Jesucristo

Septiembre 11–17

2 Taga Corinto 1–7

“Makikappiakayo iti Dios”

Bayat ti panangadalmo kadagiti surat ni Pablo kadagiti Taga Corinto, isuratmo dagiti sumagmamano a prinsipio ti ebanghelio a takuatem ket utobem no kasano a mayaplikarmo ida iti biagmo.

Isuratmo dagiti Impresionmo

No dadduma, ti panagbalin a maysa a lider ti Simbaan kaipapananna ti panagsao iti sumagmamano a narigat a bambanag. Pudno daytoy idi aldaw ni Pablo a kas met laeng iti agdama. Nalawag nga iti kallabes a surat manipud ken ni Pablo kadagiti Santo iti Corinto ket nangiraman iti panagbabalaw ken nakasair iti rikna. Iti surat a nagbalin a 2 Taga Corinto, pinadasna nga ilawlawag no ania ti nakaigapu kadagiti nagubsang a balikasna: “Iti adu a rigat ken leddaang ti puso nga insuratko kadakayo iti adu a lulua; saan a tapno nasken nga agladingitkayo, no di ketdi tapno maammuanyo nga adda nabusbuslon nga ayatko kadakayo” (2 Taga Corinto 2:4). No aw-awatemon ti sumagmamano a pannakaatur manipud iti maysa a lider, daytoy ti makatulong a mangammo a pinaregta daytoy ti ayat a kas ken ni Cristo. Ket uray kadagita a kasasaad a saan a mabalin, no natallugodtayo a mangkita iti dadduma babaen ti kita ti ayat a narikna ni Pablo, nalaklaka ti agresponde a maitutop kadagiti ania man a nagbasolan. Kas iti imbalakad ni Elder Jeffrey R. Holland, “Agbalinkayo a nasayaat maipanggep iti pagkapsutan ti tao—karaman ti bukodmo a bagi a kas kadagitoy makipagserbi kenka iti Simbaan nga idauluan dagiti natallugod, a mortal a babbai ken lallaki. Malaksid iti kaso ti kakaisuna a perpekto a bugbugtong nga Anakna, dagiti amin a saan a perpekto a tattao ti nasken a nakipagtrabaho iti Dios” (Lord, I Believe,”,” Liahona, Mayo 2013, 94).

icon iti bukod a panagadal

Dagiti Kapanunotan para iti Bukod a Panagadal iti Nasantuan a Kasuratan

2 Taga Corinto 1:3–7; 4:6–10, 17–18; 7:4–7

Makapagbalin a bendision dagiti pannubokko.

Gapu kadagiti amin a banag a nakaipasanguan ni Pablo kabayatan ti biagna, saan a makapasiddaaw a nagsurat iti adu maipapan kadagiti panggep ken bendision ti panagtutuok. Bayat ti panagbasam iti 2 Taga Corinto 1:3–7; 4:6–10, 17–18; 7:4–7, panunotem dagiti wagas a mabalin a maysa a bendision dagiti pannubokmo. Kas pagarigan, mabalinmo nga utoben no kasano a ti Dios ket “mangliwliwa [kenka] iti isu amin a pagladladingitam” ken no kabaelam, kas supapak, kasano a “liwliwaem dagiti adda iti uray ania a pagladingitan” (2 Taga Corinto 1:4). Wenno mabalinmo nga ipokus maipapan no kasano ti silaw ni Jesucristo “a naglawag” iti puspusoyo uray no “mailetankayo” ken “agduaduakayo” (2 Taga Corinto 4:6, 8).

Kitaen met iti Mosiah 24:13–17; Henry B. Eyring, “Tested, Proved, and Polished,” Liahona, Nob. 2020, 96–99; Gospel Topics, “Adversity,” topics.ChurchofJesusChrist.org.

2 Taga Corinto 2:5–11

Ti pannakapakawan ket maysa a bendison nga agpada a maitedko ken maawatko.

Ditayo ammo unay maipapan iti tao nga intudo ni Pablo iti 2 Taga Corinto 2:5–11—isuna laeng ta naglabsing, (kitaen dagiti bersikulo 5–6) ken kayat ni Pablo a dagiti Santo ti mangpakawan kenkuana (kitaen dagiti bersikulo 7–8). Apay ngata a no dadduma mapaaytayo a “paneknekan ti ayat[tayo] iti” maysa nga ipatpateg a nangpasakit kadatayo? (bersikulo 8). Kasano a ti panangipaidam iti pammakawan ket makadangran iti dadduma ken iti bagbagitayo? (kitaen dagiti bersikulo 7, 10–11). Kasano a ti panangipaidam iti pammakawan ket mangted ken ni “Satanas … a gundawayannatayo”? (bersikulo 11).

Kitaen met iti Doktrina Ken Katulagan 64:9–11.

2 Taga Corinto 5:14–21

Babaen ti Pannubbot ni Jesucristo, mabalinko ti makitunos iti Dios.

