“Marso 6–12. Mateo 9–10; Marcos 5; Lucas 9: ‘Dagitoy Sangapulo-ket-dua nga Imbaon ni Jesus’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2023 (2022)
“Marso 6–12. Mateo 9–10; Marcos 5; Lucas 9,” Umaykayo, Sumurot Kaniak—Para kadagiti Indibidual ken Pamilia: 2023
Marso 6–12
Mateo 9–10; Marcos 5; Lucas 9
“Dagitoy Sangapulo-ket-dua nga Imbaon ni Jesus”
Nairanta a mangtulong kenka dagiti kapanunotan iti panagadal iti daytoy a balabala a mangsapul iti personal a kaipapanan kadagiti nasantuan a kasuratan. Nupay kasta, nasken a saan a dagitoy ti mangsukat iti bukod a paltiing a mabalin a maawatmo maipapan no ania dagiti binatog nga adalen wenno no kasano nga adalen dagitoy.
Isuratmo dagiti Impresionmo
Nadaras a naiwaras ti damag maipapan kadagiti milagro ti panagagas ni Jesus. Simmurot dagiti ummong Kenkuana, a mangnamnama iti pakabang-aran manipud kadagiti sakitda. Ngem idi kinita ti Mangisalakan dagiti ummong, nakitana ti ad-adda pay ngem kadagiti sakit ti bagida. Napno iti panangngaasi, nakitana “dagiti karnero nga awan ti pastorda” (Mateo 9:36). “Adu ti anien,” napaliiwna, “ngem bassit dagiti agani” (Mateo 9:37). Isu nga inayabanna dagiti sangapulo-ket-dua nga Apostol, “Inikkanna ida iti pannakabalin,” ken imbaonna ida a mangisuro ken agministro kadagiti “napukaw a karnero iti balay ti Israel” (Mateo 10:1, 6). Iti agdama dakkel ti panagkasapulan para iti ad-adu pay nga agtrabaho tapno agserbi kadagiti annak ti Nailangitan nga Ama. Adda pay laeng dagiti sangapulo-ket-dua nga Apostol, ngem ad-adu pay ti disipulo ni Jesucristo ngem idi—tattao a makaipakdaar iti sangalubongan, “Ti pagarian ti langit dimtengen” (Mateo 10:7).
Dagiti Kapanunotan para iti Bukod a Panagadal iti Nasantuan a Kasuratan
“Saan nga agbuteng, mamati laeng.”
Idi umuna a kiniddaw ni Jairo ken Jesus nga agasanna ti anakna a babai, nga “agngangabiten a matay,” nagsao ni Jairo a sidadaras ngem sinanama: “Umayka ket ipataymo ti imam kenkuana, … ket agbiagto” (Marcos 5:23). Ngem idi napanda, imbaga ti mensahero ken ni Jairo a naladaw unayen: “Natayen ti anakmo: apay a riribukem pay laeng ti Maestro?” (bersikulo 35). Kasta met a, mabalin a kasla naladawen unay para iti babai a nailadawan iti Mark 5:25–34, a nagsagaba iti sakit iti uneg ti 12 a tawen.
Bayat ti panangbasam kadagitoy a pakaammuan, mabalinmo ti mangpanunot kadagiti banag nga agkasapulan iti panangpaimbag iti biagmo wenno ti pamiliam—agraman dagiti banag a mabalin a kasla “agngangabiten a matay” wenno naladaw unayen para iti pannakaagas. Ania ti makaawis iti riknam maipapan iti panangipeksa iti pammati kadagitoy a pakaammuan? Kitaen pay no ania ti kuna ni Jesus iti babai ken ni Jairo. Ania ti mariknam nga ibagbagana kenka?
Kitaen met iti Lucas 8:41–56; Russell M. Nelson, “Drawing the Power of Jesus Christ into Our Lives,” Liahona, Mayo 2017, 39–42; Teachings of Presidents of the Church: Gordon B. Hinckley (2016), 333–42.
Agtalek iti Apo, ni Liz Lemon Swindle
Ikkan ti Apo dagiti katulonganna iti bileg a mangaramid iti trabahona.
Ti panangiwanwan nga inted ni Jesus iti Mateo 10 kadagiti Apostolna mabalin a maaramat met kadatayo, gapu adda pasettayo amin iti aramid ti Apo. Ania a pannakabalin nga inted ni Cristo kadagiti Apostolna tapno makatulong kadakuada a mangipatungpal iti misionda? Kasano a mairanudka iti pannakabalinna iti aramid a nakaawagam nga aramiden? (Kitaen met iti 2 Taga Corinto 6:1–10; Doktrina ken Katulagan 121:34–46).
Bayat ti panangbasam iti komision nga inted ni Cristo kadagiti Apostolna, mabalin a makaawatka kadagiti impresion maipapan iti aramid a kayat ti Apo nga aramidem. Maysa a tsart a kas iti sumaganad ti makatulong kenka a mangurnos kadagiti kapanunotam:
|
Dagiti Impresion a maawatko | |
|
Nangted ti Mangisalakan iti pannakabalin kadagiti disipulona. |
Ikkannak ti Dios iti pannakabalin a kasapulak a mangaramid iti trabahok. |
Kitaen met iti Marcos 6:7–13; Pagannurotan ti Pammati 1:6; Pangiwanwan iti Nasantuan a Kasuratan, “Apostol”; “Jesus Calls Twelve Apostles to Preach and Bless Others” (video), ChurchofJesusChrist.org.
