“20–26 Fepuari. Mataio 6–7: ‘Ua Ia A‘oa‘o ia te i Latou e Pei o Se ua I ai le Pule’” Sau, Mulimuli Mai ia te A’u—Mo Tagata Taitoatasi ma Aiga: Feagaiga Fou 2023 (2020)
“20–26 Fepuari. Mataio 6–7 “ Sau, Mulimuli Mai ia te A’u—Mo Tagata Taitoatasi ma Aiga: 2023
Iesu o Loo A‘oa‘o Atu Tagata i le Apitaogalu, saunia e James Tissot.
20–26 Fepuari
Mataio 6–7
“Ua Ia A‘oa‘o ia te i Latou e Pei o Se ua I Ai le Pule”
Pe a tatou faitauina tusitusiga paia ma se fesili i le mafaufau ma se naunauta‘iga faamaoni ia malamalama i mea e finagalo le Tama Faalelagi ia tatou iloa, ua tatou valaaulia le Agaga Paia e musuia i tatou. A o e faitauina le Mataio 6–7, mataitu lagona uuna‘i nei.
Tusifaamaumau Ou Lagona Uuna‘i
O le Lauga i luga o le Mauga o se tasi o lauga aupito sili ona lauiloa i le faaKerisiano. Na a‘oa‘o le Faaola i faatusa o ‘oa e pei o se aai ua tu i luga o le mauga, lautalotalo o le vao, ma luko ua faafoliga o ni mamoe. Ae o le Lauga i luga o le Mauga e sili atu nai lo le na o se saunoaga matagofie. O le mana o a‘oa‘oga a le Faaola i Ona soo e mafai ona suia o tatou olaga, aemaise pe a tatou ola ai. Ona oo ai lea ina le na o ni upu Ana afioga; ua avea ma faavae mautu mo le olaga, lea ua faapei ai o le fale o le tagata poto, ua mafai ona tatalia matagi ma lologa o le lalolagi (tagai Mataio 7:24–25).
Manatu mo Suesuega Faaletagata Lava Ia o Tusitusiga Paia
O le ola i aoaoga a le Faaola e mafai ona fesoasoani ia ou avea ai faapei o Ia.
O le Lauga i luga o le Mauga o loo i ai ni mataupu faavae e tele o le talalelei. A o e suesueina nei mataupu, ia ole atu i le Alii i mea ua Ia finagalo e te aoaoina.
O le tasi o mataupu faavae atonu e tau i ai o le tatau lea ona faamuamua o mea a le Atua i lo mea o le lalolagi. O le fea o aoaoga a le Faaola i le Mataio 6–7 ua fesoasoani e te taulai atu ai i mea faalelagi? O a isi o ou manatu po o uunaiga o i ai? O le a se mea ua musuia oe e fai? Mafaufau e tusifaamaumau ou lagona uunai. Mo se faataitaiga:
|
Ou te manao ia sili atu ona ou popole i le finagalo o le Atua mo au nai lo manatu o isi. | |
O se tasi mataupu faavae i le Mataio 6–7 o le tatalo. Faaaoga sina taimi e iloilo ai au tatalo. O le a sou lagona i au taumafaiga e faalatalata atili i le Atua e ala i le tatalo? O a aoaoga i le Mataio 6–7 ua musuia ai oe ia faaleleia le faiga o au tatalo? Tusi faamaumau lagona uunaia e te maua. Mo se faataitaiga:
|
A ou tatalo, ou te manao e taulima ma le migao le suafa o le Tama Faalelagi. | |
|
A ou tatalo, e mafai ona ou faailoa atu lo’u naunauga ia faia le finagalo o le Alii. | |
Atonu e te manao e toe faitau le Lauga i luga o le Mauga, ma vaavaai mo se nisi mataupu faavae po o savali o loo ta’ua soo ia e faapitoa ona faatatau ia te oe. Tusifaamaumau mea e te mauaina i se tusi talaaga, faatasi ai ma ou mafaufauga ma lagona.
E mafai ona tatou latalata atili atu i le Atua e ala i le tatalo.
O le a le uiga o le faaaoga o le “tautu i upu” i le tatalo.
E tele ina malamalama tagata o le “tautu i upu” o lona uiga o le ta’u faafia o upu lava e tasi. Peitai, o le upu tautu e mafai ona faamatalaina o se mea e leai se aoga. O le faaaogaina o le “tautu i upu” i tatalo e mafai foi ona faauiga o le tatalo e aunoa ma se lagona faamaoni, ma le loto i ai (tagai Alema 31:12–23).
E mafai ona ou faamasino atu ma le amiotonu.
I le Mataio 7:1, e foliga mai o faapea mai le Faaola e le tatau ona tatou faamasino ae i isi mau (e aofia ai isi fuaiupu o le mataupu lenei), o loo Ia tuu mai ai faatonuga ia i tatou i le ala e faamasino ai. Afai e foliga fenumiai lena mea, e ono fesoasoani atu le Faaliliuga a Iosefa Samita o le fuaiupu lenei: “Aua nei faamasino atu ma le le tonu, ina ia le faamasinoina outou; ae ia faia faamasinoga amiotonu” (i le Mataio 7:1, vaefaamatalagaa). O le a se mea ua e maua i le Mataio 7:1–5, faatasi ai ma le vaega o totoe o le mataupu, ua fesoasoani ia te oe ia e iloa ai le ala e “faia ai faamasinoga amiotonu”?
