Zache sou pyebwa Sycamore la, James Tissot

15–21 Me.

Matye 21–23; Mak 11; Lik 19–20; Jan 12

“Gade, Wa W la Ap Vini”

Anvan w li ide yo ki nan plan sa a, li Matye 21–23; Mak 11; Lik 19–20; ak Jan 12. Ekri enpresyon w yo pou w ka pataje yo avèk fanmi ou obyen nan klas ou nan Legliz la.

Ekri enpresyon ou

Sovè a te grangou apre l te vin vwayaje soti Betani pou l t al Jerizalèm, epi yon pye figye byen lwen te sanble yon sous nouriti. Men, lè Jezi te rive bò kot pyebwa a, li te wè l pa t gen okenn fwi (gade Matye 21:17–20; Mak 11:12–14,20). Nan yon fason, pye figye a te tankou dirijan relijye ipokrit nan Jerizalèm yo: ansèyman vid yo ak manifestasyon eksteryè yo pa t gen okenn nouriti espirityèl. Farizyen yo ak doktè lalwa yo te sanble yo t ap kenbe anpil kòmandman men yo te rate de nan pi gwo kòmandman yo: renmen Bondye ak renmen pwoche w menmjan ak pwòp tèt ou a (gade Matye 22:34–40; 23:23).

Pa kontras, anpil moun te kòmanse rekonèt bon fwi nan ansèyman Jezi yo. Lè l te rive Jerizalèm, yo te akeyi li avèk branch yo te koupe nan pyebwa pou yo te ka mete sou tout chemen l t ap pase a, pandan yo t ap rejwi dèske pwofesi yo te predi depi lontan an te rive anfen: “Wa w la vini” (Zakari 9:9). Pandan w ap li semèn sa a, panse sou fwi ansèyman ak sakrifis ekspyatwa Sovè a pote nan lavi ou ak sou fason ou ka pote “anpil plis fwi” (Jan 12:24).

Ide pou Etid Ekriti Pèsonèl

Lik 19:1–10

Senyè a pa jije selon aparans eksteryè men li jije daprè dezi kè nou.

Nan epòk Jezi a, anpil moun te sipoze ke pibliken yo, oswa kolektè taks yo, sete moun malonèt epi yo t ap vòlè moun. Konsa, paske Zache, chèf pibliken an te rich, li te petèt pi sispèk toujou. Men Jezi te gade kè Zache. Kisa Lik 19:1–10 revele sou kè Zache? Ou gen dwa note pawòl ki nan vèsè sa yo ki dekri kisa Zache te fè pou l te montre devosyon l pou Senyè a. Ki dezi k nan kè ou? Kisa w fè pou w chèche Sovè a, jan Zache te fè a?

Gade tou nan Doktrin ak Alyans 137:9.

Matye 23; Lik 20:45–47

Jezi kondane ipokrizi.

Konvèsasyon Sovè a avèk doktè lalwa yo ak Farizyen yo ofri yon kontras enteresan nan konvèsasyon l avèk Zache a. Jan Prezidan DieterF. Uchtdorf te eksplike: “[Jezi] te mete l gen yon kòlè jistifye kont ipokrit tankou doktè lalwa yo, Farizyen yo, ak Sadiseyen yo—moun ki t ap eseye parèt jis pou yo te ka resevwa lwanj, enfliyans, ak richès mond lan, pandan yo t ap oprime pèp la yo te dwe fè byen an” (“Se pou nou vrè,” Liahona, Me 2015,81).

Nan Matye 23, Sovè a te itilize plizyè metafò pou l dekri ipokrizi. Panse pou w make oubyen fè lis metafò sa yo epi note kisa yo anseye sou ipokrizi. Ki diferans ki genyen ant ipokrizi ak feblès imen ke nou tout ap konfwonte pandan n ap eseye viv levanjil la? Kisa w santi w enspire pou w fè diferamman akoz ansèyman Sovè a bay yo?

Gade tou nan Diksyonè Bib la, “Ipokrit”

Matye 21:1–11; Mak 11:1–11; Lik 19:29–44; Jan 12:12–16

Jezikri se Wa mwen.

Lè Jezi te rive nan Jerizalèm, sèlman kèk jou anvan L te akonpli Sakrifis Ekspyatwa Li a, moun ki te rekonèt li kòm Wa yo te fè onksyon pou Li pou montre devosyon yo. yo te mete rad ak branch palmye sou chemen Li nan antre Jerizalèm, epi yo te chante louwanj. Reflechi sou kijan referans sa yo ka apwonfondi konpreyansyon ou sou evenmen ki te kòmanse nan dènye semèn lavi Sovè a.

