Jisōs ej katakin ioon toļ eo

Jisōs Ej Kwaļo̧k Katak ioon Toļ eo, jān Gustave Doré

Pāpode 13–19

Matu 5; Luk 6

“E Jeramman Wōt Kom̧”

Leļo̧k am̧ n̄an im̧we ko kwoj būki ilo am̧ riiti Matu 5 im Luk 6, im rekoot er ilo juon jōnōļ in ekkatak ak ilo jet wāween. Laajrak in emaron̄ jipan̄ kom̧ kili pedped in katak ko raorōk ilo jebta kein, ak

Je En̄jake ko Rej Im̧we Eok

Ilo tōre in ilo iien kwaļo̧k naan eo An, ekar alikkar bwe katak ko an Jisōs eban āinwōt ta eo armej ro ilo iien ko An ekkā aer kar ron̄. Rijeram̧ōl renaaj bōk aelōn̄ in kiin̄ eo an Anij? Ro rettā renaaj jolete laļ? Em̧ōņōņō ro kar jum̧aeiki er? Skraib im Parisi rekar jab katakin kōn men kein. Im aaet ro rej lukkuun m̧ool in meļeļe kōn kien eo an Anij ekar kile m̧ool eo ilo naan ko an Rilo̧mo̧o̧r. “Mej ej ņa oņān mej” im “kūtōtōkake ri kōjdate eok” kar kien ko m̧okta (Matu 5:38, 43). Ak Jisōs ekar itok n̄an katakin kōn juon kien eutiej (lale 3 Nipai 15:2–10), kar lōme n̄an jipan̄ kōj juon raan n̄an “weeppān āinwōt [Jemedwōj] i lan̄ E weeppān” (Matu 5:48).

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Matu 5:1–12; Luk 6:20–26, 46–49

M̧ōņōņō eo ejjeļo̧k jem̧ļo̧kin ej itok jān mour ilo wāween eo Jisōs Kraist ekar katakin.

Aolep armej rekōņaan bwe ren m̧ōņōņō, ak ejjab aolep rej kappukot m̧ōņōņō ilo ejja jikin in wōt. Jet rej kappukot kajoor im jerbal ko rem̧m̧an an laļ in, ro jet rej kappukot m̧weie ak men ko rej kam̧ōņōņōiki er ilo mour in kanniōk. Jisōs Kraist ekar itok n̄an katakin wāween n̄an m̧ōņōņō ejjeļo̧k jem̧ļo̧k, n̄an katakin ta lukkuun meļeļein ad jeraam̧m̧an. Ta eo kwoj ekkatak kōn bōk m̧ōņōņō eo ejjeļo̧k jem̧ļo̧kin jān Matu 5:1–12 im Luk 6:20–26? Ewi wāween an oktak jān m̧ōņōņō eo an laļ in?

Ta eo eoon kein, ippān doon ilo Luk 6:46–49, rwej katakin eok kōn erom̧ juon rikaļoor an Jisōs Kraist? Ta eo kwoj en̄jake kar im̧we eok n̄an kōkm̧anm̧anļo̧k tokjen ko kar kōmeļeļeiki ilo eoon kein?

Lale bar Guide to the Scriptures, “Beatitudes,” scriptures.ChurchofJesusChrist.org; “Sermon on the Mount: The Beatitudes” (video), ChurchofJesusChrist.org.

Matu 5:13

“Kom̧ jo̧o̧ļ in laļ.”

Jo̧o̧ļ eto aer kōjerbale n̄an kōjparok, kaenōm̧m̧an, im kōwānōk. Jo̧o̧ļ ebar wōr meļeļein ilo kabun̄ ippān riIsrael ro. Ekwe m̧ōttan ļo̧k iminene ko etto kōn katok menin mour ium̧win kien eo an Moses (lale Livitikōs 2:13; Bōnbōn 18:19). N̄e ej jako nemen jo̧o̧ļ, ejjeļo̧k tokjen, ak “enana” (Matu 5:13). Menin ej bōk jikin ilo an koba ippān ak ettoon kōn m̧ōttan ko jet.

Likūt menin ilo ļōmņak eo am̧ ilo am̧ kejokļo̧kjeņ kōn Matu 5:13. Ewi wāween am̧ kōjparok aorōk eo am̧ āinwōt juon rikaļoor an Jisōs Kraist? Ewi wāween am̧ naaj kakūrm̧ool am̧ kōjparok im kōwānōk jerbal in āinwōt jo̧o̧ļ in laļ?

Bar lale Katak im Bujen Ko 103:9–10.

jo̧o̧ļ

“Kom̧ jo̧o̧ļ in laļ” (Matu 5:13).

Matu 5:17–48; Luk 6:27–35

Kien eo an Kraist ej bōk jikin kien eo an Moses.

Rikaļoor ro remaron̄ kar bwilōn̄ ke rej ron̄ an Jisōs ba bwe aer jim̧we emenin aikuj n̄an eļļā jān ta ko Skraib im Parisi rej ba (lale Matu 5:20), ro me reutiej būruōer kōn jon̄an aer kōjparok kien Moses.

Ilo am̧ riiti Matu 5:21–48 im Luk 6:27–35, ļōmņak in kōkaļļeiki jim̧or m̧wil ko me remenin aikuj ilo kien Moses (“Em̧ōj am̧ kar ron̄ ke …”) im ta eo Jisōs ekar katakin n̄an kōkm̧anm̧anļo̧k m̧wil kein. Etke kwoj ļōmņak wāween eo an Rilo̧mo̧o̧r ej juon kien eutiej ļo̧k?

