Mayo 8–14

Mateo 19–20; Marcos 10; Lucas 18

“Ania Pay ti Pagkurangak?”

Basaen ken utoben ti Mateo 19–20; Marcos 10; ken Lucas 18, nga ikaskasom dagiti parikna [promptings] a maawatmo. Isurartmo dagita a parikna, ken ikeddengmo no kasano nga agtignaykanto kadagitoy.

Isuratmo dagiti Impresionmo

No addaanka iti gundaway nga agsaludsod iti Mangisalakan, ania koma daytoy? Idi makita ti maysa a baknang nga agtutubo a lalaki ti Mangisalakan iti umuna a gundaway, sinaludsodna, “Ania ti naimbag nga aramidekto, tapno maaddaannak iti biag nga agnanayon?” (Mateo 19:16). Impakita ti sungbat ti Mangisalakan ti agpada a panangbigbig iti pateg kadagiti nasayaat a bambanag nga inaramiden ti agtutubo a lalaki ken napnuan ayat a pammaregta nga agaramid iti ad-adu pay. No utobentayo ti posibilidad nga adda biag nga agnanayon, mabalin a masdaawtayo no ad-adu pay ti nasken nga aramidentayo. No saludsodentayo, iti bukodtayo a wagas: “Ania pay ti pagkurangak?” (Mateo 19:20), masungbatannatayo ti Apo iti personal a kas met laeng iti sungbatna iti nabaknang nga agtutubo a lalaki. Ania man ti dawaten ti Apo nga aramidentayo, nga agtignaytayo iti sungbatna kanayon nga agkasapulanto nga agtalektayo Kenkuana nga ad-adda pay ngem iti bukodtayo a kinalinteg (kitaen iti Lucas 18:9–14) ken tapno “umawattayo iti pagarian ti Dios a kas maysa nga ubing” (Lucas 18:17; kitaen met iti 3 Nephi 9:22).

Dagiti Kapanunotan para iti Bukod a Panagadal iti Nasantuan a Kasuratan

Mateo 19:3–9; Macos 10:2–12

Inordenan ti Dios ti kallaysa ti maysa a lalaki ken maysa a babai.

Daytoy a panagsarita ti Mangisalakan ken dagiti Fariseo ti maysa kadagiti manmano a naisurat a pasamak a nangisuruan ti Mangisalakan nangnangruna ti maipapan iti kallaysa. Kalpasan ti panangbasam iti Mateo 19:1–9 ken Marcos 10:1–12, ilistam ti sumagmamano a palawag a mariknam a manggupgop kadagiti panirigan ti Apo iti kallaysa. Kalpasanna adalem ti sumagmamano kadagiti resources a masarakan iti “Marriage” (Gospel Topics, topics.ChurchofJesusChrist.org), ken mangnayon iti ad-adu pay a palawag iti listaam. Kasano a ti pannakaammom iti plano ti Ama iti pannakaisalakan apektuanna ti wagas a panagpanunotmo ken panagriknam maipapan iti kallaysa?

Mateo 19:3–9; Macos 10:2–12

Insuro kadi ni Jesus a di kaano man anamongan ti diborsio wenno nasken a saan nga agkallaysa manen dagiti nagdiborsio a tao?

Iti maysa a mensahena maipapan iti diborsio, insuro ni Presidente Dallin H. Oaks a panggep ti Ama a Nailangitan nga agbalin nga agnanayon ti relasion iti panagasawa. Nupay kasta, maawatan met ti Dios a no dadduma kasapulan ti diborsio. Inlawlawag ni Presidente Oaks a ti Apo “palugodanna a makikallaysa manen dagiti nagdiborsio a tao nga awanan iti mulit ti imoralidad a nadakamat iti nangatngato a linteg. No la ketdi saan a nakaaramid ti nagdiborsio a miembro kadagiti nadagsen a panaglabsing, mabalin isuna a maikari iti temple recommend babaen kadagiti isu met la a pagrukodan ti pannakaikari a mayaplikar iti dadduma pay a miembro” (“Divorce,” Liahona, Mayo 2007,70).

Mateo 19:16–22; Marcos 10:17–22; Lucas 18:18–23

No saludsodek ti Apo, isuronanto kaniak no ania ti kasapulan nga aramidek tapno agtawid iti agnanayon a biag.

Ti pakaammuan maipapan iti nabaknang nga agtutubo a lalaki makaited iti gapu ti pakaseknan uray pay iti napudno, ken nabayagen a disipulo. Bayat ti panangbasam iti Marcos 10:17–22, ania ti pakakitaan a masarakam iti kinapudno ken sinseridad ti agtutubo a lalaki? Kasano ti narikna ti Apo iti daytoy nga agtutubo a lalaki?

Mabalin a guyugoyennaka daytoy a pakaammuan tapno agsaludsod, “Ania pay ti pagkurangak?” (Mateo 19:20). Kasano a tulongannatayo ti Apo a mangpunno iti pagkurangantayo? (kitaen iti Ether 12:27). Ania iti maaramidtayo tapno maisagana dagiti bagitayo nga umawat iti panagaturna ken tulongannatayo no agkalikagumtayo a mapasayaat?