No addaak iti panagserbi iti Apo, paregtaennakto no ania ti isaok.
Nasirmata ti Apo a maidadanes ken mapagduduaanto dagiti disipulona maipapan ti pammatida—maysa a banag a maipada iti no ania ti mabalin a mapasaran dagiti disipulo iti agdama. Ngem inkarina kadagiti disipulo a maammuandanto babaen ti Espiritu no ania ti isaoda. Naaddaankayo kadin iti padpadas idi naipatungpal iti biagmo daytoy nadiosan a kari, nalabit idi imburaymo ti pammaneknekmo, idi nangtedka iti maysa a bendision, wenno iti pannakisarsaritam iti maysa a tao? Ibilangmo ti panangibinglay kadagiti padasmo iti maysa nga ipatpategmo wenno panangisuratmo dagitoy iti maysa a journal. Ania ti mariknam a makaparegta nga aramidem tapno maaddaanka kadagiti kasta a padas iti ad-adda a masansan?
Kitaen met iti Lucas12:11–12; Doktrina ken Katulagan 84:85.
Ania ti kayat a sawen ni Jesus iti “saanak nga immay mangiwara iti talna, no di ket kampilan”?
Insuro ni Elder D. Todd Christofferson: “Agtalekak nga adda kadakayo ti nailaksid ken impuera dagiti amma ken innayo, kakabsat a lallaki ken babbai idi inawatyo iti ebanghelio ni Jesucristo ken simrek iti katulaganna. Iti maysa wenno sabali a wagas, kasapulan iti natan-ok a panagayatmo ken ni Cristo ti panangisakripisio kadagiti relasion a napateg kadakayo, ken nagarubos ti adu a luam. Ngem addaan iti bukodmo nga ayat a di agmawmaw, kimpetka a di nagsarday iti baba daytoy a krus, a mangipakpakita iti bagim a saan a mangibain iti Anak ti Dios” (Finding Your Life,” Ensign, Mar. 2016, 28).
Daytoy a kinatallugod a mangpukaw kadagitoy maipatpateg a relasion tapno sumurot iti Mangisalakan nga addaan iti kari nga “isu a makapukaw iti biagna gapu kaniak masarakannanto” (Mateo 10:39).
Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening
-
Marcos 5:22–43.Bayat ti aggigiddan a panagbasa ti pamiliam iti daytoy nga estoria, mabalinmo ti agsardeng tapno agsaludsod kadagiti miembro ti pamilia no kasano ti mariknada no isuda koma da Jairo, ti babai, ken dadduma pay a tao iti estoria. Mabalinmo pay nga ipakita dagiti ladawan ti estoria, dagiti templo, kas kadagiti naikadua iti daytoy a balabala. Kasano nga ipakita dagitoy a ladawan ti pammati dagiti tao kadagiti estoria? (Kitaen met kadagiti video “Jesus Raises the Daughter of Jairus,” ken “Jesus Heals a Woman of Faith” iti ChurchofJesusChrist.org.) Mabalinmo pay nga ibilang ti sumagmamano a karit a pakaipasanguan ti pamiliam. Kasano a mayaplikartayo dagiti balikasna, “Saan nga agbuteng, mamati laeng”? (Marcos 5:36).
-
Mateo 10:39; Lucas 9:23–26.Ania ti kayat a sawen ti “mapukaw” ti biagtayo ken “masarakan” daytoy? (Mateo 10:39). Nalabit a mabalin nga ibinglay dagiti miembro ti klase dagiti padas a mangipakita kadagiti pannursuro ni Jesus kadagitoy a bersikulo.
-
Mateo 10:40.Kamusta ti ar-aramidem ken ti pamiliam iti panangawat ken panangsurot iti balakad dagiti Apostol iti agdama nga aldaw? Kasano a ti panagtungpaltayo iti balakadda ket ad-adda a mangyasideg kadatayo ken ni Jesucristo?
-
Lucas 9:61–62.Ania ti kayat a sawen ti tumaliaw iti likudan kalpasan a naigganantayon ti arado? Apay a daytoy a galad ti mangaramid a saantayo a maitutop iti pagarian ti Dios?
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Naisingasing a himno: “When Faith Endures,” Hymns, no. 128.
Panangpadur-as iti Bukod a Panagadal
Dumngeg iti Espiritu. Bayat ti panagadalmo, ikasom dagiti pampanunotmo ken riknam (kitaen iti Doktrina ken Katulagan 8:2–3), uray no kasla saan a mainaig dagitoy iti no ania ti basbasaem. Mabalin a dagita nga impresion ti mismo a kayat ti Dios a maammuam ken aramidem.
Talitha Cumi, ni Eva Koleva Timothy