Kas iti asino man, ammo ni Pablo no ania ti agbalin a “baro a parsua” (2Taga Corinto 5:17). Nagbalin isuna manipud iti maysa a mangidaddadanes kadagiti Kristiano iti maysa a natured a mangsalsalaknib ken ni Cristo. Bayat ti panangbasam iti 2 Taga Corinto 5:14–21, panunotem maipapan kadagiti saludsod kas kadagitoy: Ania ti kayat a sawen ti pannakikappia? Ania ti kaipapanan ti pannakikappia iti Dios? Utobem no ania koma ti mabalin a mangisina kenka manipud iti Dios. Ania ti nasken nga aramidem tapno ad-adda a naan-anay ti pannakikappiam Kenkuana? Kasano nga aramiden ti Mangisalakan a posible dayta?

Mabalinmo pay nga utoben no ania ti kayat a sawen ti “naibaon iti biang ni Cristo” iti “kinaministro iti pannakikappia” (dagiti bersikulo 18, 20). Ania dagiti nalawag a pannakaammo ken pannakaawat a magun-odmo iti mensahe ni Elder Jeffrey R. Holland “The Ministry of Reconciliation”? (Liahona,, Nob. 2018, 77–79).

Kitaen met ti 2 Nephi 10:23–25.

2 Taga Corinto 7:8–11

Mangiturong iti panagbabawi ti nadiosan a panagladingit.

Gagangay a saantayo a panunoten ti ladingit a kas maysa a nasayaat a banag, ngem insao ni Pablo maipapan iti “panagladingit a mayannurot iti Dios” (2 Taga Corinto 7:10) kas maysa a napateg a paset ti panagbabawi. Panunotem no ania ti masursurom maipapan iti panagladingit a mayannurot iti Dios manipud iti sumaganad: 2 Corinthians 7:8–11; Alma 36:16–21; Mormon 2:11–15; ken ti mensahe ni Sister Michelle D. Craig “Divine Discontent” (Liahona, Nov. 2018, 52–55). Kaano a nariknam ti panagladingit a mayannurot iti Dios, ket ania ti epekto daytoy iti biagmo?

icon iti sangapamiliaan a panagadal

Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening

2 Taga Corinto 3:1–3.Nagdamag kadin dagiti miembro ti pamiliam iti maysa a tao a mangisurat iti surat ti rekomendasion para kadakuada, a kas iti aplikasion ti trabaho wenno pagadalan? Idawatmo kadakuada nga agsarita maipapan iti daytoy a padas. Insuro ni Pablo a maipada ti biag dagiti Santo iti surat ti rekomendasion para iti ebanghelio ni Cristo, “nasuratan a saan nga iti tinta, no di ket iti espiritu ti Dios a sibibiag.” Bayat ti panangbasayo iti 2 Taga Corinto 3:1–3 nga aggigiddan, paglilinnawagan no kasano a maipada ti pagwadantayo kadagiti surat a mabalin nga “ammo ken basaen dagiti isu amin a tattao.” Nalabit a mabalin nga agsurat ti tunggal miembro ti pamilia iti maysa a surat wenno “epistle” a mangilawlawag no kasano a ti sabali a miembro ti pamilia ti nagbalin a nasayaat a pagwadan kas maysa a disipulo ni Jesucristo. Mabalinda nga ibasa dagiti suratda iti pamilia ken ited dagitoy iti miembro ti pamilia a sinuratanda. Apay napateg a maawatan a dagiti biagtayo ket “[sur]surat ni Cristo”?

2 Taga Corinto 5:6–7.Ania ti kayat a sawen ti “magna iti pammati, saan nga iti panagkita”? Ania dagiti ar-aramidentayo tapno ipakita a mamatitayo iti Mangisalakan uray no ditayo makita Isuna?

2 Taga Corinto 5:17.Makapanunot kadi wenno makasarak ti pamiliam kadagiti pagarigan iti saguday dagiti banag a nagdalan kadagiti nakaskasdaaw a panagbalbaliw ket agbalin a baro a parsua? (kitaen ti ladawan iti udi daytoy a balabala). Kasano a balbaliwannatayo ti ebanghelio ni Jesucristo?

2 Taga Corinto 6:1–10.Segun iti 2 Taga Corinto 6:1–10, ania ti kayat a sawen ti agbalin a “ministro ti Dios”? (bersikulo 4). Ania dagiti kababalin nga adda iti maysa a ministro ti Dios?

2 Taga Corinto 6:14–18.Kasano a surotentayo ti balakad ni Pablo a, “pumanawkayo iti nagtengngaan [dagiti saan a nalinteg], ket suminakayo,” idinto nga ayatentayo dagiti adda iti aglawlawtayo?

Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.

Naisingasing a kanta: “Help Me, Dear Father,” Children’s Songbook, 99.

Panangpadur-as iti Panangisurotayo

Ibinglay dagiti adalen a banag [object lesson]. Sumagmamano kadagiti konsepto ti ebanghelio, kas iti Pannubbot, ket mabalin a narigat a maawatan. Ibilang ti panangusar kadagiti ladawan wenno bambanag a makatulong iti pamiliam a makaawat kadagiti pagbatayan a natakuatam kadagiti nasantuan a kasuratan.

igges, balay ti igges, ken kulibangbang

No napasurottayo iti ebanghelio ni Cristo, nalabes unay ti panagbalbaliwtayo ta inladawan daytoy ni Pablo a kas iti panagbalin a maysa a “baro a parsua” (2 Taga Corinto 5:17).