“Jānwōde 30–Pāpode 5. Matu 4 ; Luk 4–5: ‘Jetōb an Irooj ej bed Ioō,’” Itok, Ļoor Eō—N̄an Kajjojo Armej im Baam̧le Ko: Kallim̧ur Ekāāl 2023 (2022)

“Jānwōde 30–Pāpode 5. Matu 4; Luk 4–5,” Itok, Ļoor Eō—N̄an Kajjojo Armej im Baam̧le Ko: 2023

Pija

Jisōs ej jutak ilo āne jam̧den

Ilo Āne Jam̧den,jān Eva Koleva Timothy

Jānwōde 30–Pāpode 5

Matu 4; Luk 4–5

“Jetōb an Irooj ej bed Ioō”

Rilo̧mo̧o̧r ekar kōjerbal jeje ko rekwojarjar jim̧or n̄an anjo̧ jān kapo ko an Setan im n̄an kam̧ool kōn mijen eo An make ekwojarjar (lale Luk 4:1–21). Kejokļo̧kjeņ kōn eoon ko me remaron̄ kalōk tōmak eo am̧ im am̧ pukōt mejļan n̄an anjo̧ jān kapo.

Je En̄jake ko Rej Im̧we Eok

Jān Iien ko Ej jodikdik, Jisōs ekar jeļā bwe E ekar wōr juon an mijen ejeņoļo̧k im ekwojarjar. Ak ilo an kar Jisōs kōppopo n̄an jino mijen eo An, rinana eo ekar kappukot n̄an likūt pere ilo kōļmneļo̧kjeņ eo an Rilo̧mo̧o̧r. “Eļan̄n̄e Kwe Nejin Nejin Anij,” Satan ar ba(Luk 4:3, italics added). Ak Rilo̧mo̧o̧r ekar kōnono ippān Jemān Ilan̄. E ekar jeļā kōn jeje ko rekwojarjar, im E ekar jeļā wōn E. N̄an E, kōņaan eo an Setan—Kajoor kein otemjej im aer aiboojoj I naaj lewaj n̄an eok” (Luk 4:6)—ekar juon men ejjeļo̧k tokjen, bwe kōppopo eo an Rilo̧mo̧o̧r ilo aolepen mour eo An ekar kōtļo̧k bwe E en bōk “kajoor an Jetōb” (Luk 4:14). Kōn menin jekdo̧o̧n kapo ko, mellijon̄ ko, im jum̧ae ko, Jisōs Kraist ekar jab ebweer jān jerbal eo An kar jitōn̄e n̄an kōm̧m̧ane: “In kwaļoknaan em̧m̧an an aelōn̄ in Anij …bwe ar jilkintok Eō kōn men in” (Luk 4:43).

Pija

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Matu 4:1–2

Kōnono ippān Anij ej kōpooj eō n̄an jerbal n̄an E.

N̄an kōppopo n̄an mijen eo An, Jisōs ekar etal n̄an āne jem̧dān “n̄an pād ippān Anij.” (Joseph Smith Translation, Matu 4:1 [in Matu 4:1, footnote b]). Ļōmņak kōn ta eo kwoj kōm̧m̧an n̄an epaake ļo̧k Anij. Ewi wāween an menin kōpooj eok n̄an jerbal eo Ekōņaan bwe kwon kōm̧m̧ane?

Matu 4:1–11; Luk 4:1–13

Jisōs Kraist ej kwaļo̧k juon waanjon̄ak n̄an eō ilo ad anjo̧ jān kapo.

Jet iien armej rej en̄jake aer burom̧ōj n̄e rej po n̄an kōm̧m̧an jerawiwi. Ak em̧ool barāinwōt Rilo̧mo̧o̧r, eo ekar mour “ejeļok jerawiwi ippān” (Hibru 4:15), ekar ion melijon̄. Jisōs Kraist ejeļā kapo ko jej jelm̧ae im wāween n̄an jipan̄ kōj anjo̧ jāni (lale Hibru 2:18; Alma 7:11–12).