N̄an waanjon̄ak, ta eo Jisōs ekar katakin ilo Matu 5:27–28 kōn eddo ko ad ilōn̄ļo̧k ļōmņak ko ad? Ewi wāween am̧ maron̄ bōk eļap kantōrool ilōn̄ļo̧k ļōmņak im en̄jake ko am̧ me rej itok n̄an kōļmenļo̧kjeņ im būruōm̧? (lale Katak im Bujen Ko 121:45).

Bar lale “Sermon on the Mount: The Higher Law” (video), ChurchofJesusChrist.org.

Matu 5:48

Jemedwōj Ilan̄ ej ke lukkuun kōtmene bwe jen wānōk?

Būreejtōn Russell M. Nelson ekar katakin:

“Naan in perfect kar ukook jān kajin Greek teleios, meļeļe ej ‘dedeļo̧k.’ … Wāween eo epidodo n̄an naan in teleiono, ej meļeļein ‘n̄an tōpar juon jem̧ļo̧k ettoļo̧k, n̄an lukkuun ejaak ilo likio in, n̄an kadedeikļo̧k, ak n̄an kōjem̧ļo̧ke.’ Jouj im je bwe naan eo ejjab lukkuun elmakote ‘anemkwōj jān bōd’; ej lukkuun elmakote ‘tōpar juon jipadpad ettoļo̧k.’ …

“… Irooj eaar katakin, ‘Kom̧ij jab maron̄ mour im̧aan mejān Anij kiiō …; kōn menin, wōnm̧aanļo̧k wōt ilo kijenmej m̧ae ami weeppān’ [Katak im Bujen Ko 67:13

“Jejjab aikuj in ebbweer eļan̄n̄e kijejeto ko ad rem̧ool m̧aanļo̧k n̄an weeppān kiiō āinwōt rekanooj in pen im ejjeļo̧k jem̧ļo̧kier. Wānōk ej pād wōt ilo kōttar. Emaron̄ itok ilo likio ālkin wōt Jerkakpeje eo me ej jān Irooj wōt. Ej kōttar aolep ro rej iakwe e im rej kōjparok kien ko an” (“Perfection Pending,” Ensign, Nob. 1995, 86, 88).

Bar lale 2 Pita 1:3–11; Moronai 10:32–33; Katak im Bujen Ko 76:69; Jeffrey R. Holland, “Be Ye Therefore Perfect—Eventually,” Liaona, Nob. 2017, 40–42.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Matu 5:1–9.Ewi wōt pedped in katak in me kar katakin ilo Matu 5:1–9 remaron̄ jipan̄ m̧weo m̧ōm̧ bwe en juon jikin elem̧ōņōņō? Kwomaron̄ kālet juon ak ruo me āinwōt relukkuun aorōk n̄an baam̧le eo am̧. N̄an waanjon̄ak, ta katak ko me jej loe me remaron̄ jipan̄ kōj erom̧ rikōm̧m̧an aeņōm̧m̧an? (lale Matu 5:21–25, 38–44). Ta kōttōpar ko jemaron̄ kōm̧m̧ani? Ewi wāween ad etale?

Matu 5:13.M̧ōn̄ā ippān doon jet m̧ōn̄ā ko em̧ōj jo̧o̧ļi im ejja m̧ōņā ko wōt me rekar jab jo̧o̧ļi. Ta oktak eo jej loe? Ta meļeļein n̄an erom̧ “kom̧ jo̧o̧ļ in laļ”? Ekōjkan ad kōm̧m̧ane menin?

Matu 5:14–16N̄an jipan̄ baam̧le eo am̧ meļeļe kōn ta meļeļein “meram in laļ,” kwomaron̄ kar kappukot jet iaan kein kōmeramram ilo m̧weo m̧ōm̧, m̧ōko m̧ōn ro ritūrūm̧, im laļ in. Emaron̄ lukkuun jipan̄ n̄an kwaļo̧k ta eo ej waļo̧k ke kwar noje juon meram. Ta eo lukkuun meļeļe eo an Jisōs ke Ekar ba, “Kom̧ meram in laļ”? (Matu 5:14). Wōn eo em̧ōj an kar āinwōt juon meram n̄an baam̧le eo ad? Ewi wāween am̧ erom̧ juon meram n̄an ro jet? (lale 3 Nipai 18:16, 24–25).

Matu 5:43–45.Ilo an baam̧le eo am̧ riiti naan ko an Rilo̧mo̧o̧r ilo eoon kein, kwomaron̄ kōnono kōn wōn, eļaptata, kwoj en̄jake kwomaron̄ iakwe, kōjeraam̧m̧an, im jar kake. Ewi wāween ad kōļapļo̧k iakwe eo ad n̄an er

N̄an ļōmņak reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Shine On,” Children’s Songbook, 144.

Kōkōm̧anm̧anļo̧k Ad Ekkatak

Kwon juon rietale. “N̄e kwoj lukkuun lale ta eo ej waļo̧k ilo mour ko an [ajri ro], kwonaaj lo iien katakin ko relukkun em̧m̧an. … Kakkobaba ko me [rej] kōm̧m̧an ak kajjitōk ko rej kajjitōk remaron̄ bar tōl n̄an iien ko n̄an katakin” (Teaching in the Savior’s Way, 16).

kāāntōļ

“Kom̧ meram in laļ” (Matu 5:14).