“30 Ianuari–5 Fepuari. Mataio 4; Luka 4–5; ‘Ua i O’u luga le Agaga o le Alii’” Sau, Mulimuli Mai ia te A’u—Mo Tagata Taitoatasi ma Aiga: Feagaiga Fou 2023 (2022)

“30 Ianuari–5 Fepuari. Mataio 4; Luk 4–5,” Sau, Mulimuli Mai ia te Au—Mo Tagata Taitoatasi ma Aiga: 2023

Ata

Iesu o loo tu i le vaomatua

Into the Wilderness, saunia e Eva Koleva Timothy

30 Ianuari–5 Fepuari

Mataio 4; Luka 4–5

“Ua i O’u Luga le Agaga o le Alii”

Sa faaaoga e le Faaola mau e tetee atu ai i faaosoosoga a Satani ma molimau mai ai e uiga i Lana lava misiona paia (tagai Luka 4:1–21). Mafaufau loloto i auala e mafai ai e tusitusiga paia ona atia‘e lou faatuatua ma lou finafinau e tetee i faaosoosoga.

Tusifaamaumau Ou Lagona Uuna‘i

Mai lava i Lona talavou, sa foliga mai na silafia e Iesu sa i ai Sana misiona tulagaese, ma paia. Ae a o tapenapena Iesu e amata Lana galuega i le lalolagi nei, sa taumafai le fili e toto le masalosalo i le mafaufau o le Faaola. “Afai o oe o le Alo o le Atua,” na fai atu ai Satani (Luka 4:3, ua faaopoopo le faatusilima). Ae na talanoa felata’i le Faaola ma Lona Tama oi le Lagi. Sa Ia silafia mau, ma sa Ia silafia o ai o Ia. Ia te ia, o le ofo a Satani—”Ou te avatua ia te oe lenei pule uma” (Luka 4:6)—o se ofo gaogao ii, aua o le tapenaga a le Faaola i Lona soifuaga atoa na mafai ai ona Ia maua “le mana o le Agaga” (Luka 4:14). E ui lava la i faaosoosoga, tofotofoga, ma le teenaina, sa lei faavaivai lava Iesu Keriso mai Lana galuega atofaina: “E tatau ona ou folafola le tala lelei o le malo o le Atua … aua o le mea lea na auina mai ai a’u” (Luka 4:43).

Ata

aikona o suesuega faaletagata lava ia

Manatu mo Suesuega Faaletagata Lava Ia o Tusitusiga Paia

Mataio 4:1–2

O le talanoa felata’i ma le Atua e saunia ai au e auauna atu ia te Ia.

Ina ia saunia mo Lana misiona, sa alu Iesu i le vao, “ina ia faatasi ma le Atua” (Faaliliuga a Iosefa Samita, Mataio 4:1 [i le Mataio 4:1, vaefaamatalaga e]). Mafaufau i le mea e te faia ina ia lagona ai le latalata atu i le Atua. E saunia faapefea oe e lena mea mo le galuega e finagalo o Ia e te faia?

Mataio 4:1–11; Luka 4:1–13

Ua faatu e Iesu Keriso le faataitaiga mo au e tetee atu ai i faaosoosoga.

O nisi taimi e lagona ai e tagata le tausalaina pe a faaosoosoina i latou e fai le agasala. Peitai na oo lava i le Faaola, o le sa soifua “e leai se agasala” (Eperu 4:15), na faaosoosoina. Ua silafia e Iesu Keriso tofotofoga tatou te fetaiai ma le ala e fesoasoani tatou te faatoilaloina ai (tagai Eperu 2:18; Alema 7:11 12).

A o e faitauina le Mataio 4:1–11 ma le Luka 4:1–13, o le a se mea e mafai ona e aoaoina lea e mafai ona fesoasoani ia te oe pe a oulua fetaiai ma tofotofoga? E mafai ona e faatulagaina ou mafaufauga i se siata faapei o lea:

Iesu Keriso	O A’u
Iesu Keriso O le a le mea na tofotofo e Satani ia Keriso e fai?	O A’u O le a se mea e faaosooso au e Satani e fai?”
Iesu Keriso Na faapefea ona saunia Keriso e tetee atu i faaosoosoga?	O A’u E faapefea ona ou saunia e tetee atu i faaosoosoga?
Iesu Keriso	O A’u

O a ni malamalamaaga faaopoopo e te maua mai le Faaliliuga a Iosefa Samita o le Mataio 4? (tagai i vaefaamatalaga i le Mataio 4 atoa).

Tagai foi 1 Korinito 10:13; Alema 13:28; Mose 1:10–22; Gospel Topics, “Tofotofoga,” topics.ChurchofJesusChrist.org.

Luka 4:16–32

O Iesu Keriso o le Mesia na valoia.

Afai e fai atu se tasi ia te oe e faamatala po o le a le mea na auina mai Iesu Keriso i le lalolagi e fai, o le a lau tala? O le sii mai o se tasi o valoaga a Isaia e uiga i le Mesia, sa faamatala ai e le Faaola itu o Lana lava misiona (tagai Luka 4:18–19; Isaia 61:1–2). O le a le mea e te aoaoina e uiga i Lana misiona a o e faitauina nei fuaiupu?

O a nisi o auala ua valaaulia ai oe e le Faaola e auai i Lana galuega?

