rijerbal ro ilo jikin kallūb eo

Māe 8–14

Matu 19–20; Mark 10; Luk 18

“Ewi Men Eo Ijan̄in Tōpare”

Riit im kejokļo̧kijeņ Matu 19–20; Mark 10; im Luk 18, lukkuun lale im̧we ko kwonaaj bōki. Kōm̧m̧an am̧ noot kōn im̧we ko, im ļōmņak ekōjkan am̧ naaj kōm̧m̧ani.

Je En̄jake ko Rej Im̧we Eok

Eļan̄n̄e enkar wōr juon am̧ iien em̧m̧an n̄an kajjitōk ippān Rilo̧mo̧o̧r juon kajjitōk, enkar ta kajjitōk eo? Ke juon likao em̧weie ej kab kar tōn ioone Rilo̧mo̧o̧r, ekar kajjitōk, “ewi men eo eṃṃan Inaaj kōṃṃane bwe en aō mour indeeo?” Matu 7:12 Uwaak eo an Rilo̧mo̧o̧r ej jim̧ōr kwaļo̧k kam̧oolol kōn men ko rem̧m̧an likao eo ekar kōm̧m̧ani im kōketak ilo iakwe n̄an kōm̧m̧an eļapļo̧k. N̄e jej kejokļo̧kijeņ kōn maron̄ eo n̄an bōk mour indreeo, jemaron̄ ļōmņak eļan̄n̄e ewōr men eļapļo̧k jej aikuj kōm̧m̧ane. N̄e jej kajjitōk, ilo jekjek ko ad make, “Ewi men eo Ijan̄in tōpare” (Matu 19:20), Irooj emaron̄ letok n̄an kōj uaak ko me rej iookļo̧k kōj make āinwōt kar uwaak eo An n̄an likao eo em̧weie. Jabdewōt men eo Irooj ej kajjitōk ippād n̄an kōm̧m̧ane, ilo ad ļoore uwaak eo An enaaj iien otemjej aikuji bwe jen lōke E eļapļo̧k jān jim̧we eo ilo kōj make (lale Luk 18:9–14) im bwe jen “bōk aelōn̄ in Anij āinwōt juon ajri e dik” (Luk 18:17; bar lale 3 Nipai 9:22).

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Matu 19:3–9; Mark 10:2–12

M̧are eo ikōtaan juon em̧m̧aan im juon kōrā ej ekkapit jān Anij.

Leto letak in ikōtaan Rilo̧mo̧o̧r im Parisi ro ej juon iaan iien ko reiet kar jeiki kōn an Rilo̧mo̧o̧r kar katakin kōn m̧are. Ālkin riiti Matu 19:3–9 im Mark 10:2–12, kōm̧m̧ane juon laajrak in jet kōmeļeļe ko me kwoj ļōmņak rej kōmeļeļeik ilo tukadu in wāween an Irooj kalimjōk m̧are. Innem katak jejjo kein jipan̄ ko loi ilo “Marriage” (Gospel Topics, topics.ChurchofJesusChrist.org), im kanne waj kōmeļeļe ko rellōn̄ļo̧k n̄an laajrak eo am̧. Ekōjkan an jeļaļo̧kijeņ eo am̧ kōn karōk in lo̧mo̧o̧r eo an Jemed jelōt wāween am̧ ļōmņak im en̄jake kōn m̧are?

Matu 19:3–9; Mark 10:2–12

Jisōs ekar ke katakin bwe jepel ejjab ekkar ak bwe armej ro rejepel rejjab aikuj bar m̧are?

Ilo juon ekōnono kōn jepel, Būreejtōn Dallin H. Oaks ekar katakin bwe Jemedwōj Ilan̄ ekar karōke bwe jemjerā in m̧are ko ren n̄an indeeo. Ijoke, Anij emeļeļe bwe jepel ej menin aikuj jet iien. Būreejtōn Oaks ekar kōmeļeļeik bwe Irooj “ej kōtļo̧k bwe armej ro rej jepel n̄an m̧are bar juon alen ilo aer jab etoon ilo mour in kar kalikkar ilo kien eo euitiejļo̧k. Ijjelo̧kin wōt n̄e juon membōr ejepel ekar kōm̧m̧ane juon jerawiwi eļap, ļeo ak lio emaron̄ ekkar n̄an juon peba in mālin an tampeļ im̧win ejja jon̄ak in erreo eo me ej iookļo̧k membōr ro jet” (“Divorce,” Liaona, Māe 2007, 70).

Matu19:16–22; Mark 10:17–22; Luk 18:18–23

Eļan̄n̄e ij kajjitōk ippān Irooj, E enaaj katakin eō ta eo ij aikuj kōm̧m̧ane n̄an bōk mour indeeo.

Bwebwenato in likao eo em̧weie emaron̄ juon kabbōjrak n̄an aaet em̧ool ro retiljek, rikaļoor ro indeeo. Ilo am̧ riiti Mark 10:17–22, ta menin kam̧ool eo kwoj loe ilo tiljek im m̧ool in kōņaan eo an likao in? Ekōjkan en̄jake eo an Irooj n̄an likao in?