Kitaen met iti Larry R. Lawrence, “What Lack I Yet?,” Liahona, Nob. 2015, 33–35; S. Mark Palmer, “Then Jesus Beholding Him Loved Him,” Liahona, Mayo 2017, 114–16.

Mateo 20:1–16

Makaawat ti tunggal maysa iti bendision ti biag nga agnanayon, malaksid no awatenda ti ebanghelio.

Mabalinmo kadi nga inaig iti biagmo iti padas ti asino man kadagiti mangmangged iti kaubasan? Ania dagiti adalen a masarakam para iti bagim iti daytoy a binatog? Ti mensahe ni Elder Jeffrey R. Holland “The Laborers in the Vineyard” (Liahona, Mayo 2012, 31–33) ti makatulong kenka a mangkita kadagiti baro a wagas a pakayaplikaran daytoy a pangngarig. Ania dagiti nayon a parikna nga ited ti Espiritu kenka?

Ti Agbabbabawi a Publikano ken ti Managinsisingpet a Fariseo iti Templo, ni Frank Adams

Lucas 18:9–14

Nasken nga agtalekak iti asi ti Dios, saan nga iti bukodtayo a kinalinteg.

Kasano a gupgopem dagiti pagdumaan ti dua a kararag iti daytoy a pangngarig? Utobem no ania ti mariknam a nasken nga aramidem tapno agbalin nga ad-adda ngem iti publikano iti daytoy nga estoria ken nababbaba kas iti Fariseo.

Kitaen met iti Taga Filipos 4:11–13; Alma 31:12–23; 32:12–16.

Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening

Marcos 10:13–16; Lucas 18:15–17.Tapno matulongan dagiti miembro ti pamilia a mangutob iti pakaammuan kadagitoy a bersikulo, mabalinyo nga aggigiddan a kantaen ti mainaig a kanta, kas iti “I Think When I Read That Sweet Story” (Children’s Songbook, 56). Ania koma ti kayarigan ti maibilang kadagiti ubbing a binendisionan ni Jesus? Ania ti kayat a sawen ti “umawat iti pagarian ti Dios kas maysa a bassit nga ubing”? (Marcos 10:15).

Marcos 10:23–27.Ania ti pagdumaan ti kaadda dagiti kinabaknang ken panagtalek kadagiti kinabaknang? (kitaen iti Marcos 10:23–24). Bayat ti panangbasam iti bersikulo 27, mabalin a kayatmo nga ilawlawag ti Patarus ni Joseph Smith: “Kadagiti tao nga agtalek kadagiti kinabaknang, saan a mabalin daytoy; ngem saan a di mabalin kadagiti tao nga agtalek iti Dios ken mangpanaw iti amin para iti pagimbagak, iti kasta amin dagitoy a bambanag ket mabalin” (iti Marcos 10:27, footnote a]). Kas maysa a pamilia, kasano nga ipakpakitatayo nga agtalektayo iti Dios nga ad-adda ngem kadagiti material a banag?

Mateo 20:1–16.Tapno mailadawan dagiti pagbatayan iti Mateo 20:1–16, mabalin a mangangayka iti maysa a simple a salisal, kas iti ababa a linnumbaan. Kalpasan a maileppas ti tunggal maysa ti salisal, ikkan ti tunggal maysa ti agpapada a premio, a mangrugi iti tao a naudi a nakalpas ken igibus iti tao nga immuna a nakalpas. Ania ti isuro daytoy kadatayo maipapan iti no asino ti umawat kadagiti bendision ti agnanayon a biag iti plano ti Nailangitan nga Ama?

Mateo 20:25–28; Marcos 10:42–45.Ania ti kaipapanan ti ragup ti balikas a “siasino man nga agayatto nga isu ti umuna kadakayo, isunto ti adipenyo”? (Mateo 20:27). Kasano nga impagwadan ni Jesucristo daytoy a pagbatayan? Kasano a masurottayo ti pagwadanna iti pamiliatayo, iti ward wenno branchtayo, ken iti sangakarrubaantayo?

Lucas 18:1–14.Ania ti masursurotayo maipapan iti kararag manipud iti dua a pangngarig kadagitoy a bersikulo?

Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.

Naisingasing a himno: “Dearest Children, God Is Near You,” Hymns,, no. 96.

Panangpadur-as iti Bukod a Panagadal

Mangsapul iti oras a mayannatup para kenka. Masansan a kalakaan ti agsursuro no makapagadalka kadagiti nasantuan a kasuratan a saanka a masingsinga. Mangsapul iti oras a mayannatup para kenka, ken aramidem ti amin a kabaelam nga agtultuloy nga agadal iti dayta nga oras iti tunggal aldaw.

Ni Cristo ken ti Nabaknang nga Agtutubo nga Agturay, ni Heinrich Hofmann