tamaloa i luga o se laau a o latalata atu Iesu

Sakaio i luga o le Laau o le Sukamoro, saunia e James Tissot

15–21 Me

Mataio 21–23; Mareko 11; Luka 19–20; Ioane 12

“Faauta, e Afio Mai Lou Tupu”

A o le i faitauina manatu o i lenei otootoga, faitau le Mataio 21–23; Mareko 11; Luka19–20; ma le Ioane 12. Tusifaamaumau lagona uuna‘i e mafai ona e fa‘asoa i lou aiga po o au vasega i le Lotu.

Tusifaamaumau Ou Lagona Uuna‘i

Sa fia taumafa le Faaola ina ua tuana‘i le malaga mai Petania i Ierusalema, ma sa i ai se laau o le mati na vaaia ma sa foliga mai o le a maua ai se meaai. Peitai ina ua oo atu Iesu i le laau, sa ia maua ai e leai se fua (tagai Mataio 21:17–20; Mareko 11:12–14,20). I se isi itu, o le laau o le mati sa pei o ta‘ita‘i faimanatu faalelotu i Ierusalema: o a latou a‘oa‘oga gaogao i‘i ma faaaliga mai fafo o le paia sa leai se faafailelega faaleagaga na maua mai ai. O le au Faresaio ma le au tusiupu sa foliga mai sa tausia le tele o poloa‘iga ae sa misi ia poloaiga sili e lua: o le alofa atu i le Atua ma le alofa i tua‘oi e pei o oe lava (tagai Mataio 22:34–40; 23:23).

I se faatusatusa o le eseesega, e toatele tagata sa amata ona iloa fua lelei o aoaoga a Iesu. Ina ua Ia taunuu atu i Ierusalema, sa latou faafeiloaia o Ia i lala laau sa sala mai laau ma fola ai Lona ala ma olioli ua leva ona tatali a o lea ua oo mai, e pei ona fai mai le valoaga anamua, “E Afio Mai Lou Tupu” (Sakaria 9:9) A o e faitau i lenei vaiaso, mafaufau i fua o aoaoga a le Faaola ma le taulaga togiola i lou olaga ma pe mafai faapefea ona e aumaia (Ioane12:24).

aikona o suesuega faaletagata lava ia

Manatu mo Suesuega Faaletagata Lava Ia o Tusitusiga Paia

Luka 19:1–10

E le faamasino le Alii i foliga vaaia i fafo a o naunauga o le loto.

I ona po o Iesu, e toatele tagata na manatu faapea o telona, po o le au ao lafoga, sa le faamaoni ma sa gaoi mai i tagata. O lea la talu ai o Sakaio, le telona sili, sa mauoa, atonu sa sili atu foi lona masalosalo. Peitai, sa silasila Iesu i le loto o Sakaio. O le a se mea o faaalia mai i le Luka 19:1–10 e uiga i le loto o Sakaio? Atonu e te matauina upu o nei fuaiupu ia o loo faamatala ai le mea sa faia e Sakaio e faaalia ai lona tuuto atu i le Faaola. O a naunauga o lou loto? O le a le mea o e faia e saili ai le Faaola, e pei ona sa faia ai e Sakaio?

Tagai foi Mataupu Faavae ma Feagaiga 137:9.

Mataio 23; Luka 20:45–47

Ua ta’usala e Iesu le pepelo

O le fegalegaleaiga a le Faaola ma le au tusiupu ma Faresaio ua fatu ai se eseesega malie i lana fegalegaleaiga ma Sakaio. E pei ona faamalamalama mai e Peresitene Dieter F. Uchtdorf, “Na tulai ae [Iesu] i le toatamai amiotonu i tagata faagutugutulua e pei o le au Tusiupu, Faresaio, ma le au Satukaio—o i latou o e sa taumafai e faafoliga amiotonu ina ia maua ai viiga, mamalu, ma oa o le lalolagi, a o latou pulesauaina tagata sa tatau ona latou faamanuiaina” (“E Faatatau i le Faamaoni,” Liahona, Me 2015, 81).

I le Mataio 23, sa faaaoga e le Faaola ni upuvaliata se tele e faamatala ai le talapepelo. Mafaufau e maka pe lisi ia upuvaliata na ma matau mea o loo aoao mai ai e uiga i le pepelo. O le a le eseesega i le va o le pepelo ma vaivaiga faaletagata ia tatou te oo uma i ai ao tatou taumafai e ola i le talalelei? O a mea ua musuia oe ia ese le faiga ona o aoaoga a le Faaola?

Tagai foi i le Bible Dictionary, “Hypocrite.”

Mataio 21:1–11; Mareko 11:1–11; Luka 19:29–44; Ioane 12:1–8, 12–16

O Iesu Keriso o lo’u Tupu.

Ina ua taunuu Iesu i Ierusalema i na o ni nai aso a’o le’i Ia faataunuuina Lana Togiola, o i latou na faailoaina o Ia o lo latou Tupu sa faaalia lo latou tuuto e ala i le faauuina o Ia, ma fola ofu ma lala pama i Lona ala atu i Ierusalema, ma alalaga i viiviiga. Mafaufau pe mafai faapefea e nei punaoa ona faaloloto lou malamalama i nei mea na tutupu, lea na amataina i le vaiaso mulimuli o le soifuaga o le Faaola.