Ata

O Iesu o loo tu i totonu o se sunako

E ui ina sa faatalitali Iutaia mo seneturi i le faataunuuina o le valoaga a Isaia, ae toatele e lei taliaina o Iesu o le Mesia ina ua Ia tautino mai, “O le aso nei ua taunuu ai lenei tusi o outou o faalogologo ai” (Luka 4:21). A o e faitau i le Luka 4:20–30 (tagai foi i le Mareko 6:1–6), taumafai e tuu oe lava e sui ai tagata o Nasareta. Pe i ai lava se mea e ono taofia ai oe mai le taliaina atoatoa o Keriso e avea ma ou Faaola patino?

Tagai foi Mosaea 3:5–12; “Jesus Declares He Is the Messiah” (vitio), ChurchofJesusChrist.org.

Mataio 4:18–22; Luka 5:1–11

A ou faalagolago i le Alii, e mafai e Ia ona fesoasoani mai ia ou ausia o’u gafatia paia.

Na aoao mai Peresitene Ezra Taft Benson, “O alii ma tamaitai e liliu atu o latou olaga i le Atua o le a iloaina e mafai ona Ia faia le anoanoai o mea i o latou olaga nai lo mea latou te mafaia” (Aoaoga a Peresitene o le Ekalesia: Ezra Taft Benson [2014],48). Ia maitau na tupu lenei mea ia Simona Peteru ma ona uso a faifaiva. Sa vaaia e Iesu se mea e sili atu ia i latou nai lo mea na latou vaaia ia i latou lava. Sa finagalo o Ia ia fai i latou ma “faifaiva i tagata” (Matthew 4:19; tagai foi Luka 5:10).

A o e faitau i le Mataio 4:18–22 ma le Luka 5:1–11, mafaufau loloto po o le a se mea o loo fesoasoani Iesu Keriso ia avea ai oe. O a ni auala na e lagonaina ai Lona valaaulia o oe e mulimuli atu ia te Ia? E mafai faapefea ona e faaali atu i le Alii ua e naunau e lafoai mea uma ina ia mulimuli atu ai ia te Ia? (tagai Luka 5:11).

Ata

aikona o suesuega faaleaiga

Manatu mo Suesuega Faaleaiga o Tusitusiga Paia ma Afiafi Faaleaiga

Mataio 4:1–2; Luka 4:1–2.O a ni malamalamaaga e mafai ona tatou maua mai lenei tala e uiga i le mana o le anapogi? Ina ia fesoasoani i lou aiga e aoao e uiga i le anapogi, atonu e te faaaogaina le “Fasting and Fast Offerings” i le Gospel Topics (topics.ChurchofJesusChrist.org). E mafai e tagata o le aiga ona faasoa mai ni aafiaga na latou maua i le anapogi. Atonu e mafai ona faia tou faia ma le agaga tatalo ni fuafuaga e anapogi faatasi mo se faamoemoega patino.

Mataio 4:3–4; Luka 4:3–4.Ina ua faaosoosoina e Satani ia Keriso faaliliu se maa i le areto, sa ia luitauina le faasinomaga paia o Keriso i lona fai atu, “Afai o oe o le Alo o le Atua” (Mataio 4:3, ua faaopoopo le faatusilima). Aisea e taumafai ai Satani e faamasalosalo i tatou i o tatou faasinomaga paia—ma le [faasinomaga paia] o le Faaola? O faapefea ona ia taumafai e fai lenei mea? (Tagai foi Mose 1:10–23.)

Faaliliuga a Iosefa Samita, Mataio 4:11.Ina ua uma ona tofotofoina faaletino ma faaleagaga ia Iesu, sa liliu atu Ona mafaufauga i manaoga o Ioane le Papatiso, o le sa i le falepuipui: “O lenei foi sa silafia e Iesu ua lafoina Ioane i le falepuipui, ma sa ia auina atu agelu, ma, faauta, sa latou o mai ma auauna atu ia te ia [Ioane]” (Faaliliuga a Iosefa Samita, Mataio 4:11 [i le Mataio 4:11, vaefaamatalagaa O faapefea ona faamanuiaina i tatou a o tatou mulimuli i le faataitaiga a Keriso o le mafaufau i isi?

Luka 4:16–21.Pe tatou te iloa se tasi ua lotonutimomoia pe o se o manaomia ia “tuusaoloto”? (Luka 4:18). E mafai faapefea ona tatou fesoasoani i isi ia maua le faamalologa ma le tuusaolotoina e le Faaola? Atonu foi tou te talanoaina pe faapefea e le faatinoina o sauniga o le malumalu ona fesoasoani e aumaia le “tuusaolotoina o e faasauaina” (Luka 4:18).

Mo nisi manatu mo le aoaoina atu o le fanau, tagai i le otootoga o lenei vaiaso i le Sau, Mulimuli Mai ia te A’u—Mo le Peraimeri.

Suggested hymn: “.Mulimuli Mai ia te A’u,” Viiga, nu. 116.

Faaleleia o Lo Tatou Aoao Atu

Ola i le talalelei a Iesu Keriso. “Atonu o le mea aupito taua e mafai ona e faia o se matua po o se faiaoga] o le … ola i le talalelei ma lou loto atoa. … O le ala autu lea e agavaa ai mo le mafutaga a le Agaga Paia. E te le tau atoatoa, na o le taumafai ma le filiga—ma saili le faamagaloga e ala i le Togiola a le Faaola i soo se taimi e te tautevateva ai” (Aoao Atu i le Ala a le Faaola,13).