• Yon ansyen egzanp onksyon pou yon wa: 2 Wa 9:1–13

• Yon ansyen pwofesi sou antre triyonfal la: Zakari 9:9

• Siyifikasyon mo ozana: “Ozana” nan Gid pou Ekriti yo (scriptures.ChurchofJesusChrist.org)

• Pwofesi sou kijan Sovè a ap vini ankò: Revelasyon 7:9–1019:11–16

Kijan w ka resevwa Sovè a kòm Senyè ou ak Wa ou?

Gade totu nan Gerrit W. Gong, “Ozana ak Alelouya—Jezikri ki Vivan an: Kè Restorasyon an ak Pak la,” Lyawona, Me 2020, 52–55; “Antre Triyonfal Senyè nan Jerizalèm” (video), ChurchofJesusChrist.org.

Matye 22:34–40

De gran kòmandman yo se renmen Bondye ak renmen lòt moun menmjan mwen renmen tèt mwen.

Si w janm konn santi w depase pandan w ap eseye suiv Jezikri a, pawòl Sovè a te di doktè lalwa yo nan Matye 22 a ka ede w senplifye ak resantre lavi disip ou. Men yon fason w ka fè sa: Fè lis plizyè nan kòmandman Senyè a bay yo. Kijan chak nan eleman sou lis ou a konekte avèk de gran kòmandman yo? Nan ki fason konsantre sou de gran kòmandman yo ka ede w kenbe lòt yo?

Ide pou Etid Ekriti Familyal ak Sware Familyal

Matye 21:12–14.Kouman pawòl ak aksyon Jezi nan Matye 21:12–14 montre fason Li santi L konsènan tanp la? Kouman nou montre fason nou santi nou konsènan tanp la? Kisa nou ka “chase” (vèsè 12) nan lavi nou pou fè fwaye nou vin plis tankou tanp la? Chante yon chan sou tanp avèk timoun yo, tankou “Oh, j‘aime voir le templeChants pour les enfants, 99).

Matye 21:28–32.Ki leson nan parabòl mesye ki te gen de pitit gason an ki ka ede fanmi w? Paregzanp, ou gen dwa itilize istwa a pou diskite sou enpòtans obeyisans ak repantans sensè. Petèt fanmi w ta ka ekri yon pyès pou jwe wòl parabòl la epi pran tan pou yo chak jwe diferan pèsonaj.

Matye 22:15–22; Luke 20:21–26.Timoun yo ta ka kontan fè ti desen lajan monnen avèk “imaj ak non” Jezi trase sou yo. Yo ta ka ekri sou do lajan monnen yo kèk nan “bagay ki pou Bondye” (Matye 22:21) ke nou ba Li. Ou ta ka pale tou sou kisa sa vke dipou nou gen “imaj ak enskripsyon” sou nou (Matye 22:20; gade tou nan Mozya 5:8; Alma 5:14).

Jan 12:1–8.Ki fason Mari te montre amou li pou Sovè a? Nan ki fason nou montre amou nou pou li?

Lave pye Jezi, pa Brian Call

Jan 12:42–43.Ki konsekans sosyal ki pafwa dekouraje nou pou anpeche nou eksprime oubyen defann kwayans nou nan Kris la? Pou egzanp sou moun ki pa t vle sede anba presyon sosyal, gade nan Danyèl 1:3–20; 3; 6; Jan 7:45–53; 9:1–38; ak Mozya 17:1–4. Kijan nou ka montre respè pou lòt moun lè yo eksprime oubyen defann kwayans relijye yo?

Pou plis ide pou anseye timoun yo, gade plan leson semèn sa a nan Vini, Suiv Mwen—Pou Primè a.

Kantik yo sijere: “Hosanna au Grand Roi!,” Cantiques, no. 34.

Amelyore ansèyman nou

Itilize bagay atistik pou fè manm fanmi w patisipe. “Nan Liv Ilistrasyon Levanjil la ak Medyatèk Levanjil la nan ChurchofJesusChrist.org gen anpil ilistrasyon ak videyo ki ka ede [fanmi ou] vizyalize konsèp yo oubyen evenman yo” (Anseye nan fason Sovè a,22).

Antre Triyonfal, Walter Rane