Ilo am̧ riiti Matu 4:1–11 im Luk 4:1–13, ta eo kwoj ekkatak me emaron̄ jipan̄ eo n̄e kwoj jelm̧ae kapo ko? Kwomaron̄ karōki ļōmņak ko ilo juon tebōļ āinwōt in:

Jisōs Kraist	N̄a
Jisōs Kraist Ta eo Setan ekar kapoiki Kraist n̄an kōm̧m̧ane?	N̄a Ta eo Setan ekar kapoikik eō n̄an kōm̧m̧ane?
Jisōs Kraist Ewi wāween an Kraist kar kōppopo n̄an anjo̧ jān kapo?	N̄a Ewi wāween aō kōppopo n̄an anjo̧ jān kapo?
Jisōs Kraist	N̄a

Ta ļōmņak ko jet me kwoj būki jān Ukok eo an Josep Smith ilo Matu 4? (lale footnotes throughout Matu 4).

Bar lale 1 Korint 10:13; Alma 13:28; Moses 1:10–22; Gospel Topics, “Temptation,” topics.ChurchofJesusChrist.org.

Luk 4:16–32

Jisōs Kraist ej Messaia eo kar kanaaan kake.

Eļan̄n̄e kar kajjitōk ippam̧ n̄an kōmeļeļeiki ta eo kar Jisōs Kraist n̄an laļ in n̄an kōm̧m̧ane, ta eo kwomaron̄ kar ba? Kouti tok jān juon iaan kanaan ko an Aisea kōn Messaia, Rilo̧mo̧o̧r ekar kōmeļeļeiki m̧ōttan ko ilo mijen eo An (lale Luk 4:18–19; Aiseia 61:1–2). Ta eo kwoj ekkatak kōn mijen eo An ilo am̧ riiti eoon kein?

Ta jet iaan men ko me Rilo̧mo̧o̧r ej karuwaineneik eok n̄an bōk koņaam̧ ilo jerbal eo An?

Pija

Jisōs ej jutak ilo jikin kweilo̧k eo

Men̄e ri Ju ro eto aer kōttar ium̧win iiō ko n̄an kūrm̧ool eo an kanaan eo an Aiseia, elōn̄ rekar jab bōke Jisōs ekar Messaia eo ke Ekar ba, “Rainin naan ilo jeje in ejejōt ilo lojilnūmi” (Luk 4:21). Ilo am̧ riiti Luk 4:20–30 (bar lale Mark 6:1–6), kajjieon̄ likūt eok make ilo jikin eo an armej in Nazareth. Elōn̄ ke jabdewōt men ko me remaron̄ bōbrae eok jān am̧ lukkuun bōk Kraist ilo mour am̧ make āinwōt am̧ Rilo̧mo̧o̧r?

Bar lale Mosaia 3:5–12; “Jesus Declares He Is the Messiah” (video), ChurchofJesusChrist.org.

Matu 4:18–22; Luk 5:1–11

Ilo aō lōke Irooj, Enaaj jipan̄ eō tōpar kōttōpar eo aō make ekwojarjar.

Būreejtōn Ezra Taft Benson ekar katakin, “Kōrā im Em̧m̧aan ro, ro rekar ukōt mour ko aer n̄an Anij renaaj lo bwe E emaron̄ kōm̧m̧an elōn̄ men ko ilo mour ko ad jān jon̄an eo remaron̄e” (Teachings of Presidents of the Church: Ezra Taft Benson [2014], 42). Keememej wāween an menin kar waļo̧k n̄an Saimon Pita im ri eon̄ōd ro m̧ōttan. Jisōs ekar lo juon men eļapļo̧k ilo er jān jon̄an aer lo ilo er make. E ekar kōņaan bwe ren erom̧ “Ri Eon̄od Armej” (Matu 4:19; bar lale Luk 5:10).

