a masarakan kadagiti nasantuan a kasuratan.

Media Library

Ti artwork, dagiti video, ken dadduma pay a media ket makatulong kenka ken iti pamiliam a mangiladawan iti panunot ti doktrina ken dagiti estoria a masarakan iti Baro a Tulag. Bisitaen ti medialibrary.lds.org tapno i-browse dagiti koleksion iti media resources ti Simbaan, a pakairamanan dagiti Bible Videos series, a mangiladawan kadagiti pasamak iti Baro a Tulag.

Dagiti Gospel Topics

Iti topics.lds.org masarakam dagiti kangrunaan nga impormasion maipapan iti nadumaduma a topiko ti ebanghelio, a karagpin dagiti links iti makatulong a resources, kas kadagiti mainaig a mensahe iti sapasap a komperensia, pagannurotan, nasantuan a kasuratan, ken video. Masarakam pay ti Gospel Topics Essays, a mangidiaya iti kumpleto a sungbat kadagiti saludsod iti ebanghelio.

Napudno iti Pammati

No kasapulam ti nayon a tulong a pannakaawat kadagiti pagbatayan ti ebanghelio, ibilangmo ti panangkita iti Napudno iti Pammati (2004). Buklen daytoy a resource ti napagsasaganad a listaan dagiti topiko ti ebanghelio a nailawlawag kadagiti simple a termino.