• O se faataitaiga anamua o le faauuina o se tupu: 2 Tupu 9:1–6, 13

• O se valoaga anamua o le malaga faatupu: Sakaria 9:9

• O le uiga o le upu osana: “Hosanna” i le Guide to the Scriptures (scriptures.ChurchofJesusChrist.org)

• O valoaga e uiga i le ala o le a toe afio mai ai le Faaola: Faaaliga 7:9–12

E mafai faapefea ona e faamamalu ma talia le Faaola o lou Alii ma le Tupu?

Tagai foi ia Gerrit W. Gong, “Osana ma Aleluia—O Le Iesu Keriso Soifua: O Le Fatu lea o le Toefuataiga ma le Eseta,” Liahona, Me 2020, 52–55; “The Lord’s Triumphal Entry into Jerusalem” (vitio), ChurchofJesusChrist.org.

Mataio 22:34–40

O poloaiga sili e lua o le alofa i le Atua ma alofa i isi e pei o a’u lava.

Afai e i ai se taimi e te lagona ai le lofituina a o e taumafai e mulimuli ia Iesu Keriso, e mafai ona fesoasoani ia te oe upu a le Faaola i le faitulafono o i le Mataio 22 e faafaigofie ai ma taulai atu i le avea ai ma soo. O se tasi lenei o ala e fai ai lenei mea: Fai se lisi o ni poloaiga a le Alii. E faapefea ona fesootai atu mea taitasi o i lau lisi i poloaiga sili e lua? E fesoasoani faapefea ia te oe le taulai atu i poloaiga sili e lua i le tausiga o isi?

aikona o suesuega faaleaiga

Manatu mo Suesuega Faaleaiga o Tusitusiga Paia ma Afiafi Faaleaiga

Mataio 21:12–14.O faapefea e fetalaiga ma faatinoga a Iesu i le Mataio 21:12–14 ona faaalia ai Ona lagona e uiga i le malumalu? O faapefea ona tatou faaalia o tatou lagona e uiga i le malumalu? O a ni mea e mafai ona tatou “tulia uma i fafo” (fuaiupu 12) o o tatou olaga ina ia avea atili ai lo tatou fale e pei o le malumalu? Usu faatasi se pese e faatatau i le malumalu, e pei o le “Ou Te Fia Vaai i le Malumalu” (Tusipese a Tamaiti, 99).

Mataio 21:28–32.O a ni lesona mai le faataoto i le tagata e toalua ona atalii e ono fesoasoani i lou aiga? Mo se faataitaiga, e mafai ona e faaaogaina le tala e talanoaina ai le taua o le usiusitai ma le salamo ma le loto faamaoni Atonu e mafai e lou aiga ona fai se tusi e faatino ai le faataoto ma feauauai ai i le faatinoina o vaega a tagata eseese.

Mataio 22:15–22; Luka 20:21–26.Atonu o le a fiafia tamaiti e fai ni tupe siliva faafoliga e tuu ai luga le “faatagata ma le tusi” a Iesu. E mafai ona latou tusi i tua o tupe siliva nisi o “mea a le Atua” (Mataio 22:21) e mafai ona tatou avatu ia te Ia. Atonu foi tou te talanoa e uiga i le uiga o le i ai o le “faatagata ma le tusi” a le faaola i luga o i tatou (Mataio 22:20; tagai foi Mosaea 5:8; Alema 5:14).

Ioane 12:1–8.Na faapefea ona faaalia e Maria lona alofa mo le Faaola? E faapefea ona tatou faaalia lo tatou alolofa mo Ia?

o le fafine o loo solo vae o Iesu i lona lauulu

Mulumuluina o Vae o Iesu, saunia e Brian Call

Ioane 12:42–43.O a ni taunuuga faaleagafesootai e faalotovaivaia ai i tatou i nisi taimi mai le faaalia po o le puipuia o lo tatou talitonuga ia Keriso? Mo faataitaiaga o tagata e le faamatuu atu i uunaiga faaleagafesootai, tagai Tanielu 1:3–20; 3; 6; Ioane 7:45–53; 9:1–38; ma le Mosaea 17:1–4. E mafai faapefea ona tatou faaalia le faaaloalo i isi a o latou faaalia pe puipuia o latou talitonuga faalelotu?

Mo nisi manatu mo le aoaoina atu o le fanau, tagai i le otootoga o lenei vaiaso i le Sau, Mulimuli Mai ia te A’u—Mo le Peraimeri.

Viiga fautuaina: “Fiafia, o le Alii o le Tupu!,” Viiga, nu. 38.

Faaleleia o Lo Tatou Aoao Atu

Faaaoga ata e faagauai i ai tagata o le aiga. “O le Tusi Ata o le Talalelei ma le Gospel Media Library i le ChurchofJesusChrist.org o loo i ai le tele o ata ma vitio e mafai ona fesoasoani [i lou aiga] e vaai faalemafaufau ai i manatu faavae po o mea na tutupu” (Aoao Atu i le Ala a le Alii,22).

O le malaga faatupu a Keriso

Malaga Faatupu, saunia e Walter Rane