Ilo am̧ riiti Matu 4:18–22 im Luk 5:1–11, kejokļo̧kjeņ kōn ta eo Jisōs Kraist ej jipan̄ eok kake bwe kwon erom̧. Ewi wāween am̧ kar en̄jake An kūr eok n̄an ļoor E? Ewi wāween am̧ kwaļo̧k n̄an Irooj bwe kwar kōņan jeorļo̧k aolep men ko im ļoor E? (lale Luk 5:11).

Pija

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

Matu 4:1–2; Luk 4:1–2.Ta ļōmņak ko me jemaron̄ būki jān bwebwenato in kōn kajoor in jitlo̧k? N̄an jipan̄ baam̧le eo am̧ ekkatak kōn jitlo̧k, kwomaron̄ kōjerbal “Fasting and Fast Offerings” in Gospel Topics (topics.ChurchofJesusChrist.org). Ro uwaan baam̧le eo remaron̄ kwaļo̧k en̄jake ko me rekar en̄jake kōn jitlo̧k. Bolen kwomaron̄ lukkun jar ilo am̧ kōm̧m̧ani karōk ko n̄an jitlo̧k ippān doon kōn juon un.

Matu 4:3–4; Luk 4:3–4.Ke Setan ekar kapoiki Kraist n̄an ukōt juon dōkā n̄an pilawe, ekar idajon̄jon̄e kadkad in Kraist ekwojarjar ilo an ba, “Elaan̄e Kwe Nejin Anij” (Matu 4:3, italics added). Etke Setan ekar kajjieon̄ kōm̧m̧an bwe jen pere ak jab tōmak kadkadid make rekwojarjar—im an Rilo̧mo̧o̧r? Ewi wāween an kajjieon̄ kōm̧m̧ane menin? (Bar lale Moses 1:10–23.)

Ukok eo an Josep Smith, Matu 4:11.Ālkin kar mellijon̄e Jisōs ilo mour in kanniōk im jetōb, ļōmņak ko An rekar oktak n̄an aikuj ko an Jon Ripeptaij, eo ekar pād ilo kalbuuj: “Im Ke Jisōs ej ron̄ bwe Jon ej ilowaan kalbuuj, im ej jilkinļo̧k enjeļ ro, im, lo, rej itok n̄an jerbal e [Jon]” (Joseph Smith Translation, Matu 4:11 [in Matu 4:11, footnote a). Elmen ad kar jeraam̧m̧an ilo ad ļoor waanjon̄an eo an Kraist ilo an ļōmņak kōn ro jet?

Luk 4:16–21.Jejeļā ke kajjien jabdewōt ro erub buruōer ak ro rej aikuj pād ilo “set at liberty”? (Luk 4:18). Ewi wāween ad jipan̄ ro jet bōk kōmour eo an Rilo̧mo̧o̧r im an kanemkwoj kōj? Kwomaron̄ bar kōnono kōn wāween an kain̄i ko an tampeļ jipan̄ eok bōktok “deliverance to the captives” (Luk 4:18).

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote:s “Itok, Ļoor Eō,” Hymns, no. 116.

Kōkōm̧anm̧anļo̧k Ad Katakin

Mour kōn gospel eo an Jisōs Kraist. “Bolen men eo aorōktata komaron̄ kōm̧m̧ane [āinwōt juon jinen/jemen ak rūkaki] ej n̄an … mour kōn gospel eo kōn aolepān būruwōm. … En̄in ej wāween eo an pedped in katak eo n̄an karbōb n̄an jemjerā eo an Jetōb Kwojarjar. Kwojjab aikuj in weppāān, baj niknik kajjieon̄—kappukōt jeorļo̧k bōd kōn Pinmuur eo an Rilo̧mo̧o̧r eo jabdewōt iien kwoj wōtlo̧k” (Teaching in the Savior’s Way,13