Tagai foi Gospel Topics, “Judging Others,” topics.ChurchofJesusChrist.org; Lynn G. Robbins, “O Le Faamasino Amiotonu,” Liahona, Nov. 2016, 96–98.
Ua oo ina ou iloa Iesu Keriso e ala i le faia o Lona finagalo.
O le fasifuaitau “Ou te lei iloa lava outou” i le Mataio 7:23 na suia i le Faaliliuga a Iosefa Samita i le “Tou te lei iloaina lava au” (Mataio 7:23, vaefaamatalagaa). Ua fesoasoani faapefea lea suiga ia te oe e malamalama atili ai i le mea o loo aoao mai e le Alii i fuaiupu 21–22 e uiga i le faia o Lona finagalo? O le a le lelei o lou lagona ua e iloa le Alii? O le a se mea e mafai ona e faia ia iloa aitili ai o Ia?
Tagai foi David A. Bednar, “Ana Iloa e Outou o A’u,” Liahona, Nov. 2016, 102–5.
O le usitaia o aoaoga a le Faaola e faia ai se faavae mausali mo lo’u olaga.
O le ola i le talalelei e le aveesea ai faigata mai o tatou olaga. Sa aafia uma fale e lua i le faataoto a le Faaola i le Mataio 7:24–27 i le afa lava e tasi? Ae o le tasi o fale na mafai ona talitaliaina. E faapefea e le ola i aoaoga a le Faaola ona faia se faavae mausali mo oe? O le a se mea ua musuia oe e fai e faaauau ai ona fau lou “fale i luga o le papa”? (tagai fuaiupu 24).
Tagai foi Helamana 5:12.
Manatu mo Suesuega Faaleaiga o Tusitusiga Paia ma Afiafi Faaleaiga
-
Mataio 6–7.O se tasi auala e aoao ai o se aiga mai le Mataio 6–7 o le matamata lea i vitio “Sermon on the Mount: The Lord’s Prayer” and “Sermon on the Mount: Treasures in Heaven” (ChurchofJesusChrist.org E mafai e tagata o le aiga ona mulimuli ai i a latou tusitusiga paia ma taofi le vitio i taimi uma latou te faalogo ai i se mea latou te mananao e talanoaina. E mafai na faia lea gaoioiga i ni aso, pe a manaomia.
-
Mataio 6:5–13.O le a se mea e mafai ona tatou aoaoina e uiga i le tatalo mai le ala sa tatalo ai le Faaola? E mafai faapefea ona tatou faaaogaina Lana tatalo o se faataitaiga e faaleleia ai a tatou tatalo faletagata lava ia ma faaleaiga? (Tagai foi Luka 11:1–13.) Afai e i ai sau fanau e laiti tele, e mafai ona outou faataita’ia faatasi le tatalo.
-
Mataio 6:33O le a le uiga ia te oe o le “saili … muamua le malo o le Atua”? O faapefea ona tatou faia o lea mea faaletagata lava ia ma o se aiga?
-
Mataio 7:1–5.Ina ia vaaifaalemafaufau i aoaoga o loo i nei fuaiupu, e mafai e lou aiga ona sue se utupoto ( si tamai fasi laupapa) ma se pou (o se fasi laau tele). O le a le mea ua aoao mai ia i tatou i le faatusaina o le lua lea e uiga i le faamasinoina o isi? Afai e te fia suesueina atili lenei autu, e mafai ona e faaaogaina nisi o punaoa i le “Judging Others” (Gospel Topics, topics.ChurchofJesusChrist.org).
-
Mataio 7:24–27.Ina ia fesoasoani i lou aiga ia malamalama atili i le faataoto a le Faaola i le tagata poto ma le tagata valea, e mafai ona e tuu atu ia i latou e liligi se vai i luga o le oneone ona liligi lea i luga o se maa. E mafai faapefea ona tatou fausia o tatou faavae faaleagaga i luga o se papa?
Mo nisi manatu mo le aoaoina atu o le fanau, tagai i le otootoga o lenei vaiaso i le Sau, Mulimuli Mai ia te A’u—Mo le Peraimeri.
Pese fautuaina: “O Le Tagata Poto ma le Tagata Valea,” Tusipese a Tamaiti, 132.
Faaleleia o Suesuega Faaletagata Lava Ia
Fefaasoaai malamalamaaga. O le talanoaina o mataupu faavae tou te aoaoina mai a outou suesuega faaletagata lava ia e le gata o se auala lelei e aoao atu ai isi, ae e fesoasoani ai foi e faamalosia lou lava malamalama. Taumafai e faasoa atu se mataupu faavae na e aoaoina i lenei vaiaso mase tagata o le aiga po o a outou vasega i le Lotu.
Sa Ou Tatalo mo Oe, saunia e Del Parson