Bwebwenato in emaron̄ ke im̧weik eok n̄an kajjitōk, “Ewi men eo Ijan̄in tōpare” (Matu 19:20). Ekōjkan an Irooj jipan̄ kōj kōm̧m̧an n̄an tōpare men eo jejjan̄in tōpare (lale Ether 12:27). Ta eo jemaron̄ kōm̧mane n̄an kōpooj kōj make n̄an bōk kajjim̧we jān E im jipan̄ kōj ilo ad kappukot n̄an em̧m̧anļo̧k?

Bar lale Larry R. Lawrence, “What Lack I Yet?,” Liaona, Nob. 2015, 33–35; S. Mark Palmer, “Then Jesus Beholding Him Loved Him,” Liaona, Māe 2017, 114–16.

Matu 20:1–16

Aolep remaron̄ bōk kōjeraam̧m̧an in mour indeeo, jekdoon n̄āāt eo rej bōk gospel in.

Komaron̄ ke iookļo̧k menin rijerbal ro ilo jikin kallūb eo rekar ioone? Ta katak kwoj loe n̄an eok make ilo bwebwenato in? Katak eo an Elder Jeffrey R. Holland “The Laborers in the Vineyard” (Liaona, Māe 2012, 31–33) emaron̄ jipan̄ eok loe wāween ko rekāāl n̄an ļoor waanjon̄ak in. Ta im̧we ko jet Jetōb ej lewaj n̄an eok?

em̧m̧aan eo ettā im Parisi eo

Riukweļo̧k eo im Riparisi eo Ewānōk rej pād ilo Tampeļ, jān Frank Adams

Luk 18:9–14

Ij aikuj lōk tūriam̧o an Anij, jab erreo eo aō make.

Ekōjkan am̧ naaj kōmeļeļeik ilo tukadu in oktak ko ikōtaan jar kein ruo ilo waanjo̧n̄o̧k in? Kejokļo̧kijeņ kōn ta eo konaaj en̄jake ke kwoj aikuj kōm̧m̧ane n̄an erom̧ eļapļo̧k āinwōt rikōm̧m̧an kien eo ilo bwebwenato in im dikļo̧k am̧ āinwōt riparisi eo.

Bar lale Pilippai 4:11–13; Alma 31:12–23; 32:12–16.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Mark 10:13–16; Luk 18:15–17.N̄an jipan̄ ro uwaan baam̧le eo kejokļo̧kijeņ kōn bwebwenato in ilo eoon kein, komaron̄ al ippān doon juon al eo ej iookļo̧k, eo āinwōt “I Think When I Read That Sweet Story” (Children’s Songbook, 56). Ta eo emaron̄ in kar āinwōt n̄an ped ilubwilijen ajri ro Jisōs ekar kōjeram̧m̧an er? Ta meļeļein nej kar n̄an “bōk aelōñ in Anij āinwōt juon ajri e dik”? (Mark 10:15).

Mark 10:23–27.Ta oktak eo ikōtaan wōr m̧weik ko im lōke ilo m̧weik ko? (lale Mark 10:23–24). Ilo am̧ riiti eoon 27, komaron̄ kōņaan kwaļo̧k jān Ukok eo an Josep Smith: “With men that trust in riches, it is impossible; but not impossible with men who trust in God and leave all for my sake, for with such all these things are possible” (Joseph Smith Translation, Mark 10:26 [in Mark 10:27, footnote a]). Āinwōt juon baam̧le, ekōjkan ad kwaļo̧k bwe jej lōke Irooj eļapļo̧k jān m̧weik ko?

Matu 20:1–16.N̄an kōmeļeļeik pedped in katak ko ilo Matu 20:1–16, komaron̄ kōm̧m̧ane juon iien compete, ko āinwōt juon aikoj ekadu. Ālikin an aolep kadedelok compete eo, nebar aolep kōn ejjab prize eo wōt, ijjinoe ippān armej eo ekar m̧ōj āliktata im jem̧lo̧k ippen armej eo ekar m̧ōj jinountata. Ta in menin ej katakin kōn ro rej bōk kōjeram̧m̧an ko in mour indeeo ilo karōk eo an Jemedwōj Ilan̄?

Matu 20:25–28; Mark 10:42–45.Ta meļeļein ennaan in “jabdewōt eo e kōṇaan bwe en ṃokta iaami, en ri karijerami”? (Matu 20:27). Ekōjkan an Jisōs Kraist juon waanjon̄o̧k in pedped in katak in? Ekōjkan ad maron̄ ļoor waanjon̄o̧k eo an ilo baam̧le ko ad, ilo ward ko ad ak branch ko, im ilo jukjuk in ped ko?

Luk 18:1–14.Ta eo jemaron̄ ekkatak kōn jar jān waanjon̄o̧k kein ruo ilo eoon kein?

N̄an ļōmņak ko reļļōņļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakoe: “Dearest Children, God Is Near You,” Hymns, no. 96.

Kōkm̧anm̧anļo̧k Ekkatak Ippem̧ Make

Pukōt juon iien me emeļak n̄an kwe. Ekkā an pidodo n̄an ekkatak n̄e komaron̄ ekkatak jān jeje ko rekwojarjar ilo an ejjeļo̧k kabōņōņō. Pukōt juon iien eo emeļak n̄an eok, im kōm̧m̧an jon̄an wōt am̧ maron̄ n̄an ekkatak emakijkij ilo iien ņe kajjojo raan.

Kraist im likao eo em̧weie

Christ and the Rich Young Ruler, jān Heinrich Hofmann